#ليث_يحكي
فقت صباح ونفسيتي مبدلة..رجوعي لداري خلاني ننسى الي تعديت بيه ونخمم كان ف جاي..نحب نعوضها ونعوض روحي عالايامات لي بقينا فيهم بعاد بقيت نفطر معاها ونفدلك..اول ما كملت هزيت روحي وعملت دوش...كملت لبست ثيابي ونزلت بش نتفقدها اول ما وصلت لباب الصالة تبسمت وانا نغزرلها كيفاه رجعت غفات..حتى انا استغربت كيف لقيتها فايقة قبلي خاصة وانا نعرف انها حبلة لمفروض تصير ترقد اكثر...عرفتها فاقت على خاطري بش تحضرلي لفطور..رجعت للبيت جبت ملحفة وقدمت منها و غطيتها..تفاصيل هاذم عندي قداه عليهم اما من ليوم بش نحطها ف عينيا المهم هي نكون مرتاحة...خرجت من حذاها وتعديت لبيرويا تفقدت الايميلات لي جاتني وقت كنت غايب..تعدا شوي وقت وقمت.. مشيت للكوجينة وجبدت القضية...بقيت نحضرلها ف لمقرونة..وين حسيت روحي بلحق توجعت ع لفترة لي اشتهاتها وماكنتش بجنبها بش نعملهالها...تلفت على صوتها ورايا تحكي
قمر :" ليث "
تبسمت نحكي
انا :" صحة نوم "
قربت مني تحكي
قمر :" ليث شبيك مفيقتنيش ؟"
عقدت بحواجبي نحكي
انا :" علاش نفيقك..ارقد قد ما تحب حبي "
قربتلي وعدات بعيناها عليا تحكي
قمر :' اما انا نحب نبقا معاك ونشبع منك "
حطيت سكينة من يدي وقربت هزيتها فلحظة وحطيتها عالرخامة نحكي
انا :" هاني بش نبقى بحذاك..ورد بالك تفد مني "
ضحكت تحكي
قمر :' هههه لا منفدش "
غزرت لرخامة تحكي
قمر : فاش تعمل..تو انا نطيبلك "
انا :" لا تو دوري...مش صغرونتي اشتهات المقرونة هاني نحضرلك فيها "
حلت عيناها وضحكت تحكي
قمر :" يااا بلحق ليث..يعني بش تطيبهالي تو؟"
هزيتلها براسي اي نحكي
انا :" اممم بلحق..هيا خليني نكمل فيسع "
قمر :" اي اي أمان فيسع..حسيت روحي اشتهيتها اكثر تو "
بستها من جنب شفافها نحكي
انا :" حاضر "
قمر :" ليث أمان اعمل كمية كبيرة راني نحب نبقى ناكل وناكل حتى نشبع "
ضحكت وهزيتلها براسي نحكي
انا :" تدلل "
بقيت نحضر فيها ونسمع في حديثها حتى كملت قحرتلها كيف هبطت بالقوي من فوق الرخامة تحكي
قمر :' هيا أمان جعت "
حليت عينيا فيها نحكي
انا :" شبيك تنقز هبلت..نسيت كلام طبيبة؟"
عضت على شفايفها تحكي
قمر :" منقصدش والله..ريحتها خلتني نخمم كان فلماكلة"
تنهدت بالشوي نحكي
انا :" باهي لالة...ربي معاه ولدي مسكين "
ذبلت عيناها فيا تحكي
قمر :" يزي ليث ..آخر مرة والله "
انا :' باهي اقعد "
اول ما قعدت سكبتلها وقعدت مقابلها نغزرلها كيفاش تاكل وتتبنن..عدات بلسانها على شفايفها تحكي
قمر :" اممم راي طعمتها ابن من شنوة كنت نتخيل "
ضحكت نحكي
انا :" صحة وبشفا ياروحي "
هزيت راسها معايا تحكي
قمر :' ليث ميسالش نحكي معاك فموضوع "
حطيت لمغرفة وغزرتلها نحكي
انا :" احكي ياروحي "
عدات بعيناها علياا وغزرتلي درا كيفاه تحكي
قمر:" مش انت كتبت دار باسمي ولفلوس تو انت خرجت مش هكا نحب نرجعلك كل شي "
عقدت بحواجبي مستغرب نحكي
انا :" شمفكرك فلموضوع هذا ؟'
تنهدت بالشوي تحكي
