#قمر_تحكي
ايامات عديتوطهم بين الدار والفاك..لوضع مازال هادئ ومفما شي وين حسيت خوفي خمد طول الفترة هاذي وركزت اكثر ف قرايتي وحياتي مع ليث الي تحسنت اكثر من اي مرة الشي الي خلاني نحس براحة..اما قصة العلامة لي خذيتها خلاتني محتارة خاصة ليوم فقت على اعصابي.. خاطر عندي حصة عند الأستاذ مهدي..بلحق ماعينيش ندخل و لا نقرأ عندو..اسبوع عديتو وانا متوترة من وراه..بقيت نخمم كيفاه بش نتصرف بقيت بين نحكي لليث و بين العلامة..
هزيت راسي غزرت للوقت لقيت روحي لازمني نمشي صايي..ناديت لخالتي نحكي
انا :" خالتي لازمني نمشي..ايجا شد كرم "
ريتها كيف دخلت للصالة وقربت ناحيتي وهزت كرم ف حملتها تحكي
رفيقة :" باهي بنتي اهوكا ايمن برا يوصلك "
انا :" باهي.. افف معينيش نمشي جملة "
عقدت بحواجبها مستغربة تحكي
رفيقة " علاش قمر شفما ؟"
حسيت روحي معادش نجم نتحمل وانا نخمم في الموضوع هذا وحدي حبيت نحكي لشكون بالك نرتاح..هزيت راسي معاها نحكي
انا :" خالتي مش قتلك علاماتي لكل ملاح كان وحدة ؟"
رفيقة :" اي... هاذا لي قلقك انت ؟"
هزيتلها براسي لا وتنهدت بالشوي نحكي
انا :" لا اما الاستاذ نقصلي..وقلي يحبني نخرج معاه نعمل قهوة بش يفهم علاش مامشيتش "
حلت عيناها فيا تحكي
رفيقة :" شنوووة ؟؟؟"
بقيت نغزرلها ساكتة ماعرفتش شنوة نقول آخر..هزت بحاجبها ورجعت تحكي
رفيقة :" بجدك انت.. ومتقليش مخممة تمشي ؟"
انا :" لاا خالتي مستحيل نعملهاا ونخون ثقة ليث.. اصلا امنة قتلي الي هو واحد ساقط ويعملها مع لبنات لكل "
رفيقة :" اي رد بالك عيش بنتي.. والساقط هذا تبعد عليه جملة فهمتني "
انا :" اي فهمت.. و..وليث خالتي ؟"
رفيقة :" شبيه زادة ؟"
انا :" ماو راه واقف يحكي معايا وسالني.. نقلو ولا لا مش قتلي معادش تخبي عليه شي "
رفيقة :" تحكيلو شنوة.. الحاجات هاذم ميتحكاوش للرجال.. يمشيش يبطلك القراية ولا يمشي يتعارك معاه.. اسمعني ابعد عليه للاستاذ هذا جملة هاني نبهتك"
هزيتلها براسي باهي نحكي
انا :" باهي خالتي.. وشنعمل في النقطة انا تو هكا منجمش نعمل لبرونش لي نحبو "
كبست على كرم وقعدت عالفوتاي مقابلني تحكي
رفيقة :" والله انسى لبرونش احسن ما تنسى ليث خاطر لمرة هاذي ما يذ••بحك وكان خلاك حية معادش يغزرلك جملة "
بلعت ريقي بالسيف وانا نغزرلها خاطر نعرف عندها حق في كل شيء..
