حلقة 90
#ليث_تحكي
هزيت روحي شوي وتقعدت عالسرير.. تبسمت اول ما تفكرت ليلة لبارح الي قضيتها معاهاا.. للحظة هاذي مش مصدق الي الأمور تصلحت بيناتنا و الي بعد نهارين قمر بش تصير مرتي من جديد.. المرة هاذي بش نعمل كل شي نقدر عليه بش مانخسرهاش مرة اخرى... بعد الي صار فيها قمر تستاهل اني نقدم على خاطرها تنازلات هاذي حتى قدام مصلحتي المهم مانرجعش نشوف دموعها و نظرتها الحزينة الي تقتلني من داخل..بالنسبة ليا فرحتها وانها تكون بامان اهم من كلشي
بعدت لغطاء من فوقي وقمت فيسع.. دخلت لتوالات غسلت حالتي و غيرت ثيابي و خرجت.. طلعت في الكرهبة و شديت الثنية للفيلا ماحبيتش نضيع وقت اكثر كان لازمني نزيد نحكي مع الجماعة و ناخذ قمر بش نبداو ف تحضيرات العرس.. شوي وقت وكنت قدام الفيلا راكيت الكرهبة و هبطت.. اول مادقيت الباب فتحتلي رفيقة تضحك.. قربتلها سلمت علاها نحكي
انا :" صباح الخير رفيقة .. شحالك ؟"
رفيقة :" صباح النور .. الحمدلله.. ادخل تفضل "
دخلت معاهاا لبيت لفطور وين لقيت عمي زادة.. قربت ناحيتو نحكي
انا :" صباح الخير عمي شحالك ؟"
مصطفى:" صباح الخير ولدي.. تفضل اقعد افطر معاناا "
انا " لا عمي جيت بش نهز قمر .. اليوم بش نبداو ف التحضيرات "
رفيقة :" قمر حكاتلي.. ربي يهنيكم ولدي و يتمم يتمملكم على خير "
انا :" عيشك رفيقة "
مصطفى:" ولدي.. كان استحقيت اي حاجة كلمني.. رد بالك تتردد "
انا :" نعرف عمي .. ربي يخليك "
مصطفى:" انا تو ماشي لشركة .. بعد نتقابلو "
انا :" انشالله "
رفيقة :" خليني نوصل مصطفى و تو ناديلك قمر "
انا :" باهي "
اول ما ريتهم خرجو مانجمتش نستنى اكثر.. قدمت ناحية الدروج وطلعت لغرفتها بسرعة قبل ما تجيني رفيقة كالعادة.. حليت الباب بلا ماندق ودخلت سكرت الباب وراياا.. ريتها كيف خرجت من بيت البانو غزرتلي وحلت عيناها فيا مفجوعة تحكي
قمر :" ليث شتعمل هنا ؟"
انا :"تو هكا تستقبلني ؟"
ضحكت وقدمتلي تحكي
قمر :" مانقصدش اما تفاجات كيف ريتك في الوقت هذا "
انا :" شبيه لوقت.. قريب نص النهار ورانا برشا قضيات هيا جهز روحك "
قمر :" اصلا كنت بش نلبس.. استناني "
انا :" باهي بسرعة هاني مستنيك "
قربت للفرش هزت ثيابها وعطاتني بظهرها بش ترجع لتوالات.. نزلت بعيني للقطعة لي خلاتها ف وسط الفرش هزيتها في يدي وضحكت نحكي
انا :" استنى "
تلفتتلي فيسع وغزرتلي مستغربة.. هزيت يدي و ضيقت عينيا نحكي
انا :" نسيت هذا "
ريتها كيف حمارت و تربثت .. ضحكت نحكي
انا : شنوة متحبش تاخذو ؟"
قدمت مني فيسع وضربتني على صدري بالقوي تحكي
قمر :" زايد متحشمش والله "
انا :" شعندي عملت انت نسيتو و حبيت نفكرك "
قمر :" هاتو "
هزيت يدي لفوق كيف مدت يدها بش تاخذو مني هزيتلها بحواجبي لا نحكي
انا :" لا .. نحب على بوسة قبل "
قمر :" ياليث يزي احشم شوي "
هزيت عينيا غزرتلو ورحعت غزرتلها نحكي
انا :" ساعة مقاسو كبير.. صحة ليا والله "
قمر :" ياا... والله لا تحشمها يا ساقط..هاتووو "
مديت يدي دورتها على جنبها وطيحتها على السرير
حلت عيناها فيا كيف ترميت فوقها.. حطت يداها على صدري تحكي
قمر :" شتعمل ...أبعدني "
قحرتلها نحكي
انا :" مالا قتلي ساقط.. هكا تحكي مع راجلك ؟"
قمر :" ا انت لي بديت.. ابعد "
