#ليث_يحكي
خرجت من لبيرو وراهم وانا حاسس روحي بش نهبل كيفاش يقررو يسحبو الشكوى هكا من غير ما يشاوروني..غزرتلها كيف طلعت فلكرهبة وبقات تغزرلي من البلار..عديت بيديا على شعري وغزرت لعمي كيف وقف قدامي يحكي
مصطفى:" شنوة سي ليث..شبيك تصيح هكاك على مرتك..هذا لي تعرف تعملو كان خممت بعقلك شوي راك عرفت تأخذ حق مرتك بلا متوصل روحك لهوني "
غزرتلو مصدوم ولشرتلو بيدي نحكي
انا:"شمعناها عمي تو انا لغاالط..نشوف فيه يضرب فمرتي قدامي ومازلت تحبني نسكت ونخمم بعقلي.. بقى فيها عقل "
مصطفى:"كهو مالا مدام متنجمش تخمم بعقلك اتحمل نتيجة عملتك..مش تجي ترمي غلطتك علينا مرتك شذنبها تحب تبقى محبوس..اي وبعد "
عديت بيديا الزوز على وجهي نحكي
انا:"ياا عميي ياخي تحبو تهبلوني..خلي نتحبس شفيها المهم هاذااك لكلب مايتسيبش بعد عملتوو"
حل عينيه فيا يحكي
مصطفى :"يزيي اسكتت..ياخي متفهمش انت كيف تتحبس مرتك لشكون تخليها مايزيش شصار فيها كيف تحبست قبل تحب ترجع تكركرها وراك للحباس.. متحشمش "
كبست على يدي وهبطت راسي على كلمتو غمضت عينيا كيف كمل يحكي
مصطفى:" اعمل عقل ويزي الرجلة مش بالضرب والصياح..الراجل لي يعرف مسؤوليتو.. على قريب بش يجيك صغير.. فما طفلة يتيمة كل مرة مخليها وراك مرة تعرس وتخليها ومرة تتحبس وناوي تيتم ولدك زادة..شوف انا هاني حكيت معاك بالشوي.. الراجل بوه صاحبي وانا تفاهمت معاه مهوش بش يقربلها مرة اخرى..رد بالك تزيد تعمل حاجة اخرى خاطرني نعرف مخك..والله لمرة لجاية لا عاد نجي ولا يهمني لي يصير معاك.. كان تتحبس 10سنين..وبش نهز قمر والصغير والله لاعاد تشوفهم مدام هوما آخر همك"
عديت بعينيا عليه مصدوم من كلامو نحكي
انا:"عمي فاش شتحكي انت..يعني نخليها تتعدالو هكاك "
علا ف صوتو شوي يحكي
مصطفى:" اليي عنددي قلتتوو..يا تااقف على عيلتك وتكون راجل..يا برااا اقت/لووو و عيش بقية حياتك محبوس ماك متعود "
نفخت بالقوي وقت ريتو عطاني بظهرو ومشا للكرهبة..بقيت واقف على بلاصتي نرعش من لعصب لي مكني من ورا كلامو.. عديت بيديا على شعري قدمت منهم وانا نغلي مازلت خاطر ماحبيتش لحكاية توفى هكاا..ريتها ك هبطت من الكرهبة وعدات بعيناها عليا انا وعمي.. ريت عمي كيف مسح على راسها يحكي
مصطفى:"لباس بنتي..ارتحت شوي"
هزتلو براسها اي تحكي
قمر :" اي عمي حمد الله "
اشرتلها بيديا بلا منغزرلها نحكي
انا :"هيا "
قربت لكرهبتي وحليت الباب.. هزيت بحاجبي ك غزرتلها و لقيتها باقي واقفة فبلاصتها.. ضيقت عينياا وقت ريتها قربت من عمي تفرك فيداها وتحكي معاه بالشوي فبالها مش بش نسمعها.. تحكي
قمر:"عمي ميسالش نروح معاك ليلة..منحبش نروح معاه تو يبقى يصيح عليا "
حليت عينيا على كلامها وين ريت عمي كيف قحرلي يحكي
مصطفى :"بالطبيعة بنتي هيا اطلع "
قريتلهم فيسع نحكي
انا:"عميي وين عندها تطلع.. خلاهاا تجي نحب نروح"
قحرلي يحكي
مصطفى:"هاك سمعتها.. متحبش تروح معاك خايفة منك هاك مرعبها الطفلة"
ضغطت على يدي بالقوي نحكي
انا :"ياعمي يهديك علاش شعندي عملت انا.. راني بش نهبل الليلة قلها تجي راني بديت نفد "
حل عينيه فيا يحكي
مصطفى:"شعندك تعمل كي تفد..بش تضربها !!"
