#ليث_يحكي
خرجت من البيرو بعد ماكملت الخدمة الي كانت عندي.. طلعت ف الكرهبة وشديت ثنية الفيلا.. حبيت نرجع فيسع بش نطمن عليهاا صحيح وصيت رفيقة اما بالي بقى عندها نهار كامل.. رغم اني عارف بش نمشي من غير ما نشوفها خاطرها رافضتني.. نبقى نستناها لين تغفى بش ندخل نطل عليها شوي.. تو عندي اسبوعين لا حكيت معاها ولا سمعت صوتها.. بقيت حاير مش عارف شنعمل قدام حالتها هاذي ولا كيفاه نخليها ترجع كيف قبل.. فقت من سرحتي على صوت تاليفوني الي نوقز.. جبدتو وغزرت مستغرب الرقم الي مانعرفوش.. رديت عليه نحكي
انا :" وي ؟"
كبست بيديا عالفولون بالقوي من العصب الي حسيتو اول ماسمعت صوتها تحكي
فريحة :" ليث.. ليث اجريلي امان "
طلعت حاجبي وبفيت نستغرب علاش تطلب رجعت نحكي
انا :" *** شتحب انت ؟ مازال عندك وجه وتكلم فيا.. "
قصت عليا تحكي
فريحة :" ليث امان انا ماعندي حد غيرك.. امي.. امي تعبت ودايخة مش عارفة شنعمل وحدي "
نفخت بالقوي نحكي
انا :" كلم الإسعاف ف عوض ما مكلمتني انا "
فريحة :" كلمتهم قالو يوصلو بعد ساعة.. امان ليث ايجاني.. امان راني خايفة لا امي تموت امان "
عديت بيديا على وجهي نحكي
انا :" باهي مسافة الطريق ونكون حذاك "
علقت عليهاا ورميت التاليفون على جنب.. دورت الكرهبة وغيرت الثنية لدراهم.. للحظة بقيت نسأل ف روحي انا فاش نعمل كيفاه بش نمشيلها بعد كل شي.. اما لقيت امها ماتستاهلش هذا لكل.. هي محتاجتلي تو مانيش بش نخليها تموت ولا تتحاسب على عمايل بنتها.. كبست عالفيتاس نجري حبيت نوصللهاا فيسع بش نكمل معاهم ونروح.. مسافة الطريق ووصلت راكيت الكرهبة على جنب ونزلت فيسع.. عقدت بحواجبي مستغرب اول ماقدمت ولقيت الباب مفتوح شوي.. مديت يدي فتحتو ودخلت.. عديت بعينيا عالدار استغربت اكثر السكوت الي كان غير الظلام الي كان مالي دار يادوب ضو الردهة يشعل.. تلفتت فيسع على صوت الباب الي تسكر وراياا.. حليت عينيا على وسعهم اول ما ريتها قدامي.. بقيت مصدوم ومنجمتش نستوعب الي قاعد نشوف فيه.. ريتها كيف ضحكتلي وقدمت بخطواتها ناحيتي.. عديت بعينيا عليهاا مصدوم من جرئتها والي كانت عملتو ف روحها.. كانت لابسة لبس نوم مكشوف كان مغطي اللازم ف الازم.. فاردة شعرها ومكيجة وجهها.. رسيت على سنيا بالقوي وعليت ف صوتي شوي نحكي
انا :" ياخي انت ت**** ؟؟؟؟"
حليت عينيا مصدوم اول ماهدت علياا وحطت شفايفها فوق شفايفي تبوس فياا.. دورت بيداها وراء رقبتي كبست علياا اول ماحاولت نبعدهاا.. لحظتهاا حسيت بدني فور والدنيا ظلامت قدامي مانعرفش كيفاه دورت بيديا وراهاا وشديتهاا من شعرهاا بعدتها علياا ودزيتهاا من قدامي..و من غير لحظة تفكير وحدة هزيت يدي لفيتها بكف وين وخرت بخطواتها لتالي..