انا :" نحب على بوستي ساعة "
قمر :" م.. مانحبش "
انا :" مانيش نشاور فيك "
ضمت شفافها ودورت وجها عليا كيف قربتلها.. كبست على وجها وحطيتلها عيناها في عينيا نحكي
انا :" اغزرلي يا فرخة متخدمش مخك معايا.. ماكش بش تنجم تتخيل لي بش نعملو "
بقات ضامة شفافها وتغزرلي هزيت يدي وحطيتها على فخذها طلعتلها الروبة شوي و بقيت نعدي ف صوابعي علاهااا.. غزرتلي مصدومة تحكي
قمر :" شتعممللل ؟"
قربت منها وعضيتها من شفافها اول ما حلتهم نحكي
انا :" هكا بش كيف نقلك شي تعملو "
هزت يداها حطتهم على صدري تحاول تبعد فياا تحكي
قمر :" ابععد ليث... يزي امان "
انا :" علاش.. بش نعرسو على قريب.. يزينا من الحشمة"
قمر :" ياليث امااان قاعدة نسمع في صوت خطوات خالتي "
انا :" خليها تشوفنا هكا.. بش معادش تدخل فينا "
قمر :"افففف منك ...يزيي اماان والله عيب "
ضحت على وجها لي صفار.. هزيت روحي وقمت من فوقها.. شفتها كيف قامت وراياا و بقات تنزل ف روبتها مربوثة.. جبدتها من يداها وطبست نحيت وجها نحكي
انا :" ليوم نفدت.. بعد يومين مفماش خالتك "
هربت عيناها مني وهزت السوتيان في يدها ودخلت تجري.. عديت بيدي على شعري نضحك وحدي على حشمتهاا. خليتها ف البيت وخرجت سبقتها للكرهبة بقيت نستنى فيها حتى خلطت علياا.. ريتها كيف حلت الباب وطلعت بجنبي دارتلي بكلها غزرتلي تحكي
قمر :" وين ماشين تو ؟"
انا :" مانقولش تو كيف نوصلو تعرف "
قمر :" امان ليث.. قلي "
انا :" ماشيين لدارنا حبي "
تبسمتلي تحكي
قمر :" اي خلينا نمشيو اصلا حبيتها شقة هاذيك "
انا :" شكون قلك لي يش نسكنو غادي ؟"
عقددت بحواجبها وغزرتلي تحكي
قمر :" مالا وين بش نسكنو ؟"
دورت وشديتلها يدها نحكي
انا :" في الفيلا لقديمة لي سكنا فيها اول مرة.. انا صلحتها بعد الحريقة.. حبيت نعيشو فيها كان تحب بالطبيعة "
قمر :" ليث بلحق تحكي.. يعني صايي الدار تصلحت "
انا :" اي "
ترمات عليا وعنقتني بالقوي تحكي
قمر :" اي اكيد نحب الدار هاذيك نحبها برشا.. اصلا كانت اول دار عشنا فيها مع بعضنا.. مانيش مصددقة لي بش نرجعو ليها.. ياسر نحبها والله "
دورت بيديا علاهاا و بستها من راسها نحكي
انا :" مالا ...خلينا نمشيو "
بعدت علياا و بقات تغزرلي ف عينيا نحكي
انا :" لازمنا تو نشريو الحاجات لي ناقصة.. خاطر انا صلحتها وكهو.. نحبك انت تختار كلشي على ذوقك "
قمر :" عيشك يا روحي "
تبسمتلها وخدمت الكرهبة شدينا الثنية لوين يبيعو الموبل.. شوي وقت ووصلنا نزلنا شديتها من يدها ودخلنا للبويتك.. بقيت نغزرلها كيفاه تدور بعيناها و تضحك.. هزيت عيناها فيا تحكي
قمر :" شنوة بش ناخذو ؟"
انا :" قتلك لي دار فارغة ... بش نحتاجو كل شي"
قمر :" خلينا نبداو بالصالة مالا "
انا :" باهي ايجا "
قدمنا لجهة الفوتايات و خليتها هي تختار بقيت نغزرلها كيفاه تتبسم و فرحانة وين لقيت روحي عمال نضيع اكثر ف ضحكتهاا.. فقت من سرحتي فيها على صوتها تحكي
قمر :" ليث والله احترت ...عاوني بش نجم نختار "
قدمتلها ودورت بيديا عليها من ورا حشيت راسي في رقبتها خذيت نفس من ريحتهاا.. حسيت بيداها كيف تحطت فوق يدي حبت تفكها وين انا زدت كبست علاهاا اكثر .. سمعتها تحكي بالشوي
قمر :" ل ليث شتعمل... قاعدة نقلك عاوني نختار "
