#ليث_يحكي
هزيت روحي ووقفت قدامهاا عديت بعينيا عليهاا..جيت بش نحكي اما قصت عليا كيف ترمات في حضني فجأة..حشات راسها ف صدري وكبست علياا بيداها الزوز سمعتها كيف تحكي وتبكي
قمر:"ل ليث ..س سامحني"
غمضت عينيا بالقوي على كلمتها وين دورت بيديا وراهاا وحضنتها انا زادة.. خذيت نفس من ريحتها لي فقدتها وسمعتها كيف رجعت تحكي
قمر :" ليث انت مليح مش هكا؟"
بستها من راسها نحكي
انا:"لباس...انت شحالك ياروحي "
كبست عليا اكثر تحكي
قمر :" انا.. انا خفت عليك برشة "
شديتها من يداها حاولت نبعدها شوي نحكي
انا:"قمرتي اغزرلي تراه وخلينا نحكيو "
هزتلي براسها لا وباقي تبكي..بقيت كابس عليها في حضني لين حسيتها هدات شوي لحظتها دورت بيديا على خصرها وهزيتها في حملتي وين هي حشات راسها في صدري وعنقتني بلقوي..قدمت للفرش وقعدت خليتها فوق حجري ونزلت راسي نغزر لشفارها لمبلولين.. هزيتلهاا دقنونتها و عديت بيدي على خدها نحكي
انا :" اغزرلي تراه و خلينا نحكيو "
هزتلي براسها باهي من غير حتى كلمة..مسحتلها دموعها نحكي
انا :" يزي من البكا ياروحي.. انا هاني مليح ماتخافش "
ذبلت عيناها فيا تحكي
قمر :" س..سامحني ليث ان..انا مقصدتش نعمل فيك هكا والله.. سامحني امان "
انا :" شش انت ماعملت شي ماعندك علاش تطلب ف السماح "
قمر :" ل..لا مش صحيح انا تعبتك معاياا برشا و وغششتك..انت.. انت مغشش مني مش هكا؟"
بستها من راسها نحكي
انا :" مانيش مغشش ياروحي.. نحبك تنسى كل شي صار.. المهم عندي انك تكون بخير "
قمر :"يعني انت ماكش مغشش جملة..وم.. ماكرهتنيش"
انا :" معقول نكرهك..انت روحي وكل شي عندي فالدنيا"
ريتها كيف رجعت حطت راسها على صدري..حطيت دقنونتي على شعرها وبقيت نشم في ريحتها..خليتها هدات شوي وتكلمت نحكي
انا:" كيفاه تحس ف روحك تو؟"
تنهدت بالشوي وغزرتلي درا كيفاه تحكي
قمر :" ت..تاعبة ليث.. الايامات الي فاتو حسيت روحي توجعت وخفت برشة "
غزرتلها مستغرب نحكي
انا :" من شنوة خفت ؟"
عضت على شفايفها وغزرتلي مذبلة عيناها تحكي
قمر :" خ..خفت منك.. خفت لا بلحق انت تسلم فياا و..وتحطني ف المصحة "
انا :" قمر ياروحي انت كيفاه تخمم هكا ؟ تتصور انا نجم نعملها؟ "
هزتلي بكتافها تحكي
قمر :" م..مانعرفش.. خ..خفت لا تكون تعبت من حالتي هاذي و..ولقيت هذاكا الحل..ح..حتى كان خممت فيها م.. من حقك "
حطيت يدي على خدها ومسحتلها دمعتها الي نزلت نحكي
انا :" انا مستحيل نتعب منك ولا نوصل نخمم نحطك غادي.. صحيح الطبيبة قالت هكاكا وقت انت ماتجاوبتش معاها.. اما انا رفضت خاطر نعرفك مش بحاجة للمصحة "
قمر :" ب..بلحق ؟"
انا :" اي بلحق ..انا اكثر واحد نعرف لي تعديت بيه من قبل.. نعرفك قوية.. قبل صار فيك اكثر من هكا وقمت.. والمرة هاذي كيفكيف "
هزت راسها معاياا وغزرتلي تحكي
قمر :" ل..ليث انا قررت غدوة نرجع لطبيبة.. نحب نتعالج ونرجع مليحة "
انا :" باهي..مدام انت قررت هكا انا غدوة نهزك المهم انت تكون مرتاحة "
تبسمت بالسيف تحكي
قمر :" ربي يخليك ليا ليث.. عيشك على كل شي "
انا :" ويخليك ليا انت زادة "
كبست على يدي تحكي
قمر :" ب..باهي قلي انت بلحق مليح ؟ ك..كيفاه صار الحادث ؟ عندك حاجة توجع فيك "
انا :" اهدا انا مليح والله.. حادث مش كبير.. مانحبكش تخمم ف شي وتزيد تعب روحك "
قمر :" صدقني خفت عليك.. كان صارتلك حاجة راني متت ليث "
رجعت جبدتها عندي وحضنتها بالقوي نحكي
انا :" اللطف عليك "
كبست عليا اكثر من غير حتى كلمة.. منعرفش قداش بقينا هكاك ..حسيت روحي مشبعتش منها ..طبست راسي نغزرلها لقيتها غمضت عيناهاا.. مسحت على شعرها من تالي نحكي
انا :" جاك النوم ؟"
هزتلي براسها أي تحكي
قمر :" اي..حسيت روحي تعبت "
انا :" تحب نهزك لغرفتك ترتاح ؟"
بعدت عليا شوي وعضت على شفايفها تحكي
قمر :" لا ..ن..نحب نرقد عندك "
تبسمت وعديت بيديا على خصلات شعرها نحكي
انا :" والله ياريت...متوحشك برشا"
قمر :" حتى انا توحشتك "
تكيت بظهري لتالي عالفرش وجبدتها عندي نحكي
انا :" ايجا عندي تراه "
قربتلي فيسع تكات عندي وحشات راسها ف رقبتي لحظتها كبست عليها أكثر حسيت روحي بلحق توحشتها عاللخر وتوحشت ريحتهاا.. وجودها بجنبي تو هو الي خلاني نهدا وننسى كل شي صار.. غير هكا تو وين اطمنت كيف لقيتها تقبلت انها ترجع تتعالج.. طبست راسي نغزرلهاا كيفاه غمضت عيناها وغفات فيسع.. بستها من راسها وغمضت عينيا انا زادة حاولت نرقد من غير ما نخمم ف شي كان انو قمر رجعت مليحة وحياتنا ممكن ترجع كيف قبل..
#ايوب_يحكي
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
