#قمر_تحكي
ايامات تعداو من وقت رجوعي للفيلا مع ليث كانو من احلى ايامات حياتي وين عداهم معاياا حتى للخدمة مارجعشش.. عديناها بين دار وخرجات كل مرة لبلاصة قريبة حسيت روحي تفرهدت برشا..خلاني نعوض كل لحظة تعدات كان فيها بعيد علياا.. اما رغم كل شي كانت فما حاجة ناقصة بيناتناا.. الفترة هاذي حبيت نتغلب على خوفي حتى اني انا الي طلبت منو بش يقربلي حبيت نعيش معاه اللحظة هاذي ف بالي بش انجم نتخطى كل شي و مانفكر ف شي كان ف ليث و لحظتي معاه.. اما حسيت بنفس الخوف رجع سيطر علياا اول ما قربلي.. و رغم هذا الكل هو مقال شي بلعكس.. طمني وقلي في راحتك..ومزال صابر علياا هذا الي خلاني نتعب.. أفكاري كل مرة مخليتني ضايعة اكثر كيما لقيت روحي ماعنديش القوة بش نتغلب عل هذا الكل رغم كل شي.. بقيت عايشة بين نارين و كل نار تحرق اكثر من الي قبلهاا.. فقت من سرحتي على يديه الي دارت على كرشي.. جبدني عندو شوي و باسني من رقبتي يحكي
ليث :" فاش سارحة حبي ؟"
حطيت يدي فوق يديه نحكي
انا :" شي ياروحي "
بعدت عليا شوي ودورت عندو.. دور بعينيه عليا بعد خصلات من قصتي وراء وذنياا.. هزيت راسي شوي غزرتلو ورجعت نحكي
انا :" شكون طلبك تو ؟"
ليث :" عم مصطفى "
عقدت بحواجبي مستغربة نحكي
انا :" بلحق ؟؟"
تبسم يحكي
ليث :" كلمني قلي وين هربت الفترة هاذي الكل "
ضحكت نحكي
انا :" والله فرحت انو كلمك و الأمور هدات بيناتكم.. كنت خايفة لا تبقاو هكا "
ليث :" والله.. مش قتلك تو يبرد وحدو و يكلمني.. على هذاكا قمرتي شقولك كان نمشيو ليوم نباركولهم على سي كرم " "
حطيت يدي فوق صدرو و غزرتلو نحكي
انا :" اي خليناا نمشيو حتي انا توحشت كرم "
قرب مني شوي و قرصني من خشمي يحكي
ليث :" بالله ؟ و صرت تتوحشو زادة ؟"
انا :" شنوة غايير منو ؟"
ليث :" والله .. نحبك تتوحشني و تتلهى بياا انا كهو "
ضحكت وقربت بستو من حدو نحكي
"باهي سي ليث"
ليث :" اياا برا حضر روحك.. لازمنا نتعداو ناخذو هدية قبل ما نمشيو "
انا :" باهي شوي و نكون حاضرة "
هزلي براسو باهي و بعد علياا شوي.. طلعت للبيت فيسع دخلت لسال دوبان خذيت دوش خفيف ورجعت للبيت بدلت حوايجي و نزلت وين لقيتو هو زادة حضر روحو و يستنى فيااا.. قدم ناحيتي ووقف قدامي يحكي
ليث :" نمشيو ؟"
انا :" اي هياا "
شدني من يدي و خرجنا مع بعضناا للكرهبة.. حلي الباب طلعت و طلع هو بجنبي و شدينا الثنية.. تلفتت على صوتو يحكي
ليث :" خممت ف هدية لكرم ؟"
هزيتلو بكتافي نحكي
انا :" منعرفش "
ليث :" ميسالش تو نشوفو "
مسافة الطريق ووقفنا قدام الصايغي نزلنا مع بعضناا
ودخلنا.. بقيت نتفرج في الصيغة وين بقى ليث يحكي مع صاحب لمحل تلفت كيف نادالي يحكي
ليث :" ايجا "
قربت منو وبقيت نغزرلو من غير حتى كلمة.. اشرلي بعينيه يحكي
ليث " هيا اختار "
هزيت حواجبي نحكي
انا :" انا ؟؟"
ليث :"اي انت ..انا شيفهمني في الامور هاذي"
كبست على شفافي وقربت نغزر للقطع لي حطهملي هزيت راسي مع ليث نحكي
قمر :" شقولك كان ناخذولو قطعة ذهب عليها اسمو ؟"
ليث :" باهي.. خوذ لي تحب "
اخترناا اسوارة فينو منقوش عليها اسمو.. رجعت تلفت لليث كيف قرب مني يحكي
ليث :" اختار شي ليك انت "
انا :" لا ليث.. مفماش داعي "
ليث :" شش منحبش اعتراض.. قتلك اختار شي هيا "
عضيت على شفافي وقربت نرا في القطع حسيت روحي حشمت علخر.. غزرت للخاتم لي كان مزين بوردة صغيرة هزيتو في يدي وغزرت لليث نحكي
انا :" عجبني هذا "
هز في يدو غزرلو وتبسملي يحكي
ليث :" باهي يا روحي.. صحة ليك "
هز يدي ولبسهولي.. تبسمتلو نحكي
انا :" عيشك ليث "
باسني من يدي يحكي
ليث :"من غير مزية "
