#قمر_تحكي
كبست على ساكي وبقيت نمشي سارحة نخمم ف كل شي صار معايا من لبارح..حسيت روحي بلحق تهديت من كمية الضغط لي عشتو..تنهدت بالشوي وغزرت لطريق لي شديتو من الصباح ك مشيت للبانكة حولتلو فلوسو..خاطر معادش نحب حتى شي منو..اول ماكملت شدين ثنية الدار بش نرتاح شوي..خاطر قمت ليوم تاعبة مش منجمة نعمل شي..غير انو الدار كانت باردة برشة وعالاغلب خذيت برد..عصابي توترت اول ما وصلت وعرضتني ام يحيى.. نفخت بالقوي كيف وقفت فوجهي تحكي
ام يحيى:"ربي يعلم وين مشيت من لفجاري..زائد ساقطة..مانلم نساء لحومة ونخبرهم برجوعك..خلي يتصرفو معاك منحبوش فضايح فلحومة "
هزيتها وحطيتها بعينيا وعطيتها بظهري ودخلت للدار..حسيت بخنقة غريبة من كلامها لي خلاني نحس اني بين ناس مش حامليني أصعب حاجة عندي انا وقتها هربت مع امي من كلامهم وتو تحطيت بينهم بالسيف عليا..طلعت لبيتي لقديمة وتسطحت عنقت عروستي لي شراهالي بابا وحاولت نغفى شوي..حليت عينيا على صوت لباب لي ضرب..قلبي خض بلقاوي كيف سمعت صوتو هو..هزيت روحي وقمت طليت من الشباك بالشوي وين شفتو قدام الباب..عضيت على شفايفي نخمم مش عارفة شباش نعمل تو..هبطت تحت وفركت يديا..جيت نحل اما وقفت..منحبش نحل عليه خلي يدق وبعد يمشي..بقيت هكاك حتى سمعت صوتها كيفاش تحكي معاه غمضت عينيا بالقوي على كلامها لمسموم لي تقول فيه.. تبسمت على جنب وقت قالها متغلطش فحقي وهو نسا روحو..أصلا منستغربش انو يصدق مدام صدق مهدي من قبل كيما عرفت انو بش يتاكد لي انا هنا..نفخت بالقوي منو كيف قال انو بش يكسر لباب لحظتها مشيت حليتو فيسع ووقفت وراه.. ريتو كيف دخل ولطخ الباب..دقات قلبي قوات وقت ريتو يغزرلي وعروق رقبتو ظاهرين.. هد عليا شدني من مرفقي..رس على سنانو يحكي
ليث:" شتعملل هنااا فهمنني..انت كيفااه تجي هناا من غير علممي ؟"
نطرت يدي مني نحكي
انا:" معندي علاش نخبرك..انت لي شتعمل هنا..علاش خالط علياا "
بعدت شوي اول ماهز يدو في وجهي يحكي
ليث:" انت واعية فاش تقول !"
هزيتلو براسي اي وغزرتلو ف عينيه نحكي
انا:"ايي واعية شمجيبك ورايا..كل شي بيناتنا وفا "
هز بحاجبو يحكي
ليث:" لعب ولاد هو..ليوم نعرسو وغدوة تقلي كلشي وفا..شبي *** انت اه ؟"
تبسمت على جنب نحكي
انا:" والله قول لكلام هذا لروحك..مش كنت بش تطلقني ومن غير علمي زادة. .فكرني تراه..هاذي لمرة ثانية لي تحب طلقني فيهاا..وانا لازم نسكت ونرضى مش هكاااا...شبيك سكتت مش هاذا لي صار..شبيك جاي ورايا تو ؟"
غمض عينيه بالقوي ورجع غزرلي يحكي
ليث:" امشي جيب دبشك وايجا..لكلام مش هنا لكلام في دارنا "
عطيتو بظهري نحكي
انا:" ماعندي وين نمشي معاك انا هاذي داري "
تهزيت وتحطيت على صوتو لي علا يحكي
ليث:" قمررر هااااني موسع بااالي معاك..برا جيب دبشك..وقت نمشيو للدار نحكيو "
رجعت تلفتتلو نحكي
انا:" مانحب نحكي فحتى حاجة..خسارتك وخسارة كل دمعة طيحتها عليك..انت قت/لت كل حاجة باهية عملتها معايا..للدرجة هاذي هنت عليك "
عدا بعينيه عليا وغزرلي درا كيفاه يحكي
ليث:" قمرر صدقني انت ماكش فاهمة..خليني نفهمك وبعدها اعمل لي تحب "
