#ليس_ذنبي ❤️‍🔥

حلقة 99

حلقة 99
#ليث_يحكي
حليت عينيا على يداها الي دارت وكبست علياا..نزلت راسي وبقيت نغزرلها كيفاه مازالت راقدة مش حاسة بشي..قربتلها اكثر بستهاا من راسهاا وبعدتهاا علياا بالسياسة..غطيتهاا مليح وقمت دخلت لسال دوبان خذيت دوش خفيف وخرجت..رجعت للبيت لبست سورفاتمون وريقلت اموري ونزلت للكوجينة..بقيت نحضر ف الفطور..اول ماكملت حطيتو ف طبق هزيتو ورجعت طلعت للبيت..حليت الباب ودخلت وين ريتهاا مازالت راقدة لتو..قربت منها شوي..حطيت الطبق عالتابل لي بجنبي وطلعت عالسرير تسطحت وقربتلها عديت عنييا عليهاا و على بدنها الي كان عريان شوي من وراء الملحفة إلي كانت مغطية اللازم ف اللازم.. قربتلها اكثر وعديت بيدي على خدها و خصلات شعرهاا الي كانو طايحين..طبست عليهااا وخديت نفس طويل من ريحتهاا الي رهوجتني و خلاتني نشتهي نرجع نغطس فيهاا من جديد..عديت بشفايفي على خدهاا وبقيت نبوس فيها.. تململت شوي ويادوب حلت عينيهاا غزرتلي ورجعت غمضتهم..تبسمت على لفازة نحكي
انا :" شنوة ماكش بش تفيق ؟"
قمر :"مممم.. خليني شوي ليث..نحب ترقد تاعبة"
تبسمت على جنب نحكي
انا :" اكيد بش تصبح تاعبة بعد طرح لبارح حبي "
حشات راسهاا ف المخدة تحكي بصوت مبحوح وواطي
قمر :" ليييث "
عديت بصبعي فوق قربتهاا ونزلتهم لزندها نحكي
انا :" مزال فيها ليث"
حلت عيناها وغزرتلي شوي ورجعت هربتهم مني..عضت على شفايفها وقامت تقعدت بالقعدة..هزت الملحفة تغطات شوي ورجعت شعرها لتالي تحكي
قمر :" شبيك تغزرلي هكا "
هزيت بحاجبي نحكي
انا :" منظنش تحب تعرف خصوصا لي مزلت تاعبة"
قربتلهاا شوي وطبست علاهاا..بستهاا من جنب شفايفها نحكي
انا :" الله غالب ..مانجمش نبعد عينيا من عليك..نحب نبقى مركز معاك و مع تفاصيلك الي بش يهبلوني "
حطت يداها على خدي وضحكت تحكي
قمر :" ههه اللطف على حبي "
ضحكت وبعدت علاهاا شوي..مديت يدي وخذيت الطبق..حطيتو ف حجرها نحكي
انا :" هذاا فطور مرتي المزيانة "
غزرت للطبق وضحكت..رجعت هزت راسها معايا قربت باستني من خدي تحكي
قمر :"   يا روحي انت.. عييشك "
هزيت كعبة فراولة وحطتيهاا ف فمها نحكي
انا :" اليوم حبيت انا ندلل مرتي "
قمر :" ربي يخليك لياا ليث "
انا :" ويخليك لياا قمرتي "
هزت كاسة العصير عملت رشفة ورجعتهاا للطبق تحكي
قمر :" ليث ؟"
انا :" روح ليث "
قمر :" ميسالش نطلب منك حاجة؟"
انا :" اطلب الي تحب "
رمشت عيناها برشة مرات تحكي
قمر :"ميسالش بعد الفطور نقوم نحضر روحي ونمشيو للاسمر "
هزيت بحاجبي نحكي
انا :" يابنتي اخطانا من اسمر وخلينا هناا "
قلبت شفايفها وغزرتلي تترجى فيا بعيناهاا تحكي
قمر :" امان ليث والله توحشتو..نحب نمشي نشوفو و نوكلو كيف المرة الي فاتت "
تنهدت بالشوي نحكي
انا :" اسمر عندو شكون لاهي بيه..انت يكفي انك تتلهى بياا انا "
هزت قطعة كرز وحطتهاا ف فمي تحكي
قمر :" انت بش نتلهى بيك عمري لكل منغير ماتوصي ياروحي..اما اسمر مش ديما نجيوه..امان ليث "
بلعت الي ف فمي وغزرتلها على جنب نحكي
انا :" تو احنا جايبن شهر عسل ولا بش نتلهاو بالحصان "
قمر :"ماو احنا بش نشوفوه كهو..و زيد انا توحشت ندور في المزرعة"
انا"باهي قدر عليا ربي "
قمر"ههههه عيش حبي "
