#ليس_ذنبي ❤️‍🔥

حلقة 31

الحلقة 31
#ليث_يحكي

بعد خروجي من الداار حسيت بالدنيا ضياقت بيا مفماش بلاصة تنجم ترفعني تخنقت و النفس تقطع علياا .. الي صاار لداخل حسيتو نهاني وفي لحظة ضيعت الوجهة متاعي وضعت معادش نعرف شنوة نعمل .. كل حاجة حاولت نبناها الايامات الي فاتت بصعوبة تهدت في لحظة .. مواجهتها وكلامها الي سمعتو خلااني نتهد .. دموعها حرقولي قلبي من داخل..وجيعتها حسيتها مكنت فياا .. انا السبب في الشي الي عاشتو.. خليتها ترجع للمتاهة من جديد خليتها تغرق في الشك والندم .. خليتها تحس بالوحدة وهي معايااا .. مستحيل كان نسامح روحي ونسامح الي وصلها لحالة هاكي .. بش نخلص كل دمعة هبطت من عيناها وكل جرح صابها كنا احنا السبب فيه .. مانيش بش نرحم حد حتى روحي بش نخليها تتحاسب ..
عديت بيديا على رقبتي وخذيت نفس مرة و ثنين حتى حسيت روحي هديت شوي .. طلعت في الكرهبة وشديت طريق الفيلا .. ثنية كاملة ومخي معاها و في الحالة الي خليتها فيها حسيت روحي بش نهبل كان لقيت وقتها نطلع بروح الي حكا معاااها وسمعها اي كلمة توجعهاا .. اول ماوصلت هبطت نجري وصلت للباب هديتو حتى تحل .. دخلت ناحيتهم واول ماريتهم حسيت دمي فور وبدني رعش مالغش تلفت لخالي الي يحكي " شنوة سبب الزيارة المرة هاذي ؟؟ نسمع فييك سي ليث "
تنطرت قدامو وشديتو من كول سوريتو نحكي " انااا هنا بش نسمعك انت.. احكي شنوة عملت و شنوة قلت لقمر .. حل فمممك "
حط يدو فوق يدي و نطرها يحكي " لبااس انت ؟؟ هادد عليا في داري و عدك بش تضربني .. يزيي فديت منك و من قمر متاعك .. فيق على روووحك "
دورت بعينيا عليهم نصييح " **** واحد يحل فمو .. انا عارف الي واحد فيكم مشالها وكلمها و..."
قصت عليا مرت خالي الي وقفت وقربتلي تحكي " انا مشيت و حكيت معاها .. ما قلتلها شي وماكذبتش عليها .. قلت الي انت من عيلتنا مش هاذي الحقيقة ولا انا غالطة؟؟"
هزيت يدي في وجها رسيت على سنيا نحكي "**** انا شنوة نبهت علييكم .. مش قتلك ماتقربلهاااش .. وزيد اناا عمري ماكنت من عيلتكم و هذا انت تعرفو ملييح,, و الي عملتو بش نخليك تخلصو صدقني.. الحالة الي خليتها توصللها بش نحاسبك عليهااا "
تبسمت تحكي "ليث قد ما تنكر انت مناا من العيلة هاذي وقمر كان لازمها تعرف .. هه مستحيل كان هي تسامحك بعد الي صاار .. انت كذبت علاهااا مش احنااا .. دونك خمم مليح وارجع .. انت ماعندك كان احنا .. وقد ما تهدد تعرفني مانخافش لا منك ولامنها .. و كان بش تبقى شاد صحيح كون متاكد انو هاذي مجرد بداية للي يستنى فيهااا "
" انت حليت باب جهنم على روحك .. رد بالك تلومني عالشي الي بش نعملو والله و حق الرب مانخليك تذوق نفس الوجيعة الي سببتهالها مانخليك تبكي كيف مابكات هي .. ما نخلص فيييك وجيعتهااا "
هزيت راسي مع خالي كيف قرب مني يصييح "واعي انت فاش تحكي و مع شكون تحكي و لا لا ..و ررد بالك تعمل حاجة .. انا للتو ما عملت شي و قاعد نعديلك خاطر مازالت حاسبك ولد اختي و من لحمي ودمي امااا اللحظة الي بش تتهور فيها انا بش نقطعك و مستحيل كان نرحمك يا ليث.. "