قربتلو شوي وغزرتلو نحكي
انا:" تفهمني؟!..شعندك تفهمني..كيفاش كنت بش طلقني..ولا كيفاش شكيت فيا اني نخون فيك مع استاذي؟"
حل عينيه فيا عالكلمة يحكي
ليث:" شقاعدة تخرف انت؟"
عديت بعينيا عليه وتبسمت على جنب نحكي
انا :" انت شكيت فيا ؟"
هزلي براسو لا يحكي
ليث :" مش صحيح... "
قصيت عليه نحكي
انا :" لااا صحيح انت شكيت فيااا..عمرك مابش تتبدل قررت بلا ماتسمعني ومشيت رفعت دعوى من ورايا"
قدمت منو وضربتو على صدرو بالقوي نحكي
انا :" انا صدقتك وقت ريت تصويرتها وهي ف حضننك.. ريتها وهي تبووس فييكك وانت ف دارها ف نص الليل.. اما انا صددقتتك اننت وقتهاا.. وانت؟!..انت من كلمة هو قالهالك صدقتو..شعندك تقول بعد عملتتككك؟؟ "
مسحت دمعتي الي نزلت وغزرتلو نحكي
انا :" وتو نحبك تمشي من هنا..ولي بديت فيه انت انا بش نكملو..بش نطلق منك "
رجع هد عليا وحل عينيه فيا..شدني من مرفقي يحكي
ليث:" انت لبااس فمخك..شمعناها لكلاام لي تقول فييه..مالا قتلي من كلممة صدقتوو..مفمااش غيركك لي صدق كلامو..ياخي ل**** هذاكا شقالك بش قاعدة تحكي هكا..قداش من مرة نقلك اسمعني قبل ما تعمل لي في راسك اما انت انت ما تتبدلش "
غمضت عينيا بالقوي و رجعت حليتهم على دموعي الي نزلو من صياحو علياا غير كبست يديه الي وجعتني.. شهقت بالقوي نحكي
انا :" حتى انتت ما تتبدلشش..ديماا تعمل لي ف رااسك ووقت نحكي ماايعجبكشش..لمرة هااذي مش كيف لي تعداات عملتك كبيرة وانا معادش بش نسامحكك.. امشي من هنا "
كبس عليا اكثر وغزرلي يحكي
ليث:" خاطر على كيفك هو..شوف هاني موسع بالي علخخرر تمشي تجيب دبشك خير.... "
قصيت عليه كيف صحت بالقوي نحكي
انا:" ماا نجييبيش إفهممم ماانيشش بش نرجع معااااك "
هزلي براسو باهي يحكي
ليث:" انت حبيت "
شهقت بالشوي كيف نزل على مرفقي وكركرني وراه.. ضربتو على مرفقو بش يفلتني نحكي
انا:" سيبنييي ..لييث يزييي منحبش نمشي معاك "
ليث:" مانيش نشاور فيك "
انا:" لييث يزي ابعدني "
هزيت يدي وبقيت نضرب فيه اما شي بقى يكركر فيا وراه وانا نصيح.. سكت كيف خرجنا برا ولقيت لجيران متعديين..قحرتلو ك ريتو كيف حل لكرهبة وركبني بالسيف..يحكي
ليث:" اطلععع"
قعدني عالكرسي وقحرلي يحكي
ليث :" طرسس "
نفخت بالقوي ودورت وجهي عليه.. اول ماسكر الباب غزرتلو وين شفتو رجع لدار.. لحظتها مديت يدي حاولت نحل لباب لقيتو سكرها من عندو وين حسيت دموعي تجمعو في عينيا من العصب لي مكن فيا غير كرشي لي حسيتها شدت عليا..عديت بيديا على وجهي وبقيت نستنى فيه حتى ريتو خرج وف يديه ساك متاعي.. سكر باب الدار بالمفتاح وقدم للكرهبة حطهم من ورا وطلع بجنبي.. خدم الكرهبة وكبس عالفيتاس طاير.. اول ما خرجنا من لحومة غزرتلو نحكي
انا:" اقف نحب نهبط..مانحبش نمشي معاك افهممم.. بالسيف هو "
عض على شفايفو يحكي
ليث:" اسكت "
درتلو بكلي وعليت ف صوتي نحكي
انا:" ما نسكتشششش..يزيي ما تمشي فيا على كيفك.. ليوم تحبني وغدوة تحب طلقني وبعدها ترجع تسحب دعوى تاعك انا مانيش لعبة عندككك.... "
سكت وخذيت نفس كيف حسيت بوجيعة خفيفة فكرشي من لعصب الي حسيتو..رسيت على سنيا كيف ريتو مطفيني ومكمل يسوق وين بعدنا على لحومة.. رجعت شعري لتالي وقحرتلو نحكي
