#ليث_يحكي
علقت عليها التاليفون وقمت حضرت روحي وخرجت شفت اخر ميتم كان هناا.. ايامات عديتهم ندور من بلاصة لبلاصة من غير حتى فايدة.. كل مرة نزور منطقة على امل بش نوصل منها لأي معلومة اما شي وين لقيت روحي زدت ضعت اكثر و معادش عارف وين بش نبحث اخر و انا شفت كل الأماكن الي هناا.. كيما بقيت نخمم ف كلام قمر نعرف عندها لحق كيما نعرف اني مقصر معاهاا طول الفترة هاذي.. فرد وقت حسيت كلامهاا صحيح ممكن جاء الوقت الي لازمني نرجع فيه لتونس.. و من غادي نكمل بحث و كان وصلت الاي شي نرجع نسافر.. بعد ماكملت من الميتم الي ما وصلت منو لشي زادة رجعت للاوتال بش نحضر روحي و نسافر الليلة.. جبدت الفاليز و بقيت نحضر فيهاا هكاكا وسمعت صوت التاليفون كيف نوقز.. قدمت ناحية التابل دونوي خذيتو.. رديت عليه فيسع اول ما ريت اسمو.. نحكي
انا :" وي مازن؟"
مازن :" اهلا ليث شحالك ؟"
قعدت عالفرش و تنهدت نحكي
انا :" هكاكا مازن.. مانيش لباس "
مازن :" مازلت ماوصلت لشي ؟"
انا :" اي ماوصلت لشي.. على هذاكا قررت بش نرجع لتونس ليوم "
مازن :" قبل ماترجع.. انا وصلت للمعلومة ممكن تفيدك "
انا :" نسمع فيك "
مازن :" انت مرة قتلي.. انو رفيقة حكاتلك على طبيب الي عالج اختك ف الفترة الي هي حذاهاا.. بعد ما بحثت عليه عرفت انو الطبيب هذاا سافر ف نفس الطيارة الي سافرت فيها اختك.. كيما عرفت انو لغاية تو مازال ف اسبانياا يخدم ف مشفى
" كيرون" الي ف فالنسيا.. و يرجع لتونس بين فترة و فترة كل ماتكون عندو عملية "
عقدت بحواجبي مستغرب نحكي
انا :" فالنسيا؟ يعني وين ما كنت انا غادي! "
مازن :" اي بالضبط.. على هذاكا لازمك ترجع و تمشي غادي حاول انك تقابلو ممكن يعرف حاجة.. و الا اطلب منو يلوج في ارشيف المرضى يمكن توصل لأي شي عن طريقو "
انا :" باهي.. ك هكاا تو نرجع تو مالا "
مازن :" كلمني كان وصلت لأي شي "
انا :" باهي نخليك تو "
علقت عليه وقمت فيسع.. حضرت روحي وخرجت طلعت ف الكرهبة وشديت الثنية لفالنسيا مرة اخرى.. عديتها ثنية كاملة نخمم ف كلام مازن.. المعلومة هاذي حسيتها رجعت فياا الروح من جديد يعني منها هي ممكن نوصل لأي شي.. نعرف اني بالطريقة هاذي ممكن نزيد نطول هناا اما هذا هو الحل الوحيد الي قدامي ف الوقت الحالي.. كبست عالفيتاس أكثر وبقيت نسوق.. مسافة الطريق ووصلت قدام المشفى راكيت الكرهبة ونزلت.. اول ما دخلت قدمت ناحية الاستقبال وين لقيت طفلة قاعدة.. غزرتلها نحكي
انا :" بونجور.. نحب نقابل الدكتور جمال **** "
هي :" الدكتور مش موجود تو .. اما تنجم تأخذ موعد "
انا :" باهي .. و مذابياا الموعد يكون ف أقرب وقت "
هي :" غدوة مع الساعة التاسعة صباحا "
انا :" مانجمش ليوم ؟؟"
هي :" دقيقة نشوف..لعشية مع الساعة الرابعة يساعدك ؟"
انا :" اي يساعدني "
هي :" باهي.. الموعد باسم شكون ؟"
انا :" ليث بن مراد "
هي :" باهي مسيو "
هزيتلها براسي باهي من غير حتى كلمة وخرجت.. حسيت السوايع الي مازالو كابسين على انفاسي خاطر كل دقيقة هناا صارت محسوبة عليااا.. بقيت بين نارين بين لحكاية الي هناا و بين قمر و رجوعي.. عديت بيديا على وجهي و قدمت ناحية الكرهبة.. طلعت و بقيت ندور.. مانجمتش نرجع للاوتال بقيت نستنى ف الوقت يعدي و نقابل الطبيب هذاا.. حتى قمر ما طلبتهاش خاطر مش عارف نحكي معاهاا.. مانعرفش قداه بقيت ندور حتى جاء الوقت.. كبست عالفيتاس أكثر ورجعت للمشفى.. اول ماركيت الكرهبة هزيت راسي مع لمرايا.. عقدت بحواجبي مستغرب اول ما لمحت نفس السيارة كانت ورايااا.. حاولت مانركزش معاهاا ياسر حتى نوصل لحاجة مع الطبيب ووقتها بش نتصرف معاهم خاطر عارف فما حكاية وراهم و لازمني نعرفها قبل رجوعي.. نزلت من الكرهبة وقدمت ناحية المشفى بش ندخل.. وقفت على صوت كيف نادى علياا ورايااا.. تلفتت فيسع وين شفت زوز رجال مقدمين ناحيتي.. دورت بعينيا عليهم و قدمتلهم شوي نحكي
انا :" تفضل شكون سيادتكم؟"
قربلي اكثر ودارو علياا الزوز حاصروني.. حسيت بالي وراياا شدني من يدي على غفلة ودورهاا.. قربلي و همس ف وذنياا يحكي
هو :" فما شكون بعثلك السلام و يحب يقابلك "
ضربتو براسي على وجهو وين سيبني ووخر مرهوج لتالي طاح ف القاعة.. اول ما تلفتت لصاحبو حسيت كان بالضربة الي جاتني ف وجهي.. بدني رخ بياا وساقياا ترخفوو.. وخرت لتالي وين الدنياا ظلامت قدامي.. شديت بيديا ف الكرهبة و هزيت روحي بالسيف وقفت.. طلعت راسي على صوت الخطوات الي كانو يقدموا ناحيتي.. حليت عينيا على وسعهم اول ما ريتو واقف قدامي يتبسم.. دور بعينيه عليا يحكي
ايهم :" مرحباا بولد عمتي و اخيراا تقابلنااا "
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
