#يحيى_يحكي
قمت من بلاصتي وبقيت نمشي ونجي ف الشامبر.. الي صار اخر مرة خلاني نشعل اكثر من ناحية ليث والغل يزيد داخلي.. اما المرة هاذي جاني بساقيه وحسابو معاياا عمال يزيد.. فقت من سرحتي على صوت العون الي دخل يحكي
العون :" يحيى **** زيارة "
عديت بيديا الزوز على وجهي وخرجت معاه.. بقيت نمشي بجنبو حتى وصلنا وين شفت امي من وراء البلار.. تنهدت بالشوي وقعدت قدامهاا.. هزيت التاليفون وتبسمت نحكي
انا :" شحالك امي ؟"
ام يحيى :" الحمدالله ياروحي.. انت شحالك شعامل يا وليدي ؟"
انا :" انا لباس ماتخافش عليااا..وبش نولي لباس اكثر على قريب "
ضيقت عيناها فيا تحكي
ام يحيى :" شتقصد ؟"
تبسمت على جنب نحكي
انا :" نقصد انو جاء الوقت الي بش نحاسب فيه الي رماني هناا وخلاك انت تاعبة هكا "
ام يحيى :" تحكي على ليث.. ريت مرتو بكري وبقات تطول ف لسانها معاياا طفلة قليلة تربية هاملة "
كبست على سماعة التاليفون نحكي
انا :" خلاها تطول لسانها كيما تحب على قريب تو يتقص كيف نشواهاا عليه "
اما يحيى :" يحيى رد بالك عيش ولدي ماتعملش مشاكل بش ماتزيدش مدتك هكا انا نحسب ف الايامات بش تخرجلي "
انا :" ماتخافش علياا تهنى.. انا نعرف مليح شنوة بش نعمل وعلى قريب بش نخرجلك ويعوضك على تعبك هذا "
تبسمت تحكي
ام يحيى :" انشالله ياربي "
بقيت نحكي معاهاا من كلمة لكلمة حتى تعدا الوقت والزيارة وفات..رجعت لشومببر متاعي وترميت عالفرش.. حطيت يدي وراء راسي وبقيت نغزر للسقف نخمم شنوة بش نعمل معادش نحب نبقى نعس من بعيد وناجل اكثر من هكا.. سايي خذيت قراري لازمني نتخلص منو اما قبلها بش نذلو قبل.. تبسمت عالفكرة الي هدت علياا وقمت من بلاصتي.. غزرت للولاد نحكي
انا :" حسان بعد وقت الاستراحة نحبك تقابلني ف التوالات وجيب معاك ولد العربي "
حسان :" حاضر معلم "
قمت من بلاصتي وبقيت نمشي ونجي نفكر ونخطط خاطر مانحبش غلطة وحدة مانيش مستعد نزيد نبقى هناا من وراه اما زادة مانيش مستعد نسلم ف حقي مهما يصير.. اشرت بعينيا لحسان اول ماسمعت ناقوز الاستراحة.. سبقتو لتوالات غسلت وجهي وحالتي وبقيت نستنى فيه.. شوي وقت وريتو كيف جخل ومعاه ولد العربي.. قدمو ناحيتي وغزرلي يحكي
حسان :" هاني جبتهولك معلم "
هزيتلو براسي باهي وغزرت لولد العربي نحكي
انا :" سمعتك اكا المرة تحكي.. تحب على فلوس بش تخلص نفقة مرتك ولا بش ترصيلك مطول هنا صحيح ؟"
هزلي براسو اي وتنهد يحكي
ولد العربي :" صحيح "
عديت بعينيا عليه وهزيت بحاجبي نحكي
انا :" ودبرت لفلوس لقيت شكون يسلفك؟"
تكا بظهرو عالحيط يحكي
ولد العربي :" لا ماحب حد يسلفني ودارناا ماحبوش يعاونوني زادة "
قربت ناحيتو وحطيت يدي على كتفو.. غزرت ف عينيه نحكي
