#قمر_تحكي
حليت عينيا على صوت تاليفوني لي كان ينوقز..عقدت بحواجبي ودورت عينيا عالبيت وين سمعت صوت الماء عرفتو فاق وقاعد يدوش مديت يدي وهزيت تاليفوني استغربت كيف لقيتها امنة..رديت عليها نحكي
انا:" بونجور امنة "
امنة:" فيق نتيجة بش تخرج ليوم "
هزيت لملحفة تغطيت وتكيت على السرير نحكي
انا:" شنووة مش مازالو يومين ؟"
امنة:" والله طلبوني قال ليوم تخرج "
نفخت بالشوي نحكي
انا:" باهي.. نحضر روحي ونجي "
آمنة :" باهي ماتبطاش "
انا :" باهي "
علقت علاها ورميت التاليفون..حسيت روحي تورت من لخبر هذاا..منعرفش كان بش ننجح ولا لا..تبسمت ك ريتو خرج من الدوش تبسملي يحكي
ليث :" صباح الخير "
انا :" صباح النور ياروحي "
قرب باسني من راسي يحكي
ليث :" شكون طلبك ؟"
عديت بعينيا عليه نحكي
انا :" امنة..قتلي نتيجة بش تتعلق ليوم..حاسة روحي تورت ليث "
قعد قدامي وعدا بيدو على خدي يحكي
ليث :" اهدا كل شي بش يكون مليح "
هزيتلو براسي باهي وعديت بعينيا عليه نحكي
انا:" شبيك حضرت روحك من تو !؟"
ليث:" كهو وقيت بش نخرج.. مش قتلك ماشي للمحامي وانت حضر روحك مدام انا حضرتلك فطورك "
تبسمت وقربت منو بستو من خدو نحكي
انا:" عيشك ليث..سامحني تعبتك معايا "
ضحك وعدا بعينيه عليا يحكي
ليث:" والله كان تنحيلي تعب كيف لبارح قابل نتعب "
ضحكت وقمت لفيت لملحفة عليا ودخلت لسالدوبان
خذيت دوش خفيف وخرجت شيحت شعري..اول ماكملت هزيت روبتي لبستها ولبست فوقها جيلي خفيفة خاطر بدا يبرد لحال..هبطت وين ريتو حضر لفطور ويستنا فيا فطرنا وخرجنا مع بعض..طلعت بجنبو وبقيت نغزر قدامي ونفرك ف يديا..تلفتت راسي على صوتو يحكي
ليث:" اهدا..بش تنجح وحتى كان منجحتش..انت تعدات عليك ظروف خايبة لعام هذا منحبكش تفشل.. باهي "
اهزيتتلو براسي باهي وتبسمت..حسيت روحي ارتحت بكلامو صحيح انا نحب ننجح اما حتى كان صار لعكس عادي المهم ليث معاياا.. فقت من سرحتي عالكرهبة كيف وقفت غزرتلو نحكي
انا:" بش تمشي؟"
هزلي براسو لا يحكي
ليث:" لا نهبط معاك نشوف النتيجة "
تبسمت و سبقتو وانا فرحانة ك مخلانيش وحدي خاطر بلحق منعرفش كيفاش بش تكون ردة فعلي كان مننجحش.. هبط من الكرهبة وبقا يستنى قدامها.. غزرتلو يحكي
ليث:" برا شوف هاني هنا "
هزيتلو براسي باهي نحكي
انا:" باهي "
قدمت بخطواتي دخلت ومشيت طول ناحية التابلو وقفت وهزيت راسي بقيت نلوج على اسمي..حسيت كرشي وجعتني بسبب التوتر.. تبسمت وقت غزرت للنتيجة وين لقيت روحي نجحت في كل المواد..
