#ايهم_يحكي
ليلة كاملة عديتها نتقلب في الفرش .. مانجمتش نرقد بقيت نستنى في النهار يطلع وتتفض لحكاية هاذي .. توحشت اني نخرج و نتنفس هواء من الشارع .. توحشت ضو الشمس .. وجودي هنا وترني اكثر من وجودي في الحبس .. مانجمتش نغمض عينيا من الخوف .. خايف لا كل حاجة بابا مخططلها ماتصيرش و نبقى حياتي الكل هناا وقتها بالرسمي مستحيل كان نتحمل .. انجم نصير مجنون كيفهم ..
بقيت مرمي في الفرش و نغزر للسقف حتى طلع الصبااح .. هكاكا و الباب دق .. هزيت روحي شوي .. شفت واحد دخل اول مرة نشوفو هنااا .. دخلي للبيت وسكر الباب وراه .. بقيت نتبع فيه بعينيا فاش يعمل .. قربلي و اعطاني حوايج في يدي يحكي
" سي ايهم .. انا بعثني سي محمود .. البس هاذم بس تخرج معاياا "
قمت من بلاصتي ووقفت قدامو نحكي " شنوو هاذم ؟ و شنوة بش يصير تو ؟؟"
" هاذم حوايج ممرض البسهم و خوذ هاذم زادة "
حطلي بوني و لينات في يدي يحكي " البسهم بش نحاولو مايعقلك حد .. و الي بش يصير انك بش تخرج معاياا تو"
هزيتلو براسي باهي و دخلت نجري لتوالات لبست الي عطاهملي .. رجعت خرجتلو نحكي "و تو شنوة بش نعملو؟؟"
" تو انت بش تتخبى عندي في بيتي .. و بش يصير حريق كبيير في السبيطار .. وقتها انا بش نخرجك و نخليك في سيارة الاسعاف الي توصل الأولى و تهرب "
هزيتلو براسي باهي برشة مرات .. حسيت روحي خفت مانعرفش علااه .. اقل غلطة تنجم تتكلفلي غالية .. اول ماخرجنا و تحل الباب .. رجع وقفني يحكي "ابقى هنااا الساعة .. عندي ما نعمل "
بقيت واقف من غير حتى كلمة نستنى فيه .. شوي و رجع و في يديه راجل دايخ .. حليت عينيا فيه نحكي
شكون هذااا ؟؟ شيعمل هناا ؟"
طفااني و قدم حطو في السرير .. قربت منو نجري جبدتو لياا نحكي " ياخي شبيك ساكت .. قتلك هذا شكون ؟؟"
اشرلي بيعينه يحكي " هذا انت .. بش نلبسوه دبشك و بيتك بش تتحرق الأولى و هو في وسطهاا .. وقتها الكل بش يصدقو موتك فهمتني "
هزيتلو براسي باهي و بقيت نعاون فيه في تلبيس الراجل .. كان دايخ بين يديا اما حي .. للحظة حسيت بتأنيب الضمير علييه .. هو بش يمشي ضحية من جرتي .. اما هذا الي لازم يصير .. تبكي امو هو و امي انا لااا .. كملنا لبسناه و غطيناه .. و خرجنا .. بقيت نمشي وراء الراجل الي معاياا و مطبس راسي .. دخلني لبيتو و خباني في التركينة يحكي
" ابقى هنااا .. و مهما يصير و مهما تسمع .. لا تخرج و لا تحل الباب فهمتني ؟؟"
" فهمتتتك "
خرج و خلاني في البيت .. شوي و بديت نسمع في الصياااح .. صوت إطلاق النار بدا يقوى و عمال يقربلي .. بقيت متخبي وحدي و مش فاهم لاخر وينو من وقت ما مشى ما رجعليش .. حسيت بدني الكل بدا يرعش من الخوف و العصب الي مكني .. هزيت راسي و قمت نجري عالباب كيف تحل .. اول ما ريتو تنطرت في وجهوو نحكي " * وينك .. ساعة و انا هناا "
" سامحني سي ايهم .. اما مانجمتش نجيك قبل "
نفخت بالقوي نحكي " نحب نخرج من هناااا تووو "
" اي تهنى .. تو بش تخرج .. تبعني "
خرجت واره .. حليت عينيا عالمنظر الي كان قدامي .. لبيوت محروقين .. الطايح اكثر من الواقف ..الدم في كل بلاصة .. مش مصدق الي الشي بش يوصل لهنااا .. فقت من سرحتي على صوتو يحكي " بس نخرجو من الباب التلاني .. بس تلقى سيارة اسعاف تستنى فيك .. بوك بعثهالك "
هزيتلو براسي باهي و بقيت نتبع فيه .. صوت الصياح مع السلاح خلو تركيزي يتشتت .. قويت في خطواتي حبيت نخرج من هنااا في اسرع وقت .. معادش انجم نتحمل المشاهد الي قدامي ..
