#قمر_تحكي
شهقت بالشوي كيف سمعت كلامو انو يحيى حاول يخلص عليه غادي..عديت بعينيا عليه مصدومة نسمع فيه يحكي
ليث:"وقت رفضت نشوفك..كنت خايف نضعف بعد لقرار لي خذيتو..كنت عارف روحي انو كان نشوفك مرة اخرى مستحيل نجم نكمل ف لقضية وانا ماخذ لقرار بالسيف عليا "
ضميت على شفايفي وين حسيت قلبي وجعني من لكلام لي قالو..وين حسيت بقهرتو هو زادة كيفاه عمل هكاك على خاطري بش يخليني نعيش حياتي مرتاحة..
هزيت راسي معاه كيف قربلي..عدا بعينيه علياا يحكي
ليث:"انا منجمتش نحكي حتى شي من لي صار بش ماتخافش خاصة انك حبلة.. مكانش عندي أمل اني نخرج من غادي.. ولا مستحيل نخمم نعمل الشي هذا صدقني..وكان معادش عندك ثقة فيا كيف ما قلت ومعادش تحب تكون معايا..حتى بعد ما سمعتني تو.. انا مستحيل نشدك معايا بالسيف عليك "
مسحت دمعتي و هزيتلو براسي لا.. قربت منو وترميت عليه تحشيت فحضنو نحكي
انا:"انت م..مكانش لازم تخبي عليا لي صار معاك غادي.. مكانش لازم ترفض تشوفني وتخليني ماني فاهمة شي.. انا مستحيل كنت نجم نكمل حياتي مع غيرك "
دور بيدو عليا وحشاني فحضنو.. كبس عليا بالقوي يحكي
ليث:"نعرف على هاذي عملتها من دون علمك خاطر كان سالتك مستحيل تقبل..اما وقتها هذا كان اصح قرار ليك وحتى لصغيري"
بعد عليا ومسحلي دموعي يحكي
ليث:"يزي من لبكا..صدقني انا وقتها خممت فراحتك وكهو..راني كنت نموت وقت نراك وانت فلعمر هذا تجي للحبس لبلاصة مش متاعك..قداش كنت بش تتحمل؟عام !عامين! راهم عشرين سنة ياقمر..كان انت تنجم تصبر انا منجمش..منجمش نراك تذبل قدامي ونربطك معايا "
هزلي راسي ورجعلي خصلات شعري ورا يحكي
ليث:"انت غالية عليا اكثر من اي حاجة..ديما نقلك معادش تشكك فحبي ليك "
هزيتلو براسي باهي وغمضت عينيا على على يدو لي هبطت من على طول خدي..حط يدو على دقنونتي وهزلي راسي يحكي
ليث:"سامحتني!"
حطيت عينيا فعينيه وقربت منو..عديت بيديا على صدرو وحطتها على رقبتو..قريت اكثر وحطيت شفايفي على شفايفو..حسيت لكورون تعدا فبدني كيف بستو وحسيت بدفا شفافو..جبدني عندو وتكاني عالكوافوز وغطس في شفايفي وين حسيت بدني تخدر من قوة الاحساس لي تملكني فاللحظة هاذي..ولي عندي برشا عليه..بدني رعش وقت حسيت بيدو هبطت سلسلة الروب..خذيت نفس طويل وبقيت ننهج وقت بعد عليا وباسني بوسة خفيفة من رقبتي..غمضت عينيا على لحيتو لي دغدغتني وقت هبط ببوساتو على طول رقبتي يحكي
ليث:توحشتك..توحشت ريحتك "
كبست على جنبو وقت منجمتش نحكي حسيت بيه كيف هزني بين يديه وقدم بيا للفرش..حطني بالسياسة وطبس عليا..غزرلي فعينيا يحكي
ليث:"توحشتني؟"
عديت بيديا على خدو نحكي
انا:"توحشتك برشا "
تبسم وطبس عليا باسني بوسة خفيفة وعدا بعيناه على بدني يحكي
ليث:"هكا تعمل فراجلك؟.. لا يزي كنت محبوس وخرجت متحوشك..تزيد تبعدني عليك وتحرمني منك !"