انا :"ليث نحكي معاااك.. قتللك اقففف ياربي راك بش تهبلننييي..يزيي مانحبش نمشي معاك..معادش نحب نبقا معاك افهممم "
تخضيت كيف ضرب بيدو عالفولون بالقوي برشة مرات وصاح يحكي
ليث:" سكر ** فممك.. شمفكرة روحك تعملل..راك انت لي هبلتني.. هذا لي تعرفو انت تسمع وتعمل لي ف راسك..ل*** لآخر لقيتو شايخ..ويقلي برا لوج على مرتك خاطرو يعرف انك بهلولة ودغفة تصدق لي يجي.. تصدق لكلل وتسمع لكلل كان انااا...مالا قتلي شكيت فيككك ؟! وصدقت لكلام لي تقال عليك يا *** ..انا كان جيت نصدق لي يجي راني صدقت لكلبب لي كان خاطبك كيف حكا عليك..وانا وقتها ماعنديش شهرين عارفك بلوقت لي هو عارفك من سنين..انا ماصدقت كلام حد وانا منعرفكش.. تحبني نصدق كلام واحد ساقط حاط عينو عليك وانت مرتي اه حل فمك "
عديت بعينيا عليه وبقيت بقيت نغزرلو كيفاه يصيح.. حسيت قلبي تقسم وقت سمعت كلامو هذا لحظتها طرشقت بلبكا من وراء لي قالو وين حسيت قلبي وجعني اكثر.. شهقت بالشيو وكبست على كرشي لي وجعتني اكثر.. ضميت على شفايفي وبقيت نتوجع.. ريتو كيف غزرلي يحكي
ليث:" شبيك سكت وفا كلامككك..خارجة من الدار من دون علممي..بايتة براا وانا نجري كيف لمهبول ماخليت اوتلاات مخليت كياسات ندور ونلوج بال نلمحك..حتى سبيطارات ومشيتلها يا دين **.. خايف تكون صارتلك حاجة..انت كيفاه تخمم فهمنني مرة وحدو اتحمل مسؤولية انك مرا معرسة..فما راجل وراك..مرة وحدة فحياتك اعمل عقل..خليتني مكتف مالقيت ما نعمل ومالقيتش كيفاه نوصلك..لاا ولباهي ممشيتش لناس انا نعرفهم وناثق فيهم عم مصطفى ويين !؟راجعة للحومة هاذي علاااش..تو هاذم صاارو ارحمم مني انا حل ** فممك..وين عقلك ويين ؟"
دورتلو وقت حسيت عصابي فلتت وصحت بلقاوي نحكي
انا:" انت وصلتنني لهنااا..انا مستعددة نتحملل كلششي ومنبقااش مع راجل شك فيااا"
رجعت تخضيت كيف صااح وضرب على لفولون يحكي
ليث:" افهممم..ماشكيتش فيييك..يزيي ماتعاود ف **** لكلام هذاكا "
جيت بش نحكي اما سكت كيف حسيت بوجيعة كرشي قوات فجأة..قلبي خض بلقاوي وقت حسيت بحاجة سخونة نزلت مع ساقيا..هزيت براسي لا وغزرت بين ساقيا وين لمحت بقعت دم على روبتي..لحظتهاا طرشقت بلبكا نحكي
انا :" ليث..ب بش نخسر صغيري "
عالكلمة شد فران بالقوي وقربلي..وغزرلي يحكي
ليث :" قمر..شبيك..؟"
غزرتلو وميلت راسي نبكي ونحكي
انا :" ل.. ليث قاعدة ننزف..أمان منحبش نخسر صغيري لمرة هاذي زادة..أمان ليث "
طرشقت بلبكا كيف ريتو غزر لبقعة الدم مصدوم..حط يدو على خدي يحكي
ليث :" اهدا..اهدا ياروحي..ماكش بش تخسرو..يزي من لبكا "
كبست بيدي على كرشي نحكي
انا:" ليث موجوعة..صار معايا كيف لمرة لي تعدات "
ريتو كيف غزرلي ورجع غزر قدامو خدم الكرهبة و شدني من يدي يحكي
ليث:" ماكش بش تخسرو..انت اهدا صار معاك هكا خاطرك تعصبت..اهدا شوف هانا قراب من السبيطار..وراسك شي ماهو بش يصيرلكم نوعدك "
كبست على يدو اكثر وقت حسيت وجيعة كرشي زادت وين دموعي يتسيبو اكثر من الخوف لي حسيتو خاطر منيش منجمة نعيش نفس لخسارة مرة اخرى...