انا :" باهي خالتي.. عيشك خاطر سمعتني "
رفيقة :" باهي بنتي برا ورد بالك على روحك "
خرجت وطلعت مع ايمن وصلني دخلت للفاك..اول ماوصلت نزلت من الكرهبة وكبست على ساكي وقدمت بخطوات رزينة ناحية القسم..بقيت مش مرتاحة منو غير نظراتو لياا.. مانعرفش كان انا نبالغ اما كلام آمنة زاد اكدلي انو الأستاذ هذا واحد ساقط وبلحق صرت نحضر عندو بالسيف..دخلت للقسم وقعدت على جنب وحدي كالعادة..هزيت راسي وبقيت نتبع ف الدرس حاولت نركز على قد مانقدر ونخلي اي فكرة اخرى تتلاشى من بالي..اول ما كملت الحصة هزيت ساكي وقمت بش نخرج نشوف ليث وصل و لاالا..اول ماخرجت ووصلت وين الباب سمعت صوت وراياا قريب مني نادى باسمي..قلبي ضرب بقوة اول ما عرفتو هو خلط عليااا..كبست عالبونية متاعي وغزرت لطريق يمين ويسار حبيت نشوف كان ليث وصل ولا لا خفت كان تصير مشكلة..تلفتت كيف حسيت بجهامتو وقفت حذاياا يحكي
مهدي:" قمر.. مروحة ؟"
بلعت ريقي وهزيتلو براسي اي نحكي
انا :" اي مسيو..كملت الحصص متاعي "
عدا بعينيه عليا يحكي
مهدي:" شرايك تخليني نوصلك المرة الهاذي وفرد وقت تقلي شنوة قررت "
وخرت خطوة لتالي وخذيت نفس نحكي
انا :" لا مانجمش لحق..غير هكا انا خممت مسيو سامحني مانجمش "
هز بحاجبو وغزرلي يحكي
مهدي :" نفهم منك استغنيت عالعلامة و البرونش "
انا :" اي بالضبط..نتصور العلامة تتحط هنا في القسم مش برا لجامعة كان انت ترا انا قصرت ف قرايتي عندك حق..على هذاكا انا مانجمش نقبل عرضك "
غزرلي درا كيفاه وتبسم يحكي
مهدي:" فهمتك..انشالله ماتندمش بعد "
حسيت غصة مكنتني من تبسيمتو و كلامو..يعني صايي النقطة اكيدد بش تبقا هكا.. قص عليا صوت لبنات كيف قربو ناحيتناا وين حسيتهم رتحوني منو وخلصوني من كلامو..بقيت واقفة بيناتهم نسمع فيهم يحكيو عالبروجي الجديد ويسالو فيه ..اول ماكمل رجع غزرلي وقرب مني شوي يحكي
مهدي:" متأكدة من قرارك قمر "
هزيتلو براسي اي نحكي
انا :" اي متأكده "
كمل كلامو و عطاني بظهرو ومشى.. بقيت واقفة ف بلاصتي نغزرلو..فقت من سرحتي على صوت اميرة تحكي
أميرة:" قمر راجلك جاء"
تلفتت فيسع للطريق وين غزرتلو واقف وعينيه مرشوقين فيا..لحظتها حسيت قلبي ضرب بقوة من الخوف كان يطلع شافني معاه..ضميت على شفايفي وقدمت ناحيتو شوي..رجعت وقفت على صوت اميرة تحكي
اميرة :" استنى قمر "
نفخت بالقوي وغزرتلها نحكي
انا :" نعم "
اميرة :" علاش ماتحبش تعرفنا على راجلك؟ "
انا :" شنوة المناسبة "
سلمى :" من غير مناسبة اما نعرفوه ونباركولو ساعة صار راجل صحبتنا " ريتها كيف غزرة لسلمى وضحكت حسيت روحي بش نطرشق منهم
انا :"لبنات لازمني نمشي تو "
حليت عينيا كيف ريتهم قربولو قبلي ووقفو قدامي..
