#ليث_يحكي
اسبوع تعدا من يوم ما رجعنا من المشفى..حالتها تحسنت شوي اما باقي ماخذة فخاطرها مني..من يومها وهي لا تحكي معايا ولا تجاوبني وقت نحكي معاها.. جيست تاكل ماكلتها ووتشرب دواها وترجع تطفيني..حتى النوم صارت ترقد فبيت وحدها..حسيت روحي فديت من الوضع هذا خاطر محبتش تسمعني وانا منجمتش نضغط عليها خفت تتقلق كيف آخر مرة وتصيرلها حاجة..الايامات هاذم عديتهم انا غاطس في قضية وفرد وقت لاهي بيها خاطرها متنجمش تطيب..حطيت الورقة من يدي وخرجت من البيرو..مشيت للصالة بش نشوفها شتحب تاكل خاطر ليوم ماكلات شي من الصباح..دخلت لقيتها متكية وتغزر للتلفزة..قربتلها وقعدت مقابلها نحكي..
انا:' شتحب تاكل ؟"
تنهدت بلقاوي كيف ريتها مطفيتني.. نحكي
انا:"قمر..من صباح ماكليت شي..عالاقل كول حاجة تو انت مزلت تاعبة "
نفخت بالقوي تحكي
قمر"اففف...منحب شي"
عقدت بحواجبي ك ريتها هزيت يدها ومسحت دموعها.. قربت وقعدت بجنبها نحكي
انا:"علاش لبكا تو شبيك"
قمر:"خاطرني قالقة..وانت متحبش تفهم "
مسحت على شعرها نحكي
انا:"ياروحي انا جيست محبيتكش تبقا جيعانة "
هزت روحها شوي تحكي
قمر"منجمش ناكل وانا مقلقة إفهم"
عديت بعينيا عليها نحكي
انا:"باهي شنوةيقلق فيك ؟"
ربعت يداها تحكي
قمر:" فديت من الدار..وانت هاك حابسني هنا وبعد تقلي شبيك "
انا:"ربي يسامحك تو هذا لي طلع معاك معقول انا نحبسك "
هزتلي براسها اي وتلفتتلي
قمر:"ايي..ولا نسيت كيف قتلي ماكش بش تمشي لحتى بلاصة"
انا :"قتلك هكاك نقصد تبقا في دارك اما كيف تحب تخرج نهزك وين تحب..قلي تحب تمشي حذا امنة"
هزت بكتافها تحكي
قمر:" هآه..خليني وحدي وكهو "
مديت يدي ومسحتلها دمعتها لي نزلت نحكي
انا:"ياروحي يزي من لبكا..انت قلي وين تحب تمشي وانا نهزك "
رجعت تنهدت كيف ريتها مزالت تبكي عرفت لي لوحم عامل فيها حالتها هاذي شاهدت عليها من قبل.. قربتلها اكثر وشديتها من يداها نحكي
انا:"باهي شرايك نهزك للبحر مش انت تتفرهد كيف تمشيلو "
غزرتلي تحكي
قمر:"بش نمشيو للمطعم لي عالشط "
انا:"اي كان تحب نتعشاو غادي"
قمر:"ب..باهي "
تبسمت وعديت بيدي على شعرها نحكي
انا:"برا اغسل وجهك وانا بش نجيبلك كبوطك "
هزلتي براسها باهي وقامت من بلاصتها.. قمت بعدها وطلعت للبيت فيسع هزيت كبوطها والكشكول وهبطت وين لقيتها تستنا فيا قدام الباب..تبسمت وقدمت عطيتها الكبوط لبستو ولبستلها الكاشكول نحكي
انا:"برد لبرا لازم تدفي روحك"