تلفتنا لصايغي لي جاب الاسوارة بعدما لفها ف علبة وخرجنا.. رجعنا طلعنا ف الكرهبة وشدينا الثنية للفيلا.. شوي وقت ووصلنا.. نزلنا من الكرهبة وقربنا ودقينا للباب وين فتحتلنا خالتي فاطمة.. تبسمت اول ما شافتنا تحكي
فاطمه:" مرحباا تفضلوا "
دخلنا وسكرت الباب وراناا.. قريت سلمت علاهاا وغزرتلهاا نحكي
وغزرتلهاا نحكي
انا :" عسلامة خالتي شحالك "
ليث :" شحالك خالتي فاطمة ؟"
فاطمة :" الحمدالله.. تفضلو لداخل.. سي مصطفى و رفيقة ف الصالة ادخلو "
هزيتلها براسي باهي و قدمنا ناحية الصالة دخلنا حذاهم نحكي
انا :" سلااام "
هزو رؤوسهم معاناا و تبسمو.. ريت عمي كيف وقف يحكي
مصطفى :" مرحبااا بيكم.. تفضلو "
ليث :" عيشك عمي.. شحالك ؟"
مصطفى:" الحمدالله عيش ولدي.. تفضلو اقعدو "
قعدنا و هزيت راسي مع خالتي نحكي
انا :" شحالك خالتي ؟ لباس ؟؟"
رفيقة :" الحمدالله عيش بنتي.. انتوما شحالكم لباس ؟ وينكم هالغيبة "
تلفتت ليث كيف تبسم على جنب يحكي
ليث :" والله كنت نستنى ف تاليفون من عمي.. خفت لا نجي عمي يطردني "
مصطفى:" مع انو تستاهل اما تعرفني مانجمش نطردك "
ليث :" ربي يخليك عمي "
ريتو كيف وقف من حذاياا و قرب لرفيقة يحكي
ليث :" وينو سي كرم.. لتو لا تعرفنا على بعضناا "
حملو ف حضنو و رجع قعد حذاياا.. ريتو كيف بقى يغزرلو و يضحك.. شدو من يديه و باسو منهاا يحكي
ليث :" مشالله عليه.. انشالله يتربي ف عزكم "
رفيقة :" عيش ولدي "
حليت ساكي وجبدت العلبة حليتهاا وقربت منهم شوي.. لبستو الاسوارة و بستو من يديه.. هزيت راسي على صوت عمي يحكي
مصطفى:" علاش تعبتو رواحكم ؟"
ايث :" مفماش تعب عمي "
هزيت راسي على صوت خالتي فاطمة كيف دخلت حطت الصنينة قدامنا و غزرتلنا تحكي
فاطمة :" العاقبة ليكم.. انشالله نفرح بصغاركم "
ريتو كيف باس كرم من خدو و غزر لخالتي يحكي
ليث:" عيشك خالتي.. انشالله "
تبسمت بالسيف نحكي
انا :" عيشك خالتي "
قص عليناا صوت عم مصطفى كيف قام من بلاصتو يحكي
مصطفى:" انا عندي شوي خدمة.. خليكم للفطور شوي و نرجع "
ليث :" باهي عمي "
انا " ربي عينك عمي "
مصطفى:" عيش بنتي "
خرج وين بقينا مع خالتي كل مرة نحكيو ف حاجة و مرة نلعبو مع كرم تلفت كيف قص علينناصوتها.. عقدت بحواجبي مستغربة اول ما ريتها واقفة قدامناا تتبسم وتحكي
فريحة :" عسلامة.. سامحوني كان جيت على غفلة "
ريت خالتي كيف وقفت و قربتلهاا سلمت علاهاا تحكي رفيقة :" السماح بنتي.. مرحبا بيك اتفضل "
فريحة :" عيشك خالتي "
رفيقة :" قلي شنوة تشرب ؟"
فريحة :" قهوة "
ريت خالتي كيف خرجت للكوجينة وهي قعدت مقابلتنا و دورت بعيناهاا عليناا تحكي
فريحة :" وينك ليث ؟ شحالك ؟ وقتاه رجعت من السفر؟"
ليث :" هاني الحمدلله .. عندي اكثر من اسبوع "
فريحة :" مالا شبيك مارجعتش للبيرو ؟ "
ليث :" حبيت نرتاح شوي.. انشالله ايامات و نرجع"
فريحة :" انشالله اصلا لخدمة ماسطة بلا بيك "
هزيت بحاجبي مستغربة جرئتهاا قدامناا و كيفاه نجمت تقلو هكاا.. تبسمت ورجعت تحكي
فريحة :" غير هكا الحمدالله كيف رجعت سالم.. قمر كانت مقلقة من سفرتك برشة و انا قلتلها خليه على راحتو اما هي كانت ياسر مشغولة "
حليت عينيا مصدومه من كلامهاا وين لقيت روحي عجزت بش ننطق حرف.. ريت ليث كيف غزرلي مستغرب.. نظرتو وصلتلي قداه من حاجة اما حاولت مانركزش برشة.. رجعت تلفتت على صوتها تحكي
فريحة :" ساعة قلي شحالك تو قميرة ؟ تحسنت شوي ؟"
انا :" الحمدالله عيشك.. صرت احسن كيف روح ليث "
فريحة :" اممم المهم لباس.. طمنتني "
كبست على ركايبي بالقوي من الغزول الي حسيتو سيطر علياا منها و من كلامهاا و تعابير وجهها الي استفزتني خصوصا من كلامهاا و غزرتهاا لليث..
فقت من شرودي على صوت كرم كيف صار يبكي ريت ليث كيف كبس عليه و مش عارف يتعامل معاه...
