#ليث_يحكي
جبدت روحي منها وترميت بجنبها..مديت يدي دورتها على جنبها وجبدتها في حضني..بستها من راسها نحكي
انا :" نعشقك قمرتي "
حطت يداهاا على صدري وغزرتلي ف عينياا تحكي
قمر :" وانا زادة ياروحي "
تبسمتلهاا وتلفتت على صوت الميساج لي وصلني.. هزيت روحي شوي ومديت يدي للتابل دونوي وخذيتو.. هزيت بحاجبي كيف قريت ميساج مازن..
مازن:"خالك ومرتو تحولو للتحقيق"
سكرت التاليفون ورجعت حطيتو على جنب..غزرتلهاا كيف سمعت صوتها تحكي
قمر :" ليث ياخي شبيك هنا ؟"
نزلت راسي نغزر لصوابعهاا الي يتعداو فوق الاثار لي علي كرشي وجنبي..تحكي
قمر :" ياخي لبارح زادة ضربوك مش قتلي لباس ومعملولي شي"
انا :" يزي قمر هاني لباس قدامك..ضربات خفاف وكهو مترجعش تجبدلي لموضوع كيف كل مرة "
هزت راسها معايا وغزرتلي درا كيفاه تحكي
قمر :" شمعناها ليث.. ياخي خايفة عليك انا..حتى هذا مش من حقي "
عديت بصوابعي على زندهاا نحكي
انا :" منقصدش هكاك اما انا نحب نهرب ليك بش ننسى لي صاير لكل..خلينا هاديين منحبش نحكي في لي صار جملة "
تنهدت بالشوي وهزتلي براسها باهي تحكي
قمر :" ب..باهي "
مديت يدي ناحيتهاا نحكي
انا :" ايجا عندي تراه "
تبسمت وقربت مني فيسع..حطت راسها على صدري وعيناهاا مازالو يغزرو للكدمات..نعرفها بش تبقى تخمم في الموضوع كيف كل مرة..غمضت عينيا كيف حسيت بصوابع يديها على كرشي مرة أخرى تحكي
قمر :" ليث ياخي هذاا زادة جديد؟"
نزلت راسي وغزرت وين حطت يدها لحظتهاا حسيت مواجعي تحيرت اكثر وين لقيت روحي استرجعت سبب الجرح الي تطبع فياا..تنهدت نحكي
انا: لا قديم..ريت لمرا لي كانت تحت من شوي..هذا ذكرى منها "
هزت راسها معايا وعقدت بحواجبها مستغربة تحكي
قمر :" كيفاه ؟؟؟"
انا :" انت سمعتها شقالت..انو انا طول عمري غاير من ايهم وحاسدو..الشي هذاا عمرو ما صار..بالعكس هوما لي كانو ديما ورايا..كيما عمرهم ما اعتبروني منهم خاطر كل دقيقة تمر يفكروني بمزيتهم عليا "
عدات بعيناها علياا تحكي
قمر :" ليث احكيلي..انت كيفاش كنت عايش معاهم و هي علاش جرحتك ؟ "
نزلت راسي وغزرت الاثر مرة اخرى..غمضت عينيا بالقوي و رجعت حليتهم غزرتلهاا نحكي
انا :" ما جرحتنيش.. هي حرقتني..وخاطر الحرق كان عميق برشا بقى لتو..هاذي كانت وحدة من طرق لي تعاقبني بيها "
حلت عيناها فيا تحكي
قمر :" ي..ياخي تحكي بلحق كيفاش نجمت تعمل هكا.. وعلاش ؟؟"
بلعت ريقي بالسيف و خذيت نفس نحكي
انا وقتها كان عمري 8 سنين "
غمضت عينيا بالقوي وين لقيت روحي رجعت لنهار هذاكاا مرة اخرى بكامل تفاصيلو...