هزتلي براسها باهي من غير حتى كلمة..حليت لباب وين خرجت هي وراياا سكرتو ومشيت ناحية الكرهبة طلعنا وشدينا الثنية طريق كل وهي تغزر من شباك ساكتة وليت خليتها على راحتها ماصدقت قبلت تخرج..مسافة الطريق ووصلنا هبطنا وين ريتها غمضت عيناها و خذات نفس طويل...حسيت قلبي وجعني ك ريت حالتها هكا وين ندمت لي انا سبب انها وصلت تعبت هكا..قربت منها نحكي
انا:"تحب نتمشاو ولا تاكل اول شي"
دورت بعيناها عالمطعم وغزرتلي تحكي
قمر:"نحب ناكل "
انا:"باهي هيا "
بقيت نمشي بجنبها حتى دخلنا المطعم..شدينا طاولة بجنب الشباك وقعدنا..ريتها ك نحات الكشكول وبقات تعدي بعيناها عالمطعم المهم متغزرليش..بقيت نتبع فيها بعينيا حسيت روحي توحشت تفاصيلها هاذي..عديت بيدي على شعري نحكي
انا:"قلي شتحب تاكل؟ "
غزرتلي تحكي
قمر:"ا..انا شاهية ناكل ڨراتان..وقت جينا آخر مرة كليتها..هي تجي معبية صوص اشتهيتها عاللخر..لبارح ريت روحي ناكل فيها فمنامي "
رجعت وطات فصوتها تحكي
قمر :"منعرفش كان حضروها فمينيو ليوم !؟"
تبسمت و هزيتلها براسي باهي نحكي
انا:"باهي تو نشوف كان حضروها ولا لا..اما علاش مقتليش مدامك شاهيتها راني جبتلك ؟"
هزلتي بكتافها وهربت عيناها مني..تنهدت ونديت عالسرفور طلبتلها لي حبتو وين لقيتها فرحت كيف قالها لي موجودةظ.ريتها كيف غزرتلو تحكي
قمر:"نحب مملحات زادة..وعصير برتقال "
هو:"باهي مدام..وانت مسيو ؟"
انا:" جيبلي طبق لعادة..اما حضر طلب لمدام اول شي "
هو:"باهي شوي وتكون حذاكم "
هزيتلو براسي باهي ورجعت نغرزلها..شفتها كيفاه تقلب فتاليفونها..حسيت روحي تقلقت خاطرها شاهية هذا لكل وماحبتش تقلي رغم لي كل يوم نسالها اما متقول شيظطفقت من سرحتي على سيرفور لي حطلها كلشي طلبتو تبسمت كيف ريت ضحكتها..هزت المملحات وذاقتهم تتبنن فيهم بقيت نتفرج فيها كيفاه غطست فلماكلة وين تنفست براحة خاطر اغلب هالايام متاكلش برشا رجعت تلفت للسرفور لي حطلي الطبق لي طلبتو
هو:"تحبو شي اخر مسيو ؟"
انا:"لا يعطيك الصحة "
اول ما تلفتلها ريتها كيف وقفت عالماكلة وغزرتلي.. عقدت بحواجبي مستغرب وهزيتلها براسي نحكي
انا:"شبيك ؟"
هربت عيناها مني تحكي
قمر:"شي "
انا:"كمل ماكلتك"
هزت بكتافها تحكي
قمر:"معادش عيني "
هزيت بحاجبي نحكي
انا:"علاش..معجبتكش؟"
هزتلي براسها لا وبقات ساكتة..دخلت بعضي كيف مفهمتش شبيها.. ضيقت عينيا فيها كيف ريتها غزرت الطبق متاعي ورجعت هربت عيناها مني...وقتها عرفت
انها اشتهات الماكلة لي قدامي وماحبتش تقول.. تنهدت بالشوي وهزيت يدي قطعت قطعة صغيرة من اللحم وين بقات تبع فيا بعيناها لحظتهاا تاكدت اكثر..تبسمت وغزتلها نحكي
انا:"شرايك تذوق من عندي...يمكن متاعي يعجبك "
عضت على شفايفها تحكي
قمر:"و..وكان عجبني..انت شنوة تاكل ؟"
