#ليث_يحكي
خرجت نجري من حذاهاا ماحبيتش نزيد نبقى معاهاا ونطول ف النقاش هذا اكثر..خاطر مانيش ضامن روحي كان مازلت بش نتمالك اعصابي ولا لا.. طلعت ف الكرهبة وبقيت نغزر قدامي.. حاسس بدني يخض فياا من العصب مانجمتش نتحرك اكثر..كبست بيديا عالفولون اول ماتفكرت كلامهاا.. كيفاه الطحان سمح لروحو انو يتجاوز حدودو معاهاا لدرجة انو يستدعاهاا بش تخرج معاه.. غير عملتو متاع ليوم كيفاه شادهاا هكاكا.. للحظة خممت كان نمشي ونطلع *** وين يسكن ونطلع بروحو بش نربيه معادش يغزرلهاا.. حتى هي حسابها مازال معاياا كيفاه ترضى تسكر فمهاا وتتجاوزني تتصرف من راسهاا كاني مانيش موجود ف حياتهاا.. حليت فلس الشوميز ونزلت شوي ف الشباك بش نتنفس ونعرف كيفاه نخمم.. مانعرفش قداه تعدا عليا وقت حتى هديت شوي..خدمت الكرهبة وشديت ثنية البيرو.. طريق كامل عديتو وانا نتهز ونتحط من الغزول.. راكيت الكرهبة قدام البيرو ونزلت فيسع.. اول مادخلت استغربت كيف ريت ام فريحة قاعدة عالكرسي مقابل بنتهاا.. وقفت من بلاصتهاا اول ماراتني تحكي
هي :" اهلا ولدي "
قدمتلهاا سلمت عليها نحكي
انا :" اهلا خالتي.. مرحبا بيك "
هي :" وبيك عيش ولدي "
غزرت للفريحة كيف وقفت هي زادة تحكي
فريحة :" اهلا ليث "
انا :" اهلا "
رجعت غزرت للامهاا تحكي
هي :" ولدي كان تسمح ميسالش نحكيو شوي "
هزيتلها براسي اي نحكي
انا :" اي اكيد خالتي "
ارشتلها بيدي ورجعت نحكي
انا :"تفضل للبيرو معايا "
دخلنا للبيرو مع بعضناا.. نحيت الفاست علقتها على جنب وقدمت قعدت مقابلهاا نحكي
انا :" تشرب حاجة "
هزتلي براسها لا تحكي
هي :" لا عيش ولدي.. مانيش بش ناخذ برشة من وقتك.. انا ليوم جيتك نطلب منك السماح بخصوص الي عملتو بنتي.. صدقني كيف حكاتلي خلاتني ف الحشمة معاك"
انا :" ماتقولش هكا خالتي.. انت ماعندك علاش تعتذر "
هي :" صدقني حتى هي ندمت.. نتمني انك ماتاخوش ف خاطرك وتتغشش منهاا هي زادة.. ماك تعرف صغار ومايعرفوش يقيمو كلامهم "
تنهدت بالشوي نحكي
انا :" ميسالش.. ماصار شي "
تبسمت تحكي
هي :" باهي ك هكا.. نحبك الليلة تشرفني تجي تتعشى حذانا "
عديت بعينيا عليهاا مستغرب طلبها نحكي
انا :" الليلة مانجمش والله... "
قصت عليا تحكي
هي :" كان عندي معزة عندك تقبل.. هكاا نطمن انا ونعرف انك بلحق معادش متغشش "
عديت بيديا على شعري نحكي
انا :" باهي خالتي انشالله "
قمت من بلاصتي بعد ماهي قامت تحكي
هي :" مالا نستناك.. تجي انت وفريحة بعد ك تكملو خدمة "
هزيتلها براسي باهي بالسيف.. حسيت روحي تحطيت قدام الأمر الواقع مانجمتش نرفضها.. نحكي
انا :" باهي خالتي "
هي :" نخليك تو ربي يعنيك "
انا :" خليني نوصلك "
هزتلي براسها لا تحكي
هي :" لا خليك مرتاح.. مانيش غريبة انا "
انا :" باهي "
بقيت واقف نتبع فيهاا بعينيا حتى لين خرجت.. ترميت عالكرسي وبقيت نخمم كيفاه بش نمشي..نفخت بالقوي من لعصب الي حسيتو مانيش عارف منين طلعتلي هالحكاية ..طبست راسي وبقيت نخدم ف القضية الي قدامي حتى تعدا الوقت.. تلفتت على صوت تاليفوني الي نوقز ريتها هي تطلب علقت عليهاا خاطر مازلت مغزل عليهاا ومش منجم نسمع حتى كلمة اخرى منها تو..قمت من بلاصتي لبست الفاست متاعي وخرجت وين ريتها هي واقفة تلبس ف الجيلي متاعهاا.. غزرتلها نحكي
انا :" كان حاضرة خلينا نمشيو "
فريحة :" اي حاضرة.. "
سبقتهاا للكرهبة وطلعت.. ريتها كيف خلطت عليا طلعت بجنبي تحكي
فريحة :" عيشك ليث خاطر قبلت دعوة امي..ونحب نطلب منك سماح نعرف روحي غلطت برشا في حقك وحق قمر حتى كان تحب نمشي نطلب منها السماح "
انا :" لي صار صار المهم منحبوش ينعاد مرة اخرى "
هزتلي براسها باهي تحكي
فريحة:" اي اكيد تهنى"
خدمت الكرهبة وشديت الثنية لدارهم.. مسافة الطريق ووصلت.. راكيت الكرهبة ونزلت بعد مافريحة نزلت..قدمت معاها ودخلت بعد ماهي فتحت الباب وين شفت امهاا كيف استقبلتنا تحكي
هي :" مرحبا بيكم.. نورت الدار ولدي "
تبسمت نحكي
انا :" الله يخليك خالتي "
هي :" تفضل ارتاح.. شوي والعشاء يكون حاضر "
غزرت للفريحة ورجعت تحكي
هي :" فريحة بنتي.. ادخلو للصالة "
فريحة :" باهي "
غزرتلي واشرتلي بيداها تحكي
فريحة:" تفضل منا "
هزيتلها براسي باهي من غير حتى كلمة وقدمت معاهاا للصالة.. ترميت عالفوتاي مقابلهاا ساكت.. غزرتلهاا تحكي
فريحة :" تشرب حاجة قبل لعشاء ؟"
انا :" لا مانحبش "
هزيت راسي على صوت امها كيف دخلت تحكي
هي :" لعشاء حضر.. تفضلو "
وقفت من بلاصتي وخرجت معاهم لبيت لفطور.. غزرت لفريحة نحكي
انا :" وريني السال دوبان نغسل يدي "
فريحة:"من هناا "
مشيت وين هي اشرتلي ودخلت..حليت السبالة وبقيت نغسل ف يدي و ف وجهي.. حسيت روحي فديت ووجودي هناا قلقني.. فقت من سرحتي على صوت تاليفوني كيف نوقز.. ريتهاا كيف رجعت طلبت لحظتهاا هزيت عليهاا نحكي
انا :" شتحب ؟"
قمر :" ياخي وينك ليث الوقت تأخر؟"
انا :" شيهمك انت ويني ..كان ما فما شي بش نعلق "
قمر :" بش تتأخر؟"
علقت عليهاا قبل ماتزيد تجاوبني.. اصلا رديت عليهاا خاطر خفت لا تكون صارتلهاا حاجة خاطر بلحق ماعينيش نسمع صوتهاا..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