طبست راسها وبقينا نفطرو مع بعضناا..اول ماكمت خذيت الطبق من عندهاا وحطيتو عالتابل..قمت من بلاصتي نحكي
انا :" انا بش ننزل نشوف عم محسن..حضر روحك و اخلط علييا "
قمر :" باهي "
ريتها كيف قامت لفت لملحفة على بدنها ودخلت لسال دوبان.. تنهدت بلقاوي هزيت الطبق ف يدي وخرجت نزلت..دخلت للكوجينة حطيت الطبق وخذيت تاليفوني..بعثت ميساج لعمي حبيت نتأكد كان كل شي مليح هكاكا بش نتهنى..تلفتت على صوت خطواتهاا كيف نازلة من الدروج..للحظة حسيت روحي ضعت فيهاا و ف شعراتهاا الي كانوا مفرودين على كتفها..غير الروبة الزرقاء الطويلة الي كانت لابستها..كل شي فيهاا يخليني نسرح فيهاا اكثر كاني اول مرة نشوفهاا..ريحة الياسمين تغلغلت فياا اول ماقربتلي ووقفت قدامي..هزيت يدي وحطيتها على خدهاا نحكي
انا :" يظهرلي بش نبدل رايي"
قمر :" شنوة تو ليث "
شديتها من يداها وكبست علاهاا نحكي
انا :" هياا خلينا نخرجو احسن ما نشدك هنا "
هزتلي براسها باهي من غير حتى كلمة.. خرجناا مع بعضناا وبقينا نتمشاو..تلفتت على صوتها تحكي
قمر :" محلاه هواء المزرعة يرد الروح.. يا ريتناا كان نبقاو على طول هناا "
دورت بيديا عليهاا وجبدتهاا عندي نتمشاو ونحكي
انا :" كل ماتحب تجي قلي وانا نرجعك..غير هكاا هانا بش نبقاو ايامات..تمتع بالمزرعة وهواها "
هزتلي براسها باهي من غير حتى كلمة..بعدت علياا اول ماوصلنا قدام الاسطبل ودخلت تجري..دخلت وراها وين ريتهاا قدمت حذاا اسمر و تمسح عليه..قربتلهاا ووقفت بجنبها..ريتها كيف بقات تمسح عليه وتحكي
قمر :" اسمر..تعرف اني توحشتك..مازلت تتفكرني مش هكاا "
تبسمت كيف ريتهاا بعدت عليه اول ماتحرك وصهل بالقوي.. غزرتلها نحكي
انا :" اهوا جاوبك يعني تفكرك "
ضحكت تحكي
قمر :" يزي من بلادتك ليث "
نزلت وخذيت السطل متاع ماكلتو..عطيتهولها نحكي
انا :" شد وكلو "
خذات السطل من يدي وبقات توكل فيه..وفرد وقت انا مشيت تفقدت لحصان الثاني..غزرتلها نحكي
انا :" تحب نعملو دورة ف المزرعة على اسمر ؟"
هزرتلي براسها لا برشة مرات ورجعت غزرت لاسمر تحكي
قمر :" لاا مانحبش..نخاف "
رجعت حذاهاا نحكي
انا :" هاني انا معاك ماتخافش "
هزت بكتافها تحكي
قمر :" لا والله مانحبش..خليني نكمل نوكلو وبعد نعملو دورة وحدناا ف المزرعة "
انا :" باهي "
ريتها كيف دورت راسها يمين ويسار ورجعت غزرتلي تحكي
قمر :" عم محسن هناا ؟"
انا :" لا مشى للفيلا الصباح..عمي طلبو حاجتو بيه..بعد يرجع "
قمر :" باهي "
ريتها كيف حطت السطل وعطاتني بظهرها..بقيت نتبع فيهاا بعينيا شنوة بش تعمل..خذات المشط ورجعت ناحية اسمر..وقفت قدامو وبقات تمشطلو بالسياسة وتحكي معاه..هزيت يدي ومسحت على اسمر نحكي
انا :" صحة سي اسمر..والله حاسدك  "
ضحكت وغزرتلي تحكي
قمر :" ياخي غاير انت ؟"
قربتلهاا شوي وعديت بعينيا عليها نحكي
انا :" امم غاير..تتقلق انت؟"
عضت على شفايفها وغزرتلي ف عينياا تحكي
قمر :" لاا بالعكس..نحبك ك تغير هكاا "
رجعت غزرت للاسمر تحكي
قمر :" اما مش من اسمر..خاطرنا صحاب احناا "
انا :" بالله يافر••خة"
قمر :" هههه اي "
انا :" باهي كان كملت هياا خليناا نمشيو "
هزتلي براسها باهي من غير حتى كلمة..وقربت للاسمر باستو تحكي