غزرلي يحكي
ليث :"قمر شنعمل "
تبسمت وجيت نحكي.. اما سكت كيف قربت هي تحكي
فريحة:"ههه شبيك خايف هزو شوي.. ودوح بيه "
هزلها براسو ايه وهز كرم بقا يدوح بيه حتى سكت.. سمعتها كيف ضحكت غزرتلو درا كيفاش تحكي
فريحة:" مشالله عليك ليث.. باين حبك حتى انو سكت عندك.. انا لمرة الي فاتت مانجمتش نسكتو "
ليث :" ههه هاني نتعلم قاعد على سي كرم "
فريحة :" ههه عقبال ما نشوفك بو انت زادة.. تليق بيك الابوة "
دورت بعينيا عليهم الزوز من غير حتى كلمة.. حسيت دمي فور من كلامهاا و نظرتهاا ليه كيما حسيت بإحساس النقص ف لحظة هاذي مش عارفة علاش تقلقت من كل الي صار.. كلام خالتي فاطمة.. معاملة ليث لكرم.. كلام فريحة.. كل شي حسيتو كبس على صدري و خنقني .. فقت من سرحتي على صوت خالتي كيف دخلت و حطت القهوة قدامهاا.. تكيت بظهري لتالي و بقيت نسمع فيهم يحكيو ساكتة لقيت روحي مش منجمة نحكي.. مانعرفش قداه تعدا وقت عليناا.. ريتها كيف قامت من بلاصتها تحكي
فريحة :" انا لازمني نمشي تو "
رفيقة :" زيد شوي بنتي مازال بكري "
فريحة :" لا خالتي والله معادش بكري.. ليث نستناك مالا "
ليث :" اي انشالله "
فريحة :" باي قميرة.. نتقابلو على قريب "
هزيتلها براسي باهي من غير حتى كلمة.. ريت خالتي كيف قامت وخرجت معاهاا.. تلفتت لليث كيف حط كرم في فرشو وحا قعد قدامي يحكي
ليث :" غريبة.. شنية صار حتى صرتو قراب انت و فريحة ؟؟"
انا :" لا اما هي جات بعد ما انت سافرت و حكينا شوي كهو والله "
ليث:" للدرجة هاذي كنت مغشة حتى تحكي على لي صار بيناتنا ؟؟"
انا :" والله ماحكيتش.. اما يوم تعاركنا هي جات بالصدفة ولقاتني مقلقة قتلها ليث بش يطول كهو "
ليث :" قمر.. منحبش مشاكلنا تخرج للي جا .. باهي قمر.. اخر مرة "
انا :" باهي "
حسيت روحي حشمت من لموقف لي تحطيت فيه قدامو.. بقينا قاعدين عندهم حتى رجع عمي السهرة لكل وانا شاردة كل مرة نفكر في حاجة تلفت على صوتو يحكي
ليث :" هيا خلينا نروحو "
هزيتلو براسي باهي من غير حتى كلمة.. ريت خالتي كيف قامت سلمنا علاهاا .. خرجنا و طلعنا ف الكرهبة.. ثنية كاملة و انا بجنبو ساكتة .. متكية براسي عالبلار و نغزر للفراغ هكاكاا تفكيري الكل فيه هو و فكلامهاا هي.. في اللحظة هاذي بالضبط قداه كرهت روحي وفرد وقت قداه سخفني هوو.. هو الي بقى متحمل على خاطري وقتلي كان ينجم يختار وحدة لباس علاهاا و يعيش عيشة طبيعية معاها كاي مرا و راجل.. فقت من سرحتي اول ما وقفت الكرهبة حليت الباب وهبطت نجري دخلت لدار من غير ما نغزرلو.. شدني من يدي يحكي
ليث :" قمر شبيك ؟"
هربت عينيا من عليه نحكي
انا :" شي ليث .. نحب نرتاح شوي "
هزلي براسو باهي يحكي
ليث :" باهي ارتااح .. انا هاني في الصالة .. شوي و نخلط عليك "
" باهي "
اول ما طلعت .. حليت الباب ودخلت للبيت .. بقيت واقفة نغزر للفرش مانعرفش علااه.. لحظتها دموعي الي كنت شادتهم بالجهد قدامو نزلو.. كركرت ساقيا بالسيف ووقفت قدام لمرايا نغزر لروحي وين دموعي زادوا نزلو اكثر فرد وقت بقيت نسال ف روحي انا علاه هكااا.. علاه مانيش كيف لبنااات لكل.. من وراء حالتي هاذي انا بش نخسر ليث.. بش نخليه يفد مني خفت لا ماينجمش يصبر اكثر من هكاا.. مسحت دموعي و بقيت نحكي مع روحي في المراياا
انا :" انت بش تولي لباااس بالسيييف عليييك .. لازمك تولي لباس .. ماعندكش حل آخر "
خذيت نفس طويل وهزيت روحي حليت الدريسينغ.. نحيت حوايجي الكل و اخترت نويزات قصيرة.. حسيت بدني رعش و قلبي خظ اول ما حطيتها على بدني.. رجعت غزرت لروحي في المرايا نحكي
انا :" هذا حقو .. انت مستحيل تحرمو من حقو .. يزي من ضعف و البكااا .. يزييي" خذيت لكاب رميتو فوقها.. و قدمت ناحية الباب.. خذيت نفس و خرجت هبطت في الدروج اول ما قربت لصالة .. حسيت بساقيا بش يرخو بيااا و ريقي نشف ف حلقي حطيت يدي على صدري بقيت نرد في النفس بالشوي و دخلت لصالة.. ريتو كيفاه كان متكي يتفرج في التلفزة اول ما شافني هز روحو وتقعد بقى يغزرلي من غير حتى كلمة .. خذيت نفس طويل وقدمتلو وين بدني زاد رجف اكثر اما شديت روحي.. قربت و شديتو من يديه وقفتو قدامي دور بعينيه عليا يحكي
ليث :" قمر شبيك ؟؟"
بلعت ريقي بالسيف نحكي
انا :" ل.. ليث .. انا .. انا حاضرة "
ليث :" فاش تحكي قمر "
انا :" انت تعرف انا فاش نحكي "
رجع قعد و بعد عينيه من علياا يحكي
ليث :" برا ارقد قمر "
طبست على ركايبي ناحيتو ودورت وجهو بيديا ناحية وجهي.. هزيتلو براسي لا برشة مرات نحكي