انا :"مرخصك"
ريتها كيف حطت يداها على خذهاا وهزت راسهاا معايا شهقت بالقوي وين دموعها نزلو.. عصابي فلتت مني كيف ريتها رجعت قربتلي وشدتني من الفاست متاعي... هزت راسها معاياا وغزرتلي ف عينياا تحكي
فريحة :" ليث علاش تعمل فياا هكاا.. ليث امان راني نحبك امان اعطيني فرصة وحدة امان "
فكيتلها يداها من فوقي وحليت عينيا فيهاا نحكي
انا :" *** عاملة هذا لكل بش تخليني نجيك.. زايد ****"
حطت يداها على خدي تحكي
فريحة ؛" ومستعدة نعمل اكثر من هكاا..مستعدة نعطيك كل شي المهم تكون معايااا "
كبست على يدها بلقوي وبعدتها نحكي
انا :" ماتتصورش قداه عايفك عاملة الفيلم هذا ولابسه لبس ****.. كان تبقى حياتك لكل مانغزرش لهاملة كيفك "
رسيت على سنيا بالقوي اول ماشدتني من يدي ووقفتني بعد ماتحركت بش نخرج..وقفت قدامي منعتني نتحرك وغزرتلي تحكي
فريحة :" علاش هذا لكل ؟ علاااش تحبها هي لدرجة هاذي "
هزيت بحاجبي نحكي
انا :" خاطرها مش **** كيفك "
تبسمت على جنب تحكي
فريحة :" مالا قتلي مش ****.. نسيت انو مسوها زوز قبلك ؟ كيفاه راضي تعيش مع وحدة من غير شرف "
حسيت عينيا ظلامت قدام كلامها الي كرزني.. مانعرفش كيفاه شديتها من شعرها بلقوي وحطيت عينيا في عينيها نحكي
انا:" علاش انت عندك شرف ؟؟ انطققق *** انت تعرف شمعناهاا شرف اصلا "
رخفت يديا من عليهاا وين هي شهقت بالقوي وردت النفس.. هزيتها وحطيتها بعينيا نحكي
انا :" واضح برشة.. كان مرتي لي صار كان غصب عليهاا.. انت الي يجيك ترمي روحك عليه بكيفك.. ولا نسيت عملتك مع خطيبك "
هزتلي براسها لا برشة مرات ورجعت قربتلي..شهقت بالقوي وين دموعها رجعو نزلو تحكي
فريحة :" ي..يعني انت على هذاا مانجمتش تحبني.. خ..خاطر ريان مسني "
حطت يداها على صدري ورجعت تحكي
فريحة:"ليث صدقني انا وقتها كنت صغيرة..ه..هو كذب عليا "
فكيتلهاا من يداها فوقي ووخرت بخطواتي لتالي عليت ف صوتي اكثر نحكي
انا :" تييي شمدخل *** انا فيك...حتى كااان مفمااااش ريان و مفمااااش قمرررر.. صدقننني لا نغزرلك بشطر عين "
بقات حالة عيناها فياا تغزرلي..شديتهاا من مرفقهاا دزيتها عالارض اول مارجعت قربتلي.. مانجمتش نزيد نتحمل صوتها وشوفتها اكثر من هكا... خليتهاا وراياا تبكي وخرجت نجري.. طلعت ف الكرهبة وبقيت نرد ف النفس وراء بعضو حاولت نهدي روحي شوي اما شي حاسس لعصب مازال راكبني من جرتها.. مديت يدي حليت التابلو وجبدت اللانجات.. خذيت كعبة مسحت فمي ورميتهاا على جنب.. خدمت الكرهبة وطرت عجاجة.. ضربت بيديا عالفولون من العصب الي حسيتو.. انا كيفاه صدقتها ومشيت بعد كل شي مش عارف.. للحظة هاذي مازلت مش مصدق ولا مستوعب جرئتها كيفاه عملت الفيلم هذا لكل بش تخليني نمشيلها..