عديت بعينيا عليه مستغرب نحكي
انا :"يزي عممي ياخي انا وقتاه مديت يدي علاها.. ماهيش بش تمشي معاك خليها تجي تركب"
هز بحاجبو يحكي
مصطفى:"والله راي ريها"
غزرلها يحكي
مصطفى:"تحب تروح معاه..ولا لا !"
غزرتلي وهربت عيناها مني تحكي
قمر:" ب.. باهي عمي توو نروح معاه"
طبطب على كتفها يحكي
مصطفى:"باهي برا..وكان حكا معاك كلمة برك اطلبني تو نجي نروح بيك"
قحرلي وقت سمعني نفخت بالقوي يحكي
مصطفى:" زيد انفخ هكاك حبلك ربي تشكيلي منك والله ما نحاسبك "
هزيتلو براسي باهي نحكي
انا:"باهي ياا عمي تهنى"
مسح على شعرها واشرلها بعينيه يحكي
مصطفى :"أيا برا بنتي ورد بالك على روحك تمشي ترقد طول يزيك ما تعبت ليوم"
قربت منو وبستو تحكي
قمر:"باهي عمي عيشك ربي يخليك ليا "
عديت بيديا على وجهي وطلعت ف لكرهبة حسيت روحي كرزت لسماء من عمايلهاا..غزرتلها على جنب وقت طلعت ف لكرهبة وبقات تفرك فيها ساكتة.. خدمت الكرهبة وشديت ثنية الدار..طريق كامل عديتو ساكت نستنى وقتاه برك نوصل لدار.. مسافة الطريق ووصلنا ركيت لكرهبة وهبطنا..سبقتها مشيت حليت لباب ودخلت..غزرتلها على جنب وين ريتها طلعت طول للبيت..نحيت لفاست متاعي وطلعت للبيت طيشت تاليفوني عالسرير وين سمعت صوت لما فبيت البانو عرفتها تدوش.. هزيت دبشي ورجعت هبطت لبيت لبانو لي تحت غسلت وجهي برشا مرات وحطيت يديا على حرف الرخامة وهزيت راسي مع لمرااياا نغز الضربات لي على وجهي للحظة هاذي مانيش مصدق انو لكلب بش تتعدالو هكاك وطلع منها ف لخر.. منعرفش شباش نعمل تو اما مانيش بش نخليها تتعدا لحكاية بلا منخليه يخلص ولو شوي من لي عملو معاها.. نحيت دبشي ودخلت تحت لما لي حسيتو هداني شوي..
اول ماكملت لبست دبشي وخرجت.. على خرجتي سمعت صوت الباب..مشيت حليتو وين لقيتو أيمن..ريتو كيف غزرلي يحكي
أيمن:"الحمد الله لي تعدات سلامات"
عقدت بحواجبي نحكي
انا:"منين عرفت انت "
ضحك يحكي
أيمن:"هههه علاش بقا حد معرفش والله سي حمزة ينقلنا اخبارك معانا اول باول "
قحرتلو نحكي
ليث:"هاذاكا خليه حسابو معايا "
ضحك ومدلي قفة يحكي
أيمن :"شد شد بعثتو امي كنت بش نجيبهولك للمركز وقت عرفت انك تشديت "
خذيتها من يديه نحكي
انا:" بر روح مانيش ناقصك تو"
ضحك يحكي
أيمن:"تصبح بخير"
انا:"وانت بخير"
هزيت اللي بعثتو خالتي فاطمة ومشيت للكوجينة.. تنهدت بالقوي وقت تفكرتها كيفاه بقات من غير ما تاكل..حليت القفة وجبدت الصحن حطيتو فطبق وحطيت معاه عصير كملت حضرت كلشي وطلعت فوق بش نعطيها تاكل خاطر منحبهاش تبقى من غير ماكلة خاصة انها تعبت ليوم..حليت لباب ودخلت وين لقيتها تشيح فشعرها.. قدمت حطيت الطبق عالطاولة لي بجنب لفوتاي ومشيت هزيت تاليفوني لي كان ينوقز.. ريتها كيف سكتت السشوار وغزرتلي من لمرايا..هزيت على عمي نحكي
انا:"نعم عمي....اي وصلنا.....سيبون وصلو أيمن ومشا....باهي تصبح بخير"
علقت عليه وتلفتلها وين ريتها تمشط فشعرها
انا:"كمل وبرا اتعشى "
حطت من يددها وقدمت من الفرش قعدت تحكي
قمر :"معينيش..نحب نرقد"
قحرتلها نحكي
انا:"مانعااودش كلاامي..براا تعشى "
هبطت راسها تحكي
قمر:"ب.. باهي"
تبعتها بعينيا نغزرلها ك قامت وقعدت بجنب الطاولة..
