#ليث_يحكي
دخلت مع الطبيبة وسكرت الباب وراياا.. قدمت حذاها للفوتاي وقعدت قدامها.. عديت بعينيا عليهاا نحكي
انا :" فما حاجة دكتورة ؟ قمر لباس ؟"
هزتلي براسها أي تحكي
قمر :" اي لباس ماتخافش.. مدامها تقبلت فكرة العلاج هاذي خطوة مليحة منهاا.. اما مانكذبش عليك هي وحدها مش بش تنجم ترتاح لازم تلقى الدعم منكم لكل"
تنهدت بالشوي نحكي
انا:" انا ديما معاها دكتورة... كان فما حاجة اخرى تطلب اني نعلمها قلي "
الدكتورة :" بصراحة اي.. انا مذابياا كان قمر تبعد من هناا شوي.. يعني لازمها تغير الجو بش تحاول تنسى.. لازمها تتشغل ف حاجات اخرى وتملي حياتها هكاكا ماتفكرش ف الي صار.. اما كان بش تبقى شادة البيت و الفرش هي بش تزيد تتعب..كيما وجودها قريبة من كرم بش يتعبها اكثر "
هزيتلهاا براسي باهي نحكي
انا :" فهمت عليك دكتورة.. تو نتصرف ونخليها تبعد من هناا "
الدكتورة :" اي حاول "
انا :" المهم مفماش حاجة خطيرة ؟"
الدكتورة :" لا طمن.. قمر قوية وهي بيدها تحب تتجاوز هذا لكل وتحب ترجع تعيش حياتها معاك.. مالا انت ساعدها ف هذا "
تبسمت كيف سمعت كلامها هذا الي خلاني نحس براحة.. عديت بعينيا عليهاا نحكي
انا :" اكيد "
الدكتورة :" انشالله..وكيما قلت لقمر هي تنجم ترجع ف كل وقت مانيش بش نعطيها موعد "
قمت معاها نحكي
انا :" عيشك دكتورة "
الدكتورة :" ماعملت شي هذا واجبي "
انا :" نخليك تو.. يعطيك الصحة "
عطيتها بظهري وخرجت.. ريتها كيف وقفت اول ماشافتني.. قدمت لسكريتار خلصت وغزرتلها كيف قربتلي تحكي
قمر :" ل..ليث فما حاجة ؟"
شديتها من يداها نحكي
انا:" مفما شي ياروحي.. خلينا نمشيو "
هزتلي براسها باهي وكبست على يدي.. خرجنا مع بعضنا وقربنا للكرهبة فتحتلها الباب وين هي طلعت.. سكرت الباب ولفيت من ناحية لخرى طلعت بجنبها.. ريتها كيف دارتلي بكلها وغزرتلي درا كيفاه تحكي
قمر :" ل..ليث امان قلي كان فما حاجة؟ شقتلك الطبيبة؟"
حطيت يدي على خدها بعدتلهاا خصلات شعرها نحكي
انا :" صدقني مفما شي ياروحي.. هي جيست طمنتني عليك قتلي انك بش تصير مليحة اكثر..وطلبت مني نعاونك بش تتجاوز هاذا الكل "
عدات بعيناها علياا تحكي
قمر :" كهو ؟"
هزيتلها براسي اي نحكي
انا :" اي والله .. ماتحط شي ف بالك ياروحي.. مانحبك تخمم ف شي.. تفاهمناا ؟"
قمر :" باهي "
انا :" هيا خليني نوصلك حذا رفيقة.. انا نكمل شوي خدمة ونرجعلك "
هزتلي براسها باهي من غير حتى كلمة وتكات براسها لتالي.. خدمت الكرهبة وشديت الثنية للفيلا وفرد وقت نخمم ف كلام الطبيبة شنوة بش نعمل بش نخلي قمر ترتاح.. بقيت ثنية كاملة نخمم حتى وصلت لحل ممكن يساعدها شوي..مسافة الطريق ووصلنا راكيت الكرهبة وغزرت لقمر نحكي
انا :"وصلنا "
عضت على شفايفها وغزرتلي تحكي
قمر :" ليث ياخي انت بش تبطى ؟"
طبست راسي بستها من راسها نحكي
انا:" اي شوي .. انت ارتاح نكمل لي عندي ونرجع "
هزتلي براسها باهي تحكي
قمر :" باهي مالا رد بالك على روحك "
انا :" باهي "