" مالا اقطعني من تو ,, خاطر خطوتي الجاية بش تدمركم الكل .. بش نخلى النار تلهب في الفيلا هاذي .. و انا مستحيل كان نعديلكم الي عملتووه .. خاطر حذرتكم بش تبعدو علاها .. "
كبست عالبونية متاعي و علييت في صوتي اكثر نصييح " قلتلللكم انو قممر خط احمرررر .. و مانيش بش نرحم اي واحد يوصللها "
" والله مانخلييك تندم يا ليث .. و الخطوة الي ناوي  تعملها انا بش نخليك تدفع حقها .. بش تلقاني واقف في طريقك و بش نكون عدوك "
هزيتلو براسي باهي نحكي " وانا قتلك من اكا النهاار الي انا حاضر ومانيش خايف من تهدديك "
ماخليتوش يجاوبني هزيت روحي وخرجت نجري حليت فلس الشوميز وخذيت نفس بالقوي  ... طلعت في الكرهبة غمضت عينيا وتكيت راسي لتالي بقيت نخمم في الشي الي يدور في مخي .. خطوتي هااذي بش تحل باب جهنم عليهم اما بش تخليني نخاطر بقمر اكثر .. بش تخليني عايش في رعب عليهاا .. عارف ماهمش بش يسكتو و بش يخلصو حق عملتي فيهااا .. لحظتها حسيت روحي وصلت لخانة اليك .. ضعت وماعرفتش شنوة نعمل .. بقيت بين نارين .. اما لازمني نصلح الي عملتو لازمهااا تصدقني ونرجعها لثنيتي مرة اخرى مستحيل نخلاها ضايعة وحدها .. لازم نداوي وجيعتها حتى على حسابهم و حمايتها بش نكون مسؤول عليهااا حتى لأخر نفس في حيااتي .. سايي لحق الوقت بش نوفي بوعدي .. احنا رجعنا لنقطة البداية و هي الي بش تحدد نهاية كل واحد فينا .. لحق وقت بش نحاسبهم و نحرر قمر ..
خدمت الكرهبة و بقيت نسوق شديت الثنية الي كان لازمني نشدها عندي قدااه .. اول ماوصلت هزيت راسي و غزرت للبلاصة .. عديت بيديا على وجهي وجبدت التاليفون حطيت النومرو متاعها خذيت نفس و طلبتها بقيت نستنى المرة لولا و الثانية و شي ماهزتش حسيت الدم جمد في عروقي من الخوف فكرة انو تكون صارتلها حاجة خلاتني ندخل بعضي  .. حسيت يديا رعشت شديت التاليفون مرة اخرى و بدلت النومرو طلبت رفيقة اول ماسمعت صوتها بلعت ريقي نحكي
" رفيقة .. ويني قمر ؟؟ حذااك ؟؟"
" اي حذاياا .. ليث شنوة صااار ؟؟ قمر ماحبتش تحكيلي شي .. من قبيلا و هي تبكي شصاار؟؟ حالتها رجعت كيف الاول "
غمضت عينيا بالقوي و هبطو دموعي على دموعها الي كنت انا السبب فيهم " رفيقة .. هز التاليفون لقمر لازمني نحكي معاها .. لازمها تسمعني "
" ليث شفمااا؟؟ ماتحيرنيش  "
طلعت في صوتي شوي نحكي " اماااان رفيقة اعمل الي قلتهولك .. قوللها لازمني نكلمها اكيييد"
" باهي استنى "
سمعت صوتها الي كان يرعش و غصتها الي تحكي بيها "مـ... ماعندي مانحكي معاااك .. مانحبش نسمع صوتك"
صحت بالقوي نحكي " ردد بااالك تعلق .. لازمك تسمعني وبعد اعمل الي تحب عليه.. ونوعدك هاذي آخر مرة تسمعني فيهااا .. اعطيني فرصة قمر "
" ت .. تفضل "
عديت بلساني على شفايفي حسيت حلقي شااح و الحروف الكل ضاعت في لحظة قداام بكاها و شهقتها الي نسمع فيها .. تقويت على روحي و على دموعي نحكي
