#قمر_تحكي
حليت عينيا على نهار جديد..مانعرفش كيفاه رقدت البارح بعد ماجاتني خالتي عشاتني بالسيف وساعدني بش عملت دوش وغيرت حوايجي.. بعدت الملحفة من فوقي وقمت بالسيف حسيت بدني يوجع فياا عاللخر غير راسي الي بش يتكسر..اما تقويت على روحي ونسيت كل وجيعة خاطرني بش نرا ليث ليوم.. دخلت لسال دوبان نحيت حوايجي ودخلت تحت دوش عملت دوش خفيف وخرجت ريقلت اموري ولبست حوايجي ونزلت وين شفت عمي وخالتي قاعدين ف بيت لفطور.. قربت ناحيتهم نحكي
انا :" صباح الخير "
هزو رؤوسهم معاياا وتبسمولي يحكيو
رفيقة و مصطفى:" صباح النور بنتي "
قعدت بجنب عمي وغزرتلو نحكي
انا :" شحالك عمي سامحني لبارح ماريتكش "
حط يديه فوق يدي يحكي
مصطفى:" انا لباس عاللخر فرحت اني بش نصير جد خلاتني مليح.. مبروك بنتي "
تبسمت نحكي
انا :" عيشك عمي "
تلفتت لخالتي كيف حطت كاس حليب قدامي وتوست تحكي
رفيقة :" اياا افطر واشرب فيتاميناتك هاذم "
هزيتلها براسي وبقيت نغصب على روحي بالسيف حسيت خواطري دايرة وماعينيش ناكل.. شربت دواياا بعد ماكملت فطوري وغزرت لعمي كيف وقف يحكي
مصطفى:" كان كملتو فطور حضرو رواحكم لازمنا نمشيو "
قمت فيسع من بلاصتي نحكي
انا :" انا حاضرة عمي نطلع نجيب ساكي ونجي "
تلفتت على صوت خالتي تحكي
رفيقة :" باهي اطلع اما ماتجريش هانا نستناو فيك "
هزيتلها براسي باهي من غير حتى كلمة وطلعت للبيت حطيت بطاقتي وتصويرة للايكو ف ساكي ونزلت وين لقيتهم يستناو فياا.. عديت بعينيا عليهم نحكي
انا :" كملت "
مصطفى :" هياا خلينا نمشيو مالا "
هزيتلو براسي باهي وخرجت معاهم طلعت ف الكرهبة من تالي وشدينا الثنية لليث.. لحظتها حطيت يدي على كرشي وتكيت براسي لتالي نستحلى ف النسمة.. غمضت عينيا وين دمعة نزلت مني وانا نتخيل ف شكل ليث اول مايعرف لخبر.. رجعت حليت عينيا ماوصلنا..نزلت فيسع مع عمي ودخلناا كملناا
بش نعملو إجراءات العادة.. قلبي ضرب بقوة اول ماكملت وغزرت للعون الي اشرلي بش ندخل.. ضغطت على يدي حاولت نهدي روحي ودخلت.. قعدت عالكرسي نفرك ف صوابعي حاسة قلبي بش يخرج من بلاصتو وانا نستنى فيه يدخل بش نراه.. بدني رعش على صوت الباب الي تحل وراياا وين تلفتت بالوقت.. قمت من بلاصتي وغزرتلو كيف قرب ناحيتي وتبسم يحكي
ليث :" قمرتي "
جريت ناحيتو وترميت عندو حضنتو بالقوي.. غمضت عينيا على يديه الي دارت علياا.. خذيت نفس من ريحتو الي توحشتها وحسيتهاا رواتبي نحكي
انا :" ليث توحشتك توحشتك برشة "
باسني من راسي يحكي
ليث :" انا زادة توحشتك برشة ياروحي "
ضميت على شفايفي شديت دمعتي بالسيف وبعدت عليه شوي.. حطيت يدي على خدو ويدي لخرى على صدرو عديت بعينيا عليه نحكي
انا :" انت مليح ؟ صحتك لباس مش هكاا مرتاح ؟"
باسني من كف يدي الي كان على خدو يحكي