سلمى :" عسلامة مسيو..تشرفنا بمعرفتك "
ريت اميرة كيف تبسمتلو و مدت يداها قدامو تحكي
أميرة:" احنا صحبات قمر.. تفكرتنا ؟"
غزرلها على جنب وخلالهاا يداها معلقة ف الهواء..رجع غزرلي يحكي
ليث :" هيا قمر "
ريتها كيف غزرتلي درا كيفاه وعوجت شفايفها .. تبسمت على جنب كيف عمل فيها اكاك... تستهل ..ماركزتش معاها ياسر وغزرت لليث هزيتلو براسي باهي وقدمت للكرهبة طلعت..دار من الناحية لخرى وطلع بجنبي..خدم الكرهبة وطار بيهاا ف لحظة..كبست على ساكي وبقيت ساكتة متلكمتة ف الكرسي مالقيتش القدرة بش نحكي و لا نتكلم..كان مخي بقى يهز ويجيب علاش هو مغشش هكاكا..مسافة الطريق ووصلنا قدام الفيلا..ريتو كيف نزل وسبقني ..هزيت ساكي وحليت باب الكرهبة نزلت وخلطت عليه..اول مادخلناا ريتو كيف سبقني لصالة..حطيت ساكي وخذيت نفس طويل حاولت نهدي بيه روحي شوي..قدمت بخطوات رزينة للصالة بش نشوفو..ريتو كيف نحى الفاست متاعو وترمى عالفوتاي..هز راسو معاياا واشرلي بيديه يحكي
ليث :" اقعد "
هزيتلو براسي باهي من غير حتى كلمة..فركت يديا في بعضهم وقربت للفوتاي قعدت مقابلتو..هزيت راسي معاه نحكي
انا :" فما حاجة ليث؟"
كبس على يديه وعدا بعينيه عليا يحكي
ليث :" شكون الي كنت واقفة معاه ف الفاك ؟"
رجعت شعري لتالي وبلعت ريقي بالسيف نحكي
انا :" ه..هذاكا بروفي "
ليث :" علاش واقفة معاه لبرا ؟ مش قتلك بروفك حدو حد القسم "
عديت بلساني على شفايفي حسيت ريقي نشف وشفايفي جفوو..نحكي
انا :" اي قتلي.. اما ماكنتش واقفة معاه وحدي كانو معاياا لبنات.. سالناه عالبروجي الجديد "
غمض عينيه بالقوي ورجع حلهم يحكي
ليث :" و شنوة نبهت عليك بخصوص لبنات ؟؟ مش قتلك من قبل ابعد علاهم ؟"
انا :" هوما وقفو معايا ليث..حشمت بش نقلهم معادش تحكيو معايا..عيب "
حل عينيه فيا وعلا ف صوتو شوي يحكي
ليث :" مااايهمنيش.. اخر مرة نراك واقفة معاهم وحتي بروفك زادة آخر مرة تاقف معاه هكاكا..تكمل طول تخرج وحدك.. تسمع فيااا "
عديت بيديا على شعري ورسيت على سنيا بالقوي ..حسيت روحي تضغطت منهم لكل ومعادش متحملة .. مسحت دمعتي لي نزلت مني نحكي
انا :""باهي..عندك اومر اخرى سي ليث "
عقد بحواجبو يحكيى
ليث :" ياخي شبيك تبكي شقلتك انا تو ؟؟"
انا :" نبكي خاطر مفهمتش علاش هذااا لكل ؟؟ شنوة بش يصيرلي كان ناقف معاهم؟ علاش تحب تتحكم فياااا هكاا.. كيفاه تحبني نمشيلهم و نقلهم معادش تاقفو معايااا مانجمش نعمل هكااا.. و هو استاذي سالتو عالدروس و معاياا قداه من طفلة نظن مافيهااا شي " بقيت نحكي ونبكي حسيت كل شيء واقف ضدي غير حسرتي على لبرونش لي ضاعت مني ولي متاكدة هي سبب بكايا تو..ريتو كيف بقى يغزرلي وعينيه محلولة فياا.. قرب مني وقعد بجنبي.. هز بحاجبو وغزرلي يحكي