انا :" لااا .. لاا مانيش بش نرقد .. انا قتلك .. انا حاضرة .. انا لباس ليث "
حط يديه على خدي يحكي
ليث :" يا روحي مازال عندنا برشة وقت قدامناا.. انا مانيش مزروب على شي والله "
انا :" لا لا.. هذا حقك.. انا مانيش بش نحرمك من شي ليث .. يا تختار تعمل هذاا تووو"
غمضت عينيا و دمعتي هبطت نحكي
انا :" يا تختار تخليني و تمشي تشوف وحدة اخري.. وحدة لباس علاهااا .. وحدة قادرة تعطيك الي انا حارمتك منو "
حل عينيه فيا و شدني من مرفقي وقفني ووقف معايا علا ف صوتو يحكي
ليث :" انت فاااش تحكي ؟؟ قمر قتلك برا ارقد يهديك "
نطرت يدي منو و طلعتها لسوريتو نحل في فلسها نحكي
انا :" قتلك مانيش راقدة.. انا و انت الليلة بش نسهرو مع بعضنااا.. بش .. بش نصييير مرتك بالحق "
حط يديه فوق يدي يحاول يبعد فيها عليه يحكي
ليث :" وانا قتلك الف مرة انت مرتي.. منحب منك حتى شي...يزيي من هبالك "
هبطو دموعي على كلامو اكثررر .. بقيت نحل في فلس الشوميز بيديا الي كانت ترعش من غير ما نجاوبو .. سمعتو كيف نفخ بالقوي يحكي
ليث :" قمررر .. ماتهبلش *** قتلك سيببب.. شوف حالتك .. شوف بدنك كيفاه يرعش .. شوف دموعك الي مالين عينيك .. اسمع صوتك كيفاه تحكي بالشهقة .. هذا الكل و تحبني نصدق انك حاضرة .. اما ما طلبت شي منك يزي تو "
غمضت عينيا و طرشقت بالبكا .. بعدت عليه نحكي
انا :" هذااا .. هذاا الي قهرني .. انك ساكت و مش طالب شي .. انااا عذبتك معاياااا .. حس بياااا اماان حس بياااا .. راني معادش انجمممم .. نحب نكون انسانة طبيعية .. نحب نعيش راجلي الحاجات الي لازمو يعيشهم .. راني تعبت و انا نرااا فيييك ساكت .. احكي ليث .. صيييح .. اعمل اي شي .. سكوتك هذاا و صبرك عليااا قاعدين يقتلو فياااا .. انا وحدة ضعيفة .. مانجمت نعطيييك شي .. "
قدملي و شدني من زنودي يهدي فيا و يحكي
ليث :" ششش .. قمر يزي .. اهداااا "
نطرت روحي منو و قربتلو .. حطيت شفايفي فوق شفايفو نبوس فيه و نبكي .. بعدني عليه بالقوي يحكي ليث :"" قمر يزيييي .. *** بش تهبلني في هالليلة لكلبة... براا اطلع لبيتك "
عليت في صوتي بالقوي نحكي
انا :" ماننيش طالعة .. ياخي انت مش راجل.. معندكش رغبات.. متحبش مرا كاملة.. انااا قلت الي عندي انا هاني حاضرة.. يااا تختاار الليلة.. يااا تمشي تشوف حيااااتك.. متمثلش عليا لي انت متحبش "
ريتو كيف هد عليااا و عينيه حمراا من الغش جبدني من يدي حتى تضربت فيه.. نزل راسو يغزرلي
ليث :" مالا قتلي مش انت راجل وعندك رغبات.. قتلي اختار.. باهي "
قلبي خظ اول ما ريتو هد علياا جبدني بالقوي نطرلي الكاب من فوقي ورماني عالفوتاي.. طلع يديه وحل الشوميز نحاها من فوقو.. قدملي وترمى فوقي فجأة.. شهقت بالصوت كيف حسيت ب يديه تحطت عليا وهبط نويزات لين ظوافرو تغرزو في لحمي.. بدني جمد من الخوف و انفاسي ضاعو مني فجاة.. دورت بيديا على بدني حاولت نغطي روحي حسيت بيديه كيف تحطت فوقهم وفكهملي بالقوي.. طبس عليا و بقى يبوس فيا من رقبتي.. غمضت عينيا بالقوي وين دموعي نزلو يجريو على خدي نحكي
انا :" ل.. ليث لا امان.."
ليث :" مانحبببش نسمع صوتك "
دموعي تسيبو من الذكريات الي هدت عليا فجاة من وراء الموقف هذاا.. حسيت بدني جمد تحتو صار كالحطبة.. هزيت يدي الي كانت ترعش وحطيتها على صدرو نحكي
انا :" ليث امان...."
قصيت عالكلام وطرشقت نبكي من الخوف لي تملكني ف اللحظة هاذي.. جبد روحو مني فيسع هزلي وجهي وكبس على دقني حسيت عضام خدي تكسرو
ليث :"كيف انت ما تننججمش على شي هاذااااا.. شملززززككك للعملة هااااذي ااه...علااااش توصل روحك للشي هاذاااا *** راك بش تهبلني كيما عملت معاك ملقيتش حللل... مالا انت اسمعني تو ريت كان تعمل لعمللة هاذي مرة اخرااا بش تكون اخر مررررة ترا فيها وجهي تسمع فيااا "
نحى يدو مني وقام.. بقيت مدورة بيديا على بدني.. نزلت راسي و بقيت نبكي بالصوت ريتو كيف خرج من الصالة وضرب لباب بلقوي.. اول ما خرج حسيت روحي خرجت معاه بقيت في بلاصتي نبكي علحالة لي وصلت ليها روحي.. منعرفش علاش انا ديما هكا بلوقت لي لازم نكسبو خليتو يخرج من عقلو ... بكيت كيما عمري ما بكيت كرهت عجزي وغبائي...بقيت هكاك حتى هديت.. هزيت روحي بالسيف ولبست الكاب لي كان ملوح فلقاعة.. كركرت ساقيا بالسيف وطلعت للبيت غسلت حالتي ولبست بيجامتي ورجعت للفرش تسطحت.. بقيت نخمم شنوة نعمل تو كيفاه بش نصلح الي عملتو.. عرفتو لي قاعد في بيروه مدام ملقيتوش في البيت.. بقيت نخمم نمشيلو ولا لا و شنوة بش نقلو..هزيت روحي وقمت نلوح في الخطوة بالسيف اول مرة نحس بالخوف من ليث خاطر عمري لا ريتو بالحالة هاذي قبل كيما ماتخيلتش بش يتصرف معاياوهكا..قدمت من بيروه هزيت يدي مترددة وحليت لباب