ليث :" انا مليح وصرت مليح اكثر ك ريتك تو "
شدني من يدي ورجع يحكي
ليث :" ايجا خلينا نقعدو "
هزيتلو براسي باهي وتبعتو.. قعدت قدامو وبقيت نغزرلو حاسة روحي متت بوحشو ومش منجمة نبعد عينيا من عينيه.. تبسم يحكي
ليث :" احكيلي انت شعاملة كملت امتحاناتك مش هكا ؟"
مسحت دمعتي الي كانت بين رموشي وهزيتلو براسي اي نحكي
انا :" اي كملت لبارح اخر امتحان "
ليث :" وكيفاه عديت ؟ نحب نتيجة باهية قمر "
بلعت غصتي نحكي
انا :" ا..انشالله.. المهم احكيلي انت ليث شعامل صحتك لباس قاعد تاكل مليح ؟ خالتي جابتلك القفة ليوم وانا خليتها تعمل كل شي انت تحبو.. "
قص علياا كيف شدني من يدي وباسني منها يحكي
ليث :" قمر اهدا مش كل مرة تعمل هكا ياروحي.. انا مليح صدقني وقاعد ناكل ونرقد زادة مش ناقصني شي كان انت "
شهقت بالقوي وين دموعي نزلو بالوقت نحكي
انا :" ا..انا زادة ليث مش ناقصني كان انت.. توحشتك عاللخر نستنى ف وقت الاستئناف المحامي طمني وقال ممكن ياسر تخرج.. "
كبس على يدي وغزرلي درا كيفاه وين حسيت بقلبي دق بالقوي يحكي
ليث :" قمر يامن حياء لنهار الاستئناف.. نحبك تسمعني قبل ما يوفى الوقت "
عديت بعينيا عليه نحكي
انا :" شفما ليث ؟ صارتلك حاجة؟"
هزلي براسو لا يحكي
ليث :" لا ماتخافش.. اما نحبك غدوة تمشي للمحامي كيف يطلبك.. انا كتبتلك الفيلا متاعي بيع وشراء و زادة رصيدي الي ف البنك صار متاعك و حتى الكرهبة "
طرشقت بالبكا على كلامة وغزرتو نحكي
انا :" ع..علاش عملت هكا ليث.. ا..انت بش تخرج و..وكل شي ب..بش يبقى ب..ب اسمك انت.. ا..انا مانحب شي م..من الدنيا كان انت م..مانحب شي "
حط يديه على خدي ومسحلي دموعي يحكي
ليث:" نعرف انا بش يجي نهار و نخرج اما من هنا لوقتهاا نحب نكون متهني عليك قمر.. مانحبك تحتاج لحد ياروحي تفاهمناا.. هكا انا بش نكون مرتاح اكثر مش انت تحبني نبدأ مرتاح مالا اقبل وامشي للمحامي "
هزيتلو براسي باهي برشة مرات نحكي
انا :" ب..باهي باهي تو نمشي على خاطرك اما.. اما انت بش ترجعلي رد بالك تخمم ف حاجة غير هاذي ليث "
دوب تبسم وغزرلي درا كيفاه يحكي
ليث:" انشالله "
مسحت دمعتي وتبسمت بالسيف نحكي
انا :" ليث انا عندي ليك خبر متأكدة بش يعجبك "
هز بحاجبو يحكي
ليث :" انشالله خير "
ضحكت وشديتو من يديه نحكي
انا :" ليث انا.. انا حبلة "
حل عينيه فيا وبقى يغزرلي ثواني ساكت.. تبسمت كيف ريت ضحكتو الي توحشتهاا يحكي
ليث :" قمر بلحق ؟ انت.. انت حبلة انا ماسمعتش بالغالط مش هكاا ؟"
هزيتلو براسي لا برشة مرات نحكي
انا :" لا ماسمعتش بالغالط.. انا حبلة ف شهر و اسبوعين.. لبارح كنت عند الطبيبة "
وقفت اول ماريتو وقف وقربلي.. عنقني بالقوي لين ساقياا بعدت عالارض.. كبس علياا يحكي