انا :" و الي يعطي هملك و بالكل زادة مش سلف ؟"
حل عينيه فيا يحكي
ولد العربي :" ياريت اما وين هذاا ؟ المبلغ كبير شوي "
انا :" انا مستعد نعطيهملك و ب زايد شوي "
تبسم يحكي
ولد العربي :" تحكي بلحق معلم.. والله كان تعملهاا مزيتك مستحيل ننساها "
انا :" لا هي مش مزية.. خاطر بش نعطيك مقابل حاجة "
عقد بحواجبو مستغرب يحكي
ولد العربي:" شنوة الحاجة انا ماعندي شي بش نعطيهولك "
عديت بيديا على شعري وتبسمت نحكي
انا :" مانحبكش تعطيني.. نحبك تصفيلي واحد هناا "
حل عينيه فيا على وسعهم يحكي
ولد العربي:" ن..نصفيه ؟ ي..يعني نقت/لو ؟"
مطيت شفايفي نحكي
انا :" امم القت/ل مش تو مازال عليه بكري.. نحبك تعذبو قبل وصدقني تعملها نخلصك من مشاكلك لكل وهكاكا شهرين ثلاثة تخرج من هناا شقلت ؟"
عدا بيديه على وجهو وغزرلي ثواني ساكت يخمم.. تبسمت كيف هزلي براسو باهي يحكي
ولد العربي:" موافق.. قلي شكونو هو وشنوة تحب تعمل وانا رقبتي سدادة "
كبست عالبونية متاعي بالقوي نحكي
انا :" ليث.. الي معاك فرد شومبر.. تعرفو ؟"
ضيق عينيه فيا يحكي
ولد العربي:" اي اي عرفتو.. الجديد هذاكا.. اهوكا واحد هازز خشمو ومايحكي مع حد رامي الصحبة كان على مراد "
رسيت على سنيا بالقوي نحكي
انا :" هذاكا هو..وتو تركز معاياا ف الي بش تعملو خاطر مانحبش غلطة خير ماوقتهاا تشوف وجهي الثاني "
بلع ريقو يحكي
ولد العربي :" لا لا تهنى بش نركز والي تقول عليه بش يصير ب الحرف "
انا :" باهي ك هكا.. بش تاخذ هاذي "
جبدت دبوزة صغيرة من تحت مريولي وعطيتهالو نحكي
انا :" شد "
خذاها من يدي وغزرلي يحكي
ولد العربي:" شنوة هاذي ؟"
انا :" أسيد "
عدا بلسانو على شفايفو يحكي
ولد العربي :" أ..أسيد؟"
انا :" اي.. نحبك تحرقلو وجهو لكل..خليه يرقد وكب عليه دبوزة كاملة.. تنجم تعملها ولا نشوف غيرك "
عدا بعينيه عليا وخذا نفس بالقوي.. كبس عالدوزة وغزرلي يحكي
ولد العربي :" انجم.. قلي وقتاه تحبني نفذ برك"
انا :" الليلة "
هزلي براسو باهي يحكي
ولد العربي :" تآمر.. الليلة ليث يتحرق "
تبسمت على جنب وضربتو على كتفو نحكي
انا :" وقتها نفرح بيك وفلوسك توصل لمرتك "
ضحك يحكي
ولد العربي:" عيشك يا معلم "
اشرتلو بعينا نحكي
انا :" اخرج تو واعمل روحك عادي.. حسان هزو معاك واشريلو دخان "
حسان :" حاضر معلم "
غزرتلهم كيف عطاوني بظهرهم وخرجو من حذاياا.. لحظتها تبسمت وانا نتخيل ف ليث محروق.. اما هاذي البداية كهو الضرب الصحيح مازال جاي..كان المرة هاذي حرقة ف وجهو المرة جاي بش تكون اقوى من هكااا.. ووقتها خلي مرتو زادة الي تطول ف لسانها على امي تتشوى عليه وتتقهر بش انا نبرد مليح..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
