حلقة 72
قمر تحكي
من وقت الي وصلنا مع عم مصطفى .. مانجمت نركز في شي .. بقيت نستنى فيه اما ماخلطش عليناا .. غزرت لعم مصطفى و خالتي كيفاه يحكيو و يفدلكو .. تبسمت كيف ريتهم هكاكا .. للحظة تخيلت روحي انا وليث هكاكا .. تمنيت انو علاقتنا تبقى و مانخسروش .. عضيت على شفايفي بالقوي كيف تفكرت عملتي .. بقيت نخمم في حل بش نخليه يسامحني .. هزيت راسي على صوت عم مصطفى يحكي " شنوة رايك قمر؟"
لحظتها وين فقت من سرحتي .. رمشت عينيا نحكي
" اه .. سامحني عمي كنت سارحة شوي"
ضحكلي يحكي " في شنوة سارحة .. هاك ارتحت من الي كان محيرك "
تبسمتلو نحكي " اي الحمدالله تو ارتحت و الفضل ليكم الكل "
" ما عملنا شي .. و تو جاوبني كنت نسال فيك تحب نتعشاو هنا و لا لبرا .. انت الي تقرر "
هزيتلو براسي لا نحكي " لا خلينا هناا .. يكفيني الي انتوما حذايا .. حسستوني الي انا مش وحدي و عندي عيلة تفرحلي "
" باهي بنتي .. مالا خلينا هنا .. فاطمة تحب تشوفك مرة اخرى .. خلى لعشاء عليهاا "
تبسمتلو نحكي " باهي عمي "
هزيت راسي فيسع على صوت الباب الي تحل .. للحظة فكرت ليث جاء .. تبسمت نغزر اما تبسيمتي فيسع ماتمحات كيف لقيتها خالتي فاطمة .. قربت مني تحكي " اهلا ببنتي هاك جيتنا "
تبسمتلها نحكي " اي عم مصطفى هو لي استدعانا "
" والله توحشت نشوفك مرة اخرى .. المرة لي فاتت ما حكيناش برشا "
تلفتت لعم مصطفى يحكي " هاي قاعدة هنا اليوم احكيو قد ما تحبو .. العشاء عليك فاطمة نحبك دلل بنتي "
" ندللها مالا لا .. هاني بش نمشي تو .. " غزرتلي تسال فيا " كان شاهية شي قلي ؟"
هزيتلها براسي لا نحكي " لا خالتي لي تعملو مليح عيشك "
بقيت قاعدة معاهم كل مرة نحكيو فيي حاجة .. تعدا برشا وقت و الدنيا ظلامت وهو مجاش .. خفت لا يرجع يهرب كيف العادة .. و نبقى فترة ما نراهوش .. هزيت راسي مع عم مصطفي يسال "متعرفش ليث وين مشا ؟"
هزيتلو باكتافي " لا عمي .. ماقليش "
تكلمت خالتي " يكون تغشش ومش باش يجي "
غزرلها عم مصطفى مستغرب يحكي " علاش؟ شصار؟" غزرت لخالتي و هبطت راسي من الحشمة .. خالتي ديما فاضحتني هكاا ..
سمعتها كملت تحكي " مش قمر سمعتو لكلام اليوم .. قال شنوة ماحبتش فريحة تشهد معاها "
عقد حواجبو يحكي " علاش بنتي؟"
هزيت راسي معاه و ذبلت عينيا نحكي " ع.. عمي هي قاتلي كلام يوجع .. و.. وانا معرفتش كيفاش قلت لليث اكاكا منقصدش والله "
ضحك يحكي" باهي ميسالش بنتي .. وليث ماهوش بش يتغشش.. ولدي ونعرفو هاني بش نطلبو تو و نحكي معاه "
تبسمتلو و بقيت نتبع فيه بعينيا كيف يحكي معاه
" اهلا ولدي وينك لتو ...... باهي هانا مستنينك على العشاء "
علق عليه وتبسملي يحكي" قال لي عندو خدمة كملها وهاو في ثنيتو لينا "
حسيت قلبي دق بالقوي كيف عرفتو جاي .. فرحت كيف عرفت الي ماهوش باش يتجنبني كيف عادتو ..