ليث :" هذا احلى خبر سمعتو.. قمر انت فرحتني تو ورجعت فياا الروح "
حشيت راسي ف رقبتو نبكي ونحكي
انا :" انا زادة فرحت برشة بش يصير عناا صغير ليث "
بعد علياا وباسني من جبيني يحكي
ليث :" مبروك ياروحي "
شديتلو يدو وحطيتها فوق كرشي نحكي
انا :" انا و صغيرناا بش نستناوك.. انت بش تكون معانا وبش نعملو عيلة كبيرة ليث "
هزلي براسو اي يحكي
ليث :" انشالله قمرتي "
انا :" جبتلك تصويرة ليكو تحب تشوفو ؟"
هزلي براسو اي ورجعنا قعدنا.. جبدتهاا من الساك وعطيتهالو.. شدها من يدي وغزرلهاا وين شفت لمعة دموع ف عينيه.. مسحت دمعتي نحكي
انا :" خليهاا عندك انا جبتها ليك انت "
هز راسو معاياا وتبسملي يحكي
ليث:" احسن ماعملت "
شدني من يدي ورجع يحكي
ليث :" ماعندكش فكرة قداه لخبر هذاا فرحني.. حسيت الأمل رجعلي بعد مافقدتو.. وحتى كان بش نبقى مسجون انا فرحان زادة اني عندي صغير مني خرجت بيه من الدنياا.. انت بش تكونلو احلى ام و متهني عليه معاك و... "
حطيت صبعي فوق شفايفو وقصيت عليه نحكي
انا :" اشش ماتكملش ليث.. احناا بش نستناوك خاطرناا نكملو كان بيك انت.. انا بش نكونلو احلى ام وهو بش يلقى احلى واحسن اب يستنى فيه.. انت بش تحضر لولادتو و بش نكبروه مع بعضناا.. رد تخمم ف عكس هذاا ليث.. صدقني انا حاسة هكاا انت بش تخرج وبش نفرحو مع بعضناا وصغيرناا بيناتناا ونجيبو صغار آخرين.. انت قبل وعدتني بش نجيبو اكثر من صغير وبش توفي بوعدك هذا "
باسني من صبعي وضحك يحكي
ليث :" باهي قمرتي.. المهم تو بعد لخبر هذاا مانحبش نقاش ف حكاية المحامي على أقل خليني مطمن عليكم حتى نخرج تفاهمناا ماتغششنيش قمر "
تبسمت نحكي
انا :" كلو الا غشك تو نمشي نوعدك تو نمشي "
قلبي وجعني اول ماسمعت صوت العون يحكي
العون :" الزيارة وفات "
غمضت عينيا بالقوي و رجعت حليتهم نحكي
انا :" بش نرجعلك الأسبوع الجاي.. رد بالك على روحك ليث وكول مليح امان "
وقف من بلاصتو وقربلي بعد ماوقفت انا.. باسني من راسي يحكي
ليث :" انت الي نحبك ترد بالك على روحك.. انا ماتخافش علياا "
هزيتلو براسي باهي من غير حتى كلمة.. تبسملي يحكي
ليث :" اياا امشي وسلم على رفيقة وعمي "
انا :" يبلغ "
قربت ناحيتو اكثر وبستو من خدو وين دمعتي نزلت.. بعدت عليه وغزرت ف عينيه نحكي
انا :" نحبك برشة "
ليث :" وانا نموت عليك "
تبمست وبعدت عليه بالجهد.. دموعي نزلو اكثر اول ماخرجت وبعدت عليه.. كل مرة نحس روحي تتنزع مني كيف نبعد عليه.. خرجت لبرا وين شفت خالتي واقفة تستنى فياا وعمي بعيد يحكي مع المحامي.. قربت لخالتي الي وقفت قدامي تحكي
رفيقة :" شحالو ليث مليح؟"
مسحت دموعي بكف يدي نحكي
انا :" قال مليح.. اما الي نرا فيه العكس خالتي.. وجهو تاعب ومسلم "
رفيقة :" الي تعدا عليه مش شوي اما بقدرة ربي فترة وتعدا وليث يرجع بيناتناا "