اول ما وصلت قدام الباب و ريتو كيف تحل في وجهي .. نسيت كل شي وضحكت .. خرجت نجري و طلعت في الكرهبة من تالي .. تلفتت على صوتو يحكي
" انت تو بش تمشي .. الي معاك في الكرهبة يعرف شنوة بش يعمل .. متخافش "
تبسمتلو من غير مانجاوبو وسكر علياا الباب .. اول ما حسيت الكرهبة بدات تتحرك حسيت الروح رجعت فيااا .. لقيت ساك صغيرة بجنبي فيها حوايج نظاف .. ووراق .. جبدت بش نقراهم .. لقيت هوية جديدة فيها تصويرتي .. اما اسم اخر .. " زكريا حامدي " .. بقيت نقرأ و نعاود في الاسم .. من اليوم اسمي زكريااا .. ايهم مات محروق في البيت هذيكا .. في البيت الي موجودة في سبيطار المجانين .. عمري لا تمنيت نهايتي تكون هنااا و لا نوصل لهنااا .. انا خسرت حياتي و خسرت روحي .. بش نرجع نتغرب من جديد و المرة هاذي شوف نرجع شوف لااا .. عديت بيديا على وجهي و بدلت حوايجي مانجمتش نتحمل ريحة السبيطار الي موجودين في اللبسة هاذي .. اول ماكملت .. تكيت براسي عالفرش حبيت نرتاح .. ليلة كاملة و عينيا ماشافتش النوووم .. رجعت حليتهم عالكرهبة كيف وقفت و الباب الي قدامي تحل .. هزيت راسي نغزرلو .. هذا زادة اول مرة نراه ..
" سي زكريااا لازمك تهبط معانا .. الكرهبة تستنى فيك "
هزيت بحاجبي كيف ناداني بالاسم هذاا .. ماتوقعتش من تو بش نبدا عايش بيه "
هزيت الساك في يدي و نقزت من الكرهبة .. بقيت نتبع فيه .. كانت بلاصة خالية .. كلها شجر .. بقيت نمشي معاه لين وصلت قدام كرهبة .. تبسمت و مشيت نجري كيف ريتها .. كرهبة من كراهبنا .. عرفت الي بابا يستنى فيااا .. اول ماوصلت و حليت الباب تبسيمتي تمحات كيف ريت ايوب هو الي يستنى فيااا ..