قمر :" تو نرجع نطل عليك احنا "
شديتهاا من مرفقهاا نحكي
انا :" اخرج قدامي اخرج "
غزرتلي وضحكت تحكي
قمر :" مجنون انت والله "
دورت بيديا عليهاا وجبدتهاا عندي بستهاا من راسهاا وبقينا نتمشاو..بعدت علياا وهزت راسها معايا تحكي
قمر :" نحب نمشي نشوف الوردات..تجي معاياا ؟"
عديت بظهر صوابعي على خدها نحكي
انا :" برا انت.. انا بش نقعد شوي "
هزتلي براسها باهي ومشات ناحية الوردات ريتها كيف طبست علاهم وبقات تسقي فيهم..بعدت شوي وجبدت تاليفوني حبيت نشوف كان عمي جاوبني ولا لا..اول مااطمنت منو الي كل شي مليح رجعت التاليفون ف جيبي وهزيت راسي..عقدت بحواجبي مستغرب الكرهبة الي كانت واقفة عالكياس مقابل..قربت شوي وعديت بعينيا عليها و على طريق وين اطمنت اكثر كيف ريت الحركة كانت عادية..رجعت بخطواتي لتالي ورجعت لقمر ناديلها نحكي
انا :" قميرة هيااا "
قامت من بلاصتهاا وقدمتلي تحكي
قمر :" خليناا نزيدو شوي ليث امان "
انا :" اي هانا مازلنا..اما يزاهم الوردات..اتلهى بياا انا شوية "
ضحكت تحكي
قمر :" كيفاه تحبني نتلهى بيك تراه ؟ "
انا :" خلينا ندورو مع بعضناا شوي "
شدتني من يدي تحكي
قمر :" اي هياا "
كبست على يديها وبقينا نتمشاو ف المزرعة..حتى وصلناا للآخر المزرعة وين كانو أشجار الزيتون..سيبتلي يدي وقربت ناحية الشجرة..قطفت كعبة زيتون وغزرتلي تحكي
قمر :" تعرف الي باب كان يبيع ف الزيتون ؟"
قربتلهاا شوي ووقفت قدامها نحكي
انا :" بلحق ؟"
قمر :" اي..بابا كان يخدم ف السوق وكل مرة يبيع حاجة..كان عندو صاحبو يملك مزرعة صغيرة..كان يعطيه وهو يبيع ساعات..حتى اني ف العطل كنت نمشي معاه للسوق نساعدو "
نزلت راسها وتبسمت تبسيمة خفيفة ورجعت تحكي
قمر:" نتفكرو قبل كيفاه كان يخدم ويخرج بكري..المهم يوفرلي كل شي..ماكانش يحسسني بتعبو بالعكس.. كنت مدللة معاه عمرو لا حرمني من حاجة..اي حاجة كنت نحبها كنت نلقاهاا..رغم اني ماكنتش نطلب برشة خاطرني كنت نحس بيه و عاذرتو..اما هو كان يقلي اطلب و ادلل "
غمضت عيناها بالقوي و رجعت حليتهم تحكي
قمر :" كان يخاف علياا حتى من النسمة..مرة مرضت وقتهاا بابا هو الي سهر عند راسي..هو الي تلهى بياا..كان يقلي انت قمرتي الي مضويتلي حياتي..فقدت كل شي مع بابا..كل شي مشى معاه "
عديت بعينيا عليها نحكي
انا :" بوك توفى و انت صغيرة برشة ؟ "
هزتلي براسها لا تحكي
قمر :" لا مش برشة..وقتها عمري 15..يعني نتفكرو مليح ونتفكر كل شي عشتو مع بابا..كيما نتفكر فترة مرضو بلقدا..وقتهاا عشت خوف عمري لا عشتو..كنت نراه كيفاه يتوجع و ماعندناش حتى حق الدواء ليه..كنت نشوف امي كيفاه تبكي وهي ماعندهاش قدرة .. احساس العجز حسيتو من الي انا صغيرة "
انا :" ماكنتش عندكم عيلة وقتها تنجم تساعدكم ؟"
هزتلي براسها لا تحكي بصوت مخنوق وواطي
قمر :" لا.. بابا ماعندوش خوات كيفي.. وامي عندها خوهاا اما بعيييد مسافر..مانعرف عليه شي "
تنهدت بالشوي نحكي
انا :" وبعد شصار ؟"
مسحت عيناهاا بظهر صوابعهاا ورجعت تحكي
قمر :" بعدها بابا مات ووقتهاا امي هي الي تعبت.. يعني لقات روحهاا وحدهاا معاياا..مسؤوليتهاا كبرت..صارت هي الي تخدم حتى خلاتني وصلت للباك وبعدهاا ..."
