#قمر_تحكي
نهارين تعداو بعد لي صار من جرة مهدي لتو نحس في روحي متوترة خاصة بعد ما عرفت من عم مصطفى لي ليث مشا لمدير لجامعة واكد عليه انو كان ميتطردش بش يرجع يرفع عليهم شكوى.. وين حسيت بخوف من غش ليث لي ماحبش يخمد لتو.. مانيش عارفة شباش يصير اكثر بعد الخطوة هاذي.. حسيت روحي بلحق تعبت من مهدي ومعادش نحب نشوفو جملة..كملت غسلت شعري من الرغوة وخرجت.. لبست لكاب دوبان ووقفت قدام لمرايا نسرح فشعري.. عديت بعينيا على وجهي وتبسمت ك تفكرت انو ليوم عندنا موعد مع الطبيبة بش نعرفو جنس البيبي..حطيت المشط من يدي وطبست راسي نغزر لكرشي.. دقات قلبي قوات اول ماعديت بيديا علاهاا وين حسيت بفرحة غمرتني مخلطة بتوتر.. عندي قداه نستنى ف اللحظة هاذي لي بش نعرف فيهاا جنس الصغير.. النهار هذا عندي قداه نحلم بيه.. ومانيش مصدقة انو تحقق اخيرا..رجعت للبيت وقريت لدريسينغ جبدت حوايجي وقربت للفرش نبدل فيهم.. خرجت شعري لبرا وحطيت الفاست لي بش نهزها معايا على جنب.. خذيت نفس طويل ومشيت تفقدت تاليفوني بش نشوف ليث قريب يجي ولامازال.. عوجت شفايفي وقت لقيت ميساج من عندو خبرني فيه انو نص نهار يكون هناا وين حسيت روحي تقلقت..نعرف انو ليوم اول نهار خدمة ليه مع عمي اما حبيت نمشي بكري للطبيبة خاطرني معادش أنجم نستنى.. اصلا حاسة الخدمة هاذي بش تاخذو مني.. للحظة خممت نخرج نوقف تاكسي ونسبقو اما مانيش بش نتحرك لحتى بلاصة خاطرني مانحبش لي صار معايا اول مرة يتعاود من الاحسن..خذيت نفس طويل وقمت هزيت ساكي والفاست متاعي وهبطت للصالة.. حطيت كل شي على جنب وقعدت عالفوتاي.. خذيت الكوموند وخدمت التلفزة قدامي نتفرج.. مانعرفش قداه تعدا وقت حتى سمعت حس الكرهبة لي زمرت لحظتهاا تبسمت وقمت فيسع. لبست لفاست وهزيت ساكي وخرجت نجري.. سكرت لباب وقدمت بخطواتي ناحية كرهبتو وين شفتو كيفاه يتبع فيا بعينيه.. طلعت بجنبو وقربتلو طول بستو من خدو نحكي
انا :" وينك ياروحي "
عدا بعينيه عليا ومسح على شعري يحكي
ليث :" هاني حبي جيت ف الوقت.. ماحبيتش نتأخر عليك أكثر من هكاا "
تبسمت نحكي
انا :" خير خاطرني بلحق معادش أنجم نصبر..حاسة روحي متحمسة علخر ليث "
ضحك وشدني من يدي.. باسني منهاا يحكي
ليث :" والله كان تشوف انا.. نحب نوصل فيسع لطبيبة "
ضحكت وريتو ك خدم الكرهبة.. قلبي ضرب بقوة اول ماشديناا الثنية.. للحظة حسيت كاني فرحت الدنياا لكل تحطت ف قلبي كيما حسيت روحي توترت اكثر.. مشاعر مخلطة سيطرت علياا ف اللحظة هاذي اما مشاعر محلاهم..حطيت يدي على يدو لي كانت فوق الفولولن نحكي
انا :" هاذي اول مرة بش تشوفو فيها ليث "
هزلي براسو اي وتبسم يحكي
ليث :" الحمد الله اني نجمت نعيش اللحظة هاذي بعدما فكرت بش نتحرم مننها "
تنهدت بالشوي وتبسمت حكي
انا :" الحمدالله ياربي "