بقيت نسوق نجري طاير من الغزول مافقتش بروحي كيفاه بقيت ندوبل بين لكراهب فقت من سرحتي على صوت تزمير الكرهبة الي خرجت قدامي على غفلة وقتها وين فقت اني ماريتش الإشارة الحمراء.. لحط
ظتها دورت الكرهبة فيسع وين ضربت كرهبت الراجل على جنب وخرجت عالطريق والعجلة مست ف الحصيدة.. وقفت الكرهبة بسرعة ونزلت بش نتفقد الراجل الي ف الكرهبة.. اول مانزلت تفقدت عجلة كرهبتي وين شفتهاا تفشت.. نفخت بالقوي وقدمت نجري لراجل وين شفتو كان مليح وقتها بش تنفست مرتاح..ريتو كيف هبط وغزر لكرهبتو الي كانت مضروبة غزرلي يحكي
هو :" علاش هكااا ؟؟ ياخي ماتغزرش لطريق "
عديت بيديا على وجهي كاتو ناقصو هو تو مش عارف الليلة هاذي كيفاه بش تكمل.. غزرتلو نحكي
انا:" تو نتكفل انا ونصلحهاا.. مافما حتى مشكل "
هو :" كيفاه مفما حتى مشكل ؟ شعرة لا رزيتني ف عمري... "
قصيت عليه وعليت ف صوتي شوي نحكي
انا :" ماااريييتكشش.. و زيد هااااك لباااس علييك فك عاااد "
نفخت بالقوي اول ماشفت كرهبة الشرطة الي كانت متعدية وقفت قدامنا.. شفتو كيف قرب فيسع للشرطي الي نزل وبقى يحكيلو ف الي صار.. رسيت على سنيا بالقوي اول ماريتو قدملي يحكي
الشرطي :" بش تتفضل معاياا للمركز "
هزيتلو براسي باهي نحكي
انا :" خليني نراكي كرهبتي ونجيب تاليفوني قبل "
هزلي براسو باهي من غير حتى كلمة..مشيت راكيت الكرهبة وخذيت تاليفوني وطلعت معاه ف كرهبة الشرطة.. بعثت ميساج لعمي بالوقت بش يخلط علياا.. نعرف انهاا حكاية مش كبيرة اما بلحق حسيت روحي غزلت هذا لكل من الق*** لخرى.. خلاتني على عصابي حتى وصلت لهناا.. اول ماوصلت للمركز ودخلت شفت عمي سبقني كان قاعد يستنى فياا.. دخلت وين ضابط الشرطة وكملت كل الإجراءات مزية لحكاية ماكنتش كبيرة و الرجل تفهم بش ماتكفلت بكل شي انا.. مانعرفش قداه تعدا وقت عليا حتى كملت لحظتها خرجت وقدمت لعمي نحكي
انا :" عيشك عمي خاطر جيت وسامحني قلقتك "
مصطفى:" مفما حتى قلق ولدي المهم انت لباس "
هزيتلو براسي اي نحكي
انا :" الحمدالله انا مليح "
مصطفى :" هاني كلمت واحد من رجالي بش يمشي يهز كرهبتك ويريقلها "
انا :" عيشك "
مصطفى :" هيا خلينا نمشيو.. كلمت رفيقة خليتها مفجوعة "
انا :" باهي "
خرجت معاه وطلعت ف الكرهبة بجنبو وشدينا ثنية الفيلا.. تكيت براسي لتالي وغمضت عينيا حسيت روحي بلحق تعبت وفرد وقت رجعت غزلت كيف تفكرت الملهط لخرى.. رجعت حليت عينيا على صوت الكرهبة الي وقفت.. نزلت فيسع ودخلت للدار مع عمي وين شفت رفيقة قدمت ناحيتنا تجري تحكي
رفيقة :" وينكم لتو؟ تحيرت عليكم.. ليث ولدي انت مليح مش هكا ؟"
قدمتلهاا شوي نحكي
انا :" مليح رفيقة ماتخافش "
رفيقة :" كيفاه صار لحادث فما حد متضرر "
غزرلها عمي يحكي
مصطفى:" رفيقة تو غدوة يحكيلك خلي الراجل يطلع يرتاح تاعب "
هزتلو براسها باهي وغزرتلي تحكي
رفيقة :" اي برا ارتاح ولدي "
انا :" باهي.. أيا تصبحو بخير "
عطيتهم بظهري وطلعت ف الدروج.. اول ماطلعت عديت بعينيا على باب غرفتها.. خفت كان ندخل نلقاها فايقة وتتقلق.. عديت بيديا على وجهي وتعديت طول لبيتي..حليت الباب ودخلت نحيت الفاست متاعي رميتها على جنب وقدمت للفرش.. قعدت عالحرف وشديت راسي بيديا الزوز من لوجيعة الي حسيتها..غمضت عينيا بالقوي وبقيت هكاكا مانجمتش نتحرك ولا نقوم..حسيت روحي بلحق تعبت وتهديت من الي صاير لكل.. غير لعصب الي بقى يخض فياا من جرت لخرى شعرة لا قت••لت شكون الليلة مزية تعدات لحكاية لباس.. فقت من سرحتي على صوتها هزيت روحي وبقيت نغزرلها واقفة قدامي مش مصدق.. للحظة حسيت روحي تفجعت وخفت لا تكون بيها حاجة..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
