#رفيقة_تحكي
ايامات تعداو عليناا كيف الكابوس .. بقيت بين حالة ليث الي خفت من خسارتو و بين قمر الي حالتها تعبت أكثر من تصرفاتو معاهاا .. بقيت ملاحظة كل شي اما مانجمت نعمل .. كل ماكانت تشكيلي ندور علاهاا و نقوللها ميسالش تحمل .. اما نعرف الي بنتي متعذبة على خاطرو .. و هو زادة معذور بعد الي صار فيه ماقدرتش نجبدلو الموضوع ..
نهارين و هي شادة الدار كنت نسمعها كيف تبكي في بيتها عليه .. حبيت نهزها معانا و تشوفو اما هو طلب مناا الي هي ماتجيش ..
تعداو النهارين و هو رجع لدارو .. رفض حتى بش يبقى معاناا و انا مانجمتش نضغط عليه .. خليتو على راحتو و مصطفى كيفكيف ..
بعد ماتهنيت عليه من عند خديجة وقتها قلبي اطمن .. حبيت نطلع لبيتي نرقد .. اما تعديت لبيت قمر كان لازمني نحكي معاه شوي .. دقيت الباب ماسمعتش جواب .. حليتو و طليت .. استغربت كيف لقيت البيت فارغة .. دخلت نجري لبيت لبانو كيفكيف كانت فارغة . بقيت نشوف مالقيتش ساكها و تليفونها .. عرفتها خرجت من ورانااا .. الصنعة هاذي صارت فيها و معادش بش تتنحى ظاههرلي .. اما الي هبلني مش عارفة وين تكون مشات الوقت هذاا و كيفاه مشاات .. خرجت نجري من بيتها لبيت مصطفى .. حليت الباب من غير مانستئذن .. كيفكيف هو مفماش .. بقيت ندور بعينيا عالبيت .. لين سمعت باب بيت البانو تحل .. جمدت في بلاصتي كيف ريتو واقف قدامي بمنشفة .. و شعرو كان مبلول .. قربلي مستغرب يحكي
" رفيقة شتعمل هنااا "
هربت عينيا من عليه نحكي " س.. سامحني مصطفى .. مانقصدش نهد عليك في بيتك .. اما .."
" اما شنوة ؟ شبيه وجهك هكااا "
بعدت عليه شوي وبلعت ريقي نحكي " قمر .. قمر مش في بيتها .. خرجت .. و مانعرفش وين مشات "
" باهي .. باهي اهداا .. خليني نبدل حوايجي و نشوفوها مع بعضنا "
هزيتلو براسي باهي نحكي " باهي .. امان ماتبطاش .. راني متحيرة علاهااا "
ريتو كيف قرب من الخزانة يحكي " ماتخافش .. تو نخرج انا نلوج علاهاا "
" باهي .. هاني اللوطة انا "
خرجت نجري من البيت .. حسيت روحي متت بالحشمة لين دمي جمد في عروقي .. بقيت نرد في النفس .. معادش عارفة في شنوة نخمم بالضبط .. في قمر الي كل مرة بعملتها و لا في عملتي اناا كيفاه هادة عالراجل في بيتو .. هبطت للصالة و ترميت عالفوتاي بقيت نستنى فيه و ساقيا ترعش .. شديت تاليفوني و بقيت نكلم فيها ماتحصلتش علاهااا وقتها بلحق حسيت اعصابي فلتت مني .. خاصة كيف هزيت عيني وشفت الوقت قداه .. قمت و بقيت ندور في بلاصتي .. هكاكا و مصطفى دخل حذايا يحكي " تحصلت علاهاا ؟"
نفخت بالقوي نحكي " لااا لااا .. بش تهبلني الطفلة هاذي .. زعمة وين عندها تمشي ؟"
شدني من يدي وقعدني يحكي " اهدااا.. بالك مشات لليث .. استنى نكلمو"
هزيتلو براسي باهي و بقيت نتبع فيه بعينيا كيفاه يحكي " وي ليث ... لا لا لباس ... حبيت نسألك ... قمر حذااك .... اي خرجت من غير علمنااا ... رفيقة تحيرت علاهااا ... باهي ردبالك على روحك و خلاها حذاك "
ريتو كيف رجع علق عالتاليفون و قعد بجني يحكي " تهنى هي مشات عند ليث "