" ق.. قمر سامحني .. سامحني على كل دمعة هبطت من عينيك سوى انا السبب فيها و لا لا .. سامحني عالشي الي عشتو قبلي و الي خليتك تعيشو معايا .. سامحني على كل حاجة وجعتك .. سامحني على كل حاجة ريتها وسمعتهاا منهم و مني  ..  عندك حق..  انا سااقط و كذااب..  اما والله عملت كل شي على خاطرك .. يا ريتني عرفتك في ظروف اخرى .. يا ريتني نجمت نحميك لحظتها منهم و نحميك من الدنياا الي بقات تخبط فييك ..انت .. انت ماتعرفنيش..  صحيح هوما عايلتي اما انا مستعد نضحي بيهم و بروحي على خاطرك .. ماتسالنيش علاه خاطر انا زادة مانعرفش السبب .. حاسك قريبة مني لدرجة نرضى بالموت و مانرضاش نرا غزرتك متاع قبيلا و مانسمعش منك كلام هكاكا.. رغم القوة الي تظهر علياا اما ضعفك و بكاك يهدوني .. انت ماتعرفش انا بشنوة تعديت و شنوة عشت .. انت ماتعرفش ليث .. انا لقيت الثنية الصحيحة و الأول مرة في حيااتي معاااك و ناوي نكمل فيها .. انا وعدتك بش نحمييك حتى على حساب روحي .. انا وعدتك انو بش ناخذك و مانخليهمش يبعدووك و لا يضرو واحد من عايلتك .. ووفيت بيه الوعد هذاا .. رغم اني حسيت روحي مقصر ناحيتك حسيت اني فشلت .. ماكنتش راجل معااك و استحفظت عالامانة الي خلتهالي امك قبل ماتموت ..صحيح  انا خبيت علييك خاطر حتى بيني و بين روحي انا ناكر الي هوما عايلتي .. انا مجرد محامي بالنسبة ليهم عمرهم مكانو عايلتي .. صدقني قمر حتى انا وحدي رغم وجودهم في حياتي اما وحدي علا هذاكا انا حاسس بيك و مانحبكش تعيش الي انا عشتو .. حبيت نمحي احساس الوحدة و الخوف الي تحس بيهم انت اما انا خليتك تغرق فيهم اكثر ..اللحظة الي هددتك فيها و خوفتك فيها  نتمنى كان نقدر نمحيها من عقلك و عقلي .. اما اللحظة هاذيكا بش تبقى كيف اللعنة في حياتي بش نتفكرها كل مانغزرلك .. تمنيت كان نجمت نشدك من يدك و نوصلك لبر الامان الي حكيتلي عليه بكري .. اما حتى في هذا انا فشلت   "
مسحت دموعي و خذيت نفس بالقوي نحكي " و تو لحق الوقت بش نصلح اغلاطي .. لحق الوقت بش نوفي بوعدي الثاني .. بالك تنجم تغفرلي و ماتخلينيش عايش بالذنب والعذاب هذا.. بالك انا نجم نسامح روحي على عملتو فييك و في غيرك .. بالك الثنية هاذي هي راحتي "
" ش.. شتقصد ؟؟؟ ليث ما تخوفنيش "
عضيت على شفايفي نحكي "رد بالك تخااف قمر .. من اللحظة هاذي انسى الخوف .. انا بش نحررك من الجحيم هذاا .. انا قدام المحكمة .. لحق الوقت بش يخلصو الي عملوه فيك .. بش ناخذلك حقك منهم .. بش نحكي كل شي .. الي عملووه هوما فيك و الي عملتو انا زادة .. حتى انا لازمني نتحاسب كيفاه هددتك وخوفتك .. بالك هكاكا نرتااح شوي "
" ليث .. فاش تحكي انت ؟؟"
" نحكي في الي كان لازم يصير من بكري .. نوعدك اني نرجعلك حقك و كرامتك و كل شي وبعدها انت حرة..  نوعدك انك معادش ترا وجهي .. وحتى انا بش نبعد علييك مانجمش نعيش و انا نرا الكره في عينيك .. بش نخليك تهز راسك الفوق و ترجع كل حاجة خسرتها .. بش نرجعلك حياتك و هكاكا نكون مطمان علييك .. سامحني قمر .. سامحني علي خليتك تعيشو "
" ل.. ليث .."