تكيت بظهري لتالي وحطيت يدي على كرشي.. بقيت نغزر لطريق نستنى وقتاه نوصل.. بدني رعش اول ما الكرهبة وقفت قدام العيادة.. عضيت على شفايفي وتلفتت على صوتو يحكي
ليث :" حاضرة قمرتي "
هزيتلو براسي اي نحكي
انا :" اي حاضرة "
اشرلي بعينيه يحكي
ليث :" هياا اهبط مالا ومانحبكش تتوتر.. انت وولدي بخير "
تبسمت نحكي
انا :" انشالله ياروحي "
كبست على ساكي ونزلت.. ريتو ك نزل بعدي ولف ناحيتي.. كبست على يديه لي شدتني وقدمت معاه للعيادة.. دقات قلبي قوات لدرجة اني سمعتهم اول مادخلت وشفت النساء لي كانو قاعدين.. قدمت معاه للسكريتار لي فكرتها ف الموعد متاعي وين عرفت انو قبل وحدة كهو.. خذيت نفس طويل وقعدت عالكرسي بجنب ليث.. كبست على يديه وعديت بعينيا عالنساء لي كانو قدامي ولي كانت كرشهم اكبر من كرشي.. عضيت على شفايفي وقت تخيلت روحي انا هكاا زادة للحظة تمنيت كان الايامات تجري اكثر بش نعيش هذا لكل.. تبسمت وقت ريتو هز المجلة من فوق الطاولة لي كانت كلهاا تصاور بيبيات.. قربتلو شوي وعديت بعينيا عالتصاور نحكي
انا :" محلاهم ليث الصغار.. شوف مصغرهاا هاذي امان قد الطرف "
عدا بعينيه عليا وتبسم يحكي
ليث :" زعمة بش تنجم روحك نهار آخر وتشد بنتي وهي صغيرة هكاا "
قحرتلو نحكي
انا :" بالطبيعة أنجم ليث..ياخي نسيت انا ربيت كرم "
هز بحاجبو ورجع غزر للمجلة يحكي
ليث :" تو نشوفو "
تبسمت وبقيت نعدي ف عينيا عالتصاور معاه..ومع كل تصويرة دقات قلبي تقوا وانا نتخيل ف صغيري هكاا قدامي نتحسس ف ملمس يديه ونستحلى ف ريحتو.. هزيت راسي على صوت السكريتار لي نادتلي.. بلعت ريقي بالسيف وشديت ف يد ليث بش نطمن بوجودو معايا.. تبسمت اول مادخلت للبيرو وين قابلتني طبيبتي.. قربتلهاا وسلمت علاهاا نحكي
انا :" عسلامة دكتورة "
عدات بعيناها علياا وغزرتلي تحكي
الطبيبة :' عسلاممة مدام قمر.. عسلامة مسيو "
غزرتلو ك قعد مقابلني وهزلها براسو اي.. غزرتلي تحكي
الطبيبة :" شحالك قمر.. حاضرة ليوم بش تعرف جنس البيبي "
هزيتلها براسي اي نحكي
انا :" اي حاضرة "
قامت من بلاصتها واشرتلي بيداها تحكي
الطبيبة :" باهي تفضل معايا "
حطيت ساكي فوق الطاولة وقمت.. قدمت معاهاا وين الايكو وطلعت عالفرش.. تبسمت وقت ريتو وقف بجنبي وقربلي يعاون فياا بش نهز مريولي.. طلعتو شوي وتكيت.. ضميت على شفايفي وقت ريت الطبيبة قعدت بجنبي وحطت السائل على كرشي.. كبست على يد ليث اول ماحسيتهاا حركت الايكو على كرشي وفرد وقت عينيا عالشاشة نتبع فيهاا.. رغم اني مازلت مش فاهمة الصورة لي قدامي اما احساس محلاه غمرني ف اللحظة هاذي.. مانيش مصدقة اني نشوف ف صغيري.. سوى طفل ولا طفلة انا حاسة بمحبة كبيرة تزعرت داخلي ليه.. الصغير هذاا هو احلى هدية من الدنيا ومن ليث.. هذا تعويض بعد وجيعتي وصبري.. الصغير هذا دواياا انا وليث حاضرناا ومستقبلناا.. الرابط لي بش يقوي حبنا لبعضنا اكثر..