تعدا شوية وقت سمعت صوت كرهبتو .. حسيت قلبي خظ بالقوي .. بش يخرج من بلاصتو من الفرحة و الخوف في نفس الوقت .. شفتو كيف دخل و قدم حذانا .. غزرلو عم مصطفى يحكي " اهلا ولدي "
ترمى على الفوتاي مقابلني و تبسملو يحكي " عيشك عمي "
سالتو خالتي " طولت برشا صارت حاجة ؟"
" لا ماصار شي كملت قضية كانت عندي وجيت "
غزرت لعم مصطفى يحكي " اليوم بش تبقى للعشاء فهمتني.. منيش بش نقبلك اعذارك "
شفتو كيفاه ضحك يحكي " هاني قاعد عمي.. اما تعبت بش نطلع نرتاح شوي لين يحضر لعشاء "
" اي اطلع .. بيتك مزالت كيف ما هي "
شفتو كيف هز روحو وقف .. ماغزرليش جملة و لا حتى كلمني .. عرفتو لي تغشش بلحق .. بقيت نأنب في روحي عالي عملتو .. نعرف اني كثرتلها معاه .. بقيت هكاكا نغزل وحدي .. نحب نمشي نكلمو ومانجمتش نقوم .. حاشمة من خالتي و عم مصطفى .. بقيت نخمم في شنوة بش نعمل .. هزيت راسي نحكي " عمي .. ميسالش نمشي نشوف خالتي فاطمة "
" اي بنتي تصرف كيما تحب الدار دارك "
تبسمتلو و هزيت روحي و قمت .. خرجت من الصالة بقيت نلوج بعينيا وين ممكن تكون بيتو .. طلعت الدروج .. حليت اول بيت لقيتها .. كانت البيرو متاع عم مصطفى .. سكرت الباب فيسع و مشيت دقيت عالبيت لي بجنبها ما سمعت شي .. حليت الباب شوي ودخلت نغزر .. ريت الفاست متاعو ملوحة فوق الفرش .. دخلت و سكرت الباب .. بقيت نغزر لبيتو .. ريحتو كانت مالية البيت ..عضيت على شفافي وقربت دقيت باب بيت البانو .. ماسمعت حتى اجابة .. كنت بش نحكي .. اما وقفني الباب الي تفتح هزيت راسي نغزرلو .. جمدت في بلاصتي كي شفتو .. كان عريان من لفوق و لافف عليه المنشفة .. شعرو كان يقطر و هابط على وجهو .. حل عينيه فياا يغزرلي مصدوم.. حسيت
وجهي فور من الحشمة و من غزرتو .. بقيت نحكي مع روحي .. انا شعملت هادة على الراجل لبيتو ومستنيتو عند باب الدوش .. مش عارفة كيفاه تصرفت هكااا ..
فقت من سرحتي كيف ضيق عينيه فيا يحكي " شتعمل هوني ؟"
هبطت راسي نهرب في عينيا من عليه نحكي " اه ..ا
.. انا .. لا شي هاني خارجة "
شدني من يدي يحكي " سالتك جاوبني "
حسيت ريقي وحل في حلقي.. ما عرفتش شنوة نعمل .. هزيت راسي شوي نغزرلو نحكي " لا .. لا شي انت مش قلت بش ترتاح ؟"
هز حاجبو يحكي " ايه قلت .. علاش لاحقتني لهنا ملا ؟"
كبست بيديا على روبتي نحكي " اانا .. ك .. ككنت بش .."
