#قمر_تحكي
دوب حليت عينيا شوي ورجعت سكرتهم من وجيعة راسي..حسيت روحي عاجزة بش نتحرك بدني كان يوجع عاللخر ومخدر.. رجعت حليت عينيا بالجهد وغزرت للبيت الي كنت فيهاا وين لقيت روحي ف السبيطار ..حسيت بيه كيف تنطر وعدا بيدو على شعري يحكي
ليث:" قمر..كيفاش تحس في روحك "
منجمتش نجاوبو وبقيت نغزر ف الفراغ.. وقتها وين تفكرت الي صار لكل.. الشي الي خلا نفس الخوف يمكن فياا من جديد.. بقيت نغزر للسقف وتفكيري لكل ف شنوة انا عشت الصباح.. أصواتهم ووجوهم رجعو هدو علياا من جديد لحظتها دموعي نزلو بالوقت.. مانعرفش علاش انا مكتوبلي نعيش نفس الخوف والتعب هذا.. هكاكا وحسيت بيديه تحطت على خدي مسحلي دمعتي يحكي
ليث :" قمر..تسمع فيا "
بقيت نغزر قدامي مانجمتش نجاوبو حسيت روحي ف دنيا أخرى وحدي مازلت محصورة ف الي صار الصباح.. صوت صياحي و أصواتهم هوما بقاو يتعاودو ف وذنياا مانجمتش نسمع ليث ولا نحس بيه حذاياا..قلبي خض بالقاوي وقت تذكرت اخر شي صار معايا..منظر الدم اللي هبط مني لتو بين عينيا..هزيت يدي بالسيف وحطيتها على كرشي.. بلعت ريقي الي كان ناشف ف حلقي وتقويت على روحي نحكي
انا :" و..ولدي.. مليح "
مسح بيديه على شعري وقعد بجنبي..غزرلي درا كيفاه يحكي
ليث :" ارتاح تو يا روحي وماتخمم ف شي "
لحظتها دورت راسي وعديت بعينيا عليه.. حسيت بغصة شدتني من كلامو وغزرت عينيه إلي كانت مدمعة.. هزيتلو براسي لا نحكي
انا:" ليث.. شبيه ولدي"
عدا بعينيه عليا وبلع ريقو من غير مايجاوبني.. سكوتو وغزرتو كانو كافيين بش يخليوني نعرف الي صار لحظتها قلبي تقبض عليا ووجيعة قوية شدتني.. شهقت بالقوي وين دمعتي نزلت تحرق على خدي..مانجمتش نصدق الي صار..فكرة اني خسرت اكثر حاجة كنت نستنى فيهاا خلاتني نحس بخنقه..كبست بيديا عالملحفة وحاولت نهز روحي.. شهقت بالقوي مع دموعي الي نزلو اكثر نحكي
انا :" ل.. ليث جاوبني امان ..ولدي مليح.. مش هكا "
ريتو كيف مد يدو لي كانت ترجف وحاول يسطحني ويحكي بالسيف
ليث :" ق.. قمر..ا اهدا امان "
بعدت عليه فيسع.. وهزيتلو براسي لا حسيت قلبي تحرق ونار شعلت.. طرشقت بالبكا ومانعرفش كيفاه خرجت صوتي بالسيف نحكي
انا :"م.. مش صحييح..ليث امان قلي لي هو لباس" قربت منو وحطيت يدي على صدرو نحكي
انا :م..مش ليوم موعد طبيبة..خ..خلينا نمشيو ونطمنو عليه..منحبش نخسرو..والله منجم نتحمل ليث ا..امان " حطيت راسي على صدرو وبقيت نبكي بالصوت..بقيت نستنى ف كلمة وحدة منو تطفيلي النار لي شعلت فيا.. تدويرة يدو عليا من غير حتى كلمة ودمعتو لي هبطت على رقبتي..خلاوني نتاكد من لي صار..وقتها وين عرفت لي ولدي راح ومعادش موجود..حطيت يدي على كرشي وكبست عليها بالقوي ..وبقيت نبكي بالصوت كبس عليا اكثر يحكي
ليث:" قمر اهدا ياروحي.. راك مازلت تاعبة "
هزيت راسي وغزرتلو نترجى فيه بعينيا نحكي
انا:"ليث..نحب على ولدي امااان قلي لي انت قاعد تكذب"
مد يدو وشدني يحكي
ليث :"ق.. قمر"
هزيت يدي بعدتو عليا نحكي
انا:" ابعدني..انت تكذب..فهمت تكذب..مش قتلي بش تكونو لباس وينو ول د..."
سكتت من الغصة الي شدتني منجمتش نكمل لكلمة.. حسيت روحي تحرقت من داخل..حطيت راسي عالمخدة بقيت نبكي بالصوت حسيت روحي تخنقت.. كبست على كرشي اكثر كاني حبيت نحس بوجود صغيري.. مستحيل يكون سلم فياا وخلاني..هزيت راسي غزرت لليث نحكي
انا :" علااااش صااار فيااا هكااا.. علااااش "
رجع حط يديه على راسي ومسح عليا صوتو لي خرج يرجف ودموعو لي تخلطو بدموعي حسيتهم شواوني
ليث:" هاذا شنوة قدر ربي..واحنا لازم نرضاو"
كبست بيديا بالقوي عالملحفة وطرشقت بالبكاء اكثر.. حسيت قلبي كان يبكي قبل عينيا وانا نتفكر ف فرحتي بيه الصباح كيفاه بش نعرف جنس صغيري.. تفكرت كل حاجة حكيتها معاه وشنوة تخيلت بش نعمل اول مايجي.. كنت نستنى ف الايامات تجري بش نهزو بين يديا ونشم ريحتو.. عديت ليالي وانا نتخيل ف شكلو كيفاه بش يكون.. علااش حرموني من هذاا لكل.. غمضت عينيا بالقوي وبقيت نبكي.. للحظة تمنيت يكون هذا لكل كابوس ونفيق منو ونرجع نحس ب صغيري مرة أخرى...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