لمحتو كيف كان متكي على الفوتاي هز راسو وغزرلي على جنب رجع تكى وحط يدو على عينيه.. اول ما قدمت بش ندخل وقفت على صوتو يحكي
ليث :" اخرج "
انا :" ليث انا .. "
تهزيت وتحطيت على صوتو كيف صاح يحكي
ليث :" قتلك براااا ..اطلع لبيتك "
انا :" ليث.. ا امان "
نحا يدو وغزرلي يحكي
ليث :" قمررر... قتلك اخرجج"
انا :" م منحبش.. ليث امان اسمعني "
قلبي خظ بالقاوي كيف تنطر من لفوتاي قربلي ودزني ضربني مع لباب يحكي
ليث:" ***شتحب انت في هاليلة .. تحبني نسترجم فيك.. شمزال اخر معملتوش ؟"
غمضت عينيا بالقوي و رجعت حليتهم على دموعي الي نزلو بالوقت نحكي
انا :" س.. سامحني "
ليث :" وقتاه تتعلم وتحط عقلك ف راسك قلي وقتااااه.. علاش حتى توصلنا للحالة هاذي.. انا طلبت منك شي رغمتك على شي حل فمك ؟"
هزيتلو براسي لا وين دموعي تسيبو اكثر كيف سمعتو رجع يحكي
ليث :" كيييف انا مطلبتش شحكالك مخك بش تعمل هكااا.. مفكرة روحك ذكية.. مفكرة هكا بش تكسبني ريت ولي خلقني يا قمر كان ندخل ونراك في الحالة هاذي مرة اخرى وكان ترجع تخرج لكلام هاذاك مرة اخرا بش نخليك تندم عالنهار لي عرفتني فيه فهمتت.. برا تو لبيتك "
قربت منو فيسع وترميت عليه عنقتو بالقاوي نحكي
انا :" منحبش.. م متخلينيش امان.. ا انا عملت هكاك من خوفي خفت نخسرك.. ا امان ليث افهمني "
دور وجهو عليا وين زددت كبست عليه نحكي
انا :" ليث ا ا مان م م تعاملنيش هكا.. م منجمش نتحمل والله اعذرني.. و والله ما نقصد "
دور وجهو غزرلي تنهد بالقاوي وهزلي براسو يحكي
ليث :" اقعد "
هزيتلو براسي اي وبعددت عليه مشيت قعدت على لفوتاي.. قعد جنبي غزرلي يحكي
ليث :"معادش تعمل هكا قمر.. متلزنيش نتعامل معاك هكا.. انا قتلك لي انا ما نحب شي منك تو.. مش قبل ما تبرا.. وما نحب حتى مرا بخلافك فهمت"
قمر" انا ليوم نفسيتي تعبت ليث ريتها.. ك كيفاش قالتك ان شاء الله تولي بو.. سمعتهم كيف حكاو عالصغار .. انا بش نحرمك حتى من حقك هذااا ..انا خايفة لا مانجمش نتعدا هذاا.. مانحبش نضعيك معاياا.. افهمني.. كلامهم متاع ليوم وجعلي قلبي.. هدني.. سا.. سامحني ليث "
جبدني عندو وعنقني يحكي
ليث :" قمر يزي من لبكاا.. علاه هكااا عملت في روحك هالليلة.. مازلنا صغار و مازال الوقت قدامنااا.. و الصغار تو يجيو في وقتهم .. مانحب شي اخر تو .. غير نحبك تكون مليحة .. حالتك هاذي تقسملي ظهري والله .. علاه تعمل فينا هكااا "
هزيت راسي معاه نحكي
انا :" عملت هكاا خاطرني خفت .. خفت ليث لا نخسرك .. لا تفد مني .. انا راضية نتحمل كل شي .. كان انك تبعد عليااا .. انا حاضرة لكل شي .. مستعدة نعمل كل شي من الليلة هاذي .. اما امان "
بعدت عليه وحطيت يدي على خدو نبكي بالشهقة ورجعت نحكي
انا :" ام .. امان .. امان ماتبعدش عليااا .. نعرف الي انا مش كيفهم .. نعرف الي انا ماعندي ما نعطيييك .. نعرف الي انا تعبتك معايااا و مازلت نتعب فيك.. نعرف الي انا ناقصة .. اما امان .. امان ماتخلينيش .. ماتسلمش فيااا ليث .. والله تو نحاول نبرا والله "
بعد يديه من عليااا وجبدني بالقوي عنقني و يعدي بيديه على ظهري يحكي
ليث :" علااه هكاا.. علااه شنعمل بش تصدق لي انا حبيتك.. ومانيش بش نخليك... يزيي خلي كلشي يجي في وقتو.. يكفي ماتعذب في روحك و تعذب فيا معاك "
كبست عليه بيديا الزوز نحكي
انا :" نعرف لي حبيتني ليث ..اما اننا مانحبش نكون انانية "
بعدني عليه و حط يديه على خدي يمسحلي في دموعي يحكي
ليث :" انت كيف تخمم هكاا وقتها تكون انانية.. احنا وعدنا بعضنا بش نتحملو كل شي مع بعضنا.. وعدنا بعضنا انو حد فينا ما يبعد على الاخر.. و لا يتخلى عليه .. اغلاط الماضي مستحيل نعاودوهم.. مالا كيفاه ترضى انك تبعد عليااا على حكاية كيف هاذي.. انت عندي بالدنيا و ما فيهاا.. وجودك انت ماليلي حياتي.. مانحب شي غيرك افهمم"
بقيت نغزرلو من غير حتى كلمة .. كان دموعي عمال يهبطو
انا :" ب باهي نوعدك مش بش نعمل هكا مرة اخرى.. انت سامحتني "
ليث :"سامحتك ...اهدا ويزي من لبكا تعرفني نفد من دموعك هاذم "
انا :" باهي"
حسيت روحي تهديت من لبكا قربت وتكيت على صدرو نحكي..
