#ليث_يحكي
بقيت نغزر للكرهبة كيفاه تقلبت وشعلت بالنار من قدام..للحظة هاذي مانجمتش نستوعب الي صار و الطريقة الي غدروه بيهاا..حتى مازن وقف مانجمش يخلط وراهم ك هربو..نزلت من الكرهبة وقدمت شوي ناحية المنحدر لي طاحت منو لكرهبة... نزلت وقربت من كرهبتو الي زادت شعلت اكثر.. منعرفش علاش اما منجمتش نمنع نفسي اني نحاول نمنعو.. تلفتت على صوت مازن يحكي
مازن :"لييث ابعععددد..الكرهبة بش تتفجر "
عديت بيدي على شعري ورجعت منين نزلت خاطر بلحق معادش فما امل اني نقرب ونمنعو.. غمضت عينيا بالقوي وانا نغزرلها... بلحق حسيت قلبي وجعني عليه رغم كلشي.. نعرف لي اغلاطو متتغفرش اما ماحبيتوش يتحاسب عليها بطريقة اخرى..فقت من سرحتي على سوت مازن يحكي
مازن :"لازمناا نتأكدو كان الي ف وسطها ايهم و لا لا "
عديت بيديا على وجهي ورجعت غزرت للكرهبة نحكي
اناا :" ايي نعرف "
سمعت صوت التاليفون كيف نوقز..رد عليه مازن وبعد شوي يحكي..شوي وقت ورجع ناحيتي يحكي
مازن :" فما عناصر تشدو..و فنا عناصر لقاوهم مقتو••لين ف الغابة "
هزيت بحاجبي نحكي
انا :" رجالك قتلو••هم ؟؟"
هزلي براسو لا يحكي
مازن :" لااا.. منهم فيهم "
اناا :"معناهاا كيف ماعملو مع ايهم تو..يعني هوماا يعرفو و خافو لا يكشوفهم..مازن لحكاية كل يوم تتعقد..لازمناا حل اخر "
حظ يديه على كتفي يحكي
مازن :" نعرف.. بش نتصرفو تهنى "
هزيتلو براسي باهي من غير حتى كلمة..رجع يحكي
مازن:" الحماية شوي وقت وتوصل هناا..خليناا نتأكدو كان هذاا ايهم قبل "
رجعت غزرت للكرهبة نحكي
انا :" انا متأكد انو ايهم ف وسطهاا..هوما ضحاو بيه خاطر يعرفوه جبان و كان بش يحكي كل شي ف حالة انو قبضنا عليه "
وخرت بخطواتي لتالي وتكيت عالكرهبة نغزر للحماية الي وصلت فيسع وطفاو النار ف لحظة..قربت منهم فيسع اول ماجبدو الجثة وحطوهاا عالنقالة..غمضت عينيا بالقوي و رجعت حليتهم و انا نغزر لجثتو..رغم النار الي حرقتو اما تفاصيل وجهو كانت باينة شوي الشي الي خلاني نعرفو طول غير يدو الي كانت مقطوعة و اكدتلي زادة انو هو ايهم..غزرتلهم كيفاه حطوه ف كيس اسود وسكرو عليه..ف اللحظة هاذي ماعرفتش شنوة حسيت بالضبط..اني ارتحت من ايهم و أخيرا و لا انو مش هاذي النهاية الي يستحقها..كان لازمو يتحاسب قبل خاطر الموت رحمة ليه.. اما مانيش بش ننكر لي من داخلي سخفت عليه يمكن كان مش بوه مكانش بش يصير فيه هاذا لكل ورغم هكاا كنت متأكد انو موتو بش يحل باب جهنم اخر..لحكاية مستحيل كان تكون وفات هناا..ايهم مشى وهز معاه قداه من سر..كيما بوه الي مستحيل كان يسكت..فقت من سرحتي على صوت مازن يحكي
مازن :" تاكدنا انو ايهم..تنجم تمشي تو ليث..كان فما حاجة تو نكلمك "