تنهدت بالشوي ك ريتها هزت يدها ومسحت دمعتها .. عديت بيديا على وجهي وين لقيت روحي غلطت كيف حكيت معاها هكا خاصة انها كانت خايفة تروح معايا ونرجع نصيح عليها..نعرف انها تاعبة وانا زدت علاها..قربت وقعدت بجنبها مديت يدي ودورتلها وجها قدامي.. عديت بعينيا عليها نحكي
انا:" شبيك تبكي "
هزتلي براسها لا تحكي
قمر :"شي "
عديت بكف صوابعي على خدها نحكي
انا:"انت مغشة مني ؟"
ريتها كيف بقات ساكتة بلا متجاوبني جيست دمعتها رجعت هبطت.. مسحتهالها وعديت بيديا على قصتها نحكي
انا :"جاوبني قمر "
ضمت على شفايفها تحكي
قمر:"م.. منحبش.. تونجاوبك تقلي انت سبب و تصيح عليا "
تبسمت نحكي
انا:"مانيش بش نصيح عليك تهنا "
هربت عيناها مني تحكي
قمر:"اي انا مغشة منك..انت بقيت تصيح عليا قبيل"
دورت بيديا على جنبها وجبدتها فحضني نحكي
انا:"منقصدش..سامحني ياروحي"
هزت راسها معاياا وغزرتلي تحكي
قمر:"اما ليث انت دايما هكا..دايما تصيح عليا وليوم صحت عليا قدام عمي "
كبست علاهاا عندي نحكي
انا:"كنت متغشش صدقني منجمتش نتحكم فروحي.. يزي من لبكا قمر"
بعدت عليا وغزرتلي تحكي
قمر:" م..منحبش وقت تصيح عليا هكاك ليث..انا عملت هكاك على خاطرك..ليث انا معادش نجم نتحمل بعدك عليا..لي عشتو وقت تحبست اول مرة معادش نحب نعيشو..علاش انت متحبش تفهمني.. معادش نحب نبقا من غيرك انا وولدي تعبت والله"
تنهدت وقت ريت دموعها رجعو نزلو..قربت منها وبستها من جبينها نحكي
انا:"نعرف والله وسامحني خاطر كل مرة متعبك معايا هكا..اما انا زادة راني بش نهبل..راو مد يدو عليك يا قمر..مرتي راك..وقت نغزرلك وانت هكا كان نلقى نق/تلو وقليل عليه..انت صرت قطعة مني منجمش نتحمل حد يضرك هكا..منحب حتى حد يوصل وياذيك خاطرو ياذيني انا قبلك"
غمضت عينيا كيف رجعت تحشات فحضني تحكي
قمر:"مالا متخلينيش ومتبعدش عليا..خاطر انا معنديش غيرك يدافع عليا ونلقاه فظهري..وجيعة الضربة هاذي متجي شي قدام وجيعة بعدك عليا.. أمان ليث انسى لي صار منحب شي..أمان تعبت من لمشاكل.. كان لازم تو نبطل لقراية لمهم خليك معايا"
غمضت عينيا بالقوي على كلامها ورجعت حليتهم نحكي
انا:"معندك علاش تبطل قرايتك بش تقرا وتنجح زادة..وانا معاك متخافش هيا كول تو الماكلة بش تبرد "
بعدت علياا شوي وهزت بكتفها تحكي
قمر:"ليث نحس فروحي معينيش"
انا:"ميجيش يا روحي نهار لكل عديتو من غير ماكلة..ومتنساش انت حبلة "
قمر:"باهي..كول معايا انت زادة "
تبسمتلها وهزيتلها براسي نحكي
انا:"باهي تو ناكل"
تبسمتلي وهزت لمغرفة تاكل..هزيت انا زادة لمغرفة وكليت شوي..اول ما كملنا هزيت الطبق نحكي
انا :" برا اشرب دواك وانا شوي ونجي "
قمر:"باهي"
هبطت الطبق و هزيت داوها لي شريتو قبيلا من الصالة ورجعت للبيت حذاها..قدمت من الفرش وطلعت قربت منها وين لقيتها متكية نحكي
انا :" هز روحك شوي"
تقعدت وغزرتلي تحكي
قمر:"علاش!"
