#ليث_يحكي
اول ماطلعت ف الكرهبة شديت ثنية محامي عماد بش نشوف معاه..حسيت روحي فرحت ك لقيت كل شي بدا يرجع لبلاصتو ف حياتي..كيما فرحت لنجاحها خاطر نعرف انها تحب قرايتها وخفت لي صار معايا يأثر على تركيزها.. نزلت عالفيتاس اكثر بش توصل للمحامي ونشوف معاه حل لعماد خاطر لازمو يخرج ف اسرع وقت خاصة بعد لي صار معايا آخر يوم قبل خروجي...
#فلاش_باك
بقيت واقف فالساحة نتفرج عالعركة لي صايرة عقدت بحواجبي كيف ريت واحد منهم هرب ولاخر لحق عليه وقاعدين يقربو بجنبي وين جبدت روحي كيف ريت واحد منهم وجه ضربتو ليا..قدمت منو نحكي
انا:" **** شوف قدامك احسن ما نتبلى فيك "
هو:" شعندك تعمل اه ؟"
حليت عينيا كيف هز يدو بش يرجع يضربني..ضربتو على كرشو نحكي
انا :" جبتها لروحك "
قدمت منو وشديتو دزيتو عالحيط اول ما قدمت منو تلفت على صيحة مراد وراياا..
مراد :" ليث رد بااالك "
تصدمت كيف ريتو عرض السكينة لي كانت بش تتغرس فرقبتي..وقت طيش روحو وجات فكتفو جريت سيبت لاخر من يدي وجريت عليه نحكي
انا :" عماااد لباس ؟"
كبس على كتفو وغزرلي يحكي
عماد :" الظاهر ن ناوين عليك...انا لباس ليث "
هزيت راسي وغزرت للي هاز السكينة يحكي
##:" معلم يحيى يسلم عليك..قلك نحب نبعثك لجهنم قبل ما تخرج "
قدمت منو وقت جرا بش يرس السكينة فيا هزيت ساقي بالوقت وضربتو على كرشو شديتو من يدو ودورتها فكيت السكينة وحطيتها على رقبتو نحكي
انا :" معنتها كان لازم يبعث رجال مش فيران كيفكم..برا لل***** هاذاك قلو كان جيت راجل ايجا انت "
عديت السكينة على رقبتو وين خليتلو جرح كبير
ومشيت للعون حكيتلو الي صار وعطيتو السكينة وين جا هزهم..رجعت نجري لعماد نحكي
انا :" عمدة انت لباس وريني جرحك "
عماد :"ل.. لباس طمن جرح خفيف مش حاجة كبيرة "
كبست عليه وعاونتو ياقف نحكي
انا :" عيشك كان مش انت راني ميت تو..امشي معايا خليني نطمن عليك "
هزيتو ودخلت عند طبيب وين خيطلو الجرح وطمنت عليه.. تنهدت وبقيت نغزرلو كيفاه يتوجع.. وين حسيت روحي غزلت خاطر ظاهر لكلب هاذاك مش ناوي يركح
#باك_اند
فقت من سرحتي كيف وقفت ف الاشارة.. تنهدت بالشوي وبقيت نخمم ف عماد الي لازمني نتحرك على خاطرو.. مرتين ننفذ بفضلو.. رجعت خدمت الكرهبة وشديت الثنية..اول ما وصلت نزلت قابلت محاميه وين عطاني اوراق القضية وقريتهم.. تبسمت كيف لقيتها قضية ساهلة جيست لمحامي منعرفش كيفاش يرجعها لصالحوو..اول ماكملت مع المحامي سلمت عليه وخرجت طلعت ف الكرهبة وشديت الثنية لعند عم مصطفى حبيت نمشي تقابلو ونحكي معاه ف لي صار..اول ما وصلت دخلت للشركة وطلعت لبيروه
دقيت لباب ودخلت..ريتو كيف قام من بلاصتو يحكي
مصطفى :" اهلا بولدي "
قربت وسلمت عليه نحكي
انا :" عيشك عمي ..شحالك لباس؟"
مصطفى :" حمد الله..انت شعامل ارتحت شوي..آخر مرة خليتك تاعب ؟"
قعدت قدامو نحكي
انا:" لباس عمي تهنى انا كنت تاعب بسبة لي صار معاكم..وقت عرفت بعملة ريان وكيفاه مشيتو المركز بش يستجوبوكم..وخليت دارك من ورايا..حشمت منك عمي..لايزي وصلتك للحبس..وزيد خرجت من دارك من جرة مشاكلي...انت تعرف مقامك عندي انا حاسبك بابا..سامحني عمي صدقني لي صار مكانش بيدي"
عدا بعينيه عليا وغزرلي مستغرب يحكي
مصطفى :" شقاعد تحكي ولدي..نعرف لي صار مش بيدك..ونعرفك خاطيك الحوايج هاذم تهنى..انا لاهمني الدار ولا قلقتني جيتي ليك للحبس انا لي همني انك رجعت لدارك ومرتك وبش تربي صغيرك..هذاا عندي خير من الف دار ماتخمم ف شي حتى انت ولدي ومايغلى عليك شي "
تبسمت وهزيتلو براسي نحكي
انا :" عيشك عمي على كلشي عملتو "
تبسم يحكي
مصطفى :"ماعملت شي..قلي كيفاه جيت ليوم رجعت تخدم بالسرعة هاذي ؟"
هزيتلو براسي لا نحكي
انا :" لا اما كان عندي قضية واحد كان معايا فلحبس... "