انا :" باهي "
نزلت راسي على صوت تاليفوني كيف نوقز..جبدتو ورديت نحكي
انا :" وي عمي ؟"
مصطفى:" ليث وينك ولدي ؟؟ انا ف طريقي للمزرعة جايك "
عقدت بحواجبي مستغرب نحكي
انا :" علاااش عمي ؟؟ انت وينك تو بالضبط ؟"
مصطفى:" انا ف طريق ********* "
انا :" خليك غادي..انا قريبلك..شوي ونكون حذاك "
مصطفى:" باهي "
غزرت لمازن نحكي
انا :" مازن كان تعمل مزية توصلني للطريق ****** "
مازن :" اي اطلع "
طلعت معاه وشديناا الثنية لعمي..طريق كامل و انا نخمم ف حالة قمر..اكيد هي الي قالت لعمي بش يخلط عليااا..شوي وقت ووصلناا غزرت للكرهبتو الي كانت مراكية على جنب..غزرت لمازن نحكي
انا :" يعطيك الصحة مازن..و ماتنساش كيما تفاهمناا بيناتنا تاليفون "
مازن :" اي تهنى.. و انت ماتعمل شي بلا علمي ليث "
هزيتلو براسي باهي من غير حتى كلمة و نزلت..قدمت فيسع لكرهبة عمي وطلعت..غزرتلو نحكي
انا :" عمي علاش جيت ؟ "
مصطفى:" شنوة علاش جيت ؟قمر حكاتلي الي صار مانجمتش نخليك وحدك "
انا :" مانيش وحدي..مازن وجماعتو خلطو علياا "
مصطفى:" ساعة طمني انت مليح ماعملولك شي ؟؟"
هزيتلو براسي اي نحكي
انا :" اي انا مليح ماتخافش عمي "
تنهد بالقوي يحكي
مصطفى:" الحمدالله..من وقت سمعت لخبر من قمر و انا مخي عندك..قلي شديتوه الطحا••ن ؟؟"
كبست على رقبتي من تالي وتكيت براسي عالكرسي نحكي
انا :" ايهم ما••ت.. تقلبت بيه الكرهبة "
مصطفى:" شنوووة ؟ انت متأكد؟؟؟؟"
هزيتلو براسي اي نحكي
انا :" اي متأكد انا شفت جثتو بعينيا "
مصطفى:" احكيلي شصار بالتفصيل "
غزرتلو وبقيت نحكيلو على لي صار لكل..عدا بيدو على وجهو يحكي
مصطفى:"في الاخير..عمايل محمود دفع ثمنها ولدو "
هزيتلو براسي اي من غير حتى كلمة..خدم الكرهبة وشدينا الثنية للفيلا..غزرت للنهار الي قريب يطلع و احنا مازلنا ماوصلناش..حسيت روحي تهديت بالتعب ..مسافة الطريق ووصلنا..نزلت فيسع ودخلت مع عمي وين عرضتناا رفيقة..قربتلي تجري تحكي
رفيقة :" ليث ولدي انت مليح ..مصطفى انتوما لباس ؟"
انا :" مليح رفيقة ماتخافش "
مصطفى :"لباس..لقيتو مروح ديجا "
رفيقة :" كيفاه تحبني مانخافش..ليلة كاملة عديتها و انا على نار... كيفاش هربت منهم"
انا :" عيشك رفيقة اما تهنى مليح والله..وشرطة خلطت عليا "
دورت بعينيا عالدار لكل ورجعت غزرتلها نحكي
انا :" ويني قمر ؟؟"
رفيقة :" قمر ف بيتهاا..تعبت من لبكاا بنتي..برا طمنها عليك "
هزيتلهاا براسي باهي من غير حتى كلمة..عطيتهم بظهري وطلعت نجري للبيت..حبيت نشوفهاا و نطمن عليهاا..رغم كل شي عشتو الليلة بالي بقى عندهاا هي وخوفي لكل كان عليهاا هي....
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