مديت يدي لخصرها و وجبدتها عندي اكثر نحكي
انا :"بش نحطلك مرهم للضربة"
هزلتي براسها باهي وبقات تبع فيا بعيناها..حطيت شوي من المرهم وبقيت نعدي فيه بالشوي وين ريت وجها كيفاش تكبس من لوجيعة نحكي
انا:"شوي ونكمل..موجوعة برشا؟"
انا:".اي توجع شوي"
كملت وقدمت منها غمضت عيناها وقت بستها من خدها وهبطت بستها جنب شفايفها قدام الجرح نحكي
انا:"اللطف عليك من لوجيعة"
مديت يدي حطيت المرهم على جنب وجبدتها فحضني تكيت نحكي
انا :" أيا ارتاح يزيك ما تعبت ليوم"
دورت بيداها عليا تحكي
قمر:" عيشك ليث..انت دايما حنين معايا..ربي يخليك ليا "
بستها من راسها نحكي
انا:"ويخليك ليا"
دورت بيداها عليا وحشات راسهاا ف صدري تحكي
قمر :"تعرف ليث وقت قلي حمزة انك تشديت حسيت روحي بش نموت..خفت برشا انك متروحش معايا ليلة خفت نرجع نعيش نفس احساس ليلة هاذيك "
بقيت نسمع فيها وين حسيت روحي تقلقت على خاطرهاا وفرد وقت فديت من روحي خاطرني نسيت هذا لكل انا.. غشي خلاني ننسى تعبها وشنوة صار فيها اول مرة..عديت بيديا على شعرها نحكي
انا:"هاني معاك متخافش"
رجعت تبسمت نحكي
انا:" يافر/خة و قبيلا متحبش تروح معايا"
هزت روحها شوي وغزرتلي تحكي
قمر:" انا خفت منك ترجع تتعارك معايا "
غزرتلها فعيناها نحكي
انا:"معادش تعملها قمرتي..معادش تتحامى بحد آخر مني..راني نضر روحي ومنضركش باهي..معادش تخاف مني "
تبسمتلي وهزتلي براسها باهي تحكي
قمر:"باهي "
هزيت بحاجبي نحكي
انا :"راني قريب هبلت قبيلا وشديت روحي بالسيف بش ما نكركركش.. لايزي عمي بهدلني على خاطرك.. جيت نلقاك متحبش تروح معايا "
عضت على شفايفها تحكي
قمر:" شقلك عمي..انا خفت تتعاركو من جرتي"
ضحكت نحكي
انا :"بهدلني وكهو كيف لعادة"
ضحكت تحكي
قمر:"تستاهل"
ضيقت عينيا فيها وقرصتها من مرفقها نحكي
انا:"شوف لفر/خة تتشمت فيا"
رجعت تكات فوق صدري تحكي
انا :"أيا ارقد ارتاح"
كبست عليها وبقيت نعدي فيدي على شعرها وفرد وقت نخمم ف لي بش نعملو غدوة خاطر حتى كان معادش بش نقرب منو منيش بش نخليه يخرج منها هكاك لحكاية..
VOUS LISEZ
#ليس_ذنبي ❤️🔥
Roman d'amour" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