حل عينيه فيا اول ماكملت حكيتلو الي صار لكل من الاول للاخر حادثة يحكي
مصطفى :" الكلب هذا مش ناوي يتربى ؟"
تنهدت بالشوي نحكي
انا :" عالظاهر مش ناوي"
مصظفى :" باهي كملها وارتاح شوي..حتى انا تاعت من لخدمة ونحب نرتاح اما مالقيتش كيفاه "
عقدت بحواجبي نحكي
انا :" عمي فما حاجة؟"
مصطفى :" لباس ولدي اما انا كبرت كيما تشوف معادش منجم نتعب برشا..ومنجمش نسلم ف رزقي للي جا لمرة لي تعدات لقيت لماء يمشي من تحتي وخسرت فصفقة بعد ما توفا سي سعيد معادش نجم نوثق ف اي حد كان هو يدي ليمين "
هزيتلو براسي باهي نحكي
انا :" فهمتك...كهو خلي تو نجي انا نشد عليك الخدمة "
هز بحجابو يحكي
مصطفى:" زعما نصدقك ماك ديما تقول لكلام هذا ؟"
ضحكت نحكي
انا :" تهنى..تو ننقل بيرويا هنا..نخدم معاك ونشد قضايا الشركة لمرة هاذي بش نجي بلحق "
مصطفي :"والله تعمل مزية..معندي حتى حد ناثق فيه من غيرك "
انا :" باهي عمي نخلص لي عندي ونجي ف أقرب وقت.. خليني نمشي تو "
مصطفى:" خليك اشرب حاجة قبل "
انا:" لا والله صحة.. لازمني نمشي نروح بقمر "
تبسم يحكي
مصطفى:" سلملي علاهاا "
انا :" يوصل..هزيتها بكري شافت نتيجها "
عدا بعينيه عليا وغزرلي يحكي
مصظفر "" اي ونجحت ؟!؟"
تبسمت نحكي
انا :" نجحت عمي "
ضحك يحكي
مصطفى :" أيا حمد الله مبروك عليهاا "
انا :" عيشك عمي "
مصطفى:" اعملوو نهار وايجاو بحذانا للمزرعة "
قمت من بلاصتي وتبسمت نحكي
انا :" باهي عمي ان شاء الله.. نخليك تو "
قام بعدي يحكي
مصطفى :" برا ربي معاك.. سايس روحك "
تبسمتلو وخرجت..طلعت ف الكرهبة وشديت الثنية للجامعة..اول ما وصلت هبطت وبقيت نلوج بعينيا عليهاا.. ك ماريتهاش هزيت تاليفوني وطلبتها..استغربت وقت علقت عليا..حليت عينيا اول ما رجعت طلبتها و لقيتو مسكر..نفهمتش شصار زعما يكون طفى.. اول مارجعت بش نطلب وقت سمعت صوتو ورايا.. تلفت وين شفتو وقف كرهبتو وطل من الشباك يحكي
مهدي :" مبروك..هاك خرجت "
هزيت بحاجبي نحكي
انا :" مانظنش الشي هاذا فرحك برشا "
ضحك وحك على جبينو يحكي
مهدي :" قاعد تلوج على قمر ؟"
رسيت على سنيا بالقوي نحكي
انا :" الف مرة قتلك اسم مرتي ميجيش على لسانك "
هز بحاجبو يحكي
مهدي :" ساعة انا فاعل خير..مرتك خرجت قبيلا تبكي "
عقدت بحواجبي على كلامو نحكي
انا :" شقصدك انت ؟"
مهدي :"ساعة حالتها ف الويل..عرفت انك كنت بش تطلقها..صدقني مقصدتش نعمل مشكل بينكم..فكرتها تعرف مجاش لباس انك ممكن طلقها من دون علمها.. ياخي لقيت روحي شعلتها ههه "
كبست عالبونية متاعي من لعصب الي حسيتو..كيما حسيت روحي تصدمت كيفاه هو عرف.. عليت ف صوتي نحكي
انا :" **** انت فاش تحكي.... "
قص عليا كيف هز كرهبتو وطار بيها..ضربت بساقياا على كرهبتي نحكي
انا :" طحان الا مانشدك..اقسم بالله ما تتعدالك هكاك "
طلعت نجري ف كرهبتني وطرت وطرت بيها وفرد وقت بقيت نطلب فيها وشي ماتهزش...حسيت روحي بش نهبل...مشيت للدار ..دخلت لوجت عليها اما شي وين زدت حسيت روحي هبلت..خرجت وطلعت بقيت ندور ب لكرهبة..طلبت امنة بش نشوفها ممكن حذاهاا.. دمي فور ك قتلي انها خلاتها ف الفاك.. رميت التاليفون على جنب..وبقيت نسوق طاير مش عارف وين نمشي حتى عمي ورقيقة فالمزرعة مستحيل تكون مشات غادي..وحتى كان مشات راو عمي خبرني أكيد...ضربت عالفولون نحكي
انا :" علاش ياقمر علاااش دايما تتصرف من راسك من غير ماتسمعني "
مانعرفش قداه تعدا علياا وقت وانا نلوج هكا ك المهبول.. دخلت بعضي اكثر كيف ريت الظلام طاح وهي مفماش ريحتهاا.. رجعت وين الفاك وبقيت ندور ف أقرب سبيطارات غادي ومراكز شرطة.. عصابي فلتت مني ك مالقيتهاش جملااا والفجر طلع..بقيت نسوق وانا خايف مش عارف شنعمل ولا وين نمشي وشكون نكلم.. عمري ماحسيت بخوف ك هذاا.. كيما حسيت روحي انا السبب كان تصيرلها حاجة مستحيل نسامح روحي..
