#ليث_تحكي
كملت لبست حوايجي وهزيت الفاست متاعي وخرجت من البيت.. نزلت تحت وين ريت قمر ف الصالة تلعب مع كرم..قدمتلها نحكي
انا :" صباح الخير قمرتي "
تبسمتلي ووقفت من بلاصتها تحكي
قمر :" صباح النور "
عدات بعيناها علياا ورجعت تحكي
قمر :" ياخي خارج ؟"
هزيتلها براسي اي نحكي
انا :" اي لازمني نتعدا للبيرو.. عندي خدمة مستعجلة "
قربتلي اكثر ووقفت قدامي تحكي
قمر :" ليث خليك.. حاول تأجلها الخدمة هاذي "
انا :" مانجمش قمر.. انت خليك هناا انا نحاول مانبطاش تفاهمنا؟"
عوجت شفايفها وغزرتلي تحكي
قمر :" باهي.. خليني نحضرلك فطورك مالا "
انا :" لا خلي عليك.. قلي رفيقة ويني ؟"
قمر :" مازلت مع عمي..نزلت قبيلا فطرت شوي ورجعت حذاه "
هزيتلها براسي باهي من غير حتى كلمة..طبست بستها من راسها نحكي
انا :" رد بالك تخرج هاني وصيتك.. و كلمني كان صارت اي حاجة "
قمر :" باهي وانت رد بالك على روحك "
هزيتلها براسي باهي من غير حتى كلمة وعطيتها بظهري وخرجت.. وصيت الرجال بش يحلو عيناهم وطلعت ف الكرهبة خدمتها وشديت ثنية البيرو..طريق كامل عديتو وانا نخمم ف النهارين الي فاتو والي صار وين لقيت روحي مش عارف كيفاه نتصرف ونخلي هذا الكل يوفى.. بلحق مش عارف لوقتاه بش نبقاو عايشين كل مرة ف خوف جديد من وراء خالي.. كبست عالفيتاس أكثر حبيت نوصل فيسع نكمل خدمتي ونرجع.. اول ماوصلت راكيت الكرهبة على جنب ونزلت فيسع..دخلت للبيرو وين ريت فريحة قدامي..هزت راسها معاياا ووقفت من بلاصتها تحكي
فريحة :" بونجور ليث "
قربتلنا ووقفت قدام بيروها نحكي
انا :" بونجور "
فريحة :" وينك لبارح ماجيتش ؟ حتى ك طلبتك ماتحصلتش عليك.. انت مليح "
عديت بيديا على وجهي وتنهدت بالشوي نحكي
انا :" اي مافقتش بالتليفون.. عمي كان ف المصحة تضرب.. مانجمتش نركز ف شي "
حلت عيناها فيا تحكي
فريحة:" عم مصطفى؟؟ كيفاه تضرب ؟"
انا :" فما شكون ضربو ب سكينة "
شهقت بالشوي تحكي
فريحة:" شكون الي عمل فيه هكا ؟؟و شحالو هو تو لباس ؟؟؟"
هزيتلها براسي اي نحكي
انا :" اي لباس.. روحنا بيه.. ومازلنا مانعرفوش شكون عمل هكا "
فريحة :" مسكين تو كان هكا بعد الخدمة نمشي نطل عليه "
انا :" مرحبا بيك.. سينون قلي جبت الملف الي وصيتك عليه من المحكمة؟"
فريحة:" اي اي.. تلقاه موجود على مكتبك "
تبسمت نحكي
انا :" باهي عيشك "
خليتها ودخلت للبيرو..قعدت عالمكتب وبقيت نخدم ف القضية الي عندي..مانعرفش قداه تعدا علياا وقت وانا غاطس بين الأوراق.. اول ماكملت هزيت راسي غزرت للساعة..قمت من بلاصتي ولبست الفاست متاعي وخرجت..حكيت مع فريحة على بقية الخدمة وخرجت طلعت ف الكرهبة وشديت للمصحة.. حكيت مع الطبيب و شوي وبعد خرجنا مع بعضنا بش يمشي معاياا يفحص عمي.. اول ماوصلنا للفيلا دخلناا مع بعضناا وين عرضتنا رفيقة.. قربتلها شوي نحكي
انا :" اهلا رفيقة.. جبت الطبيب معايا بش يفحص عمي"
عدات بعيناها علينا وغزرتلي تحكي
رفيقة :" اي تفضلو.. هو فايق تو "
هزيتلها براسي باهي وطلعت مع الطبيب للغرفة..حليت الباب ودخلنا وين ريت عمي فايق ودوب غزرلناا.. ريت الطبيب كيف قربلو وبقى يفحص فيه.. اول ماكمل معاه طمني عليه انو مفماش حاجة تخوف وخرج.. قربت ناحية عمي وقعدت بجنبو نحكي
