#قمر_تحكي
ودعت عيلة عم محسن بعد ما السهرة وفات وغزرت لخالتي كيف كانت تلبس ف كرم.. قربت ناحيتها نحكي
انا :" خالتي خليكم الليلة هنا ؟ علاش ماشين للمزرعة ؟"
حملت كرم وغزرتلي نحكي
رفيقة :" راجلك تاعب ابقاو على راحتكم وزيد مصطفى بيدو يحبنا نمشيو غادي نعديو ايامات "
تنهدت بالشوي نحكي
انا :" اما الدار بش تفرغ "
ضحكت تحكي
رفيقة :" تو هذا كلام تقولو وراجلك مازال ك رجع.. احنا ماعنا ماننفعوك.. اطلع لراجلك "
قربت بستها من خدها نحكي
انا :" ك توصلو كلمني بش نطمن عليكم خالتي "
رفيقة :" باهي قميرة.. ايا خليني نخرج مصطفى من بكري يعمل ف الابال "
هزيتلها براسي باهي وقربت بست كرم.. خرجت معاها ووصلتهاا وين الباب..بقيت نغزرلهم حتى مشاو لحظتهاا دخلت وسكرت الباب.. هزيت راسي لفوق وتنهدت ك تفكرت حالتو.. رجعت شعري لتالي وطلعت للبيت.. حليت الباب وين شفتو واقف.. قربتلو نحكي
انا :" مش قلت تحب تاخو دوش "
هزلي براسو باهي منغير حتى كلمة وعطاني بظهرو ودخل لبيت لبيانو..تنهدت بالقوي كيف ريتو تاعب هكا وحالتو متعجبش..مشيت للدريسينغ وخذيت لفوطة..نحيت روبتي لفيت الفوطة علياا ومديت يدي هزيت شعري فوق..غزرت لروحي ف المراية وبلعت ريقي منعرفش علاش حسيت روحي توترت هكا.. يمكن خاطر عنا برشا بعاد على بعض..حليت لباب ودخلت وين ريتو متكي ف البانو ومغمض عيناه ومحسش عليا..البخار لي كان طالع من لماء خلاني نستغرب خاطر بلعادة ميحبش يدوش بالسخون لحظتهاا عرفتو تاعب بلحق.. دقات قلبي قوات وقت حل عيناه وغزرلي درا كيفاه..خذيت نفس و قربت منو وين بقى يتبع فيا بعينيه..قعدت على حرف البانو حذاه وعديت يديا على كتافو وين حسيت بالكورون تعدا فبدني..ريتو كيف غزرلي بش يحكي اما منعتو ك حطيت يدي على خدو نحكي
انا :" ارتاح كهو "
هزلي براسو باهي وغمض عينيه وقت هزيت الليفة وبقيت نفرك في ظهور.. حسيت روحي تقهرت عليه اكثر وانا شايفتو تاعب للهادرجة..حتى بدونو ضعف برشا..شهقت بالشوي اول ماعديت بيديا على رقبتو وين هو جبدني من وسطي وقعدني في حجرو وساقيا بقاو على برا.. حط عينيه فعينيا وبقا يغزرلي وين حسيت بروحي تربثت من غزرتو اول ما حليت شفايفي بش نحكي سكتتني شفايفو الي غطسو فيهم.. لحظتها مديت يدي ودورتها على رقبتو وجبدتو عندي اكثر..كرشي وجعتني من قوة الأحساس لي نسيتو لفترة هاذي لكل..لزني ليه اكثر وبقا يبوس فيا مديت يدي وحاولت نستوي روحي هزني وحطني بين ساقيه وبقى يبوس فيا بقوة..بعد عليا ينهج كان وقت تقطع النفس علينا..حط راسو على راسي وغزرلي ف عينيا يحكي
ليث :" توحشتك "
مديت يدي بالسيف وعديتها على خدو نحكي
انا :" وانا توحشتك..لمرة هاذي توحشتك اكثر من كل مرة غبت فيها عليا...لمرة هاذي مش كيف لي قبلها.. قبل كنت نحبك من بعيد...اما حبي ليك وانت راجلي خلاني نتعلق بكل شي يخصك..توحشت ريحتك..دفا حضنك وقت نرقد عندك... تفاصيل وجهك لي يقابلوني اول مانحل عينيا..صوت خطواتك فالدار..تاليفوني لي ينوقز باسمك..كلامك معايا...حتى عركنا..لمرة هاذي حسيت بالفقد..بلحق ليث لمرا وقت تخسر راجلها لي شاركتو كل شي تحس روحها ماتت بالحياة "
غمضت عينيا كيف طابس وباسني من كتفي يحكي
ليث :"وانا توحشت كل شي يخصك..صدقني مفماش حاجة قهرتني غير اني بعدت عليك وخليتك ورايا..يمكن كان تحبست قبل ما نعرس ماكانش بش يهمني...اما من يوم حبيتك كل حاجة تبدلت..وخليتني نحب نعيش "
عديت بعينيا عليه نحكي
انا :" ك هكا شبيك..كانك مش فرحان بخروجك ليث "