علقت علاها ماخليتهاش تكمل كلامها دموعي هبطو و لقاو طريقهم على خدي .. كل دمعة كانت تحرقني في قلبي كنت نستحلى في حريقتها و نارها .. تكيت راسي عالفولون و غمضت عينيا .. لحظتها تفكرت النهار الي خسرت فيه امي و بابا و اختي .. تفكرت النهار الي خسرت فيه روحي .. و المرة هاذي تفكرت الي صار اليوم و قمر الي خسرتهااا .. بقيت عالحالة هاكي حتى طلع النهاار .. خذيت نفس و هبطت .. قدمت بخطواتي ناحية المحكمة .. اول مادخلت مشيت للبيرو متاع وكيل الجمهورية الي كان لاهي بالشكوى متاع قمر  .. اول ماعرضني العوون قدمتلو نحكي " نحب نقابل السيد فتحي ***** قلو المحامي ليث بن مراد يحب يقابلك "
" دقيقة خليك هنا "
هزيتلو براسي باهي و تكيت بظهري عالحيط هزيت راسي مع الباب الي تحل و العون الي خرج و اشرلي بيدو بش ندخل .. استويت الفازت متاعي و قدمت بخطواتي ناحية الباب .. دخلت نحكي " صباح الخير سي فتحي "
وقف وحل يدو ناحيتي تبسملي يحكي " اهلا بسي ليث .. محامينا الكبير "
تبسمتلو بسيف وقفت قدامو وسلمت عليه نحكي " عيشك .. كان تسمح نحب ناخذ من وقتك دقيقة "
قعد و اشرلي بيدو للكرسي بش نقعد يحكي " اكييد .. تفضل "
قعدت بلعت ريقي و غزرتلو نحكي " انا هنا بش نقدم شكوى .."
" بشكوون ؟؟ شكوي شنية ؟ "
" شكوي ب ايهم بن سعيد .. ريان الغربي بقضية اغتصاب "
" ياخي مش تسكرت لحكاية و الطفلة تنازلت ؟؟ و مش انت محامي السيد ايهم.. فهمني شصاير ليث "
"باهي .. الطفلة الي قدمت شكوى صارت مرتي .. و انا هنا نحب ناخذلها حقها منهم و مني انا زادة "
" كيفااه منك انت ؟؟ انت معاهم في الحكاية ؟؟"
هزيتلو براسي لااا نحكي " لااا .. اما انا هددتها و خوفتها بش تتنازل على هذاكا هي تنازلت وقتهااا و لزمتها تعرس بيا "
غزرلي مستغرب يحكي " ليث الي تحكي فيه ينجم ينهيلك مسيرتك .. كان هي تشكي بيك تنجم تتوقف عالخدمة "
" انا مستعد لكل شي .. بش نخلاها تجي .. و تحكي كل شي صار معاها.. اما قبل كل شي نحبك تحل القضية هاذي .. و ايهم و ريان يتوقفو .."
" باهي .. انا بش نخرج قرار بتوقيفهم في اللحظة هاذي .. و كان فما شهود و ادلة مذابيك تقدمهم بش هكاكا يتوقفو لنهار المحاكمة "
" بااهي .. عيشك سي فتحي "
قمت من بلاصتي و قام ورايا مدلي يدو سلم عليا يحكي " ماتقولش هكاا .. احنا تجمعنا صحبة قبل الخدمة .. اما زيد خمم قبل ما تخليش كل شي بنيتو يتهد "
تنهدت و ضحكتلو نحكي " اساسا كل شي تهد .. انا مش طالب منك شي غير انك تعاوني بش ناخذو حق قمر حتى على حسابي اناا "
" باهي تهني .. و انا من تو بش نبدا في الحكاية هاذي "
" عيشششك "
اول ما كملت معاه هزيت روحي و خرجت .. طلعت في الكرهبة و شديت الثنية .. اما مش عارف ثنية شنوة .. ماعنديش بلاصة نمشيلها و ماعنديش كتف و لا صدر نتكا عليه بش يريحني.. كل مرة الدنيا تفكرني في خسارتي و حياتي الفارغة .. انا خسرت من قبل مش من تو و استانست بالوجيعة و القهرة هاذي .. اما مستحيل نخلي قمر تستانس بيهم لازمها  تداوي جروحها و ترجع كيف قبل .. و انا بش نكون حارس عالشي هذااا .. بش نرجعلها حياتها لقديمة بسيف عالناس الكل و عالدنيا الكل .. بش نواجه كل شي في سبيلها هي .. و بعد بش نخلاها و نمشي.. ثنيتها النظيفة مستحيل تتقابل مع ثنيتي المسخة الغارقة بالدم .. مستحيل كان نوسخ برائتها معايا ...