تلفت لرامي نحكي
انا :" ياخي مهدي معلقش النتيجة متاعو ؟"
رامب :" قالو بعد ساعة تتعلق "
هزيتلو براسي باهي وخرجت..رجعت لليث تبسمت وقربتلو نحكي
انا :" ليث نجحت "
ضحك وقرب مني باسني من جبيني يحكي
ليث :" مبروك ياروحي..مش قتلك بش تنجح "
تبسمت نحكي
انا :" اي هه بقى واحد كهو بش يتعلق بعد ساعة..اما انا نعرف اني حليت مليح فيه يعني أكيد نجحت تو"
عدا بصوابعو على خصلات شعري يحكي
ليث "' فرحتني قميرة..ان شاء الله ديما ناجحة هكا "
عديت بعينيا عليه نحكي
انا :" اي انا وعدتك وهاني نجحت"
ليث:" صحيت..قلي تمشي معايا ونرجعك ولا تبقى هنا تستنى ؟"
انا:" لا اهيا امنة تطلب فيا من بكري تو نبقى معاها حتى ترجع انت "
ليث:" باهي حبي نخليك منيش بش نطول عليك "
عطاني بظهرو وطلع ف الكرهبة..بقيت نغزرلو حتى بعد وهزيت على امنة..سكت كيف ريت لآخر واقف ف لباركينغ بكرهبتو وعينيه علينا..منعرفش علاش توترت خفت كان يجي يحكي معايا ويراه ليث خاصة انو مزال مخرجش..فقت من سرحتي على صوت امنة
امنة :" وينك قمر ؟"
بلعت ريقي نحكي
انا ؛" هاني فلباركينغ انت وين ؟"
امنة :" انا قدام لفاك ايجا "
انا :" باهي '
علقت ومشيتلها طول وين لقيتها تستنى فيا.. بقيت نحكي معاها وعرفت انها نجحت زادة.. غزرتلها تحكي
انا :" اهوكا علقو النتيجة...نمشي نشوفها "
امنة :" باهي ياروحي وانا مروحة..حاسة روحي تعبت"
انا :" باهي "
مشيت دخلت فيسع لقيت لكل قدام التابلو يتفقدو فالنتيجة "
دخلت بيناتهم وقريت اسمي ضحكت كيف قريت نتيجتي خاطر كنت خايفة ينقصلي بسبب اللي صار بيني وبينو..خرجت من الفاك وهزيت تاليفوني بش نطلب ليث نقلو ونسالو كان مزال بش يطول.. هزيت راسي على صوتو يحكي
مهدي :' مبروك..هاك نجحت..رغم لي متستحقش النجاح هذا "
هزيت بحواجبي نحكي
انا :" وعلاش منستحقوش...انا تعبت كيفي كيف غيري "
تبسم على جنب يحكي
مهدي :" مكنتش بش تنجح..كان انا معاونتكش "
قحرتلو نحكي
انا :" وكان انت منقصتليش من الاول مكنتش مضطر ترجع تعاوني "
عدا بعينيه عليا وتبسم على جنب يحكي
مهدي :" ساعة مباركتلكش على خروح راجلك اهوكا الفرحة صارت زوز..اما مستغرب كيفاش بقيت معاه بعد لي عملو للدرجة هاذي معادش تنجم تبعد عليه "
حليت عينيا فيه نحكي
انا :" قتلك الف مرة متدخلش بيني وبين راجلي.. انا واثقة فيه و عمري ما بش نتخلى عليه "
هز بحاجبو يحكي
مهدي :" اما هو ينجم يتخلى عليك وحتى نظن معندوش ثقة فيك وبالامارة الدعوة لي رفعها ضدك "
عقدت بحواجبي مستغربة نحكي
انا :" دعوة شنوة شقاعد تخرف ؟"
ضحك وعدا بيدو على لحيتو يحكي
مهدي :" صار مفيبالكش !..لاعاد متقليش كان بش يطلقك وانت لاخبر ؟"
عديت بعينيا عليه نحكي
انا :" يطلقني ؟"
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