تبسمتلي ونزلت.. بقيت واقف نتبع فيها بعينيا حتى دخلت.. لحظتهاا خذيت تاليفوني وحليت نشوف ف الرحلات الي موجودين لفرنسا.. تبسمت اول ماريت فما رحلة الليلة صحيح مخر شوي اما ميسالش.. خبيت تاليفوني بعد ماسجلت ف الرحلة.. خدمت الكرهبة وشديت الثنية للفيلا متاعنا.. لقيت انو هذا أنسب حل انها تبعد من هنا جملا.. غير هكا اكيد كيف تسافر بش تغير جو.. مسافة الطريق ووصلت راكيت الكرهبة ونزلت.. دخلت للفيلا دورت بعينيا على الدار ..قداش حسيتها باردة من غيرها .. طلعت فيسع للغرفة.. خذيت البسبورات...احسن حاجة اني حضرتهولها من قبل..خبيتهم عندي وجبدت الفاليز.. قربت لدريسينغ وبقيت نحضر ف دبشنا الزوز.. اول ماكلمت حضرت كل شي.. غيرت ثيابي فيسع وريقلت اموري وهزيت الفاليز وخرجت.. حطيتها ف الكرهبة من تالي وطلعت ف الكرهبة وشديت الثنية للبيرو قبل بش انظم أمور خدمتي قبل السفر.. مسافة الطريق ووصلت راكيت الكرهبة ونزلت.. دخلت للمكتب وقدمت لسكريتار الجديدة الي جات.. بقيت نحكي معاها عالخدمة وانها ماتقبل حتى قضية الفترة هاذي خاطرني مسافر.. اول ماكملت معاها دخلت للمكتب متاعي خذيت الملف الي حاجتي بيه بش نكمل خدمة فيه وانا مسافر مزية الجلسة الجاية بعد اكثر من شهر هكا نكون على راحتي.. خرجت من المكتب بعد ماكملت كل شي.. طلعت ف الكرهبة حطيت الملف على جنب وخذيت تاليفوني.. حطيت رقم صاحبي الي فرنسا طلبتو.. رد عليا يحكي
أكرم:" اهلا ليث وينك ياراجل شحالك ؟"
عديت بيديا على شعري نحكي
انا :" اهلا أكرم.. هاني الحمدلله مليح وانت ؟"
أكرم:" لباس الحمدلله.. هاذي غيبة والله وقتاه ناوي ترجع ؟"
انا :" انشالله غدوة بش نجي.. طيارتي الليلة.. على هذاكا كلمتك تو حبيت نطلب منك حاجة "
أكرم:" اي قلي "
انا :" مش عندك مفتاح داري.. مالا نحبك شكون تبعث شكون من شركة التنظيف ينظموها.. وكان انت تعمل مزية تقضيلي شوي حاجات تحطهم غادي.. خاطر انا نخلط مخر مانلقاش وقت "
أكرم:" اي تهنى تو تلقى كل شي حاضر "
انا :" عيش خوياا "
أكرم:"من غير مزية "
علقت عليه التاليفون ورميتو على جنب.. خدمت الكرهبة وشديت الثنية للفيلا...كبست عالفيتاس نجري حبيت نوصللهاا فيسع وهكا مانتاخروش عالطيارة.. مسافة الطريق ووصلت راكيت الكرهبة ونزلت.. حلتلي رفيقة الباب ودخلت معاها.. عديت بعينيا عالدار نحكي
انا :" ويني قمر ؟"
رفيقة :" تعشينا قبيل وطلعت للبيت "
هزيتلها براسي باهي نحكي
انا :" باهي تو نمشي نشوفها.. اما قبل حبيت نقلك اني الليلة مسافر انا وقمر "
عقدت بحواجبها مستغربة تحكي
رفيقة :" وين مسافرين ؟"
انا :" لفرنسا.. الطبيبة ليوم قتلي لازمك تبعدها من هنا هكا وين هي ترتاح.. على هذاكا خممت نخليها تسافر معاياا ممكن هذا ينفعها "
تبسمت تحكي
رفيقة :" احسن ماعملت ولدي.. فكرة مليحة وقمر بش تفرح بيها اكيد "
انا :" انشالله.. خليني نطلع نحكي معاها "
رفيقة :" اي برا "
هزيتلها براسي باهي وعطيتها بظهري طلعت للبيت.. حليت الباب ودخلت وين شفتها متسطحة علفرش.. هزت راسهاا معايا اول ماسكرت الباب.. هزت روحها وقعدت في بلاصتها تحكي
قمر :" ل..ليث ياخي وينك لتو ؟ من بكري نستنى فيك"
قدمتلها اكثر ووقعدت قدامهاا.. طبست بستها من راسهاا نحكي
انا :" سامحني ياروحي خاطر خليتك تستنى "
قمر :" ميسالش.. المهم انت بخير..شبيك تاخرت "
انا :" اي..لباس نظمت امور خدمتي و تعديت للفيلا ..خضرت لفاليز "
عدات بعيناها علياا
قمر :" ف فاليز شنوة ..ياخي انت بش تسافر ؟"
حطيت يدي على خدها بعدتلهاا خصلات شعرها نحكي
انا :" احنا بش نسافرو انا وانت "
قمر :"مفهمتكش.."