انا :" انشالله "
تبسمت تحكي
رفيقة :" قلي راو فرح بخبر حبالتك ؟"
حطيت يدي على كرشي نحكي
انا :" طار من الفرحة ليوم وين شفت ليث ضحك "
رفيقة :" انشالله الصغير هذا بش يجي ويجيب الخير معاه "
تنهدت بالقوي نحكي
انا :" انشالله ياربي "
عقدت بحواجبي عالصوت الي سمعتو وراياا.. حليت عينيا على وسعهم اول ما تلفتت وشفتها قدامي
ام يحيى :" عاش من شافك بنت حسنة "
شديت خالتي من يداهاا نحكي
انا ؛" هياا خالتي '
وقفت قدامي ومنعتني نتعدا تحكي
ام يحيى :" شفت الدنيا.. دارت دارت وتلاقيناا مرة اخرى.. اما شوف وين ف البلاصة الي راجلك رمى فيها ولدي.. ياخي هاو هو خلط عليه "
رسيت على سنيا بالقوي نحكي
انا :" ابعد من قدامي ماتخلينيش نغلط فيك مرا كبيرة '
ضحكت تحكي
ام يحيى :" ههه مش غريب عليك من اخر مرة كيفاه طردتني.. كنت متحامية براجلك وفلوسو اما هاك بقيت وحدك والفلوس ماعملتلو شي.. هاو مرمي بين لمجرمة مع ولدي "
هزيت بحاجبي وقربتلها غزرت ف عيناها نحكي
انا :" اما راجلي عكس السا/قط ولدك.. راجلي بريئ ولدك هو المجرم الصحيح والي بش يبقى مرمي هناا طول حياتو اما راجلي بش يجيه وقت ويخرج.. اصلا رد بالك نهار تقارن راجلي بولدك.. فرق كبير بيناتهم وانت تعرف هذا مليح "
ام يحيى :" صحيح راجلك ظاهر ولد ناس شخلاه مسخفني مسكين انو طاح بيك وحدة حرفة بومة الي يعرفك يرا كان لمصايب.. الي تدخل لحياتو تدمرها من ولدي ليه هو تو.. بقيت من واحد لواحد اصلا مانستغربش انك تسلم ف راجلك وكلامك هذا لكل مايصح منو شي تو تمشي تلوج على غيرو.. وحدة رخيصة و فضيحتك لتو يحكيو عليها الناس مصح وجهك "
حسيت بغصة شدتني من كلامهاا.. تقويت على روحي وجاوبتها نحكي
انا :" راجلي مانبدلوش بمال الدنياا وكان فما رخاص راو ولدك الي باع روحو بالفلوس قبل "
مانعرفش كيفاه دزيتهاا من قدامي نحكي
انا :" وتو اقلب وجهك علياا "
غمضت عينيا بالقوي و رجعت حليتهم على صوتها كيف صاحت تحكي
ام يحيى :" زاااايد مش متربية خسارة تربيتك ياحسنة "
شدتني خالتي من مرفقي ماخلتنيش نرجعلهاا تحكي
رفيقة :" يزي قمر هاك جاوبتهاا خليهاا تنبح وحدهاا ماتغزلش روحك وانت حبلة هكا "
خذيت نفس طويل حاولت نهدي روحي وننسى كلامها الي كان كيف السم.. قربنا لعمي وبقينا نحكيو شوي مع المحامي الي دخل يش يقابل ليث تو.. طلعت معاهم ف الكرهبة بش نروحو وغمضت عينيا.. حسيت عصابي فلتت منهاا فورتلي دمي.. خذيت نفس طويل وهديت روحي اول ماتفكرت ضحكت ليث مرة اخرى.. ضحكتو خلاتني نحس ب امل تجدد قدامي غير الصغير الي جاء ف وقتو بش يكون هو العوض ليناا الزوز.. كيما قالت خالتي بش يجيب الخير معاه بقدرة ربي...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