قص عليا يحكي " كنت شنوة احكي ؟"
بعدت عليه نحكي " امان ليث .. ن .. نحب نخرج شوف حالتك "
غزر لروحو وتبسم يحكي " شبيها حالتي ؟"
دورت بعينيا عليه و رجعت هبطت راسي نحكي " ا.. انت مش لابس .. ا انا بش نستناك تلبس ونحكو "
ضحك على جنب و قربلي وقف قدامي في وجهي يحكي " انا بش نرقد كان عندك كلام قولو تو "
" م .. ميجيش راهو عيب خليني نمشي امان "
حاولت نجبد روحي منو انا هو قرب اكثر مني وحصرني في التركينة .. ضيق عينيه فيا يحكي " مالا قتلي ميجيش .. شميجيبك لبيتي وهادة عليا لبيت لبانو زادة ؟"
عضيتي على شفافي وهبطتت راسي في الارض " ا .. انا كنت بش نطلب منك السماح"
هز حاجو وقرب مني اكثر يتبسم " مفهمتش على شنوة بش تطلب السماح "
شبكت يديا في بعضهم نحكي " مش انا صباح قاتلك كلام ميجيش .. ا امان ليث سامحني م متقصدش والله "
ضحك على جنب يحكي " اكهو ؟ هذا لي تحب تقولو ؟"
ذبلت عينيا و هزيتلو براسي اي نحكي "اي هذا .."
قص عليا كيف بعد عليا يحكي "باهي تو امشي بش نرقد.."
رجعت قربت منو نحكي " ش.. شنوة ماكش بش تسامحني؟؟"
غزرلي وعدا يدو على شعرو " لا مانظنش مش قتلي معادش تدخل.. و زيد المحكمة وفات هاك بش ترتاح مني "
حطيت عينيا فعينيه نحكي " اماان لليث منقصدش
.. ع عيشك ماتتغشش مني "
غزرلي وتبسم على جنب حط يدو بجنب راسي وطابس عليا .. حسيت قطرات الماء هبطو على وجهي من شعرو .. ريحتو حسيتها رهوجتني .. بقيت يابسة في بلاصتي نسمع فيه يحكي مش قتلي لي ميجيش نبقى هوني وانت مش لابس .. شتعمل هوني لتو ؟"
حسيت بدني فور و نابني لعرق من كلامو .. حليت شفايفي بسيف نحكي " ا ا ب باهي.. ه .. هاني خارجة" جيت بش نقدم حط يدو الاخرى وحصرني .. طبس راسو و قربلي اكثر يحكي " علاش بش تخرج ...خليك .. مفيها شي راجلك راني " تبسم وقعد يغزرلي
رمشت عينيا برشة مرات نحكي " ليث .. ا .. امان "
هز بحاجبو يحكي " شكنت تقلي... تحبني نسامحك ؟؟"
هربت عيني منو نحكي " ا اي "
ميل راسو و حط عينيه فعينيا يحكي " قلي ساعة علاش عملت هكاكا ؟؟"
رجعت غزرتلو نحكي ونأشر بيديا " انا.. مش مني والله هي سمتلي بدني بكلامها .. "
" و.. انت علاش تاخذ على كلامها .. بالطبيعة بش تحكي اكاكا الطفلة مجروحة .. ورغم كل شي جات وشهدت معانا .. خليها لي فيها يكفيها "
هزيتلو براسي باهي من غير حتى كلمة ..حسيت روحي بش ندوخ من الموقف لي احنا فيه .. سمعتو كيف رجع يحكي " اي وانا شذنبي علاش شعلت فيا ؟؟"
بوزت شفايفي نحكي " ا .. انا هي غشتني "
حك على لحيتو يحكي " وانت فرغت غشك فيا مش هكاا "
هبطت راسي نحكي " ا اي هكاا .. اما منقصدش و والله "
تبسم بخبث يحكي " كان تحب نسامحك " هبط عينيه و غزر لشفافي وعاود غزرلي في عينيا يحكي " هات بوسة " ضحك وانا حسيت وجهي فور من طلب متاعو قربلي اكثر يحكي" شنوة .. مش قلت تحبني نسامحك"
بقيت نرد في النفس بسيف نحكي " ز .. زايد متحشمش "