انا:" والله كيما سمعت ..احنا الليلة مسافرين.. على هذاكا لازمك تقوم تحضر روحك.. ف يدينا ساعتين عالطيارة "
عدات بعيناها علياا مستغربة.. هزت بحاجبهاا تحكي
قمر :"استنى فهمني قبل.. سفر شنوة ليث ؟ وين بش نسافرو؟..ياخي صارت حاجة "
انا :" ششش اهدا ..مسافرين لفرنسا.. مش قتلي مرة تحب تمشي لغادي وتراها ولا بطلت "
قمر :" ا اي اما ..منعرفش.. انا جيست ماصدقتش و انت فاجاتني"
قرصتها من خشمها نحكي
انا :" لا صدق .. انا حجزت بكري وحضرت كل شي وطيارتنا بعد ساعتين.. على هذاكا اياا قوم حضر روحك فيسع "
ضحكت تحكي
قمر :" ههه باهي.. اما لازمنا نمشيو للفيلا قبل حوايجي شطرهم غادي "
انا :"مش قتلك انا مشيت وحضرت فاليزتي وفاليزتك اهوكم ف الكرهبة "
قمر :"منعرفش دخلت بعضي ..ليث احنا علاش مسافرين"
انا:"ياروحي ..اهدا قتلك حبيت نبدلو شوي جو هكاك انت ترتاح اكثر "
تبسمتلي تحكي
قمر :"باهي فهمتك ..عيشك ليث"
انا:"ايا قوم ولا بش نتاخرو"
تبسمت ووقفت من حذاياا.. تكيت بظهري لتالي بعد ما ريتها دخلت لسال دوبان.. حبيت نرتاح شوي انا زادة مدام هي كملت ريقلت أمورها.. شوي وقت ورجعت حليت عينيا على صوت الباب كيف تحل.. ريتها كيف خرجت من السال دوبان.. استويت ف قعدتي وغزرتلها نحكي
انا :" صحة قمرتي "
قمر :" عيشك ياروحي "
قمت من بلاصتي نحكي
انا :" كان حضرت خلينا نمشيو ؟"
هزتلي براسها باهي .. حضرت ساكها هزتها تحكي
قمر :" اي حاضرة تو "
انا :" باهي "
خذيت تاليفوني وطلبت تاكسي بش توصلنا.. اول ماكلمت نزلنا مع بعضنا وين شفنا رفيقة وعمي ف الصالة.. وبقينا نحكيو شوي حتى وصلت التاكسي سلمنا عليهم وخرجنا.. حطيت الفاليزات وطلعنا شدينا ثنية المطار.. ريتها كيف كانت بجنبي سارحة نحكي
انا :" شبيك ساكتة ؟"
غزرتلي تحكي
قمر :" لا شي.. جيست مازلت مش مصدقة انو احنا مسافرين بلحق "
تبسمت نحكي
انا :" يعني عجبتك المفاجأة؟"
قمر :" اي عاللخر والله.. ربي يخليك ليا ياروحي "
انا :" ويخليك ليا "
مسافة الطريق ووصلنا.. نزلنا مع بعضنا ولفيت نزلت الفاليزات الزوز ودخلنا للمطار.. قدمنا ريقلنا الأوراق وكل شي وقدمنا للكراسي قعدنا نستناو ف وقت الرحلة.. عقدت بحواجبي مستغرب كيف ريتها ساكتة تفرك ف يداها.. نحكي
انا :" قمر شبيك؟"
غزرتلي درا كيفاه تحكي
قمر :" م..مانعرفش حاسة روحي متوترة شوي "
تبسمت نحكي
انا :" علاش ؟"
هزتلي بكتافها تحكي
قمر ؛" خ..خاطر اول مره نسافر ونطلع ف الطيارة خايفة "
حطيت يدي فوق يداها نحكي
انا :" ماتخافش ياروحي هاني معاك "
هزتلي براسها باهي من غير حتى كلمة.. هكاكا وسمعنا يناديو على رحلتنا.. غزرتلها نحكي
انا :" هياا لازمنا نمشيو "
شدتني من يدي ووقفت معاياا.. هزيت الفاليز وقدمنا ريقلنا كل شي وطلعنا ف الطيارة.. اشرتلها على كراسينا وقعدنا.. ريتها كيف قعدت بجنبي وشدتني من يدي كبست علياا تحكي