انا :" الحمدالله على سلامتك عمي..الطبيب طمني عليك.. ايامات وترجع خير من قبل "
تبسملي.. وكبس على وجهو حاول يهز روحو..قمت من بلاصتي فيسع نحكي
انا :" بالشوي خليني نساعدك "
ساعدتو بش هز روحو شوي يحكي
مصطفى:" ل..ليث خلينا نحكيو شوي..م..مدامنا وحدنا "
انا :" ماتعبش روحك تو.. تو نحكيو ف كل شي من بعد "
هزلي براسو لا وعدا بلسانو على شفايفو يحكي
مصطفى:" انا مليح وراس ولدي "
انا :" باهي قلي شنوة تحب تحكيلي ؟"
مصطفى:" نحب نحكي معاك على نهار الحادثة "
انا :" نسمع فيك.. قلي شصار بالضبط؟"
كبس عالملحفة بيديه يحكي
مصطفى:" م..محمود بعثلي شكون.. ق..قبل مايضربني.. ق..قال الي محمود.. يسلم عليك و يوعدك بش.. يق..تلك و يق..تل مرتك وولدك بش يكون أمانة عندو.. و..وهددني بيك انت زادة ومرتك "
كبست عالبونية متاعي من لعصب الي حسيتو طلعلي لراسي من وراء الشي الي سمعتو..حسيت روحي كرزت اكثر منو.. رسيت على سنيا بالقوي من غير حتى كلمة..سمعت كيف عمي رجع يحكي
مصطفى:" ع..على هذاكا ليث..ردو بالكم على رواحكم الفترة هاذي.. انا هاك..ترا فياا مازلت ف الفرش.. الجماعة لكل أمانة عندك تو "
حطيت يدي على يديه نحكي
انا :" تهنى عمي.. رفيقة وكرم أمانة عندي مستحيل نخلي حد يمسهم.. و انا و قمر ماتخافش علينا زادة.. انت تلهى ف صحتك تو وارجعلناا "
تبسم بالسيف يحكي
مصطفى:" نعرف عيش ولدي.. زادة.. زادة حبيت نحكي معاك بخصوص الشركة مفماش حد ينجم يعوضني غادي.. و الخدمة مكدسة "
انا :" عمي ماتخمم ف شي.. حتى الخدمة تهنى عليهاا تو غدوة الصباح نتعدى نشوف الوضع ونحكي مع الخدامة وبعد نمشي لبيروياا "
هزلي براسو لا يحكي
مصطفى:" لا ليث مانحبش نكثر عليك ونتعبك.. انت يكفي الي عندك تو.. ناديلي سليم المساعد متاعي و انا تو نحكي معاه "
كبست على يديه اكثر نحكي
انا :" عمي تعبك راحة.. انت ارتاح وخلي كل شي عليا انا غير اهتم بصحتك تو "
تبسم يحكي
مصطفى:" باهي مالا..عيش ولدي "
عديت بعينيا عليه وقمت من بلاصتي نحكي
انا :" نخليك تو حاول ترقد شوي تو..و تو اناديلك رفيقة تجيبك عشاك "
هزلي براسو باهي من غير حتى كلمة..عطيتو بظهري وخرجت.. اول ما خرجت من عند عمي عرضتني رفيقة..قربتلي شوي تحكي
رفيقة:" طمني ليث شقال الطبيب لباس مش هكا ؟"
هزيتلها براسي اي نحكي
انا :" اطمن لباس متخافش..جيست اعطيه دواه في الوقت وحضرلو حاجة يأكلها "
هزتلي براسها باهي وتبسمت تحكي
رفيقة :" باهي عيش ولدي "
انا :" من غير مزية.. قلي قمر وينها ؟"
رفيقة :" اهيكا تحت في لكوجينة مع فاطمة "
انا :" باهي "
عطيتها بظهري ونزلت تحت مشيت للكوجينة..اول ماريتها من بعيد حسيت روحي تروهجت وانا نغزر لشعرها لمبلول والروبة لي لابستها قدمت منها بالشوي ودورت بيديا عليها..جبدتها في حضني وين حسيت بيها تخضت..دورت راسها شوي تحكي
قمر :" ليث هذا انت ؟"
غرست راسي في رقبتها نحكي
انا :" اممم انا "
حطيت يداها على يدي تحاول تفك فيها وتحكي
قمر :"ل.. ليث شتعمل خالتي فاطمة تو ترانا "
بستها بوسه خفيفة من رقبتها نحكي
انا :" توحشتك برشا "