#ليث_يحكي
مانعرفش قداه تعدا علياا وقت وانا ندور من بلاصة لبلاصة.. اول ماطلع النهار شديت ثنية الدار مرة اخرى.. بش نشوف كان روحت ولا لا.. كبست عالفيتاس وجريت..مسافة الطريق ووصلت راكيت الكرهبة ونزلت طول.. حليتو الباب فيسع ودخلت..عصابي فلتت مني اول ماعديت بعينيا عالدار ومالقيتهاش.. رميت لمفاتح على طول يدي وطلعت للبيت تفقدتها وين حسيت روحي فشلت كيف ملقيتهاش رغم اني كنت متأكد.. ترميت عالفرش وعديت بيديا على وجهي نحكي
انا :" ياربي وينها هاذي بش نهبل... "
سكتت اول ماهزيت راسي وغزرت للدريسينغ لي كان محلول واغلب دبشها مفماش.. قمت فيسع اول مالمحت صندوق صغير محلول وين رجعت تفكرتو..الصندوق لي كانت فيه الشركة وقت ضاعت..وقتها جابتو من دار امها..حليت عينيا كيف تفكرت دارهم لحظتها خرجت نجري من البيت.. نزلت فيسع هزيت لمفاتح وخرجت.. طلعت ف الكرهبة خدمتها وكبست عالفيتاس وبقيت نسوق ولعصب ياكل فيا..دايما هكا عمرها ما تسمع مني تعمل كان لي فراسها..غزرت للميساج لي وصلني هزيت التاليفون..عقدت بحواجبي كيف قريت الرقم..اول ما دخلت للميساج غمضت عينيا بالقوي كقريت رقم المبلغ لي تصب فحسابي..ضربت بيديا عالفولون نحكي
انا :" صحييتك..كمل اعمل لي فراسك "
كبيست عالفيتاس اكثر ك وقت حسيت روحي بش نطرشق..منعرفش شحكالها لك/لب هاذاك حتى عملت هكاا..مازال لحساب معاه مانخليه يخلص على ليلة لبارح الي بقيت ندور فيهاا من وراه وعلى كل شي عملو خلي نلقاها هي وبعد نوريه..نفخت بالقوي عالثنية لي ما رضاتش تخلاص..بقيت هكاك حتى وصلت..راكيت الكرهبة وهبطت قدمت للباب نضرب عليه..نفخت ك مالقيتش إجابة..منعرفش كان هي جات هنا بلحق ولا ممكن جات وخرجت تو..بقيت نضرب عالباب ونحكي
انا :" قمر حل لباب..انت هنا ؟! ..قمرر؟"
دورت راسي على صوتها تحكي
ام يحيى :" ظاهر جيت بش ترجعها..وانا لي قلت عملت عقل وطيشت عليك لوسخ "
كبست على وجهي وهزيت بصبعي ف وجهها نحكي
انا :" رد بالك تغلط في حق مرتي "
ام يحيى:" ساعة مرتك صبحت عالفجاري خارجة..ربي يعلم وين مشات وجات..وانت ماتعرفش عليها كان هي هنا ولا لا..ظاهر فيها هربت من دارك من غير عملك "
حليت عينيا فيها وعليت ف صوتي نحكي
انا :" برا القلب منظرك شمدخلك انت بيناتنا "
عطيتها بظهري ورجعت ندق ونحكي
انا :" قمرر نعرف انك تسمع فيا حل لباااب..حل خير ما نكسرو تعرفني نعملها "
جبدت يدي وقت حسيت بالباب تحل دزيتو وودخلت
ريتها كيف بقات واقفة تغزرلي وين حسيت روحي هديت شوي كيف لقيتها بخير..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