ريتها كيف مسحت دمعتهاا ونزلت راسهاا ساكتة
انا :" و بعدها شنوة ؟"
رمشت عيناها برشة مرات تحكي
قمر :" و بعدها امي حبتني نعرس خاطر كيف ماقتلك مسؤوليتهاا كبرت.. على هذاكا بعد الباك متاعي يحيى خطبني وقتها انا قبلت طول "
عقدت بحواجبي مستغرب نحكي
انا :" يعني هذا السبب الي خلاك تقبل تعرس بيه.. كان يقلقك السؤال ماتجاوبش قمر "
عدات بيداها على شعرها وخذات نفس طويل تحكي
قمر:" لا.. مش هذا السبب الوحيد.. انا كيف فقدت بابا فقدت معاه الأمان..ووقتها يحيى ظهر ف حياتي..كان جارناا هو أكبر مني.. هو وقف معاناا ف موت بابا ومن وقتها وهو معاياا..يدافع علياا كيف لاولاد يقلقوني..يوصلني لليسي ..ساعات يقضي حاجات للامي كيف تحتاجو..وقتها مشى ف بالي اني استرجعت الأمان معاه..مشى ف بالي لقيت الحب ولي بش يوقف معايا..على هذاكا ك خطبني وافقت طول.. "
قربتلي شوي وعدات بعيناها علياا ورجعت تحكي
قمر :" اما بعد ماجيت انت ليث..عرفت انو كل شي كان بيني وبينو  بعيد كل البعد عالحب..هو عمرو لا حبني..بالعكس حتى هو حرمني من حريتي وقتهاا كان صعيب ويتحكم ف تصرفاتي..حتى قرايتي هو مخلانيش نمشي للعاصمة ونقرا زعمة زعمة خايف وما يحبش علياا.. وقتها قبلت وفكرتها حزارة عليا كهو قلت ميسالش لمهم هو بش يوفرلي كلشي ويبقا معايا... اما تأكدت لي هاذا مش حب حتى قابلتك انت ليث..كل شي معاك انت مختلف..ريتك كيفاه حنين معاياا وتحبني..انت الوحيد الي بعد بابا ماحرمني من شي..خليتني نعيش كل شي حلمت بيه..حتى قرايتي فكرت فيهاا و خليتني ننجح..انت الي وقفت ف ظهري وحميتني بلحق عكسو هو الي رماني..معاك انت عرفت الحب.. انا حبيت مرة وحدة ف حياتي..وقتلي حبيتك انت ليث..و بش نبقى نحبك للاخر نهار ف حياتي "
هزيت يدي ومسحتلها دمعتهاا الي تبسمتلها نحكي
انا :" وانا محظوظ برشا خاطرك حبيتني... وامك وبوك لثنين ربي يرحمهم واكيد بش تتهنا في حياتك مدام ماتو راضيين عليك"
تبسمت على جنب تحكي
قمر :" مانعرفش..يعني كل مانتفكر شنوة صار ف امي و كيفاه ماتت وقتهاا..نحس بالذنب خاطر نحسهاا ماتت وهي مغششة علياا.. على هذاكاا نخاف لا يكون حتى بابا يحس هكاا "
عقدت بحواجبي نحكي
انا :" امك مامتتش منك انت..هذاكا قضاء وقدر..وزيد هي ماكانتش مغششة عليك انا نتفكرهاا..حتى اني وقتهاا حكيت معاهاا "
هزت راسها معايا تحكي
قمر :" بلحق ؟"
هزيتلهاا براسي اي نحكي
انا :" اي.. هي وقتهاا وصاتني عليك و قتلي الي هي ندمت على كلامهاا معاك وقتهاا"
تبسمت تحكي
قمر :" انشالله يكون هكاا..اصلا انا لغاية ليوم مش مصدقة اني فقدتهاا.. غير اني فقدت كل شي يذكرني ب بابا..كل شي بقى ف الدار لقديمة..يعني حتى كيف نتوحشهم مانلقى شي يخصهم قريبلي "