طبعت بجنبو من غير حتى كلمة .. سمعتو كيف يحكي
" الحمدالله على سلامتك سي ايهم "
تبسمت على جنب نحكي " زكرياا عااد .. ايهم ماات "
" صحيح ايهم ماات .. و زكريااا تو مسافر "
دورت راسي نغزرلو مستغرب نحكي " من اليوم بش نسافر ؟؟ نحب نشوف بابا و امي قبل "
هزلي براسو لاا يحكي " ما تنجمش .. هذا ريسك ليك و ليهم .. بوك تو لاهي في خبر موتك و دفينتك .. شوي وقت و يخلط عليك هو و امك "
عديت بيديا الزوز على شعري تنهدت نحكي "و كيفاه بش نسافر ؟؟ ووين بش نمشي ؟؟ "
" بوك امنلك السفرة على سفينة ماشية للايطاليا .. و من إيطاليا بش تلقى شكون غادي بش يهربك للاسبانيااا .. و بعد كيف توصل بوك بش يخلط علييك و يقلك شنوة بش تعمل بالضبط .. فهمتني ؟"
تكيت براسي عالكرسي نحكي " فهمتك "
غمضت عينيا مع الكرهبة الي تحركت .. بقيت نخمم في شنوة يستنى فيااا .. تمنيت كان نشوف بابا و امي قبل مانسافر .. حاسس روحي متوحشهم و خايف لا بعد ليوم مانراهمش .. بقيت نخمم في حالتهم قدام الناس ..صحيح خبر موتي كذب اما هذا بش يهدهم و بش يخلي كل شي بابا كان حابب عليه يتبدل .. بش يصير وحدو .. انا دمرت كل شي بعملتي .. فقت من سرحتي عالكرهبة كيف وقفت .. هزيت راسي بقيت نغزر للبلاصة الي احنا فيها .. كانت الميناء ..
تلفتت لايوب يحكي " البس الكسكات هاذي و اللينات هاذي زادة .. و ماتحكي شي خليني انا نتصرف "
خذيتهم من يدو و لبستهم و هبطت معاه .. بقيت مغزر للرجال الي واقفين يغزرولنا .. اول ما قربنا منهم وقفت ايوب قدامي يحكي معاهم " حاضرين ؟؟"
قدملنا واحد دور بعينيه علينا و تبسم بخبث يحكي " احنااا حاضرين .. اما ويني امانتنا ؟؟"
ريت ايوب كيف جبد ظرف من جيبو يحكي
"هذا المبلغ الأول .. و اول ما يوصل سي زكريااا المبلغ الثاني يكون عندك .. هكا تفاهمنا ؟"
هذا الظرف من يديو ة بقى يضرب فيه يحكي " صحيح هكاا تفاهمنااا .. هيااا سي زكريااا اطلع ورايااا "
بلعت ريقي بالسيف مانعرفش علاه مانيش مطمن للرجال هاذم .. شدني ايوب من مرفقي يحكي
" اياا اطلع .. متخافش معندهم ما يعملولك .. فما زوز رجال في السفينة بش يحميوك كان صارت حاجة "
كيف سمعت كلامو وقتها وين تنفست شوي براحة .. عزيتلو براسي باهي نحكي " باهي .. عيشك ايوب .. سلم على بابا و امس و قلهم يسامحوني الاثنين .. قلهم ما ينسونيش و يحاولو يطلو عليااا اماان "
جبدني عندو عنقني يحكي " اكيييد بش يطلو علييك .. غير انت تو ضمن امورك "
بعدت عليه نحكي " انشالله "
اشرلي بيعينه يحكي " اياا اطلع معادش وقت "
بقيت نغزر للسفينة .. حسيت روحي مانحبش نمشي .. قلبي وجعني من فكرة بش نخلي حياتي و عايلتي و نهرب بالطريقة الرخيصة هاذي .. خذيت نفس و هبطت في السفينة .. بقيت مغزر للرجال الي واقفين فيها كلهم كانو عيناهم عليااا مش عارف علاه .. دورت و رجعت نغزر لايوب الي مد يدو و بيبا عليااا ..
اول ماتحركت السفينة حسيت بدمعة سخونة هبطت على خدي .. كانت كل ماتبعد كل مانحس بخوف اكثر .. مش عارف وراء لبحر هذا شنوة بستنى فيااا .. سوال واحد بقى في بالي .. زعمة بش نرجع مرة اخرى .. و أهم سوال كلاني من داخل .. زعمة بابا بش ياخذلي حقي منهم .. هوما السبب في غربتي هاذي .. في موتي بالحيااا .. لازم حتى هوما يذوقو لعذاب هذااا .. لازم يصير فيهم ما صاير فيا انا تو ..
#قمر_تحكي
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