#فلاش_باك :
اول ما رجعت من المدرسة نزلت انا وايهم ودخلنا مع بعضناا..عرضتنا مرت خالي لي كانت تستنا فينا تحكي
وجيهة :" ايهم ايجا يا روحي "
ريتوكيف قرب منها يجري وعنقهاا وين هي طبست باستو..بقيت واقف نغزرلهم من بعيد..لحظتها حسيت روحي توحشت امي وفرحتها بيا وقت نرجع من المدرسة..فقت من سرحتي على صوتها كيف طلبت منو نتائج الفصل..ريت وجهها تبدل كيف رات علامتو هزت راسها وغزرتلي تحكي
وجيهة :" شعملت ليث وريني نتيجتك "
تبسمت وقدمت منها نجري نحكي
انا :" طلعت الاول "
خطفت لورقة من يدي ووبقات تثبت فيها..رماتها في الارض وقامت تصيح على علو صوتهاا
وجيهة :" ياخي شنوة هذا..اه..انا شنوة قتلك مش قتلك ايهم كيف خوك..لازمك تقريه معاك بش ينجح..اه مش نبهت عليك اهوكا نتيجتو نص من نتيجتك..علاش تغير منو هكااا..احنا لميناك من شارع هاذا كفونا "
طبست راسي نحكي
انا :" ا..اما انا قريتو "
ريتو كيف قرب من امو يبكي
ايهم :" هو م..ماقرانيش ديما يصيح عليا ويخليني نقرا وحددي "
انا :" تكذب انا قريتك اما انت متحبش تركز معايا "
هز راسو يغزر للأمو وقوا ف بكاه يحكي
ايهم :" امي والله يكذب كيف نسالو ميحبش يجاوبني "
انا :" انا ما.... "
قصت عليا كيف صاحت في وجهي اكثر..هزت بصبعهاا قدامي تحكي
وجيهة :" اسكت..سكر فمممك..تو ترا شباش نعمل فيك.. بش منا وجاي متكذبش عليا "
هبطت راسي نمسح في دموعي لي نزلو وقحرت لايهم الي تخبى وراهاا..تهزيت وتحطيت على صوتها تحكي
وجيهة :" ايجا هنااا ليث "
مديت رجلي وبقيت نمشي خايف وبدني لكل يرجف من لخوف خاطر نعرف بش تعاقبني كالعادة..شدتني من يدي وبقات تكركر فياا وراهاا للكوجينة..قربت ناحية الغاز..حليت عينيا على وسعهم كيف ريتها تسخن في الشوكة على النار..لحظتهاا وخرت بخطواتي لتالي هارب منهاا..حلت عيناها فيا تحكي
وجيهة :" ايجا قرب..احسن ما نجيبك وحدي "
حسيت بدني جمد مانجمتش نتحرك كيف ريت الشوكة حمرا علخر..شهقت مع دموعي الي نزلو نحكي
انا :" ا..امان و والله قريتو.. تو نزيد نقريه اكثر امان م متحرقنيش "
جبدتني من يدي بالقوي تحكي
وجيهة :" معادش ينفع تو..هاذي بش تبقالك ذكرى كل ماتغزرلها لازم تتفكر انك معندكش حق تتعدا سيادك تفهم فيا..ايهم سيدك معندكش حق تفوتو ولا تنجح خير منو..هو لي يأمر وانت تنفذ تفهم فيا "
مخلتنيش نجاوبها وطبست قدامي..مدت يدها هزتلي لمريول وحطت الشوكة..لحظتهاا خرجت مني صرخة عمري لا صرختها..وقتها تمنيت اني كان متت مع عايلتي ولا بقيت معاهم عايش هالعيشة..نطرتلي المريول وهزت صبعها في وجهي تحكي
وجيهة :" الجرح هذا بش يبقى سر بيناتناا وكان يعرف خالك بش يكون عقابك اكثر فهمت وتو برا اقلب وجهك لبيتك منحبش نرا خليقتك قدامي "
مشيت نجري من قدامها نبكي..خفت كان تشدني مرة اخرى..دخلت للبيت ومشيت لبيت لبانو فتحت الماء البارد وبقيت نصب على لجرح وين لقيتو صار يحرق اكثر كيف لامسو لماء..رجعت للبيت وترميت على سرير نبكي و نمسح في دموعي الي ماحبوش يكفو
انل :" انا مش بش نبكي انا راجل هكا بابا قالي..منيش نبكي تو توفى لوجيعة "
غمضت عينيا وبقيت نهتري ليلة كاملة..من السخانة لي طلعتلي بسبة الجرح لي بقى حرق وبسبتو منجمتش نرقد ليل لكل..
فقت من سرحتي على يداهاا الي طحتو فوق خدي.. مسحتلي دمعتي لي نزلت مني غصب عليا..تبسمت كيف ريت دموعها هي زادة على خدها..تحكي
قمر :" ياخي هاذوما مش بشر..ك..كيفاش نجمت تعمل فيك هكا خاطر نجحت كهو "
انا :" فهمت تو علاش ديما نقلك عمرهم ما كانو عيلتي "
حسيت روحي تخنقت من الذكريات لي هدت عليا..جيتها ليوم وكذبها عليا في وجهي..واتهامها ليا اني قت••لت ولدها خاطرني نغير منو كلهم خلاوني غصب عليا نحكي اشياء صرلي سنين مسكر عليهم ونحاول ننساهم..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