#ليث_يحكي
مانعرفش كيفاه خدمت الكرهبة وشديت ثنية لكلينك.. صوت بكاها بجنبي خلاني ندخل بعضي.. بقيت طاير بالكرهبة نغزرلها كيفاه تبكي وتتوجع ..للحظة حسيت روحي رجعت لنفس الليلة لي خسرنا فيها صغيرنا قبل..شديت فران اول ما وصلنا للسبيطار..هبطت نجري وحليت لباب..هزيتها فحملتي وغزرتلها نحكي
انا:" هنا وصلنا..متخافش "
شدت على مريولي وغمضت عيناها.. ضمت على شفايفها وبقات تأت من لوجيعة.. لحظتها كبست علاهاا ودخلت نجري..اول ما عرضتني الممرضة قربتلها نحكي
انا" تنجم تعاوني..مرتي حبلة وصار معاها نزيف "
قربتلي فيسع تخمي
هي:" باهي مسيو حطها فالبيت هاذي حتى تجي الطبيبة "
قدمت نجري وين اشرتلي هي ودخلت للبيت..اول ماحطيتها عالسرير غزرتلها كيف حلت عيناها وبقات تبكي لحظتها حسيت قلبي وجعني من خوفي علاهاا..
شديت على يدها نحكي
انا:" قمر.. ياروحي تسمع فيا.. انت بش تكون مليحة "
دخلت بعضي من وجها لي صفار فجأة غير الدم لي ظهر اكثر ف روبتهاا وين حسيت روحي مش عارف شنعمل.. بعدت فيسع اول ماريت الطبيبة دخلت..غزرتلها كيف قربت لقمر وغزرت للممرضة تحكي
الطبيبة :" انقلوها للغرفة الاخرى بش نحاولو نوقفو النزيف"
تلفتتلي ورجعت تحكي
الطبيبة :" شصار معاها مسيو..حادث ؟"
عديت بيديا الزوز على وجهي وهزيتلها براسي لا نحكي
انا:" لا لا..شي كنا نتناقشو..وهي تعصبت... "
سكتت وقت تفكرت لي صار مرة اخرى وين حسيت الذنب لكل ذنبي انا.. عدات بعيناها عليا تحكي
طبيبة:"فهمت..هاني بش نحاول نعمل لي انجم عليه"
هزيتلها براسي باهي وخرجت بعدهاا نكركر ف ساقياا.. بقيت واقف البيت نستنى فيهاا وانا على عصابي من الخوف والتخمام زعمة شحالها تو.. كان لقيت ندخل ونشوفها ونكون بجنبهاا تو..مانعرفش قداش تعدا وقت وانا هكاا من غير حتى خير وين حسيت روحي بش نهبل..اول ما خرجت طبيبة قدمتلها نجري نحكي
انا:"طمني.. مرتي لباس ؟"
تبسمت تحكي
طبيبة:"لباس مسيو اطمن نجمنا نوقفو نزيف وصغير لباس..بش نخليها ترتاح وبعد نجي نشوفها"
تنفست براحة اول ماسمعت كلامها.. هزيتلها براسي باهي نحكي
انا:" باهي ..يعطيك الصحة"
تكيت بظهري عالحيط وخذيت نفس طويل.. بقيت
بقيت واقف نستنى حتى خرجت الممرضة ودلتني عالغرفة لي بش يهزوها ليها.. لحظتهاا مشيت للسالدوبان غسلت وجهي وين حسيت روحي فقت شوي وهديت..غزرت لروحي وتنهدت للحظة خفت نرجع نسمع نفس لكلام لي تقال يومها وقتهاا ماكنتش بش نسامح روحي.. كيما ماكنتش عارف كيفاه بش نواجه قمر..اما الحمد الله لي ماصارش لي كنت خايف منو..اول ماهديت خرجت ومشيت طول للبيت..اول ما دخلت حسيت قلبي وجعني ك ريتها قابلتني راقدة ووجها باين تاعب..قربت منها فيسع وبستها من راسها..جبدت لكرسي وقعدت بجنبها..شديتها من يداها وبقيت نغزرلها..شوفتها هكا قدامي خلاتني نندم اني صحت علاه بالطريقة هاذيكا وغششتها حتى قريب خسرت الصغير..انا شي اقوى مني.. من خوفي علاها حكيت هكاك.. اما تو عرفت روحي اني غلطت.. كان لازمني نتحكم فروحي اكثر خاصة تو مدامها حبلة..خاطر كان صار شي لصغير هي مستحيل كانت بش تسامحني..فقت من سرحتي وقت حسيت بيداها تحركت بين يديا.. لحظتهاا هزيت راسي وغزرتلها وين شفتها ك دوب حلت عيناها الذابلين وعداتهاا عالبيت..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