تبسمت وقت تلفتت وريت ليث مركز ف الشاشة والتبسيمة مرسومة على شفايفو لحظتهاا حمدت ربي ف قلبي انو ليث معاياا وعايش اللحظة هاذي خاطرو هو يستحق.. بعد كل شي صار فيه هذا أقل شي ينجم يعوض ليث على تعبو..ضغطت على يديه اكثر وقت تلفت ريت الطبيبة تعدي ف عيناها عالشاشة بكل تركيز وين حسيت بخوف.. عديت بعينيا عليها نحكي
انا :" دكتورة صغيري لباس ؟"
ضحكت وغزرتلي تحكي
الطبيبة :" لباس غير كان متخبي عليناا شوي وهاني لقيتو توو"
عضيت على شفايفي نحكي
انا :" يعني ظهر "
هزيتلي براسهاا اي وغزرتلي.. ضحكت تحكي
الطبيبة:" قصدك ظهرت.. عندك بنوتة قمر مبروك"
عديت بعينيا عليها من غير حتى كلمة كان دمعتي نزلت عالكلمة لي حسيتها رشقت ف قلبي وحياتو من جديد.. هزيت يدي وحطيتهاا فوق فمي وقت رجعت غزرت للشاشة.. للحظة حسيت كلامي لكل هرب مني كان دموعي بقاو نازلين يعبرو على فرحتي.. غمضت عينيا بالقوي على شفايف ليث لي تحطت فوق جبيني.. رجعت حليتهم وغزرتلو نحكي
انا :" ليث عناا بنوتة "
هزلي براسو اي وضحك.. مسحلي دمعتي يحكي
ليث :" كنت عارف انو بش تجيناا احلى بنوتة.. مبروك قمرتي "
انا :" مبروك عليناا ياروحي "
تلفتت على صوت الطبيبة وين شفتها ك تعدي فعيناها عليناا.. تبسمت تحكي
الطبيبة :" شرايك تسمعوا دقات قلبهاا زادة "
حليت عينيا على وسعهم نحكي
اناا :" بلحق ؟؟ انجموو نسمعوهاا '
هزتلي براسها باهي ورجعت حركت الايكو على كرشي.. حطيت يدي فوق قلبي اول ماسمعت صوت دقات قلبها لقوية وين دموعي نزلو اكثر..للحظة حسيت كاني الدنيا لكل سكتت وكان نبضات قلبهاا بقات تضرب ف قلبي قبل وذنياا.. غمضت عينيا بالقوي وبقيت نستحلى ف الصوت متمنية ماياقفش.. مانيش مصدقة انو هاذم دقات بنتي اناا داخلي.. حليت على يدين يث لي حاوطتلي يدي وين شفتو كيفاه يتبسم وعينيه مدمعين من الفرحة.. تبسمت نحكي
انا :" ليث قاعد تسمع.. هاذم دقات قلب بنتناا "
هزلي براسو اي وضحك يحكي
ليث :" احلى حاجة سمعتها ف حياتي "
ضحكت مع دموعي لي رجعو نزلو.. غزرت لطبيبة تحكي
الطبيبة :" مشالله البنوتة صحتهاا مليحة.. كل شي طبيعي "
مسحت دموعي نحكي
انا :" الف حمد وشكر ليك يارب "
عوجت شفايفي وقت ريتها قصت الصوت لي حسيت روحي فقدتو فيسع وماحبيتهاش تقص عليه جملا.. عطاتني المنديل تحكي
الطبيبة :" هياا ايجا معايا بش نعطيك شوي فيتامينات ونحكيو شوي "
هزيتلها براسي باهي وهزيت روحي وقت ليث عاوني بعد ما الطبيبة خرجت..خذا المنديل من يدي يحكي
ليث :" هات عليك "
تبسمت وقت ريتو طبس شوي وبقى يمسحلي ف كرشي.. عديت بعينيا عليه وحطيت يدي على خدو نحكي
انا :" ليث انا فرحانة "
