အခန်း 185- နတ်ဆိုးအင်ပါယာကမ္ဘာ
ရီချန်းဂျီ မျက်လုံးဖွင့်ကြည့်လိုက်သည်။
ကမ္ဘာသစ်တစ်ခုတွင် သူရောက်ရှိနေသည်ကို တွေ့လိုက်ရလေသည်။
ဤနေရာတွင် ၀ိညာဉ်စွမ်းအင်များ ပေါများလွန်းနေပြီး သူသည် သူ၏ အင်မော်တယ်မန္တာန်ပေါင်းစုံကို အသုံးပြုနိုင်နေဆဲဖြစ်သည်။
သို့သော် ကောင်းကင်ဘုံလူသားကမ္ဘာနှင့် ကွာခြားသည်မှာ လေထဲတွင် အခြားထူးဆန်းသောစွမ်းအင်များ ရှိနေပုံရလေသည်။
မျက်မှောင်ကြုတ်လိုက်မိသည်။ ရီချန်းဂျီထံတွင် ဤကမ္ဘာကြီးကို နားလည်ရန် အခြားနည်းလမ်းများ မရှိပေ။
"စနစ်... ဝင်ရောက်ပါ..."
"ဒင်..! စနစ်ထဲသို့ဝင်ရောက်ခြင်း ပြီးပါပြီ..."
“ဂုဏ်ယူပါတယ် ပိုင်ရှင်... နတ်ဆိုးတစ်သောင်းနတ်ဘုရားကျင့်စဥ်ကို ရရှိပါတယ်...”
“ဂုဏ်ယူပါတယ် ပိုင်ရှင်... ဝိညာဉ်တစ်ရာအာရုံသန့်စင်ခြင်းကျင့်စဥ်ကို ရရှိပါတယ်...”
“ဂုဏ်ယူပါတယ် ပိုင်ရှင်... ကောင်းကင်ဘုံကိုးခုမြေကမ္ဘာဆယ်ခုကြယ်တာရာကျင့်စဥ်ကို ရရှိပါတယ်...”
စနစ်၏ဆုလာဘ်များကိုကြားလိုက်ရသောအခါ စနစ်၏ မျှော်လင့်မထားသော ဆုလာဘ်များနှင့် အသားကျနေပြီးဖြစ်သည့် ရီချန်းဂျီပင် အနည်းငယ်အံ့သြသွား၏။
ယခုတစ်ခေါက်ရသည့်ဆုလာဘ်များကလည်း အမှန်တကယ် အဖိုးတန်မည့်ပုံများပင် ဖြစ်သည်။
တစ်ကြိမ်တည်းတွင်ပေးအပ်သည့်ဆုအားလုံး ကျင့်စဥ်များချည်း ဖြစ်နေသည်မှာ ယခုတစ်ခေါက် ပထမဆုံးဖြစ်သည်။
ထို့အပြင် အဆိုပါ ကျင့်ကြံနည်းစနစ်သုံးမျိုးဖြင့် သူရောက်ရှိရာနေရာအကြောင်းကို အကြမ်းဖျင်းနားလည်နိုင်ခဲ့လေသည်။
နတ်ဆိုးနတ်ဘုရားကျင့်စဥ်၊ နတ်ဘုရားအာရုံများနှင့် ကြယ်များ။
ပထမဆုံးအနေဖြင့် ဤကမ္ဘာ၏ စွမ်းအားစနစ်တွင် အနည်းဆုံးနှစ်မျိုးရှိနိုင်သည်။ နတ်ဘုရားအာရုံများနှင့် ကြယ်တာရာစွမ်းအင်ဟူ၍ ဖြစ်သည်။
YOU ARE READING
ငါ့တပည့်တွေရူးနေကြပြီ( Book1)
AventuraTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...