تنهد بالشوي وجبدني لحضنو يحكي
ليث :" تاعب قمرتي..تاعب من لي صار معايا لكل "
عديت بكف صوابعي على خدو نحكي
انا :" احكيلي ليث..نحب نحفف عليك "
تبسم وعدا بيدو على خصلات شعري يحكي
ليث :" حاشم من روحي ومنكم...من وراء عنادي قريب دمرت حياتي وحياتك...خليتك من ورايا توصل للحبس والمراكز ف العمر هذا..ف بالك ساهلة عليا نراك بين لمجرمة.. ساهلة عليا نشوف كيفاه خليتك واحلة وحدك مش عارفة شتعمل..خلي عاد ك عرفت لي ميتسماش جاك وانت قبلت تقابلو على خاطري..تنجم تقول الفازة هاذي قتل/تني..نعرف انت شنوة عانيت..نعرف لي كان مجيتش انا سبب مستحيل تقبل حتى تسمع سيرتو..انت/حارو قدامكم خلاني نخمم كان رجع صار شي ليك وللصغير...وقتها ماكنتش بش نسامح روحي.. وخاصة بعد ما طلعت هي زادة ورا خسارتك الصغير الاول "
هزيتلو براسي لا نحكي
انا :" اما هذا مش ذنبك ليث "
ليث :" لمرة هاذي غلطتي قمر..كان سمعتلك مرة وحدة منوصلش روحي ونوصلك معايا للمواصل هاذم..قد ما نطلب منك سماح نحسو قليل "
قربت بستو من جنب شفايفو وغزرتلو ف عينيه نحكي
انا :" صدقني ليث انا مانيش متغشة ولا تاعبة من لي صار كيف ما تحكي...انا بعدك عليا لي تعبني..من غير هذا كل شي يهون..لمهم عندي انت رجعتلي..يزي ماتلوم فروحك "
دور بيديه علياا وعدا بصوابعو على ظهري يحكي
ليث :" مانعرفش قمر..شوف حتى عمي مهما عملت من قبل عمرو لا وصل يمشي للحبس وتو وهو ف العمر هذا خليتو يدخلو.. هو رباني ومقامو كيف بابا حاشم منو..حتى دارو خسرها من ورايا..كيفاش تحبني نفرح وانا نشوف ف شنوة انا عملت وخليت ورايا "
انا :" اما عمي يعرف انك برئ ومصدقك من اول يوم..هو قالي يعرف ولدو وماهوش متاع الشي هذاا.. وماهموش الدار هو فرح برجوعك ليث..يزي والله متحملش روحك ذنب هذا..هذا اختبار لينا ولصبرنا والحمدالله وفى وكل شي بش يرجع احسن من قبل "
غمضت عينيا كيف قرب باسني من راسي يحكي
ليث :" ربي يخليك ليا...مانعرفش كان مجيتش انت ف حياتي كيفاش بش نتعدا هاذا لكل "
تبسمت وعديت بيدي على خدو نحكي
انا :" وانا منجمش نتخيل حياتي من غيرك والله "
حسيت بدني رعش كيف عدا بيدو على جنبي ولزني ليه اكثر.. قرب ليا اكثر وباسني بوسة خفيفة يحكي
ايث :"توحشتك "
دقات قلبي قوات قدام غزرتو.. لحظتهاا عديت بيديا على صدرو ومديت يدي لخرى وراء رقبتو جبدتو ليا بستو نحكي
انا :" وانا اكثر ليث..توحشتك..توحشت قربك مني.. وكل لحظة معاك... "
سكت اول ما رجع باسني بالقوي..لحظتهاا غمضت عينيا وبقيت متفاعلة معاه..كبست عليه اول ماوقف وهزني ف حضنو وباقي شفافي معنقين شفافو.. كرشي دغدتني اول ماحل الماء فوقنا من وراء الاحساس الي تملكني تو..دفا حضنو وملمس شفافو والماء لي هابط علينا خلاوني نلزو ليا اكثر..لحظتهاا تحرك من تحت الماء وقدم ناحية البيت.. حطني عالفرش وطبس عليا..بعد عليا كان وقت تقطع علينا النفس..بقا ينهج ويغزرلي فعينيا وين حسيت بحرارة النفس متاعو مستني...استويت روحي وقت حسيت بيه طلع بجنبي..تبسمت كيف عدا بيدو على خصلات شعري لي بقاو لاسقين على رقبتي.. باسني منهم ورجع غرق فبدني..وين لقيت متفاعلة معاه.. الاحساس لي عشتو ليلة خلاني نرجع لاحساس اول ليلة مسني فيها..بعدو عليا خلاني ننسى الشعور لي نحسو وانا بين يديه...وليلة وين رجعت عشتو وتمتعت بكل لمسة منو كاني مش مصدقة لي انا بين يديه من جديد...
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
