အခန်း 74- ကမ္ဘာ့အကာအရံဖန်တီးမှုကို အရှိန်မြှင့်တင်ခြင်း
"ကောင်းကင်ဘုံလူသားကမ္ဘာကြီး တစ်ခုလုံးကို ဟုတ်လား....!"
ဟင်းလင်းပြင်သားရဲမှာ ဟန်ပင်မဆောင်နိုင်တော့ပဲ ထအော်လိုက်သည်။
ခေါင်းသုံးလုံးနတ်ဆိုးလည်း အံ့ဩမင်တက်နေလေသည်။
“အရှင်.... အရှင်ပြောတာတကယ်ပဲလား.... ဒါဆို ဒီ အစီအရင်ကြီးက ဘာအတွက်သုံးမှာလဲ..."
ရီချန်းဂျီ ခပ်ဖျော့ဖျော့ ပြုံးလိုက်သည်။
"ကမ်ဘာ့အကာအရံကို သိလား"
'ကမ္ဘာ့အကာအရံ' ဆိုသည့် စကားလုံး ထွက်လာသည်နှင့် သူ့ရှေ့က အင်ပါယာတစ်ပိုင်း နှစ်ဦးမှာ ပို၍ပင် တုန်လှုပ်သွားကြလေသည်။
"ဒီစကားလုံးကို အားလုံးသိကြမှာပါပဲ...."
“ဟောဒီ အနန္တ စကြဝဠာကြီးထဲမှာ ကမ္ဘာတွေအများကြီးရှိတယ်... သူတို့အကုန်လုံးက ပုံစံအမျိုးမျိုးနဲ့ ရှိနေကြတာပဲ...”
"တချို့ကမ္ဘာတွေမှာ သူတို့ရဲ့ ကိုယ်ပိုင်ကမ္ဘာ့အကာအရံတွေ ရှိပေမယ့် ငါတို့ကမ္ဘာမှာ မရှိဘူး..."
ဟင်းလင်းပြင်သားရဲမှ တလေးတစား ဦးညွှတ်ကာ -
"အင်ပါယာ အရှင်ရဲ့ လုပ်ရပ်က တကယ် လေးစားထိုက်ပါတယ်...!"ရီချန်းဂျီ က ခေါင်းယမ်းရင်း -
"အင်ပါယာတစ်ပိုင်း ရှစ်ထောင့်ကျောက်စိမ်း ပြောခဲ့တဲ့ သတင်းကို မင်းတို့ မှတ်မိကြလား...""အရှင်... ကောင်းကင်ကပ်ဘေးကို ဆိုလိုတာလား...."
"ဟုတ်တယ်...."
မတ်တပ်ထရပ်ပြီး ရီချန်းဂျီ ကောင်းကင်ကို ညွှန်ပြကာ -
"ငါ့ရဲ့ ခန့်မှန်းချက်အရ ဒီကပ်ဘေးကို ရပ်တန့်ဖို့က မလွယ်ကူဘူး"
"ငါတစ်ယောက်တည်းကိုပဲ အကုန်လုံး မှီခိုနေမယ်ဆိုရင် အင်ပါယာတစ်ပိုင်း ရှစ်ထောင့်ကျောက်စိမ်း ပြောတဲ့အတိုင်း ဖြစ်နိုင်တယ်... ဒါက တကယ် တားရခက်မယ့် အရာတစ်ခုပဲ...။”
"ဒါကြောင့် ငါ ကမ္ဘာ့အကာအရံတစ်ခု ဖန်တီးရမယ်။ ဒီကြီးမားတဲ့ ကာကွယ်ရေးအစီအရင်ကြီး တည်ဆောင်ပြီးတာနဲ့ ငါတို့ရဲ့ ပထမဆုံးသော ခိုင်မာတဲ့ ကာကွယ်ရေးစည်းကို ရလိမ့်မယ်..."
YOU ARE READING
ငါ့တပည့်တွေရူးနေကြပြီ( Book1)
AventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...