غمضت عينيا بالقوي وقت قربلي وباسني من جبيني بالقوي يحكي
ليث :" مش اكثر مني قمرتي.. انت عطيتي الدنياا ومافيها تو "
عديت بعينيا عليه وغزرت ف عينيه نحكي
انا :" بلحق ليث انت فرحان "
بدني رعش وقت باسني من جنب شفايفي يحكي
ليث :" كلمة فرحان شوي على لي نحس فيه "
تبسمت وغزرتلو ك هطبلي المريول.. شدني من يدي يحكي
ليث :" سايس روحك "
هزيتلو براسي باهي وهبطت بالسياسة.. استويت حوايجي ورجعنا وين الطبيبة.. غزرتلي وقت رجعت قدامها تحكي
الطبيبة:" كيما قتلك مدام قمر صحة البنوتة مليحة.. وبش تبقى مليحة هكا حتى تولد لازمك تحافظ على ماكلتك والغش لاا مانوصيكش.. وهاني كتبتلك شوي فيتامينات نحبك تواضب علاهم "
خذيت الورقة من يداها نحكي
انا :" انشالله دكتورة "
قلبي ضرب بقوة وقت ريتهاا عطاتني تصويرة الايكو زادة تحكي
الطبيبة:' وهاذي تصويرة البنوتة '
خذيتهاا من يداها بالوقت وعديت بعينيا عليهاا.. تبسمت وغزرت ليث لي كان يتبع فياا بعينيه.. عطيتهالو نحكي
انا :" ليث شوف "
خذاها من يدي وضحك وهو يغزرلهاا.. تلفتت على صوت الطبيبة.. وين شفتها ك عدات بعيناها علينا تحكي
الطبيبة :" موعدنا آخر الشهر الجاي.. خلينا مواضبين حتى نهار لولادة "
تبسمت نحكي
انا :" اي اي اكيد "
قمت من بلاصتي وسلمت علاهاا.. خذيت ساكي وخرجت مع ليث وانا طايرة من الفرحة.. شديتو من يديه وخرجنا لبرا.. خذيت نفس طويل من النسمة لي دغدتني وكبست على يديه بش نخفف ف رعشة بدني لي بقات مسيطرة علياا.. تلفتت على صوتو يحكي
ليث :" اهدا..شبيك ترعش "
ضحكت نحكي
انا:" فرحانة ليث فرحانة علخر بش نطير بالفرحة "
ضحك ووقف قدامي..عدا بيديه على خدي يحكي
ليث :" وانا فرحان هذا من احلى الايامات لي عديتهم معاك قمرتي "
انا :" ليث اعطيني تصويرة بنتي "
ضحك وعطاهالي يحكي
ليث :" شوفهاا ورجعهالي "
هزيت بكتفي وطبست راسي نغزر للتصويرة وين لقيت روحي نتخيل ف شكلها قدامي..عديت بعينيا عليها من غير حتى كلمة حسيت روحي بلحق ضيعت كلامي كان ضحكتي بقات على وجهي..تبسمت وقت قدمت معاه للكرهبة وريتو ك حلي الباب يحكي
ليث :" تفضل ياروحي "
طلعت نحكي
انا :" عيش روحي "
سكر الباب ولف ناحيتي.. طلع ودارلي بكلو يحكي
ليث :" وين تحب مرتي نهزها تو"
عديت بعينيا عليه ضحكت نحكي
انا :" يعني انت مش بش ترجع للخدمة ؟"
خذيت نفس من ريحتو لي حاوطتني اول ماقربلي.. عدا بعينيه علياا وحط يديه على خدي.. بدني رعش على صوابعو لي تعدات بين خصلات شعري خدي يحكي
ليث :" لا ليوم بش نعدي النهار مع مرتي واميرتي "
ضحكت نحكي
انا :" بالله سي ليث من تو تناديلها اميرتي "
قرصني من خدي يحكي
ليث :" يزي من لغيرة وقلي وين تحب نمشيو !"