عديت بعينيا عليها من غير حتى كلمة خاطرني مالقيت مانقول يمكن خاطرني كيفهاا..انا زادة خسرت اخر حاجة كانت عندي تفكرني بعيلتي..على هذاكا انا اكثر حد ممكن نحس بوجيعتها..قربتلهاا شوي وعديت بعينيا عليها نحكي
انا :" ايجا عندي تراه "
قربت مني وحضنتهاا مسحت بيدي على ظهرها نحكي
انا :" مانحبكش تحس بالفقد ولا الوحدة..اعتبرني انا بوك وخوك.. اكيد بلاصة البو وحدهاا اما انا بش نعمل كلشي بش تعيش مرتاحة"
بعدت علياا شوي وهزت راسها معايا تحكي
قمر :" نعرف ليث..حتى انا بش نكونلك كل عيلتك..اصلا احنا ماعندنا كان بعضنا تو مش هكا ؟"
بستهاا من راسهاا وتبسمت نحكي
انا :" اي هكاا  "
بعدت علياا ورجعت شعرهاا لتالي تحكي
قمر :" شرايك كان الليلة نتعشاو ونسهرو ف الجنينة ..مدام الطقس محلاه "
انا :" انت تدلل..نتعشاو وين تحب "
شدتني من يدي تحكي
قمر :" هياا مالا خلينا نرجعو للفيلا "
هزيتلها براسي باهي من غير حتى كلمة و بقينا نتمشاو ونحكيو كل مرة ف حاجة حتى وين وصلنا..اول مادخلناا غزرتلهاا كيف تحكي
قمر :" نطلع نبدل دبشي فيسع ونغسل حالتي وننزل نحضر لعشاء "
انا :" باهي "
دخلت لسال دوبان الي تحت غسلت حالتي وسبقتها للكوجينة..لقيت لعشاء الي بعثتو خالتي فاطمة مع عم محسن..جبدتو وحطيتو يسخن..تلفتت على صوت خطواتهاا وراياا..قربتلي تحكي
قمر :" قلي شنوة بش نعملو عشاء "
قرصتهاا من خشمها نحكي
انا :" انت بش ترتاح الليلة حبي..خالتي فاطمة بعثتلناا لعشاء مع عم محسن "
قمر :" يعطيها الصحة والله..خير عالاقل نرتاحو الليلة "
ضيقت عينيا فيها وتبسمت على جنب نحكي
انا :" اي ارتحت من لعشاء..اما من حاجة أخرى لاا "
رمشت عيناها برشة مرات وبعدت علياا شوي تحكي
قمر :" انا..انا بش نهز الاصحنة و الكاسات..و انت عينك عالعشاء لا يتحرق "
تبسمت كيف دخلت بعضهاا فيسع..حضرت لعشاء و هزيتو وخلطت عليهاا لجنينة..ريتهاا كيف نظمت كل شي وقعدت تستنى فياا..قربتلهاا وحطيت كل شي قدامهاا نحكي
انا :" تفضل مدام قمر "
ضحكت تحكي
قمر :" يعطيك الصحة يا روحي "
غرفتلهاا ف صحنهاا نحكي
انا :" اهوكا خالتي فاطمة حضرتلك كل شي انت تحبو "
هزت الشوكة وكلات شوي تحكي
قمر :" ربي يخليها..اصلا ناوية نقلها تعلمني شوي طبخ خاطرني ناقصة برشا "
عديت بعينيا عليها نحكي
انا :"صاار.. مالا مزلنا مطولين مع لمقرونة"
قمر "لييث يزي..هاني بش نتعلم "
انا " اما دير في بالك فاطمة صعيبة راهي بش تتعلم اما بش تشبع كلام "
قمر:"بلحق؟!..هأه خالتي تحبني.. هي قتلي ايجا نعلمك "
انا:"والله تحب صدق ولا لا.. تو ترا بعينك "
قمر:" عاددي تو نتحمل مالا "
تبسمت على جنب وضيقت عينيا فيها تحكي
انا :" هاذا لكل على خاطري؟ "
قمر"اممم... على خاطرك "
عديت يدي على شعري نحكي
انا :"والله امي داعيتلي بالخير ظاهرلي "
ريتها كيف بقات تاكل وتضحك..كلات شوي ورجعت هزت راسهاا غزرت للجنينة..خذات نفس مع النسمة لخفيفة الي هبت تحكي
