#قمر_تحكي
هزيت راسي شوي اول ماشاحنة وقفت والباب تحل..قلبي ضرب بقوة وانا نشوف ف ايوب الي طلع من قدام مع الرجال..ريتو كيف غزرلي بخبث وتبسم على جنب بطريقة مستفزة..هزيت يدي ومسحت دموعي الي ماحبوش يكفو وغزرت للطريق الي كان فارغ وبعيد.. الدنيا بدات تظلام و الطقس غيم فجأة وين حسيت بالوحش هبط علياا.. تكيت براسي عالبلار وين لقيت تفكيري لكل ف ليث.. للحظة هاذي مش مصدقة الحالة الي خليتو فيهاا..حسيت قلبي يبكي قبل عينيا عليه فكرة اني خسرت ليث خلاتني نتهد ونموت بالحياة.. بقيت سارحة نخمم كيفاش بش ينجم يمنع منهم وندعي ربي يفكو من يداهم.. فقت من سرحتي على صوت تاليفونو كيف نوقز.. سمعتو كيف جاوب يحكي
أيوب :" وي سي محمود...تهنى كل شي تحت السيطرة.. احنا ف ثنيتنا للمستودع.. واول مايوصلي خبر نتحركو ناحية السفينة غدوة نكونو خرجنا من لبلاد.. نستناك "
حسيت سطل ماء بارد تكب علياا من وراء جملتو.. اول ماعلق عليه ريتو كيف تلفتتلي عدا بعينيه عليا وغزرلي درا كيفاه ورجع غزر قدامو وين زدت جمدت ف بلاصتي..مانيش عارفة شنوة يستنى فياا ووين بش يهزوني..كيفاه بش نبعد من هنا من غير مانعرف خبر على ليث و لا نطمن عليه..بلحق ماخممتش ف روحي قد ماخممت فيه هو.. كيفاه بش انجم نتحمل هذا لكل ماعرفتش..شهقت بالشوي على دموعي الي غلبوني ونزلو.. وين حسيت بقلبي تحرق من داخل.. من خيالو الي هد علياا وهو عالكرسي هذاكا و القنبلة تحتو..حسيت نار شعلت ف جواجياا تمنيت كان انا كنت ف بلاصتو.. ياريتني انا متت انا سبب ف هذا لكل.. انا الي خليتو يوصل لغادي.. بقيت نرد ف النفس وراء بعضو.. للحظة نسيت الي هوما معاياا و حالتي و الله اعلم انا وين ماشية بقيت كان نخمم ف ليث.. هزيت راسي على صوت الكرهبة الي وقفت.. ريتهم كيف نزلو وايوب قرب ناحيتي حل الباب علياا.. حط يديه على مرفقي وجبدني بالقوي يحكي
أيوب:" اياا اهبط.. سوايع معدودة و تخلط على حبيب القلب يزي من لبكا "
نزلت معاه من غير حتى كلمة.. بقى يكركر فياا ناحية مستودع كان متطرف ف اخر الدنيا.. للحظة حسيت روحي مش خايفة.. خاطر مهما كان مصيري انا راضية.. معادش فما سبب يخليني نقاوم و لا نخاف على روحي من بعد ليث.. راحتي المرة هاذي بش تكون ف موتي واني نخلط عليه.. دزني بالقوي يحكي
أيوب:"تحرك ادخل "
كركرت ساقياا بالسيف ودخلت.. عديت بعينيا عالرجال الي كانو متوزعين ف كل تركينة.. رجع شدني من مرفقي وكركرني وراه ودزني اكثر.. خرج وسكر الباب وراه..اول مادخلت عقدت بحواجبي مستغربة كمية لبنات الي كانو ف البيت معاياا.. كلهم كانو صغار يسخفو..قدمت شوي حذاهم وين ريتهم خايفين ويبكو بصوت مكتوم.. تكيت بظهري عالحيط وقعدت ف القاعة بجنبهم حضنت روحي وطرشقت بالبكا اكثر.. للحظة تمنيت نكون عايشة ف كابوس و بش نفيق منو.. بعد كل شي صار احنا مانستحقوش نهاية ك هاذي.. لا ليث يستحق الموت و لا انا نستحق الشي هذا.. ف بالي الدنياا نصفتناا اما طلعت غالطة.. تهزيت وتحطيت على صوت صرخة سمعتهاا من بعيد.. صرخة طفلة خلات بدني يرجف بكلو.. حطيت يديا على وذنياا مانجمتش نزيد نسمع صوت صرختهاا الي عمال يقوى اكثر.. حسيت بخوف غريب سيطر علياا وانا نفكر شنوة صاير فيهاا و شنوة يستنى فيا.. بقيت هكاكا حتى سمعت صوت الباب كيف تحل مرة اخرى وين ريت واحد من الرجال دخل وهي ف يديه.. رماها على طول يديه وغزرلنا هو والي معاه يحكيو
هو :" بش يجي دوركم لكل.. كل ساعة نذوقو وحدة فيهم "
###:"تحرك مش وقتو... بعد كيف نهزوهم للميناء شيخ كيما تحب"
ريتهم كيف غزرولنا بنظرة حرشة وضحكو.. عطاونا بظهرهم وخرجو الزوز.. وقتها حسيت قلبي خض بلقاوي..وين رجعت غزرت للطفلة الي طيشوها ف القاعة.. دمعة هبطت مني تحرق و انا نشوف فيها كيفاه تبكي.. حطيت يدي على فمي وشهقت بالقوي اول ماريت الدم الي كان على حوايجهاا الي كانو مقطعين فوقهاا.. للحظة حسيت روحي رجعت عام لتالي ريت روحي فيهاا هي.. ورجعت سمعت اصواتهم ف وذنياا من جديد..غير ريحتهم الي تغلغلت فياا وخلاتني نتنخق اكثر.. عديت بيديا على وجهي و كبست على راسي حسيت روحي معادش عندي طاقة بش نتحمل هذا لكل..للحظة تمنيت كان الباب يتحل ونشوف ليث قدامي.. يشدني من يدي ويخرجني من هناا.. يبعدني على هذا الكل كيف قبل.. اما المرة هاذي مفماش ليث..والله اعلم شنوة صاير فيه تو.. زعمة مازال حي ولا مات..الفكرة وحدها خلاتني بش نخرج من عقلي.. غير فكرة انو يرجع عبد اخر يمسني من بعد ليث.. مستحيل نرجع نعيش الكابوس هذاكا.. رجعت غزرتلهاا كيفاه كانت تتحرك بالسيف تحاول تستر ف روحهاا لحظتهاا قمت فيسع ونحيت الجيلي متاعي.. حطيتهاا فوقهاا وعاونتهاا تاقف.. تكيتهاا عالحيط وغزرت لوجها الي كان مضروب غير لي تراس الي كانو ف صدرها ورقبتها.. قد ماحاولت ننطق ونطمنها شوي و لا نسكتها ونهديها مانجمتش خاطرني لقيت روحي نواجه ف الليلة هذيكا ف خيالي من جديد.. تحصرت قدام طيفهم الزوز وين حسيت بنفس الخوف سيطر علياا.. بعدت عليها فيسع ورجعت لبلاصتي حضنت روحي نرعش بكلي.. صوت بكاهاا حسيتو وترني اكثر وخلاني بش نخرج من عقلي.. خلاني نبكي بالصوت.. كل شي حسيتو تكتل علياا.. شنوة بش يصير فيا من بعد ليث شنوة يستنى فياا من بعدو مش عارفة...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
