الحلقة الأولى...
قبل 48 ساعة ..
نغزر لروحي في المرايا و مش مصدقة حبيبي ساعتين أخرين و يكون هنا قداش عندي نستنا في النهار هذا .. توحشتو قد صبري في الدنيا .. نستنى في اللحظة الي نراه فيها و نعنقو و نشم ريحتو الي ترهوجني البنة متاعها ..
" أمي مزيانة هكا ولا نلم شعري ؟؟ مش كان نلبس روبتي الزرقاء خير؟'
تلفت لأمي نستنى فيها تجاوبني
حسنة " تبارك الله على بنتي قمرة على حالها .. لا ما تبدل شي خليك هكا الروبة الحمراء تواتيك أكثر من الزرقاء"
" صحيح حتى يحيى ديما يقلي هكا هه .. فرحانة يا أمي فرحانة حاسة قلبي بش يطير من بلاصتو"
حسنة " انشالله ديما فرحانة .. ونرى هالضحكة المزيانة على وجه بنتي السمح .. "
" مادام انت معايا يا حسينة انا ديما نضحك وفرحانة "
حسنة " ههه غمني غمني .. يا حسرة كيف كنت هكا اما تو سي يحيى فكلي بلاصتي ..
عنقتها نحكي " ما فما حتى مخلوق يعوضك يامي .. انت حياتي وروحي انشالله ربي يقدرني ونعوضلك الي عملتو معايا الكل ..
قصت عليا تحكي و عينيها مدمعة " ما عملت شي هذاكا واجبي انت بنتي قطعة مني نضحي بروحي و شوية على خاطرك .. و تو هيا تحرك كمل حضر روحك و ايجا عاوني .. كيف بش يجي سي يحيى في الليل هو وحماتك مش بش ياكلو زينك تحرك "
اطرشقت بضحك و خلطت علاها .. مارزنو الوقت يتعدا بالسيف .. كانو عامل عليا بالشمتة قص عليا سرحتي صوت التاليفون
" حبيـــــبي "
" قميرتي .. توحشك "
" كان ترا انا نستنى فيك بالدقيقة و الدرج ما عادش انجم "
" هاني قريب نوصل يا عمري ساعتين من زمان ونكون قدام عينيك المزيانة "
" نستناك حبيبي .. اول ما توصل عندي ليك مفاجاة "
" مفاجاة شنيا ؟؟؟"
" لا مانقولش و هيا فيسع ايجا "
" قمر .. رد بالك تجي للمحطة رد بالك .. تعرف الثنية خالية لغديكا وزيد اليوم فما ماتش أكيد البلاد بش تفرغ أكثر "
" باهي يحيــى باهي تهنى .."
" قمـــــر اسمع لكلام ما تحيرنيش "
" تي باهي .. أيا حبيبي باي أمي تناديلي بش نمشي نعاونها .. نحبك باي "
" نموت عليك .. باي "
رجعت للكوجينة بش نعاون حسنة .. " اه شقلك سي الشباب وقتاه يوصل "
" ساعتين أخرين ويكون هنا "
" شاورتو ؟؟؟"
" أي أي .. وقالي ميسالش اعرضني "
" متأكدة ؟؟؟؟؟"
" تي أي يا حسينة هكا تو "
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