قمر :" احسن حاجة انو تعشينا هناا..محلاه الجو و محلاهاا الجنينة "
هزيتلها براسي اي نحكي
انا :" حتى انا نحبهاا لبلاصة هاذي ونحب جوها نرتاح فيهاا "
ضيقت عينيا فيها وتبسمت بخبث نحكي
انا :" ساعة اول بوسة كانت بجنب الطاولة هاذي تتفكر "
ريتهاا كيف ضحكت ووجهها حمار شوي..عضت على شفايفها تحكي
قمر :" اي نتفكر "
هزيت بحاجبي نحكي
انا :" اما نتذكر وقتهاا ماعجبتكش الفازة..نتفكرك جمدت ف بلاصتك وغزرتلي درا كيفاه حتى خليتي نندم اني قربتلك..وليت نلحق فيك بش نفسرلك ونبررلك "
هزتلي براسها لا تحكي
قمر :" لا مش ماعجبتنييش ... "
قصيت عليهاا نحكي
انا :" يعني عجبتك البوسة ؟"
رمشت عيناها برشة مرات وتربثت تحكي
قمر :" اي اه.. لاا نقصد..وقتها انا حبيت نعيش معاك اللحظة.. يعني انا وقتهاا متأكدة من مشاعري اني نحبك اما كنت خايفة.. خاطر مانجمتش نصدق انك انت بش تحبني "
شديتهاا من يداها وهزيتهاا بستها من كفها نحكي
انا :" صدقني عشقتك وقتهاا وحبيتك..حبيت كل شي فيك..عينيك وريحتك..حبيت طيبتك وبراءتك..كيفاش كنت كل مرة تسامحني وترجع تمدلي يدك وتاثق فياا رغم اني غلطت معاك برشة وجرحتك بكلامي..و بش نبقى نعشقك للآخر نفس ف حياتي "
عدات بعيناها علياا وتبسمت تحكي
قمر :" اصلا مانجمش نتغشش عليك مهما تعمل.. كيما بش نبقى ناثق فيك حياااتي الكل..عمري لا ننسى انت شنوة عملت على خاطري.. معاك انت انا بديت من جديد..انت كتبتلي حياة جديدة و خلقت مني قمر جديدة صارت تحب الدنياا خاطر انت فيهاا "
هزبت يدها بستها منها وعزرتلها نحكي
انا :" نحبك..أنت أحلى شي صار في حياتي "
قمر :" و انا نموت عليك "
تبسمت و غزرتلهاا بخبث نحكي
انا :" اي ماقتليش يعني عجبتك البوسة وقتها ولا لا "
ضحكت تحكي
قمر :" ههه يزي ليث عااد "
انا :" باهي ميسالش.. كمل عشاك وبعد تو نعاودوهاا "
كملت كلامي وغمزتهاا.. عضت على شفايفها نزلت راسها فيسع بقات تاكل..تلفتت نغزر للطريق على صوت الكرهبة الي تعدات..استغربت انو فما حركة ف الوقت هذاا خاطر مش بالعادة يتعداو كراهب تو..يعني لبلاصة هناا تكون هادئة ف الوقت هذاا اصلا مفماش سكان هناا..أقرب مزرعة تبعد ساعة علينا ..عديت بيدي على وجهي وطبست راسي ناكل..اول ماكملناا عشاء..لمينا الطاولة مع بعضنا ودخلنا..غزرت لقمر تحكي
قمر :" برا انت ارتاح..انا نغسل الماعون ونجي "
هزيتلها براسي لا نحكي
انا :" لا خليني نجي معاك و تو نطلعو مع بعضناا "
تبسمت تحكي
قمر :" والله مانقولش لا "
دخلنا للكوجينة ونظمنا الدنياا الكل مع بعضناا.. رجعت طليت من الشباك عقدت بحواجبي كيف ريت ضو كرهبة متعدي بجنبنا تاكدت لي فما شي مش نورمال خاطر بلعادة لبلاصة مايجيها حد.. تلفتلها كيف قربت مني  تحكي
قمر :" انا بش نطلع ندوش "
انا :" لا زيد شوي "
عقدت بحواجبها مستغربة تحكي
قمر:" علاش ؟؟"