انا :"ليث تعبت .. تعبت عاللخر "
عدا بيدو على شعري يحكي
ليث :"برا ترقد.. اكيد بش تتعب بعد لبكا هاذا كل "
انا :" و.. وانت ؟؟"
تنهد بالقاوي وهزلي براسو باهي يحكي
ليث :" تو نجي"
حاولت نقوم اما حسيت روحي فشلت واطرافي رجفو.. كبشت فيه وين هو دور بيدو عليا يحكي
ليث :"ريت هاك جبتها في روحك "
قام من حذايا و حملني بين يديه يحكي
ليث :" ايجاا عندي.. تو بش تطلع و ترتااح و نحبك تنحي الافكار هاذم من مخك "
دورت بيديا عليه حشيت راسي في رقبتو وغمضت عينيا.. وصلنا للبيت دخلني و حطني عالفرش.. غطاني و قعد بجنبي يحكي
ليث :" حاول انك ترقد "
انا :"م .. ميسالش نرقد عندك "
تبسملي يحكي
ليث :" بالطبيعة "
ريتو كيف طلع بجنبي عالفرش.. جبدني ليه وحطلي راسي على صدرو يمسح عليا.. هزيت عينيا غزرتلو نحكي
انا :" ل.. ليث.. ميسالش غدوة ترجعني لطبيبتي اماان.. نحس فى روحي تاعبة "
كبس علياا و باسني من راسي يحكي
ليث :"اللطف عليك .. بالطبيعه نهزك وين ماتحب.. المهم انك تكون مرتاحة "
غمضت عينيا و بقيت نستحلى في يديه الي تتعدى على ظهري بكل حنية .. تصرفاتو هاذم حسيتهم زادو في عذابي .. قاعدين يحسسوني بعجزي .. قد ما مسخفتني روحي .. كان هو مسخفني اكثر .. تعبتو معايااا لدرجة صرت نحس بالذنب ناحيتو ..
رجعت حليت عينيا شوي على ضو الشمس لي ضرب فيا غزرتلو كيفاش كان راقد وكابس عليا.. في لحظة تذكرت كلشي صار لبارح وين حسيت روحي ندمت اكثر علي عملتو ..هزيت روحي وقمت بالشوي.. مشيت غسلت حالتي ونزلت حضرت لفطور.. شوي ولقيتو نزل هو زادة..منجمتش نهز عينيا معاه... غمضت عينيا على شفايفو لي تحطو فوق جبيني
ليث:"صباح الخير"
انا :" صباح الخير "
ليث :" امتا فقت "
انا:"من شوي"
غزر للطاولة وقعد يحكي
ليث:"يعطيك الصحة لفطور يشهي "
انا :"عيشك "
بقيت ناكل ساكتة حسيت روحي مش منجمة نحكي شي... غزرتلو كيف تكلم
ليث:"مزلت تحب نمشيو للطبيبة"
فركت يديا في بعضهم نحكي
قمر:"اي كان ميقلقكش"
ليث :"باهي مالا.. كمل فطورك وجهز روحك "
انا :" اي عيشك "
بقينا ناكلو ساكتين اول ما كملنا لميت طابلة و مشيت لبست وخرجت معاه.. طلعنا ف الكرهبة و شدينا الثنية لطبيبة.. طريق كامل عديتو نخمم ف اخر مرة زرت فيها الطبيبة.. وقتها مشى ف بالي خسرت ليث و حياتي تحددت بش تكمل ف جحيم يحيى.. اما تو كل شي تغير و ليث صار معاياا على هذاكاا انا مش نادمة على عملتو لبارح كيما مستعدة نعمل كل شي الا اني نرجع نخسرو.. فقت من سرحتي على الكرهبة كيف وقفت وصوت ليث يحكي
ليث :" اياا انزل "
هزيتلو براسي باهي و نزلنا مع بعضناا.. دخلنا للعيادة وين لقيت السكريتار مقابلتني قدمت ناحيتها حكيت معاها و تلفتت ليث يحكي
ليث :" برا ادخل.. هاني نستنى فيك "
هزيتلو براسي باهي وخذيت نفس طويييل ودخلت.. قدمت ناحية البيرو وين هي الطبيبة وقفت وقدمت ناحيتي.. تبسمتلي تحكي
الطبيبة :" اهلا قمر .. شحالك ؟"
انا :" الحمدالله دكتورة عيشك "
الطبيبة :" تفضل ارتاح "
هزيتلها براسي باهي و قعدت عالفوتاي.. هزيت راسي على صوتها تحكي
الطبيبة :" اي احكيلي وينك طول الفترة هاذي و شصار جديد "
حطيت شعري لتالي و تنفست شوي نحكي
انا :" هاني دكتورة.. حبيت نجيك عندي فترة اما صارو برشة ظروف خلاوني مانجمش "
الطبيبة :" ظروف شنوة ؟ و تو لباس ؟"
غمضت عينيا بالقوي و رجعت حليتهم نحكي
انا :" ايهم رجع ظهر قدامي من فترة.. من وراه شعرة لا وصلن للموت.. على شوي صدقت خبر موتو اما مارد راعني كان لقيتو قدامي و الي يقهر اني انا مشيتلو بساقياا المره هاذي.. للحظة خفت لا نرجع نعيش نفس الي عشتو قبل.. اما كالعادة لقيت ليث بجنبي و هو ساعدني ووقف معاياا كيف كل مرة "
الطبيبة :" و كيفاه علاقتك بليث تو ؟ مش اخر مرة قتلي عرس ؟؟"
انا :" مرتو الأولى ماتت.. حتى انو حكالي علاش عرس بيها و شنوة الي خلاه يعمل هكاكا فياا وقتهاا.. رغم غشي منو ووجيعتي لقيت روحي سامحتو خاطر بلحق مانجمش نعيش حياتي من غير ليث.. و زيد بعد كل شي عملو معاياا و مازال يعمل فيه كان لازمني نصدق كل حرف ينطقو.. خاطر بالنسبة لياا ليث هو اهم حقيقة ف حياتي.. معاه نجمت ننسى كل شي و نقدم خطوة اخرى معاه.. تو عندنا شهرين معرسين "
