ငါ့တပည့်တွေရူးနေကြပြီ( Book1)

35

ငါ့တပည့်တွေရူးနေကြပြီ

အခန်း 35- အင်ပါယာတစ်ပါးဖြစ်လာရန်လိုအပ်ချက်များ

အနောက်သမုဒ္ဒရာ၏ ရေအောက်နက်တွင် ဓားအင်ပါယာ၏ ရှေးဟောင်းပစ္စည်းကို စစ်ဆေးနေဆဲဖြစ်သော ရီချန်းဂျီမှာ ပြင်ပကမ္ဘာတွင် ပရမ်းပတာများ ဖြစ်နေကြောင်း မသိခဲ့ပေ။

သူ့ရှေ့မှ အင်ပါယာအဆင့်ဓားကိုသာ အပြင်းအထန်စစ်ဆေးနေခဲ့သည်။

ဤအရာသည် သူတစ်ခါမှမရရှိဖူးသော မှော်ရတနာတစ်ခုဖြစ်သည်။

ဤကမ္ဘာသို့ ရောက်ရှိခဲ့သည်မှာ နှစ်များကြာလာသည်နှင့်အမျှ မှော်ရတနာများစွာ သူရရှိခဲ့ဖူးပြီး ဖြစ်သည်။

ဤသည်မှာ သူရရှိဖူးသော ပထမဆုံးသော အင်ပါယာအဆင့်၏ ရှေးဟောင်းပစ္စည်း ဖြစ်သည်။

ထို့အပြင် ၎င်းသည် စနစ်မှ ပေးအပ်ခြင်းမဟုတ်သော အင်ပါယာအဆင့် လက်နက်ဖြစ်သည်။

သူ့ရှေ့ရှိ အင်ပါယာအဆင့် ရှေးဟောင်းပစ္စည်းသည် ထူးထူးခြားခြား အစွမ်းထက်ကြောင်း သူသဘောပေါက်ထားသည်။ ၎င်းသည် မြေပြင်အနှံ့တွင် ဓားတစ်သောင်းအဖြစ် ပြန့်ကျဲနေချိန်ကထက် အဆများစွာ ပိုအားကောင်းပေသည်။

“ဓားအင်ပါယာရဲ့ ခန္ဓာကိုယ်က ဓားအရိုးတစ်သောင်း... သူသေသွားတော့ ဓားအရိုးတစ်သောင်းက ဓားတစ်သောင်းဖြစ်လာတယ်။ ဒါကြီးက တော်တော် ဆန်းကြယ်တာပဲ...”

သူ့ရှေ့တွင် ရှိနေသော အင်ပါယာဓားသည် အလွန်အစွမ်းထက်လှသည်။

သူ့လက်ထဲတွင် ဓားကို ကိုင်ထားရင်းမှ -
“အခုကစပြီး မင်းနာမည်ကို ‘တစ်’ လို့ ခေါ်မယ်”

၎င်းးအားကြားလျှင်  ဓားသည် အသိညဏ်ရှိသကဲ့သို့ တုန်ခါလာလေသည်။

ရီချန်းဂျီ၏ ကျင့်ကြံဆင့်သည် အင်ပါယာအဆင့်တွင်မရှိသော်လည်း သူကျင့်ကြံထားသော ကျင့်ကြံနည်းစနစ်များသည် အလွန်အစွမ်းထက်လှသဖြင့် သူ့ စိတ်ဝိညာဉ်စွမ်းအင်သည် အလွန်သန့်စင်ပြီး စိတ်ဝိဉာဉ်စွမ်းအင်ချည်းသက်သက်ဆိုလျှင် သူ့အဆင့်သည် အင်ပါယာအဆင့်အင်အားထက် မနိမ့်ကျပေ။