#مهدي_يحكي
دخلت للكلاس وقدمت وين البيرو.. حطيت البيسي وترميت الكرسي.. عديت بعينيا عالطلاب وركزتهم فيهاا هي الي كانت قاعدة ف اخر طاولة منزلة راسهاا.. تو اسبوع ماريتهاش من وراء العطلة الي كانت.. اما هانا رجعنا تو و بش يبدا لعبي معاها.. نزلت راسي نحكي
انا :" بش نشوف لبروجي الي طلبتو منكم ف العطلة "
قمت من بلاصتي وقدمت ناحيتهم بقيت ندور من طاولة لطاولة نشوف ف خدمتهم حتى وصلت لطاولتهاا.. هزت راسها معاياا وغزرتلي درا كيفاه..هزيت بحاجبي نحكي
انا :" انشالله المرة هاذي تكون خدمت خدمتك "
هزتلي براسها أي وقربتلي خدمتها قدامي تحكي
انا :" اي مسيو خدمت "
طبست علاهاا شوي وعديت بعينيا عليهاا شفتهاا كيف وخرت شوي لتالي وهربت عيناهاا مني..نحكي
انا :" الحمدالله ك طلع ماعندكش ظروف المرة هاذي.. فاجاتني "
غزرتلي من غير حتى كلمة..تبسمت على جنب وبعدت عليهاا..رجعت لبيروياا وبديت الكور متاعي.. ساعة كاملة وانا مركز معاهاا مانعرفش علاش حبيت نشوفهاا متوترة هكاا قدامي.. ريتها كيف هزت ساكهاا وخرجت تجري اول ماوفى الوقت.. بقيت نتبع فيها بعينيا حتى بعدت علياا.. جمعت اغراضي بسرعة ومشيت للكلاس الثاني.. كملت الكور متاعي لكل ومشيت للمكتبة كانت عندي خدمة لازمني نكملهاا قبل مانروح.. قعدت عالطاولة حطيت الأوراق قدامي وبقيت نصلح فيهم.. اول ماكملت نزلت راسي وغزرت للساعة وين شفت الوقت الي تعدا بسرعة.. فاك قريب تسكر وانا مازلت هناا.. قمت فيسع وخرجت شفت الفاك كيف فرغت وبقى كان العساس.. خرجت لبرا كيفكيف الطريق كان فارغ
طلعت ف كرهبتي حطيت المفاتح بش نتحرك..اما وقفت كيف ماهزيت راسي ولمحتها هي من بعيد قاعدة ف المحطة.. حكيت على لحيتي وخدمت الكرهبة ف اتجاهها هي.. وقفت قدامهاا ونزلت البلار.. ريتها كيف حلت عيناها فيا وتربثت اول ماشافتني.. تبسمت على جنب وانا نشوف ف وجهها الي مشى لون وجاء لون.. نزلت من الكرهبة وقدمتلهاا الشي الي خلاهاا تاقف من بلاصتهاا بسرعة بش تبعد علياا.. سبقتهاا ووقفت قدامها نحكي
انا :" شبيك هاربة؟"
غزرت للطريق وراياا ورجعت غزرتلي تحكي
قمر :" ابعد من قدامي خليني نتعدا "
ضيقت عينيا فيها نحكي
انا :" شبيك قاعدة هناا وحدك.. شنوة المسيو نساك كالعادة "
كبست على وجهها وعلات صوتها شوي تحكي
قمر :" شيهمك انت.. تي ابعدني شتحب مني ياخي فوتنييي... "
قصيت علاهاا نحكي
انا :" والله انا ماكنت نحب شي.. اما تو بدلت رأيي "
عدات بعيناها علياا من غير.. شديتهاا من مرفقهاا ووقفتهاا اول ماعطاتني بظهرهاا.. جبدتهاا عندي بالقوي نحكي
انا :" معااادش تخليني نحكي وحدي "
حلت عيناها فيا وحطت يداهاا فوق يدي حاولت تفكهاا وين انا زدت كبست عليهاا.. توجعت تحكي
قمر :" تي سيبني "
انا :" مانيش بش نسيبك بش نبقى وراك ومانكرهك ف الفاك.. تو تشوف ياقمر.... "
قص علياا صوت الكرهبة الي عملت فران وراياا بالقوي..ريتها كيف غزرت وراياا وحلت عيناها مصدومة غير بدنهاا الي رعش و برد فجأة بين يديا.. لحظتهاا عرفتو هو وصل.. دزيتهاا شوي لتالي وتلفتت وين شفتو نزل من الكرهبة وهد علياا.. شدني من كول مريولي يصيح
ليث :" *** شتعمل انت.. شنبهت عليييك مش قتللللك مانحبش نراااك دور بيها "
دزني عالحيط ورجع هد علياا ضربني ببونية على وجهي.. غمضت عينيا بالقوي و رجعت حليتهم هزيت روحي فيسع ورجعتلو الضربة نحكي
انا :" والله لكلام هذاا قولو لمرتك "
ريتها كيف قربتلو تجري منعتو بش يقربلي.. وتحكي
قمر :" لييث يزي امان سيبو "
قحرلهاا ودزهاا شوي..رجع قدملي وشدني من كول مريولي خنقني يحكي
ليث :"*** فاش تحكي***عاود لكلام لي قلتو تراه"
تبسمت على جنب حبيت نستفزو ونزيد نكرزو اكثر.. نحكي
انا :" والله نحكي ف الحق.. ساعة اسال مرتك علاش ماقتليش انهاا معرسة... "
قص علياا كيف تبسم على جنب وهبط يديه استوالي كول الشوميز يحكي
ليث :" مالا مانجمتش تتحمل الصدمة انها معرسة و على اسم راجل بقيت ك الطحان وراهااا.. شوف مالا ريت كان نراك معاها مرة اخرى ندفنك...و ماتعبش روحك مهما تعمل ماهيش بش تغزر للم**** كيفك.. اصلا لي كيفك يتعلم يكون راجل سع وبعد يلوج على مرا "
حطيت يدي على صدرو ودزيتو بالقوي.. هزيت بحاجبي نحكي
انا :" ساعة متاكد انا الي بقيت وراهاا "
حل عينيه فيا وقرب مني..تعديت من قدامو قبل ما يوصل ناحيتي.. شفتو كيف صاح مرة اخرى يحكي
ليث:" *** شتقصد انت.. حل ** فمك "
وخرت بخطواتي وقربت لكرهبتي فيسع نحكي
انا :" اسال مرتك شنقصد..خاصة انها طلبت فترة بش توافق تخرج معايا ولا لا "
غمزتو طلعت فيسع ف كرهبتي..ريتو كيف حل عينيه فيا مصدوم و قرب ناحيتي يجري.. لحظتهاا طلعت ف كرهبتي وسكرت الباب.. ضرب عالبلار يحكي
ليث :" *** اهبط كانك راجل "
ضحكتلو وخدمت الكرهبة وطرت من قدامو.. دورت لنهج لمقابل ووقفت متركن نغزرلهم.. ريتو كيف شدهاا من مرفقهاا يكركر فيهاا للكرهبة.. ضحكت وانا نشوف فيه كيفاه مغزل وجهو احمر بش يطرشق غير هي الي كانت تبكي من الخوف.. شوفتهم قدامي هكاا خلاتني شايخ وحدي.. هذاا مايتسمى شي قدام الي محضرهولهم.. و ما اسميش مهدي كان كان قمر ماتصيرش ملكي.. مهما يكلفني الأمر....بش نوريه شكون راجل فينا...
VOUS LISEZ
#ليس_ذنبي ❤️🔥
Romansa" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