بقا يغزلي ويضحك " ما لاقتلي منحشمش ... ميسالش ...مالا كيف عدت ما نحشمش هاني بش ناخذها وحدي" قرب وجهو مني .. وقتها انا عينيا تحلت و النفس حبس في حلقي نحكي " ا .. ا.. ابعد كان تجي خالتي ميجيش والله "
هز حواجبو يحكي " بربي راجل ومرتو شمدخلهم هوما ؟"
عضيت على شفايفي بالقوي نحكي " يزي ليث "
" شنوة ماكش بش تبوسني ...نحب على بوستي تو "
" ل لا ابعد امان .. يزي ليث "
شفتو كيف قام يضحك عرفتو لي عامل عليا بلعاني .. حسيت روحي تبهدلت قدامو.. دزيتو بيدي وضربتو على صدرو نحكي " والله لا تحشمها "
شدلي يديا الزوز على .. لحظتها حسيت بالكورون تعدا في بدني الكل .. قلبي خظ و كرشي وجعتني كيف حط يديا على صدرو قرب وجهو من وجهي يحكي " اركح يا فرخة ... احسن ما تندم "
بقيت نغرلو في عينيه .. للحظة سرحت معاهم .. بقيت نغزرلو لكامل تفاصيل وجهو .. مانجمتش نبعد عينيا .. حسيت فما حاجة تجبد فياا ليه .. فيقني من سرحتي كيف سيبني اشرلي على الباب" وتو اخرج ومعادش تدخل لبتي هكا.. المرة الجاية منيش بش نسيبك "
خذيت نفس طويل نحكي " باهي باهي .. هاني خارجة اما قلي سامحتني ؟"
تبسم بحكي " ميسالش هاني بش نسامحك المرة هاذي .. اما معادش تعاودها "
هزيتلو براسي باهي نحكي " نوعدك اخر مرة والله '
حك على جبينو يحكي " هانا بش نشوفوها اخر مرة متاعك هاذي "
بوزت شفافي كيف سمعتو قال هكاكا.. عرفت قصدو لي انا كل مرة نعمل مشكلة و نوجعو ..
غمزني يحكي " شنوة ظاهر ليوم تحب تبقى تشوفني كيفاش نبدل.. " عطاني بظهرو شفتو كيف حط يدو على المنشفة .. غمضت عينيا و هزيت روحي وخرجت. .. اول ما خرجت حطيت يديا على صدري بقيت نتنفس.. حسيت قلبي لتو يدق بالقاوي بعد لي صار .. بقيت نتفكر كيفاه كان قريب مني .. ريحتو لتو في خشمي .. قطرات الماء لتو حاستهم عليااا .. مروحت بيدي على وجهي و هبطت نجري .. لقيت الجماعة قعدو عالطاولة .. قعدت بجنبهم من غير حتى كلمة .. هزيت راسي مع خالتي تحكي " وين كنت ياخي "
بلعت ريقي و تنفست نحكي "اه .. كنت في التولات .. سامحوني بطيت عليكم"
هزيت راسي على صوتو يحكي " اي كانت في التولات .. لقيتها ضايعة الفوق وريتها التولات وين " كمل كلامو و ضحك على جنب
قحرتلو و هبطت راسي ناكل من غير حتى كلمة .. جاء قعد بجنبي .. حسيتو عامل علياا بلعاني.. بقيت نغزر للكل كان ليه هو .. مانجمتش نهز عينيا فيه ..
بقينا ناكلو و انا ساكتة نسمع في الجماعة يحكيو .. قص علاهم تلفون ليث كيف نوقز .. هزيت راسي نغزرلو كيفاه وجهو تبدل وضيق عينيه مستغرب يحكي " الو وي ... شنووة باهي هاني جاي "
تلفتلو عم مصطفى يحكي " شصار ليث "
قام من حذايا و هز مفاتحو يحكي " مفما شي عمي .. خلي رفيقة و قمر حذاك .. تو نرجع "
حسيت الدم جمد في عروقي و ساقيا فشلت .. مانجمتش نخلط عليه و نسالو .. حسيت بالخوف سرى في بدني.. خفت لا نسمع خبر يرجع يمحيلي فرحتي و يخرجني من النهار هذاا ..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
