الحلقة 39
أيوب يحكي
من نهار الي قابلت فيها ليث و سمعت منو لكلام هذاكا و انا صار الهدف متاعي واضح .. اني ندمر انسان اسمو ليث .. الدنيا هاذي ماترفعناش الزوز .. يا انا يا هو .. و بش نعمل المستحيل بش نكون انا الفائز الوحيد .. و نعرف شنعمل مليح بش نخليه يوطي راسو نهار الجلسة هو و المداام متاعو .. بعد كملت المرافعة الي عندي خذيت ثنيتي للفيلا وين لازمني نقابل سي محمود و مدام وجيهة .. اول ما وصلت عرضتني البون بش تدخلني..قدمت معاها بخطوات ثابتة ناحيتهم اول ماوصلت تبسمت نحكي " عسلامة سي محمود "
" مرحباا سي أيوب .. تفضل اقعد "
نحيت الفازت متاعي وقعدت مقابلو نحكي " عيشك .. كيف ماتعرف سي محمود موعد الجلسة تحدد .. و انا هنا بش نحكيو في التفاصيل .. مذابيا مدام وجيهة تموت موجودة "
" باهي سي أيوب.. لحظة اناديلها "
تعداو ثواني و هزيت راسي علاهم كيف دخلو الاثنين مقابليني نحكي " عسلامة مدام وجيهة "
" مرحبا بيك سي أيوب "
" كيف ماكنت نقول لسي محمود.. انو موعد الجلسة تحدد .. و انا هنا بش نحكي معاكم "
" اي تفضل "
" اول حاجة .. شهادتكم مهمة .. نعرف الي سي محمود وقتها كان مسافر .. اما انت مدام وجيهة بش تشهد انو ايهم من نهار الي روح فيه ماخرجش من الفيلا .. كان موجود هنا النهار هذاكا و انو ماقابلش رياان بالكل "
" تهنى .. بالطبيعة بش نشهد هكاكا .. و شنوة بش يصير مع ريان حكيت مع امو و خطيبتو ؟"
" بالطبيعة .. اما خطيبتو حسيتها شاكة في الحكاية .. اما خلاها عليا انا نعرف كيفاه نخلاها تشهد لصالحنا هي و امو .. "
هزيت راسي مع سي محمود يحكي " لازمك تتصرف سي أيوب .. نحب ولدي يروح من الجلسة الأولى "
تبسمتلو نحكي " هذاكا الي بش يصير .. اما شهادتكم ماتكفيش... وجود ليث معاها ضدنا مش في صالحنا "
ضيق عينيه و كبس على يدو يحكي " و الحل سي أيوب.. بش نمشي نكركرو بسيف يجي معانا و يبعد علاهااا .. ليث تبدل لدرجة اني معادش عارفو و لا عارف كيفاه يخمم .. لازمك تتلقى حل لاهم الزوز بش يبعدو من طريقي "
تكيت بظهري عالفوتاي نحكي " و انا عندي فكرة .. بش تكون هي الحل الوحيد الي يخلي القاضي يشك فيه و في قمر .. و لحكاية تتقلب لصالحنا "
" شنية الفكرة ؟؟"
" انو نشككو في عفة قمر مع ليث و انها طفلة ماتصلحش .. انا سالت علاها الطفلة خطيبها خلاهاا .. زعمة علااه ؟؟ و علاه ليث عرس بيها رغم خاطيتو لحكاية ؟؟ هاذم اسئلة بش نخلي القاضي يسئلهم .. و بالشي الي نخمم فيه بش نخليه يشك فيهم و نخلاهم عاجزين عالاجابة "
دورت راسي مع مدام وجيهة الي تحكي " سامحني مفهمتكش ؟؟ "
" مانجمش نفهمك تو.. نهار الجلسة بش تعرف كل شي .. بش نثبت انهم هوما الاثنين في علاقة و انو الي صار لعبة مفبركة منهم هوما الزووز .. على هذاكا سي محمود انت بش تشهد انو صارت بيناتكم عركة انت و ليث و الي هو هددك وقتهاا بش ينتقم منكم "
" اما القاضي بش يسال شنوة دخل رياان "
"نعرف .. ماتنساش انو ريان كان شريك ايهم في المشروع الي صاار من مدة .. و ليث حب يضربهم الاثنين بش يتهد المشروع هذاا و تتهد سمعتهم "
" و التقارير الي بش يصيرو لطفلة .. شنوة بش نعملو فيهم "
" التقرير الي بش يصير مع طبيبة النساء بش يكون في صالحنا زادة .. انا بش نثبت بالأدلة انو صارت علاقة بين ليث و قمر .. وقتها القاضي بش يشك اكثر كيفاه طفلة بحالتها هاذي تعمل في علاقة .. بش نخليه يشك في كل كلمة منها و منو ووقتها شهادتو ماتعمل شي .. و التقارير الآخرين انا تو نتصرف فيهم ماتخممش مدام وجيهة"
هزيت راسي مع سي محمود يحكي " اكيد سمعت بحكاية الدليل ؟؟ "
" اي ريان قلي .. لحكاية هاذي كان تجبدت مش صعيبة زادة .. ماتنساش انو الدليل تابع ايهم مش رياان .. و ايهم و ليث اقارب .. يعني ساهلة اني نقنع القاضي انو الدليل تسرق على يد سي ليث .. "
طلعت عينيا مع سي محمود الي قام يحكي " سي أيوب انا عندي ثقة فيك و معااك في كل خطوة انت تعملها .. المهم ولدي يخرج .. و بعدها نحب تعويض منهم عالي صاار نحبهم يتعذبو الزوز "
قمت ووقفت قدامو نحكي " هذاكا الي بش يصير تهنى .. و تو نقلكم بسلامة "
" بسلامة سي أيوب "
سلمت علاهم الزوز و خرجت من الفيلا و انا فرحان هاذي الخطوة الأولى ليا و بعدها بش نشوف خسارة ليث .. لفلوسو و كرامتو و حتى كرامة مرتو بش نخلاها تخسر كل شي قدامنا نهار الجلسة .. ما نوجعلو قلبو في نقطة ضعفو .. طلعت في الكرهبة و خذيت التاليفون طلبت النومرو الي حاشتي بيه نحكي " الو ..اسمعني.. بش نبعثلك ادراس .. و تصاور .. و بش نبعثلك ميساج نقلك فيه شتعملو بالضبط "
" تهنى سي أيوب.. احسب كل شي حاضر "
" باهي ياسر .. نحب لحكاية هاذي تكمل غدوة .. و فلوسك تو توصلك و مانحبش غلطة "
علقت عليه وشديت ثنية المحكمة .. الثنية الي بش نخرج منها رابح و راسي لفوق و بش نخلي ليث يوطي راسو فيهااا .. بش يعرف انو بلاصتي ملكي انا و عمري لا عوضتو نهاااار و الي انا اولى بكل فرصة خذاها هو مني .. بش نعوض كل شي في جلسة وحدة
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