حطيت يدي على صدري نتنفس و نحكي " ريت الطفلة هاذي شتعمل .. خلاتني بش نموت من الرعبة "
" شعندك بس تعمللهاا .. طفلة صغيرة و لازمك توسع بالك معاها "
عديت بيديا على وجهي نحكي "والله هذاكا شنوة عاملة .. مخليتها على راحتها مانحبش نضغط علاهاا .. و هو كيفكيف .. اما تصرفاتهم صارت ياسر هكاا "
هز بحاجبو يحكي " حتى انا لاحظت تصرفاتو معاهااا .. اما بقيت ساكت .. هوما مش صغار لازم يحكيو و يفهمو بعضهم "
" كل واحد فيهم راسو أصح من الثاني .. لا هو حب يسمع و لا هي حبت تريض "
تبسم يحكي " هي تحبو مش هكااا ؟"
هزيتلو براسي اي نحكي " اييي .. و هو كيفكيف .. اما مساكن مش مكتوبلهم يتهناو .. من وقت الي عرفو بعضهم و المشاكل فوق ريوسهم .. و انا غلبت بيناتهم "
" بالك الليلة يحكيو و مشاكلهم توفى .. و نرتاحو منهم الاثنين "
ضحكت على كلامو نحكي " يا ريت والله .. يزيني منهم الزوز "
ريتو كيف دور بعينيه على وجهي يحكي " رفيقة .. ميسالش نسألك؟"
هزيتلو براسي اي من غير حتى كلمة .. رجع يحكي
" انت .. انت مازلت تحب محمود ؟"
حسيت روحي ترهوجت من وراء سؤالو هذاا .. اسم محمود وحدو خلاني نعيف كلمة حب .. غزرتلو نحكي " لاا .. كل شي حسيتو اتجاه محمود مات وتتدفن مع بنتي .. عمري لا ننسى هو شعمل فيااا"
" بعدو هو .. علاه ما قررتش تعاود حياتك ؟؟"
رمشت عينيا و خذيت نفس نحكي " خاطر .. خاطر ماحبيتش .. و لا تنجم تقول مانجمتش نحب حد اخر .. وليت نخاف من لحكاية هاذي .. الي خسرتو كان كافي في عمري هذاكااا .. بابا و بنتي .. زوز خسارات هدوني .. مانجمتش نخمم في حكاية اخرى بعدهم .. حبيت نعيش لروحي .. و هذاكا الي صار "
هزلي براسو باهي و سكت .. عضيت على شفايفي نحكي " و انت ؟؟"
غزرلي مستغرب يحكي " انا شنوة؟؟"
" علاه معاودتش حياتك مرة اخرى ؟؟"
تكا بظهرو عالفوتاي و عدا بيديه على رقبتو يحكي " انا من وقت موت مرتي و بنتي .. ماعدت نخمم في شي اخر غير معرفت سبب موتهم و شكون وراه .. وقتها عينيا تغمضت عالدنياا الكل و قلبي سكرت عليييه "
" و عرفت السبب و شكون الي عمل هكاكا "
ريتو كيف كبس عالبونية متاعو يحكي " شاكك في حد.. اما وقت لحساب مازال مابدااش .. مخلي كل شي في وقتووو "
" فهمتك "
غزرتلو كيف رجع قرب مني وعدا يدو على شعري
" اما ظاهرلي قلبي بش يخلف وعدو المرة هاذي .. بش يرجع يتفتح قبل الوقت الي كنت ناوي علييه "
ببعدت عينيا " ما .. مافهمتكش "
تبسملي يحكي " تو تفهم مع الوقت .. المهم انت تو برا ارتااح عندك نهارين مارقدتش "
قمت من حذاه هربت عينيا من عليه نحكي " انا بش نطلع لبيتي .. تصبح بخير "
وقف قدامي و دور بعينيه عليا يحكي " و انت بخير رفيقة "
عطيتو بظهري و خرجت نجري طلعت لبيتي .. معادش عارفة علاه وليت نحس هكاا في قربو .. حسيت قلبي بش يخرج من بلاصتو .. كلماتو و غزرتو مافهمتهمش .. خايفة لا نكون في حلمة اخرى و نخرج انا خاسرة من جديد .. خايفة لا يكون يحب ينسى وجيعتو بيااا و بعد ما نلقى شي معااه
#ليث_يحكي
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