شديتو من يدو نحكي
انا :"ليث ميسالش نمشيو نشريو لبس الصغار كنت نستنا فنهار هذا بش نعرف جنس لبيبي بش نجم نشري أمان ليث نحب نشري لبستهم الصغرونة منيش منجمة نصبر "
تبسم و غزر قدامو.. خدم الكرهبة يحكي
ليث.:" اي خلينا نمشيو نشريو..هاك حمستني معاك.. خليني نشري لبنتي كلشي من تو "
ضحكت نحكي
انا:"هأه مش كل شي.. ليوم نشريو كم قطعة كهو نحب نروح ونختار فلباجات وبعد كيف تقرب ولادتي نشريو كلشي ناقص"
هزلي براسو باهي وضحك يحكي
ليث :"باهي للا.انت امر وانا نفذ "
تكيت براسي على زندو نحكي
انا :"ربي يخليك ليا ولبنتك يا احلى بابا ف الدنياا "
ليث :"ويخليكم ليا "
بقيت متكية عندو نغزر للتصويرة لي كانت ف يدي.. ضحكت نحكي
انا :" حاستهاا بش تكون تشبهلك "
غزر لتصويرة وضحك.. رجع غزر قدامو يحكي
ليث :" بنت بوهاا اكيد بش تشبهلي "
هزيت روحي شوي وقحرتلو نحكي
انا :" هي بش تشبهلك خاطر انا توحمت عليك راو.. بقيت نغزر لتصويرتك برشة اما هي بش تكون بنت امها "
دور بيديه علياا وجبدني عندو يحكي
ليث :" هي بنتك وانت بنتي اناا يامغيارة "
تبسمت ورجعت غزرت للتصويرة نحكي
انا :" فرحت ك الطبيبة قالت صحتها لباس.. خفت كان نسمع حاجة اخرى... "
قص علياا يحكي
ليث :" قمرتي اميرتناا لباس وبش تبقى لباس.. مدامني انا عايش مش بش يصيرلكم شي "
هزيتلو براسي باهي ورجعت غزرت قدامي نستنا وقتاه نوصل للبوتيك..وين لقيت روحي نتخيل شنوة بش نشري..مسافة الطريق ووصلناا.. لحظتهاا هزيت ساكي وهبطت نجري بش ندخل نشوف.. نفخت بالشوي وقت تلفت وريتو واقف يلبس ف الفاست متاعو ف عقلو..نحكي
انا :" اففف هيا ليث "
ليث :" هاني جيت.... "
قصيت عليه وقت قربتلو وشديتو من يدو..جبدتو معايا.. ريتو ك ضحك وعدا بيدو على شعرو يحكي
ليث :" ربي يصبرني على ما جايني "
عوجت شفايفي نحكي
انا :" هيا برك "
سيبتو من يديه اول مادخلناا للبوتيك لي حسيت روحي ضعت فيهاا.. بقيت واقفة فبلاصتي ندور بعينيا على اللبسة وين حسيت قلبي بش يخرج من بلاصتو ودموعي بش يهبطو وانا نشوف ف اللبسة الصغرونة.. قدمت بالشوي ناحية لبس لبنات لي كان كلو وردي وبقيت نتفرج وانا طايرة بلفرحة.. للحظة تمنيت كان نروح ببوتيك كاملة تالمون كل شي كان محلاه.. كنت نغزر لحاجة ننسى لي قبلهاا.. ضحكت من غير مانشعر وقت تخيلت روحي نلبس فيهاا ونزينلهاا اكيد بش تكون محلاهاا.. حطيت يدي على كرشي وغزرت لليث لي كان واقف بجنبي يتفرج ف الالعاب.. قلبت شفايفي وقت قربت للصبابط الصغااار قد طرف للحظة هاذي مانيش مصدقة انو بش تجيني بنوتة واني قاعدة ندور ف المحل تو نختارلهاا..فقت من سرحتي على يدي ليث لي جبدتني قدام روب صغار..