ليث :" انت هذا شنوة فهمت من كلامي..اني نتحكم فيك ؟؟؟ ساعة لبنات هاذوكم مش محترمين متنساش ريتك معاهم ف البار وقتهااا..غير تو جايين بكل صحة رقعة يحكيو معايااا..من وجوهم تعرفهم شنوة..اهيكا آمنة كلمتك قتلك ماتحكيش معاهاا وماتصاحبهاش ؟؟ لااا.. كان جيت نعرفهم متربين راني ماكلمتكش وبخصوص استاذك قاعد نحكي معاك هكااا خاطر انا نعرف شنوة في يصير ف الجامعات..انت مزلت صغيرة فما استاذة يستغلو مركزهم ويحبو يتقربو من طالباتهم وترصيلهم في مشاكل كبيرة..حاول تفهم كلامي المرة الجاية مش تفسرو بالعكس باهي "
هزيتلو براسي باهي من غير حتى كلمة خاطر نعرف عندو حق في كلامو لكل..رجعت غزرتلو كيف حط يدو على خدي يحكي
ليث :" شبيك تبكي.. تغششت مني ؟"
انا :" هأه "
ليث :" مالا شبيك ؟"
قربت منو و حطيت راسي على صدرو دورت بيديا عليه نحكي
انا :" متقلقة مش انت سبب "
عدا بيدو على شعري بقى يمسح علياا و يحكي
ليث :"باهي احكيلي شبيك "
انا :" ا.. انا..اصلا منحبش نحكي معاهم ليث خاطرهم ديما يوتروني اما حشمت نقلهم منحبش نحكي معاكم.. و..والاستاذ زادة نكرهو هو نقصلي ومن جرتو مش بش نعمل لبرونش لي حابتو "
ليث :"تحب نمشي نحكي معاه"
انا :" لا.. منحب منو شي.. معادش يهمني اصلا يعمل لي يحب "
ليث :" باهي اهدا حاول تاخذ نقطة مليحة الفصل الجاي تو تعوض هاذي وانشاله تعمل لبرونش لي حابتها باهي.. يزي من لبكا "
انا :" ب.. باهي "
بعدني شوي عليه..حط يديه على خدي ومسحلي دموعي..قربلي شوي وباسني من راسي يحكي
ليث :" زايد بش تبقى طول عمرك بكاية "
تبسمت وهزيتلو بكتافي نحكي
انا :" اي انا هكا.. لازم تتعود "
ليث :" هاني تعودت... قدر عليا ربي..هيا امشي اغسل وجهك وجهز روحك لخطبة امنة "
رجعت شعري لتالي وهزيتلو براسي اي نحكي
انا :" اي هاني ماشية.. اصلا صباح كلمتني وتحبنا نحضرو على بكري معاها "
ليث :" باهي قوم مالا خلينا نحضرو "
تبسمت نحكي
انا :" باهي يا روحي"
قمت من بلاصتي بش نخرج من الصالة اما وقفت دورتلو كيف نادالي يحكي
ليث :" قمر "
انا :" نعم "
ليث :" تلبس روبة مستورة.. مكانش والله لا تعفسها الخطبة.. هاني نبهتك "
انا :" افف باهي "
قحرلي يحكي
ليث :" زيد تافف هكاك "
عوجت شفافي وطلعت للبيت فيسع..دخلت لسال دوبان عملت دوش خفيف وخرجت بقيت نشف في شعري وين هو دخل يدوش..اول ماكملت قربت ناحية الدريسينغ وبقيت واقفة نختار شنوة بش نلبس..مديت يدي وخذيت روبة ف النوار.. جبدتهاا وبقيت نحضر ف روحي.. اول ماكملت قربت ناحية لمراياا وبقيت نشوف ف روحي كيفاه طلعت ف الروبة الي كانت مسنترة على بدني و طويلة حد الركبة غير..قعدت قدام لكوافوز عملت مكياج خفيف وخليت شعري مفرود على كتافي.. قمت من بلاصتي لبست الطالون.. ريتو كيف خرج من الدوش..عدا بعينيه عليا وقربلي يحكي
