#قمر_تحكي
مديت يديا بالسيف ناحية باب الكرهبة و طلعت ركبت من ورا .. اول ماتسكر الباب و الكرهبة تحركت حسيت بالرعب سيطر عليااا .. روحي حسيتهاا بش تخرج و انا نتفكر ف كلامو الي ما يدلش عالخير ..
دموعي تسيبو كيف ذكرت الليلة الملعونة ... الليلة الي وصلتني لهنااا .. الي من وراها هي هذاا الكل قاعد يصير فيااا .. شهقت بالقوي كيف تخيلت اني ممكن نرجع نعيش نفس الشي اللليلة هاذي زادة ..
ريتو كيف ضحك ودور مراية الكرهبة وغزرلي بعينيه لخبيثة يحكي " والله كان نبقى نتفرج فيك منيش بش نشبع .. عندو حق المعلم .. كيف دفع عليك بش يجيبك لعندو "
دورت بعينيا الناحية لاخرى مانجمتش نزيد نغزرلو اكثرر .. بقا يسوق ف ثنية خالية .. ثنية مش عارفة لوين بش توصلني .. شوي وقت ووقف قدام دار منعرفهاش .. لحظتها قلبي خض بالقاوي حسيت بالخوف تملكني اكثر وبدني رجف .. مانعرفش شنوة ناويين يعملو فيا .. و لا كيفاه بش ترصي الليلة هاذي ..
ريتو كيف هبط وفتح الباب من جيهتي .. مقدرتش نبقا ساكتة .. المرة هاذي قررت بش نحاول نمنع روحي منو .. بش نصنع من ضعفي قوة و نهرب ومانخلي حد يمسني .. اول ماشدني من مرفقي وهبطني .. هزيت يدي وضربتو على وجهو نحكي " سيبني ابعدني "
فلت منو وكنت بش نهرب اما هو كان اسرع مني .. جبدني ودور لي يدي بالقوي لدرجة حسيتها بش تتقسم يحكي " اركحح .. ولا وربي ندفنك هنا "
بقا يمشي فيا ومسكرلي فمي و انا نفرفط بين يديه .. اول ما دخلنا رماني على الكرسي يحكي " اركح ولا بش تندم "
هزيت راسي مع الباب كيف تفتح .. تصدمت كيف ريتو هو داخل قدامي ..
" معلم تاخرت شوي اما هاي عندك "
" باهي يعطيك الصحة "
" متنساش شنوة اتفقنا معلم .. ساعة متوقعتهاش مزيانة هكا "
ريتو كيف تبسم يحكي " متخافش الليلة بش تكون ليلتي وغدوة دورك " غمزو وضحك
" باهي .. ليلتك زينة يا عريس "
حسيت روحي متت بعد كلامهم .. لكلام هذا قدر يخليني نتخيل شنوة بش نعيش .. غمضت عينيا بالقاوي وبقيت ندعي ف قلبي بش ربي يعاوني ..
ريتو كيف قرب مني وهزلي وجهي لعندو يحكي " ريت حبي كيف انت مجيتنيش انا عرفت كيفاش نجيبك "
"يحيى .. انت كيفاش تعمل فيا هكا .. احنا تفاهمنا "
ضحك يحكي " والله انت لي راسك كاسح .. وقت طلبت منك تجي لداركم كنت بش نرحمك شوي كنت بش تكون عاهرتي انااا كهوو .. نجي ناخذ لي نحب عليه ونروح لمرتي .. اما تو لا .. انا قررت نخليك عاهرة للكل .. ريت الكلام لي قالهولك الراجل انا واعدو هو وجماعتو لي كل ليلة بش تشيخ حد فيهم .. وبالطبيعة لي يدفع اكثر بش نخليه يبقى معاك اكثر "
حط يديه على شعري يحكي " هههه ريت قمر .. ريت كيفاش نجم نخليك تعيف حياتك واللي جاي اكثر "
لحظتها دموعي هبطو يجريو اكثر على خدي من وراء كلاموو .. قد ماحبيت نتقوى اما طاقتي مستحيل تتحمل هذاا ..
قرب مني وطبس علياا يمسحلي في دموعي يحكي
" اششش .. لا لا يا روحي لبكاا لاا عااد .. احنا الليلة بش نقضيو ليلتنا للاولى تتذكرها .. كنا نحلمو بيه اليوم هذاا لي نجتمعو فيه .. نوعدك بش نسيك في لي فاتو قبلي الكل "
اول ما خلص كلامو تفت على وجهووو .. ريتو كيف تبسم على جنب وهز يدو ضربني بكف على قوتوو رهوجني خلى دنيا تظلام قدامي ..