وطات ف صوتها اكثر تحكي
قمر :" ليث امان "
بعدت علاهاا شوي وشديتها من يداها نحكي
انا :" باهي.. ايجا معايا "
عدات بعيناها علياا مستغربة تحكي
قمر :" وين ؟؟"
انا :" ايجا للبيت حاجتي بيك "
قمر :" ماو انا بش نطيب مع خالتي فاطمة "
كبست على يداها اكثر نحكي
انا :" قتلك محتاجك.. تو تنزل طيب معاها "
قمر :" ب باهي..سيبني "
سيبت يداها واشرتلها براسي نحكي
انا :" برا للبيت "
هزتلي براسها وعطاتني بظهرها سبقتني.. بقيت نغزر لبدنها المنحوت في الروبة.. رخفت لكرافات متاعي وطلعت وراها اول ما دخلت للبيت دخلت وراها فيسع..خطفتها من يدها وتكيتها على لباب .. حسيت بيها كيف تربثت مديت يدي وبعدتلها خصلات من شعرها نحكي
انا :" شبيك ؟"
عدات بلسانها على شفايفها وغزرتلي تحكي
قمر :" ش.. شي "
عديت بعينيا عليهاا وركزتهم ف شفايفها نحكي
انا :" توحشتك "
قمر :" وانا زادة "
ضيقت عينيا فيها نحكي
انا :" انت شنوة ؟"
قمر :" توحشتك "
انا :" مش هذا للظاهر...هاك تتهرب مني "
قمر :"هأه.. خالتي كانت تحت في الصالة"
انا :"ممم.. باهي... قلي مشات"
عقدت بحواجبها مستغربة تحكي
قمر :" شكون ؟؟؟"
انا :" لي راقل "
ريتها كيف حلت عيناها فيا وبلعت ريقها بالسيف تحكي
قمر :" اه امم "
تنهدت بلقاوي نحكي
انا :" حمد الله اخيرا "
مديت يدي نحيت لكارفات رميتها على الارض رجعت غزرتلها كيف تحكي
قمر :" ل..ليث شتعمل انت "
هزيت بحاجبي نحكي
انا :" في رايك.. متوحش مرتي نظن من حقي "
ريتها كيف فركت يداها تحكي
قمر :" ل ليث منجمش تو والله "
انا :" علاش ؟؟"
عضت على شفايفها وغزرتلي تحكي
قمر :" خالتي فاطمة تستنى فيا انا طلبت منها تعلمني نطيب و...... "
قصيت عليها كيف رجعت قربت منها وحصرتها اكثر مع لباب نحكي
انا :" شعندي في الطياب انا.. نقلك متوحشك تقلي نطيب "
حطت يداها على صدري تحكي
قمر :" ماو ميجيش خالتي تستنى فيا تو"
نزلت يداها وحطتها على لبواني بش تحل لباب تحكي
قمر :" ابعد شوي.. خليني نخرج "
حطيت يدي على يدها فكيتها ودرتها ورا ظهرها ..قربت وجهي لوجها اكثر نحكي
انا "' مثماش خروج "
نفخت بالشوي تحكي
قمر :" ليث امان ... "
قصيت عليها كيف بستها بوسة خفيفة من شفافها نحكي
انا :" ششش.. يزيك من الاعذار "
دورت بيدي الاخرى على خصرها وجبدتها عندي نزلت من شفافها لرقبتها نبوس فيها.. تبسمت كيف حسيت برعشتها بين يديا وصوتها لي خارج بالسيف مع نفسها الي عمال يقوى تحكي
قمر :" ل.. يث ي.. زي "
سيبتلها يدها و هزيت يدي نفتح في زرار الروبة من فوق..حسيت بيداها كيف تحطت على صدرها تحكي
قمر :" ليث "
قربت بستها مرة اخرى من شفافها نحكي
انا :" يا روح ليث "
بقات تجبد في روحها مني وتحكي
قمر :" س.. سيبني والله عيب "
انا :" انساااااا "
هزيتلها يداها ثبتهم مع لباب وغطست في صدرها حسيت روحي معادش فيا مع صوتها لي ينادي باسمي
قمر :" ل..لي..ث ام..امان "
مديت يدي ونزلتلها الروبة اكثر حسيت بيها كيف تخضت مع صوت لباب بقات حالة عينها فيا ومدورة بيداها على صدرها تبسمت وجبدتها اكثر من جيهة الباب حليتو وهي بقات وراه متبانش طليت على خالتي فاطمة تحكي
انا :" نعم خالتي "