ليث :" محلاك قمرتي..صحة "
تبسمت نحكي
انا :" عيشك ياروحي "
ليث :" نلبس ونمشيو "
انا :" ف عقلك يا روحي.. انا بش ننزل حتى انت تكمل "
ليث :" باهي "
هزيت بوشاتي وخرجت من البيت..بعثت ميساج للامنة يش نشوفها وين وصلت ف التحضير وبقيت نستنى ف ليث.. شوي وقت وريتو كيف نزل ودخل للصالة.. هزيت راسي معاه.. عديت بعينيا عليه وين لقيت روحي سرحت فيه كيف كل مرة..كل مرة نلقى روحي نغزرلو و نعشق فيه أكثر من المرة الي قبلهاا..كانو لابس كوستوم ف النوار ومريقل روحو..قمت من بلاصتي وقدمت ناحيتو وين قلبي ضرب بقوة اول ماقربتلو اكثر حسيت روحي ترهوجت من ريحة البرفان متاعو الي ضربت فيااا..تبسمت وحطيت يدي على صدرو نحكي
انا :" محلاك ليث.. ياسر واتتك الكوستوم "
تبسم على جنب وضيق عينيه فيا يحكي
ليث :" عجبتك مالا ؟"
انا :" انت ديما تعجبني "
قرصني من خشمي يحكي
ليث :" هيا خلينا نمشيو خير مانبدل رأيي ونعديو السهرة هنا "
عضيت على شفايفي وشديتو من يديه نحكي
انا :" ههه هياا "
نزلنا مع بعضناا وخرجناا..طلعنا ف الكرهبة وشدينا الثنية للفيلا..مسافة الطريق ووصلنا.. نزلنا ودخلناا وين لقيناا الكل ملمومين..دخلناا حذاهم وقعدنا..تعدات سهرة محلاهاا خلاتني نتفكر خطبتي مع ليث وقتهاا..صحيح صارو بعدها برشة مشاكل اما ماننكرش انو النهار هذاكا كان احلى نهار ف حياتي.. اول ماكملناا السهرة سلمنا عالجماعة وخرجناا.. طلعنا ف الكرهبة وشدينا الثنية للفيلا.. تكيت براسي لتالي وغزرت لليث نحكي
انا :" محلاها السهرة تعدات "
غزرلي ورجع غزر قدامو يحكي
ليث :" اي "
انا :" و امنة وحمزة زادة محلاهم ياسر خارجين على بعضهم "
شدني من يدي وباسني من كفها يحكي
ليث :"مش احلى منا ياروحي "
غزرلي وغمزني..ضحكت نحكي
انا :" ههه تعرف الليلة تفكرت اول مرة خطبتني فيها "
قحرلي يحكي
ليث :" انا نتفكر الروبة الي صدمتني بيها وقتهاا ..ماعرفتش مخك شقلك بش تلبس هكاكا "
انا :" الله غالب عجبتني وقتهاا..حبيت نلبسها و بعد هاني سمعت كلامك و بدلتها "
غزرلي وتبسم على جنب يحكي
ليث :" كان ماعريتكش يومها راك ماسمعتش لكلام "
عضيت على شفايفي وضحكت كيف تفكرت شصار وقتها ف الكوجينة.. رجعت تكيت براسي لتالي وبقيت نغزر للثنية..مسافة الطريق ووصلنا للفيلا.. نزلنا مع بعضناا ودخلناا..طلعت للبيت ودخلناا مع بعضناا..طبست نحيت الطالون نحكي
انا :" تعرف حاسة روحي تاعبة..نستنى وقتاه نرقد "
بدني رعش كيف حسيت بيه وقفت وراايا ودور بيديه على كرشي.. طبس عليااا ومشى راسو ف رقبتي وين حسيت ريحتو تسللت داخلي اكثر..حطلي شعري على جنب يحكي
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