بوزت شفايفي وجبدتو عندي اكثر نحكي
انا:"اما انت غششتني ليث..حتى انا كنت متوحشت..اما منجمتش نسامحك "
عدا بيدو على خصلات شعري يحكي
ليث:"مش تفاهمنا من قبل تعود تسمعني قبل ما تحكم عليا ؟"
انا:"اي وتفاهمنا زادة معاد نخبيو حتى شي على بعض..انت غلطت ليث كيف خبيت عليا..يعني عالاقل كنت خبرتني كيف خرجت "
هزلي براسو اي يحكي
ليث:"نعرف..اما قتلك خاطرك حبلة خفتك تتغشش ولا تتعب "
هزيت بكتافي نحكي
انا "هأه.. كان فهمتني بالسياسة كيف تو مكنتش بش نتغشش "
تبسم وباسني من كتفي يحكي
ليث:"باهي لالة سامحني حقك عليا..معاد نخبي حتى شي على حبي"
تبسمت وهزيتلو براسي باهي نحكي
انا"سامحتك "
ضحك ورجع يحكي
ليث:"اما حتى انت بش تخلص حق صحة راسك"
مد يدو وهبطلي سيول الروبة يحكي
ليث:"بش تخلص حق كل دقيقة خليتني فيها متوحشك وانت كنت تنجم ترحمني قبل هكا وتسمعني..بش نخلص وحش ليامات الحبس وايامات الغش "
عضيت على شفايفي وقت عضني من رقبتي يحكي
ليث:"تو بدا للحساب "
دورت بيدي على رقبتو وقت باسني بالقوي وين لقيت روحي متفاعلة معاه حتى انا وحاولت نحي وحشي ليه ..لحظات كانت كافية بش توصلي قداش هو كان متوحشني وكلامو لي خلاني نفهم انو حتى هو كان تاعب فبعدي عليه..لقيت روحي مسلمتلو وقت غطس فبدني وعيشني ليلة كانت من احلى الليالي لي تشاركتها معاه.. غمضت عينيا وقربت منو وقت جبدني ليه وترمى قدامي ينهج..حطيت راسي على صدرو وبقيت نغزرلو..جبد الغطاء علينا باسني من راسي يحكي
ليث:"معادش تعملها..مهما صار معادش تعاقبني ببعدك عليا بالطريقة هاذي"
هزيتلو براسي باهي نحكي
انا:"علاش ناوي تزيد تغششني؟"
ضحك وعدا بيدو على شعرو يحكي
ليث:"توبة اخر مرة..خاصة مدامك تتوحم"
ضحكت وهزيتلو وبراسي نحكي
انا:"اي يكون احسن خاطر لوحم يخلي لمرا تكره راجل وتتغشش اكثر"
هز بحواجبو يحكي
ليث:"صاار.. اما انا مانخافش من ليوم نعرف سر كيفاه نخليك تسامحني "
عقدت بحواجبي نحكي
انا:"كيفاه تراه "
ليث:"ساهلة نمشي نشريلك قاتو بالشكلاطة "
ضحكت وضربتو على صدرو نحكي
انا:"بالله سي ليث "
ليث:"والله"
ضحك وكمل يحكي
ليث:"كثر خيرها خالتي فاطمة ربحت فيا اجر..كان مش لقطعة لي عطاتهالي راني بايت شايح "
كمل كلامو وغمزني..ضحكت نحكي
انا:"هأه..مش بش نرضى ديما بلقاتو..لمرة هاذي خاطرني نتوحم اشتهيتو"
تبسم عدا بيدو على كرشي يحكي
ليث:"ممم يعني بنتي لي عاونت بوها..مش انت لي تحب اي حاجة فيها شكلاطة!"
تبسمت وهزيتلو براسي اي نحكي
انا:"اي هي هي مش انا..أصلا مزلت شاهية ناكل منو "
حل عينيه فيا يحكي
ليث:"شنووة.. هاك كليت حقي وحقك ومشبتعش!"
انا:"شبيك تحسبلي فيها انت ..انا نتوحم أصلا الطرف كانت صغيرة"
ليث:"والله عالحالة كان لازم يعطوك الطارت كلها ليك "
بوزت شفايفي نحكي
انا:"يزي ليث مش بيدي والله..ياريت نجم ناكل منو ..حسيت روحي ارجعت اشتهيتو كيف ذكرتني بيه"
باسني من راسي يحكي
ليث:"ليوم يزيك لي كليتو بش متوجعكش معدتك..ارقد تو وغدوة نمشي نشريلك "
عوجت شفايفي نحكي
انا:"متشريليش.. انا اشتهيت هاذا لي فلحفلة..أصلا عمري ما ذقت كيفها مش بش يعجبني كان تشريلي نوع اخر"
غزرلي درا كيفاه يحكي
ليث:"شنعمل مالا ؟"
انا:"ماتعمل شي..اصلا انت علاش حتى تفكرني بيه انا بالسيف بش نسيتو "
تبسم وهز روحو عدا بصباعو على شفايفي يحكي
ليث:"وشنوة لي نساك فيه قمرتي!"
هربت عينيا وقت فهمت قصدو نحكي
انا:"اه"
حسيت وجهي فور وقت حط وجهو فوجهي و غمزني يحكي
ليث:"نجم نرجع نسيك فيه..حتى انا نحب ناخذ بايتي الثانية من لحلو "
بلعت ريقي بالسيف وغزرتلو
انا:"ز..زائد متحشمش"
ليث:"ههه علاش ساعة هاذي فعوض حقي لي كليتو حبي "
جيت بش نحكي قص عليا كيف رجع غطس فبدني
وين لقيت روحي سلمتلو من جديد...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