تبسمتلي تحكي
الطبيبة :" مبروك قمر.. والله فرحتلك.. هذا خبر كنت نستنى فيه منك و طمنت تو انك نجمت تتجازو كل شي و تقدم ف حياتك كيف ما حكينا قبل "
شبكت يديا في بعضهم و نزلت راسي نحكي
انا :" مانظنش دكتورة.. مانظنش اني نجمت نتجاوز كل شي "
الطبيبة :" علاش تقول هكا ؟ شصار ؟"
هزيت يدي ومسحت دمعتي الي نزلت وطلعت راسي غزرتلها نحكي
انا :" انا.. انا جيتك ليوم خاطرني حاسة روحي تاعبة.. جيت نحب نحكي حاجات مانجمش نحكيهم مع حد اخر "
هزتلي براسها أي تحكي
الطبيبة :" اي احكي نسمع فيك "
انا :" انا لغاية ليوم مانجمتش نخلي ليث يقربلي.. على قد ماحاولت نتغلب على خوفي اما مانجمتش نسمحلو.. حاجة اقوى مني "
الطبيبة :" احكيلي شنوة تحس لحظتهاا ؟ و من شنوة تخاف ؟"
انا :" ف اللحظة هذيكاا نحس اني بش نرجع لليلة هاكي ظن جديد.. نخاف لا نحس نفس لوجيعة مرة اخرى.. كل مانغمض عينيا لحظتهاا نراهم هوماا مقابليني.. نرجع نستحضر صوتهم و ريحتهم.. وين نلقى روحي نحس بدني يتشنج و نتخنق و دقات قلبي تتسارع فجأة "
الطبيبة :" قمر حالتك عادية.. هذا اسمو "génophobie".. يعني رهاب الجنس.. و الأمر هذا طبيعي بالنسبة لأي وحدة تعرضت لشي الي تعرضتلو انت "
انا :" اما.. اما انا مانحبش نبقى هكاا.. خايفة لا ليث يمل مني.. كل مرة نحكي مع روحي و نقول انا مليحة و ليوم بش نخليه يقربلي من غير لا نخاف و لا نبكي.. اما نلقى روحي رجعت بالتوالي "
الطبيبة :" بالعكس.. الي تخمم فيه صحيح.. خاطر علاج الحالة هاذي انك تسمحلو يقربلك.. اهم علاج تو يكون بالمحاولة السطحية "
عقدت بحواجبي نحكي
انا :" شمعناهاا ؟"
الطبيبة :" يعني لازمك تخليه يقربلك.. و كل مرة حاول انك تتفكر الي قدامك ليث.. راجلك الي يحبك و مستحيل كان يوجعك.. حاول ف اللحظة هذيكاا تخمم كان فيه هو و تنسى اي شي اخر"
انا :" مانعرفش.. انا خايفة لا لحكاية تطول و ليث يمل مني.. مانحبش نبقى هكاا.. كان ترا كيفاه كلهم يحكيو عالصغااار.. كيفاه ليث فرحان بولد خالتي الصغير.. هذا الكل حسيتو مأثر علياا "
الطبيبة :" ليث اكيد فاهم حالتك و مستحيل كان يمل منك و لا راهو مش معاك هناا تو.. هو لبرا مش هكا ؟"
هزيتلها براسي اي من غير حتى كلمة.. تبسمت ورجعت تحكي
الطبيبة :" ريت هو موسع بالو و عارف حالتك.. و اكيد بش يستناك حتى ترتاح.. و صدقني الأمر الكل ف يديك قمر.. انت تنجم ترتاح كيف تحب هذا يصير.. خمم ف مستقبلك مع ليث.. خمم انك بش تعيش معاه حاجات حلوين.. بش تجيب منو صغار.. علاش حاصرة روحك ف قوقعة الماضي.. كل شي وفى قمر.. تو خمم ف حاضرك و مستقبلك "
انا :" باهي تو نحاول.. اصلا هذا الي نتمناه انا نحب ننسى كل شي و نعيش مع ليث كل شي "
الطبيبة :" وهذا الي بش يصير.. انت اعمل كيف ما قتلك غير هكا بش نعطيك دواء مضاد للقلق بش يساعدك شوي.. و نحبك ترجعلي بعد فترة كيما المرة الجاية مذابياا نحكي مع ليث "
انا :" باهي انشالله "
قامت من بلاصتهاا و قدمت ناحية البيرو.. كتبتلي الدواء و خرجت.. ريتو كيف قام من بلاصتو اول ماشافني.. قدم ناحيتي ووقف قدامي يحكي
ليث :" كملت ؟"
انا :" اي "
ليث :" انت مليحة؟"
تبسمتلو بالسيف نحكي
انا :" اي ليث مليحة.. خلينا نمشيو "
هزلي براسو باهي و شدني من يدي وخرجناا.. حلي باب الكرهبة طلعت ودار من الناحية لاخرى طلع بجنبي.. تلفتت على صوتو يحكي
ليث :" اياا قلي وين تحب نمشيو ؟"
انا :" مانعرفش.. اختار انت "
ليث :" باهي.. تو ناخذك للشط.. نحبك تتفرهد و تنسى كل شي صار.. كيف نروحو نحكيو بخصوص طبيبتك "
تبسمتلو وهزيتلو براسي باهي من غير حتى كلمة.. خدم لكرهبة ومشينا للمطعم لي على الشط كلينا وبقينا نتمشاو غادي.. كان يحاول يخرجني من المود لي انا فيه بقينا كل مرة نحكيو في حاجة وفرد وقت بقيت مستحلية للنسمة متاع البحر وين حسيت روحي رتحت شوي رغم كلشي صار.. بقينا هكاك حتى غربت الشمس رجعنا للكرهبة و شدينا الثنية اول ما وصلنا قدام فارماسي نزل شرالي دوا وكمل ثنيتو للدار.. نزلنا ودخلنا مع بعض غزرتلو كيف جبد تلفونو كيف بدا ينوقز.. غزرلو وهز راسو معايا يحكي