انا :" والله انا اخترت اغلى واهم قطعة الباقي عليك "
قمر :" شنوة اخترت ؟"
انا :" اخترتك انت "
قمر :" لييث.. شصاير معاك ليوم ؟"
بعدت علاهاا ودورتها ناحيتي غزرتلها نحكي
انا :" شي.. اما قتلك لي نحبك انت تختار كل شي نحب كل قطعة في داري تكون فيها لمستك "
طبست بستها من خدها قريب شفايفها.. تبسمت و انا نشوف ف وجهها كيف حمار و دورت بعيناها عالبلاصة تحكي
قمر :" ليث ا.. الناس هوني "
انا :" باهي باهي ايجا قلي شنوة عجبك "
قمر :" باهي هيا "
قربت معاها و خليتها تختار ف كل شي كيف ما حبت و على ذوقها هي.. بقينا ندورو لين وصلنا لجهة غرف النوم.. شديتها من يداها نحكي
انا :" ايجا تراه هوني نحبك تركز برشا نحب سرير صحيح " غمزتلها وضحكت.. دورت وجها عليا وسبقتني بقات محشية في الزاوية ساكتة.. قربت منها و ضيقت عينيا فيها نحكي
انا :" شبيك "
قمر :" شي منحبش نختار"
انا :" ايجا يا فرخة نفدلك معاك ..هيا قلي شنوة عجبك "
غزرتلي على جنب وبعدت تحكي قمر :" باهي استنى نشوف "
بقات تشوف حتى اختارت بيت نوم على ذوقها زادة.. كملنا خذينا كل شي حتى الحاجات الي يخصو المطبخ.. خلصت عطيتهم العنوان و خبرتهم الي يبعثوهم تو.. اول كملنا خرجنا وشدينا ثنية الفيلا.. شوي ووقت ووصلنا حلت الباب و سبقتني هبطت ودخلت تجري .. ضحكت ولحقتها نحكي..
انا :" استنا يا فرخة "
قمر :" ياسر صارت باهية ليث "
انا :" استنى حتى تراها من الداخل "
حليت الباب ودخلت وراها نحكي
انا :" تفضل لدارك لالة "
ضحكت و بقات تدور فيها و تشوف ف كل تركينة فيها.. رجعتلي وعنقتني تحكي
قمر :" تهبللل ليث.. كل شي كيف حلمت بيه واكثر ربي يخليك ليا يا روحي "
طبست بستها من راسها نحكي
انا :" ويخليك ليا "
بعدت علاهاا اول ما سمعت صوت شاحنات لي جابو الموبل لي.. غزرتلها نحكي
انا :" تو بش ينزلوهم وانت قلهم كيفاش تحبهم يحطوهم "
قمر :" باهي"
جبدتها من يدها وحطيت وجهي في وجها نحكي
انا :" ماتكثرش لحديث معاهم.. هاني نبهتك "
هزتلي براسها باهي من غير حتى كلمة.. حليت الباب و خليتهم يدخلو ف الموبل و ينظمو فيهم على كيفها هي..
ساعة من زمان و كل شي كان ف بلاصتو و الدار تنظمت.. قربت ناحيتها نحكي
انا :" محلاه ذوق مرتي "
قمر :" عيشك يا روحي .. اصلا والله مش مصدقة اني عايشة هذا الكل من جديد "
انا :" صدق .. و مازالو برشة حاجات اخرين يستناو فيك "
قمر :" ربي يخليك ليا ليث.. نحبك برشة "
قرصتها من خدها نحكي
انا :" و انا نموت عليك "
قص علينا صوت التاليفون الي نوقز.. جبدتو و شفت الرقم لقيتها رفيقة.. عديت بيديا على وجهي نحكي
انا :" رفيقة ديما وراياا و تظهر كان ف اللحظات الحاسمة "
ريتها كيف ضحكت تحكي
قمر :" هز علاهاا فيسع "
هزيتلها براسي باهي و هزيت علاهاا نحكي
انا :" وي رفيقة "
رفيقة:" وينكم لتو ؟ جيب الطفلة روح بيها"
انا :" باهي رفيقة .. شوي و تكون حذاك الطفلة "
رفيقة :" فيسع "
علقت علاهااا و غزرت لقمر نحكي
انا:" رفيقة بش تبقى ورانا حتى بعد العرس ظاهرلي "
قمر :" هيا خلينا نمشيو اصلا معادش وقت "
هزيتلها براسي باهي و خرجنا.. طلعنا ف الكرهبة و شدينا ثنية الفيلا..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