انا:"تو نرجع نطلب..ميسالش "
هزتلي براسها باهي مديت الشوكة وين حلت فمها بالوقت..بقيت نغزرلها ك غمضت عيناها تتبنن فيها.. لحظتهاا حسيت روحي شخت عالفازة.. هزيت طبق وحطيتو قدامها نحكي
انا:"أيا مدام عجبك كول "
هزتلي براسها باهي تحكي
قمر:" كيف يجي ياخذ طلبك متخليهش يهز حتى شي مزلت نحب ناكل من هاذم "
تبسمت نحكي
انا:" باهي ياروحي"
رجعت طلبت وبقيت شايخ بنفسيتها لي ارتاحت..ريتها كيف خذات آخر رشفة من العصير تحكي
قمر:" حمد الله شبعت"
انا:"قلي تحب تاكل حلو"
قمر:"هأه..كليت برشا ليوم "
انا:"صحة ياروحي"
دورت وجهها تحكي
قمر :" نجم نخرج شوي حتى تكمل؟"
مسحت يدي نحكي
انا:"استنا تو نحاسب ونخرجو نتمشاو"
رجعت غزرتلي تحكي
قمر:"بش نتمشاو!"
هزيتلها براسي اي نحكي
انا:"اي مش قلت تحب تتفرهد !"
هزلتي راسها باهي وبقات تستنا فيا حتى خلصت.. خرجنا مع بعضنا وين لفت عليها الكاشكول تحكي
قمر:"ياسر برد وريح قوي"
انا:" بش تصب لمطر..فما عاصفة ليلة والايام الجاية"
قمر:"فهمت"
انا:"قلي متحبش ناخذو شي فطريقنا..مش شاهية حاجة "
هزتلي براسها لا من غير حتى كلمة.. عديت بعينيا عليها نحكي
انا:"متاكدة؟..هاك قبيل شاهية برشا حاجات ومقتليش.. علاش !"
هزلتي بكتافها تحكي
قمر:"هكا وكهو..منحبش نقلك "
شديتها من يداها وجبدتها عندي شوي نحكي
انا:"باهي نعرف انت مغشة مني ..اما شرايك نتفاهمو على شي..ميسالش تحط غشك مني على جنب...كيف تتشهى حاجة تقلي..ماو ميجيش هكا تتعب نفسيتك.. باهي"
هربت عيناها مني تحكي
قمر:"اما انا منحكيش معاك !"
انا:"احكي معايا وقت تكون شاهية حاجة وكهو شرايك "
عوجت شفايفها تحكي
قمر:"ب..باهي..انت ايجا اسالني وقتها نقلك "
انا:"باهي ياروحي "
تبسمت كيف رجعت لفت وجهها.. لقيت روحي مضطر نتعامل معاها كيف صغار بش نجم نوصل لحل معاها.. فقت من سرحتي فيها عالمطر لي بدات تصب حطيت يدي على كتافها نحكي
انا:"هيا فيسع للكرهبة "
هزتلي براسها باهي وجرينا..طلعنا وشدينا ثنية للدار اول ما وصلنا.. نزلنا فيسع ودخلنا..ريتها نحات كبوطها عديت يدي على شعرها لي تبل شوي نحكي
انا:"برا خوذ دوش.. بش ماتمرضش"
هزتلي براسها باهي وطلعت لللبيت لي ترقد فيها..طلعت انا لبيتنا خذيت دوش زادة وبقيت نخمم فحالتنا هاذي..حسيت لي لمرة هاذي وجيعتها مني كانت كبيرة..كبيرة لدرجة معادش تحب تتعامل معايا فأي شي يخصها..بقيت نخمم فشنوة بش نعمل حتى نخليها تسامحني وتنسا لي صار ..فقت من سرحتي على صوت الرعد..قمت من بلاصتي ومشيت لبيتنا نتفقدها خاطر نعرفها تخاف ف الجو هذا
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