شدني من شعري يحكي " عالظاهر ماكش بش تعقال انت .. مفماش هروب مني الليلة .. نمشي نجيب مشروب ونجيك .. نحب نشيخ الليلة "
عطاني بظهرو وخرج وسكر الباب وراه .. اول ما خرج هزيت روحي وقمت من الكرسي كبست على شعري .. وهزيت براسي لا نحكي ف قرارة نفسي " منجمش .. منجمش نخليه يمسني .. نقتل روحي و الي ف بالو مايصيرش .. لازمني نعمل شي .. حتى ليث الليلة مش بش يجيني "
شهقت بالقوي ودموعي تسيبو يحرقو على خذي كيف تذكرتو .. المرة لي تعدات هو نقذني .. اما المرة هاذي لا .. معادش فما ليث .. هو كان الامان متاعي .. هو كان ورايااا .. اما الدنيا حرمتني منو ورجعت وحدي من جديد ..
مسحت دموعي وقعدت نلوج على حل .. بقيت نخمم شنعمل .. لازم نخرج من هوني .. سمعت صوت خطواتو الي تقدم ناحية الباب .. غزرت للكرسي هزيتو في يدي وتخبيت ورا الباب .. اول ما دخل للبيت وقفت وراه وهزيت لكرسي ضربتو بكامل قوتي على راسو ..
سمعتو كيف صرخ وطاح على الارض شاد راسو .. تعديت بجنبو بش نخرج .. اما وقفت مع يديه الي شدتلي رجلي وطيحتني بجنبوو .. جبدني تحتو وقرب مني ضربني على وجهي لين الدم تنطر من شفايفي من قوة الضربة .. جيت بش ندزو من فوقي اما كان هو اقوى مني .. شد في روبتي قطعلي الزراير بالقوى .. لحظتها خفت اللي صار معايا المرة لي فاتت يتعاود توو .. هزيت يدي وضربتو على راسو مكان الضربة .. حسيت بجهامتو ترخفت فوقي و رجع شد راسو الي كان بالدم .. هزيت رجلي وضربتو على راسو مرة اخرى ..
غمض عينيه ورجع يصرخ على علو صوتو .. قمت بسرعة لميت روبتي وخرجت من الدار سكرت الباب و بقيت نجري ونبكي .. نبكي بالصوت .. كنت نحاول نقص في صوتي اما شي قهرتي و خوفي خلاوني نبكي بالشهقة .. حطيت يدي على فمي كيف سمعتو ينادي من ورايا
" قمرررررر "
كرشي وجعتني و اطرافي نملت من صوتو لبعيد .. بقيت نجري وندعي في سري بش ربي يعاوني .. حسيت روحي خايفة اكثر .. خفت يلحقني هو .. ولا يعرضني شكون الوقت هذاا يعمل فيا كيفو واكثر .. حسيت روحي تعبت من الوضع هذااا .. تعبت وانا هاربة من الوحوش هاذم كل مرة .. تعبت من احساس الخوف و القهرة ..
بقيت نجري حتى لحقت لمحطة الي كانت ضاوية شوي .. لمحت تاكسي وقفت كيف وصلت شكون .. مشيت نجري حليت الباب و طلعت معاه .. دارلي وبقى يغزرلي مستغرب ..
لميت الحروف بالسيف نحكي " ا .. امان .. امان .. خ .. خوذني للعنوان هذا ******* فيسععع "
هزلي براسو باهي و خدم التاكسي .. تلفت من الشباك ريتو كيف كان يجري حب يخلط علياا .. اما الحمدلله التاكسي بعدت عليه .. غمضت عينيا و بقيت نرد في النفس مرة و اثنين .. هزيت راسي نغزر لثنية الي قررت نمشيلهاا توو .. ثنية مضطرة نرجعلهااا خاطر ماعنديش غيرها نهربلهااا ف وضعي هذااا ..
اول ماوقفت التاكسي تفكرت الي انا ماعنديش فلوس .. غزرتلو نحكي " ل .. لحظة نهبط لدار هذيكاا و نجيبلك فلوسك "
هبطت نجري ناحية الباب و بقيت ندق بالقوي .. مانعرفش قداه بقيت هكاكا وماجاوبني حد .. لحظتهاا ساقياا رخت بيااا شديت ف الحيط بش مانوقعش .. بقيت نضرب عالباب على امل يتحل قدامي ..
عدم الرد خلا قوتي تنهار ومعادش عندي قدرة بش ناقف اكثر .. مانعرفش كيفاه طحت ف القاعة و يديا بقات تضرب عالباب ..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
