حلقة 84
#قمر_تحكي
هزيت راسي مع صوت الباب الي تحل وخالتي الي دخلت .. ضحكت باستهزاء كيف ريتها لابسة و مزينة .. شكلهاا هذاا خلا اي امل عندي يتلاشى و زاد اكدلي كلامهاا .. هزيت روحي وقمت .. قربتلي تحكي " احناا ماشين .. انت ارتااح و كيف نجي بش نحكيييو و نتفاهموو "
قمت ووقفت قدامها نحكي " نحب نمشي معاكم امان .. نحب نراه ونحكي معاه .. هو عمل هكا خاطر متغشش مني .. لازمني نفهموو "
حطت يداها على خدي تحكي " قمر عيش بنتي خلييك .. الي صار صار تو "
ميلت راسي و غزرتلها بعينيه نترجى فيها نحكي " امان خالتي .. امان خليني نمشي نحب نشوف بعينيا "
تنهدت بالقوي تحكي " باهي على راحتك .. هياا "
خرجت معاهم وطلعت ف الكرهبة .. ثنية كاملة و انا نرعش .. وجيعة كرشي من الخوف عمال تقوى .. بقيت نفرك ف يدي من التوتر الي حسيتوو .. قلبي خظ بالقوي كيف وقفت الكرهبة قدام الاوتال .. حليت الباب و هبطت بالسيف .. اول مادخلت للقاعة بقيت نلوج عليه بعينيا بش نحكي معاهاا .. تهزيت و تحطيت على صوت التصفيق .. هزيت راسي و شفتو هابط ف الدروج و هي بجنبووو .. لحظتهاا كلمت اني متت وشوي قدام الي حسيتوو .. روحي خرجت مني بالحيااا .. قلبي وقف مع عينيه الي دارت عليااا .. حسيت كانهاا خنجر وتغرس فيااا .. غزرتو الي كانت باردة وما تعبر على شي شواتني من داخل .. و مع هذاا بقيت واقفة و نغزر ... ريتو كيف قعد بجنبها ووافق على زواجو منهااا .. ريتها كيف باستووو قريب من شفايفو .. لحظتهاا قدرت التحمل متاعي و طاقتي وفااااو .. خرجت نجري لجنينة بش نتنفس هواء نظيف .. قعدت عالكرسي شاردة و نخمم ف مصيري من بعد الليلة هاذي .. تبسمت كيف حسيت بريحتوو هدت عليااا و تغلغلت في خشمي .. تلفتت لقيتو عاطيني يظهرو و داخل .. وقفتو بش نحكي معاه و يا ريتني ماعملتهاااا .. لكلام الي سمعتو من عندووو .. خلاني نتمنى الموت .. بقيت واقفة ف بلاصتي جامدة مش قادرة نتحرك.. تلفت على صوت خالتي تحكي " قمر شتعمل هنااا "
بقيت نغزرلها ساكتة مش عارفة شنوة نقول .. قربتلي و مسحتلي دموعي تحكي " يزي عيش بنتي .. يزي من لبكا "
حطيت يدي على صدري نحكي " مانجمش يا خالتي .. حاسة روحي متت .. علاه عمل فيا هكااا؟ علاه عاقبني بالطريقة هاذي "
" هو ماعملش هكااا بش يعاقبك .. ليث مجبور زادة بالعرس هذاا "
غزرتلها مستغربة نحكي " مجبوور ؟"
" اي العرس هذاا مش حقيقي .. ليث عرس بيهاا مصلحة و كهوو "
عقدت بحواجبي نحكي " مصلحة شنوة ؟؟'
هزتلي براسها لاا تحكي " مانعرفش .. اما الي نعرفو انو العرس هذا مؤقت .. يعني ارتاح قمر"
" بلحق خالتي ؟ يعني هذااا الكل كذبة مفما شي صحيح "
" اي قمر "
ضحكت على كلمتها لخرى الي حسيتها رجعت فياااا الروح .. دخلت نجري للقاعة نشوف فيه لازمني نحكي معاه مرة اخرى .. و لازمو يقلي لحقيقة .. ريتو كيف طالع ف الدروج وهي وراه .. بلعت ريقي و خلطت علاهم .. وقفت على طرف الباب .. لمحتهم كيف قربو من بعضهمم .. حطيت يديا على فمي نكتم ف شهقاتي كيف ريت شفايفو تمردت على شفايفها و يديه الي دارت عليهااا .. بعدت من قدام الباب و تكيت عالحيط نبكي .. الي ريتو تو كان معاكس لكلام خالتي .. هزيت ساقيا و خرجت من القاعة .. بقيت نمشي و مش عارفة الثنية الي ماشيتلهااا .. تصويرتهم و هوما ف الحالة هاكي مافرقتش عينيااا .. خلاتني نسرح ف كل لحظة عديتهااا معاه .. لحظات تفسخو من بالو هو و خلاني اناا متعذبة معاهم .. وصلت للفيلا وطلعت لبيتي .. رجعت وقفت قدام لمراياا و مسحت دموعي .. اللحظة هاذي قررت اني بش ننسى ليث و نمحيه كيف ماهو محاني .. ليث من الليلة معادش عندو وجود ف حياتي .. مستحيل كان نسمحلو يرجع .. هو اختار الثنية و انا قبلت .. و بش نتحمل مسئوليتي وحدي و مسئولية قراري .. بش نلغي ضعفي و نخلق قمر جديدة
VOUS LISEZ
#ليس_ذنبي ❤️🔥
Roman d'amour" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