ليث :" برا انت بدل دبشك انا نكلم الراجل ونجي " هزيتلو براسي باهي وطلعت للبيت.. دخلت خذيت دوشولبست روبة خفيفة ورجعت للبيت لقيتو يستنى فيا.. تبسملي يحكي
ليث :" صحة دوش"
انا :" عيشك "
ليث :"ارتاح انت..ندوش ونجيك "
انا :" باهي "
عدا يدو على شعري يحكي
ليث :" شيح شعرك.. بلا متمرض "
هزيتلو براسي باهي.. عطاني بظهرو ودخل للدوش.. بقيت نشيح في شعري و نخمم كيفاه بش نحكيلو كلام الطبيبة.. يعني رغم كل شي مازلت نحس ف الحشمة معاه من الموضوع هذاا.. فقت من سرحتي اول ما خرج من الدوش ومشا ترمى على سرير..اول ما كملت حطيت السشوار من يدي ومشيت لبلاصتي.. حل عينيه وتقعد تكا على سرير مدلي يدو يحكي
ليث :" ايجا عندي تراه "
تبسمت وقربت منو تكيت بظهري على صدرو وين هو دور بيديه عليا.. غمضت عينيا على نفسو السخون كيف قرب و باسني من رقبتي يحكي
ليث :" شبي حبي ؟"
انا :" شي يا روحي "
ليث :" لا فما.. هاك من صباح ساكتة بلعادة كل شوي تسال سؤال "
ضحكت على كلامو وغزرتلو نحكي
انا :" عادي والله "
ليث :" تقلقت كيف مشيت لطبيبة ؟"
انا :" لا بالعكس.. ارتحت كيف حكيت معاهاا.. يعني نجمت نقوللها كل حاجة مقلقتني "
ليث :" يا روحي و انت علاش مقلقة روحك "
انا :" مانعرفش ليث.. حسيت روحي محتاجة اني نحكي معاهاا.. يعني هي تعرف حالتي من اول مرة "
ليث :" باهي قلي شنوة قتلك ؟"
رجعت شعري لتالي و خذيت نفس حاولت نهدي بيه روحي شوي و نجمع كلماتي.. دورتلو وغزرتلو نحكي
انا :" قتلي.. قتلي الي انا فيه حاجة عادية بعد كل شي انا.. انا عشتو.. يعني مع الوقت تو نتحسن "
ليث :" ريت.. قتلك مفماش داعي تتقلق"
انا :" اي و وزادة"
ليث :" شنية احكي ؟"
عديت بلساني على شفايفي وفركت صوابعي نزلت راسي.. وخذيت نفس نحكي
انا :" قتلي اهم علاج هو اني ن.. خليك ت.. قربلي يعني.. يعني بالشوي بالشوي خوفي يتلاشى "
حط يديه على دقنونتي وهزلي راسي وغرلي يحكي
ليث :" اغزرلي تراه.. علاش منزلة راسك.. شبيك متوترة هكا ؟"
قمر :"انا..انا "
ليث :" يا روحي.. انت توا مرتي قتلك من قبل معادش تحشم مني"
انا :" منعرفش "
ليث :" مفما شي يخليك تحشم مني "
انا :" باهي و بالكشي تقلقت ؟؟"
ليث :" قمر قتلك من قبل انا منيش متقلق من لوضع هاذا.. ارتاح وفكر في روحك قبل بش تنجم تبرا متبقاش ضاغطة على روحك بالشكل هاذا.. واهيكا طبيبة طمنتك .. تو نحاولو كل مرة لين تصير مرتاحة ويتنحالك لخوف "
انا :" ب باهي..ليث يعني كان.. كان انت تقربلي و ويرجع يصير هكاك كل مرة ن.. نخاف انت تتقلق مني "
ليث:"منيش بش نتقلق قمر.. مدامني راجلك وكل واحد فينا يحب يكون مع الثاني لازمنا في زوز نحاولو على خاطر بعضنا.. منيش بش نحملك الشي هاذا وحدك بلوقت لي انا زادة نحب عليك.. انا زادة لازمني نعمل دوري ونخليك تطمن معايا "
هزيتلو براسي باهي وغزرتلو نحكي
انا :" ليث.. هي قاتلي نقصد طبيبة.. تحب تقابلك انت زادة.. اما اكيد كان انت تحب يعني مش بالسيف عليك تمشي .. "
رجع شدني من يدي و تبسملي يحكي
ليث :" اكيد .. تو نمشي معاك و نقابلهاا "
تبسمت براحة وحطيت يدي على خدو نحكي
انا :" عيشك ليث.. ربي يخليك ليا تو وين ارتحت "
هزلي يدي وباسني منها يحكي
ليث :" و يخليك لياا قمرتي..مفهمتش علاش مكبرة لموضوع "
هزيت راسي معاه نحكي
انا :""م.. منعرفش ليث خفت.. خفت لا ترفض تمشي معايا.. ي يعني بلاخير انت ماكش مريض.. وماكش مجبور تتحمل مرضي وتصير تتعالج معايا "
ليث :"شنية لكلام هاذا..انا منيش مجبور.. هذا واجبي .. يزي ما تحط بينا حواجز.. قتلك من قبل انا عيلتك وبش تلقاني معاك ديما انت جيست اوثق فيا "
انا :" اكيد واثقة فيك .. ونحبك برشا "
تبسم وبعدلي خصلة من شعري يحكي
ليث :" وانا نعشقك"
غمضت عينيا كيف قربلي عدا بيدو على خدي وحط شفافو على شفافي هزيت يدي وحطيتها على رقبتو وحاولت نتفاعل معاه.. حسيت روحي ارتحت بعد كلامنا كيما بش نحاول نتغلب على خوفي و انفذ كلام الطبيبة.. بش نخلي لحظتي مع ليث تصير و على قريب زادة.. خاطر بلحق نحب نعيش معاه كل شي
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