اشرلي يحكي
ليث :" شوف محلاهم "
ضحكت وهزيتلو براسي لا نحكي
انا :" مش هاذم ياروحي هاذوما متاع كبار "
جبدتو من يدو ووقفنا قدام لبس الصغار.. هزيت روبة صغرونة نحكي
انا :" بش ناخذو كيف هاذم "
خذاها من يدي وغزرلي درا كيفاه يحكي
ليث :" ياخي بش تكون قد هكا هي "
ضحكت نحكي
انا "' اي ليث ياخي ما شفتهمش بكري ف المجلة "
ليث :" لا شفت اما مانعرفش كانو صغيرة برشة لبسة هاذي "
قربتلو شوي ووقفت قدامو.. عديت بعينيا عليه نحكي
انا :" شوف هاذم بش يكونو للاول شهر.. وقت نولد بش تكون صغرووونة عاللخر..وممكن أصغر من الروبة هاذي زادة "
عدا بعينيه عليا يحكي
ليث :" أصغر من الروبة ؟"
هزيتلو براسي اي نحكي
انا :" اي اي.. ساعة شوف هذاا "
قربت وين الصباط الصغرون وجبدتو.. قربت لليث وحطيتو ف يديه نحكي
انا :" وهذا حجم ساقيهاا.. شوف محلاه ليث "
ريتو ك غزر للصباح وضحك يحكي
ليث :" يدي اكبر من الصباط قمر "
شديت ضحكتي بالسيف نحكي
انا :" هههه اي ريت.. اما هذا اول شهر برك البيبيات يكبروا فيسع.. انا عرفت هذا ف كرم "
ليث :" كرم طفل اكيد بش يكبر فيسع انا بنتي بش تبقى صغيرة "
انا :" هههه مفماش فرق انا قريت وشفت "
ليث :" باهي مالا ك نجيو نشريو خلينا ناخذو المقاسات لكل.. مانحب شي ينقص بنتي "
عديت بعينيا عليه نحكي
انا :" ربي يخليك ليهاا.. "
مسح على شعري يحكي
ليث :" ويخليك انت ليناا "
عضيت على شفايفي نحكي
انا :" خلينا ناخذو هاذم ليوم..اول روبة وصباط للاميرتنا "
تبسمت وقت ريتو قرب وخذا روبة اخرى.. رجع قدامي يحكي
ليث :" خلاهم زوز روب "
خذيتها من يديه وعديت بعينيا عليها نحكي
انا :" مالا نزيدو صباط اخر "
ضحك يحكي
ليث :" نزيدو مش خسارة ف بنتي "
تبسمت وبقيت ندور معاه ف المحل على اساس بش نتفرجو لقيتو اختار اكثر من عشرة روب وانا مع كل روبة نحط صباط وتوكة شعر.. ومع كل روبة نشوفو كيفاه يضحك كانو طفل صغير فرحان وين نحس بفرحتي تكبر اكثر خاطر ليث بو بنتي ولي هي محظوظة خاطر عندها بو كيفو.. ليث راجل وبو مستحيل كان يتكرر هو خلا فرحتي ليوم تتضعاف.. اصلا يكفي اني حاملة بنوتة من صلبو داخلي..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