فاطمة :" ولدي مريتش قمر.. قتلي علمني نطيب ومنعرفش عليها وين مشات "
ضحكت نحكي
انا :" قمر داخت خالتي..اهيكا راقدة..قتلك ليوم منجمش سامحني "
فاطمة :" بربي؟ من شوي كانت لباس عليها شبيها ؟"
انا :" منعرفش.. هاك ترا بنات هالايام ميتعملش عليهم "
سكتت كيف حسيت بيها ضربتني على ظهري غزرتلها على جنب وتبسمت.. سمعتها تحكي
فاطمة :" اي ولدي هاذاكا الصح انا نمشي نطيب على روحي "
انا :" ربي يعينك خالتي "
سكرت لباب وغزرت لقمر ضحكت كيف قدمت مني و ضربتني بيديها زوز على صدري تحكي
قمر :" مسقطك "
دورت مفتاح لباب وهزيتها وحطيتها مديت يدي نفتح في زرار سوريتي نحكي
انا :" تو نوريك السقاطة على قاعدة "
رجعت هزت الروبة بسرعة وغطات بدنها تحكي
قمر :" كلو منك اهيكا تغشت.. قتلك لمرا تستنى فيا عيب "
جبدتها عندي لين تضربت فيا نحكي
انا :" راجلك ابجل من كل شي..تاعب ونحب على مرتي "
عديت بيدي على كتفها ورجعت نحكي
انا :" وانت من واجبك تريحني حبي "
عوجت شفايفها وغزرتلي تحكي
قمر :" متنجمش تصبر شوي ؟"
انا :" عندي خمس ايام صابر.. الله غالب اكثر من هكا منجمش"
قمر :"زايد متحشمش"
طبست راسي شوي وقربتلها بش نبوسها من شفايفهاا.. اما وقفت على صوت الباب كيف رجع دق..ريتها كيف ضمت على شفايفها تضحك..بعدت علاها فيسع ونفخت بالقوي نحكي
انا :" لا الله الا الله.. شنوة تو بش يبقاو ماشين جاين علينا الواحد مايلقاش راحتو "
حطت صبعها على شفايفها وغزرتلي تحكي
قمر :" احكي بالشوي عيب تو يسمعوك "
انا :" استنى نشوف شكون "
قربت للباب وحليتو وين ريت رفيقة قدامي تحكي
رفيقة :" ليث امان كان قمر حذاك اسألها على دواء كرم وين حطتو "
انا :" قمر رقدت.. اما ظاهرلي ريتو ف الصالة شوف تو تلقاه غادي "
رفيقة:" باهي عيش ولدي "
تبسمت نحكي
انا :" من غير مزية "
رجعت سكرت الباب وراياا وتلفتتلها وين لقيتها تضحك بالساكتة.. قربتلهاا وضيقت عينيا نحكي
انا :" شبيك تضحك ؟ فرحانة ؟"
قمر :" ههه والله تحسنا عاملين عملة.. خليني نمشي امان والله قلبي بش ياقف "
حطيت يدي على مرفقهاا وجبدتها عندي نحكي
انا :" مفماش مشي خاطر العملة لكبيرة مازالت "
ذبلت عيناها فيا تحكي
قمر :" يزي احشم "
جبدتها عندي اكثر وحطيت يدي عالروبة انزل فيها نحكي
انا :" قمرتي ماهوش وقت حشمة.. خلينا نستغلو الوقت قبل مايزيد يقوم كرم المرة هاذي يدق عليناا "
ريتهاا كيف طرشقت بالضحك من غير كلمة.. قرصتها من كتفها ورجعت نحكي
انا :" اضحك قمر اضحك.. اول ما يقوم عمي بش نرجعو لدارناا هاو ف علمك.. ماعينيش نبقى هكا انا "
قمر :" تعرف الي انت مجنون ولا لا "
طبست وجهي قدام وجهها وعديت بعينيا عليها نحكي
انا :" امم مجنون بيك انت قمرتي "
مخليتهاش تجاوبني وغطست في شفافها..جبدتها عندي اكثر وهزيتهاا ف حملتي..قدمت بيهاا للفرش و سطحتها.. طلعت بجنبهاا وجبدتهاا تحتي وين رجعت طبست عليهاا وغطست ف شفايفها.. حسيت بيداها كيف دارو وراياا وين زدت كبست عليهاا اكثر وغطست فيها...نحس في روحي بش نموت بوحشها خاصة انو هاذي كانت اطول مدة نبقى بلا منقربلها من يوم ملكتها...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