قمر :" انا متسبتوش جملة ليث..انا منحب منك شي ومنحبش حتى حاجة من الدنيا من غيرك..أمان ليث لموضوع هاذا خانقني "
هزيت بحاجبي نحكي
انا :" شقاعدة تخرف انت..داري هي دارك وفلوسي فلوسك قمر..انت مرتي مانيش غريب عليك "
هزتلي براسها اي تحكي
قمر :" اي نعرف اما انت هاك خرجت منحبش شي ليث أمان "
انا :" ماو قلنا لا..كان عالدار هي من اول نهار دخلتها صارت دارك وبش تبقى باسمك ومنحبكش تناقشني فلموضوع هذا.. "
تبسمت على جنب ورجعت نحكي
انا :" غير انت متطردنيش كيف تتغشش مني..مسكين راجلك معندوش وين يمشي "
ضحكت تحكي
قمر:" هههه يزي ليث عااد..معقولة نطردك من دارك "
هزيت بحاجبي نحكي
انا:والله حبي غشك خايب انا شهدت عليه "
هزت بكتافها تحكي
قمر:"كهو متغششنيش مالا..ليث أمان خليني نرجع نحولك لفلوس..نعرف ماكش بش تبخل عليا على هاذاك انا مش بحاجتهم "
انا:" خليهم فحسابك قميرة..انا تو نرجع نخدم منيش بش نحتاج وانت فلوسي هام فحسابك..خليهم ليك و لصغيرنا لي جاي"
قمر:اما... "
قصيت علاهاا نحكي
انا:"ماو قلنا لا...افطر واسكت "
هزتلي براسها باهي تحكي
قمر:" باهي..اما فكرني نعطيك بطاقتي حتى ترجع تخدم ميجيش تبقى من غير مصروف "
ضحكت على وجها لي حمار نحكي
انا :" هههه حسستني لي انا ولد صغير..بش ياخو مصروف من امو.. عندي فلوس فلبيرو منيش بش نحتاج متخافش "
عضت على شفافها تحكي
قمر:" منقصدش... "
انا:"متحشمش مني..فلوسي وداري لشكون..انا نخدم على خاطرك وعلى خاطر ولدي تو بش نخليكم مرتاحين...وماتحتاجو شي يعني متحسسنش لي عامل معاك مزية هاذا واجبي "
هزلتلي براسها وبقات تاكل من غير حتى كلمة اول ما كملنا هزيت لماعون نحكي
انا :" برا ارتاح هاني جاية "
قمر :' نمشي نغسل يديا "
هزيتلها براسي باهي وبقيت نلم ف الكوجينة حتى كلمت..مشيت للسالدوبان ريقلت أموري ولحقتها للصالة ريتها متكية عالفوتاي تكيت بجنبها وجبدتها فحضني نحكي
انا :" مقتليش شعملت فامتحاناتك ؟"
حطت راسها على صدري وتنهدت بلقاوي تحكي
قمر :' منعرفش...فما لي حليت فيهم مليح وفما لي حسيت روحي بلبزتهم ..بعد ثلاث ايام يظهرو النتائج"
بستها من راسها نحكي
انا :" متخافش بش تنجح وتعمل كل شي حابتو "
قمر :" ان شاء الله ..اما تعرف ليث وقت خسرتك انت حتى قرايتي معادش هامتني كيف قبل..وقتها فهمت انو مهما عطاتك الدنيا عمرها ما بش تعوضك على انسان حبك بلحق وعمل كل شي على خاطرك...انا تو فرحت برجوعك ليا..وقرايتي حتى كان منجحتش نعوض العام لجاي المهم انت معايا..انت اهم من كلشي ليث "
عديت بيديا عن لى شعرها وطبست بستها من شفافها بوسة خفيفة نحكي
انا :" روح ليث انت..وانا معنديش اغلى منك "
رجعت بستها وقلبتها تحتي فلحظة نحكي
انا :" ولتو لا شبعت منك يافرخة "
عدات بعيناها علياا تحكي
قمر :" وانا مشبعتش منك والله "
ضحكت وطبست بستها بوسة طويلة...هبطت سيول الروبة ورجعت غطست في بدنها مرة اخرى..حبيت نبقى قريب ليها ونتمتع بلحظاتي معاها...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