حكيت على جبيني نحكي
انا :" مازال بكري حبي..برا لصالة تفرج و انا تو نخلط عليك "
قمر :" انت شنوة بش تعمل ؟"
انا :" عندي مايل تابع خدمتي الي ف فرنسا..لازمني نبعثو تو..انت برا لصالة و انا هاني ف البيرو "
هزتلي براسها باهي تحكي
قمر :" باهي ماتبطاش..خاطر نقلق وحدي "
انا :" باهي  "
عطاتني بظهرها وخرجت من للكوجينة بقيت نتبع فيهاا بعينيا حتى وصلت للصالة..قدمت بخطوات خفيفة ناحية الباب التلاني بش قمر ماتسمعنيش..حليت الباب بالشوي وخرجت للجنينة..قدمت بالشوي بالشوي وين غزرت للطريق..حليت عينيا على وسعهم اول ماريت رجال موزعين على كامل الطريق من الجهة الامامية وبرشا منهم متخبيين ورا شجر.. عديت بيديا الزوز على وجهي وين حسيت روحي توترت و عصبت..خذيت نفس طويل محاولة مني بش نتمالك اعصابي ونعرف نخمم مليح شنوة لازمني نعمل خصوصا انو معاياا قمر..مالازمنيش نخليها تخاف و لا نخاطر بيها..رجعت فيسع للفيلا سكرت الباب التلاني ورجعت للباب الرئيسي وخرجت..عديت بعينيا على الجنينة نلوج على عم محسن..اول ماريتو قدمتلو فيسع نحكي بصوت واطي شوي
انا :" عم محسن "
قربلي يحكي
محسن :" نعم ولدي "
حطيت صبعي على فمي نحكي
انا :" احكي بالشوي عم محسن "
عقد بحواجبو مستغرب يحكي
محسن :" شفما ؟؟"
انا :" نحبك تهز كرهبتك و تخرج من المزرعة.. و تستناني ف الجهة الخلفية وين جنان الزيتون "
محسن :" علاش ؟؟؟'
انا :" اعمل كيف ماقتلك عم محسن.. فما شكون وراياا و عالظاهر هوما هناا تو..الطريق مليان رجال..وانا نحبك تهرب قمر  "
محسن :" فاش تحكي ليث ؟ و انت ؟"
حطيت يدي على كتفو نحكي
انا :" انا ماتخممش علياا..اعمل كيف ماقتلك فيسع ماعناش برشة وقت "
هزلي براسو باهي ومشى يجري للكرهبة لحظتهاا جبدت تاليفوني وحطيت رقم مازن طلبتو..شوي وقت ورد عليا يحكي
مازن :" اهلا ليث..شحالك ؟؟ "
انا :" مانيش مليح مازن.. انا محاصر تو "
مازن :" شنوووة.. شقاعد تحكي أنت ؟"
انا :" انا ف المزرعة تو  و الرجال محاصريني من كل جهة..جيب رجالك و الحق بسرعة مازن "
مازن :" باهي ليث.. رد بالك على روحك و احنا شوي ونكونو عندك "
انا :" باهي ونحبك زادة تبعث رجال وراء عم محسن.. مرتي معايا نحب نمنعها تو نبعثلك رقمو خلي رجالك يكلموه و ويقلهم عالطريق الي بش يشدو "
مازن :" باهي "
علقت عليه التاليفون.. كبست على رقبتي ورجعت فيسع للفيلا..بقيت ندور ف الردهة شوي..هكاكا ووصلني ميساج من عم محسن خبرني فيه انو تعداا عادي وماكلمو حد..وقتهاا وين تأكدت انهم هناا مستهدفيني انا وقمر..رسيت على سنيا بالقوي من الغزول الي مكني..عديت بيديا الزوز على وجهي ودخلت لداخل وقربت ناحية الصالة وين ريتهاا كيفاه متسطحة تتفرج عالتلفزة..حسيت ساقيا ثقلت علياا بش نقدملهاا ونحكيلهاا..اصلا مالقيتش كلام خاطر عارفها شنوة بش تحس.....