قمر :" ل..ليث حاسة روحي خايفة "
تبسمت على وجهها كيفاه تغير نحكي
انا :" ماتخافش هاني معاك... غير انت اهدا وخوذ نفس "
هزتلي براسها باهي من غير حتى كلمة.. نزلت راسي نغزر ليداهاا الي كبست على يدي اكثر لين ظوافرها تغرسو فياا اول ماتحركت الطيارة.. هزيت راسي وتبسمت وانا نشوف فيها مغمضة عيناها.. حطيت يدي لخرى فوق يداها نحكي
انا :" حل عينيك ماتخافش "
دوب حلت عيناها وغزرتلي درا كيفاه تحكي
قمر :" حسيت روحي دخت "
انا :" عادي خاطر اول مرة "
قمر :" ليث ياخي قداه بش نوصلو ؟"
انا :" ساعتين ونص هكاكا "
حلت عيناها فيا وعضت على شفايفها تحكي
قمر :" برشة.. مالا رد بالك تقوم وتخليني "
ضحكت نحكي
انا :" ههه وين عندي نمشي هاني حذاك "
قمر :" مانعرفش حبيت نوصيك.. خاطر مرة شفت برنامج عالطيارات يخوف.. مالا ماتخلينيش وحدي "
انا :" قمر انسى البرنامج و الي ريتو.. مش بش يصير شي.. ساعتين ونوصلو لباس "
قمر :" انشالله ياربي "
ضيقت عينيا فيها نحكي
انا :" اما انت طلعت ياسر خوافة "
تبسمت تحكي
قمر :" الله غالب انا مانيش متعودة كيفك "
هزيت بحاجبي نحكي
انا ؛" والله لازمك تتعود حبي.. خاطر هاذي مش اخر مرة "
قمر :" بلحق؟"
انا :" اي بلحق مالا نقص من الخوف تفاهمناا "
قمر :" باهي نحاول "
هزيت راسي على مضيفة الطيران الي وقفت حذانا و حطت الاكل قدامناا.. تلفتت لقمر نحكي
انا :"ماكش بش تاكل "
هزتلي براسها لا تحكي
قمر:'لا كليت مع خالتي نخاف ناكل ونرد"
انا:"كول شوي متخافش تو تاخر لوقت كان متاكلش بش تجوع "
هزتلي براسها و بقات تاكل.. هكاكا وغزرتلي تحكي
قمر :" ليث ماقتليش ياخي وين تسكن انت ف فرنسا ؟"
انا :" ف باريس "
ضحكت تحكي
قمر :" بلحق ؟ "
انا :" امم بلحق "
قمر :" تعرف مرة زادة تفرجت ف فيديوهات على باريس.. ياسر محلاهاا وفيها بلايص يهبلو "
انا :" تو نهزك للبلايص هاذم لكل.. بش نخلليك تشوفها بقعة بقعة "
قمر :"ان شاء الله "
تبسمتلي ورجعت تاكل وفرد وقت يداها لخرى مازالت كابسة على يدي.. بقينا كل مرة نحكيو ف حاجة وفرد وقت بقيت شايخ على خوفهاا كيفاه كل مرة تتفجع ولا تغمض عيناها حتى وصلنا.. ريتها كيف تنهدت بالقوي اول مانزلت الطيارة تحكي
قمر :" واخيرا.. حسيت قلبي خرج وقت نزلت "
انا :" اللطف عليك "
قمنا مع بعضنا ونزلنا.. نزلت الفاليزات وخرجنا من المطار.. بقات تمشي بجنبي ريتها كيف لفت يداها على روحها..وقفت نحيت لفاست وحطيتها عليها نحكي
انا:" البسها..الوقت مخر على هاذي برد الجو"
قمر:"باهي...وانت متبردش "
انا:" منبردش ارتاح..ايا امشي خلينا نروحو "
بقات تمشي بجنبي وتغزر بعيناها للبلاصة سارحة.. وقفت قدام التاكسي الي كانت واقفة على جنب وحليت الباب نحكي
اتا:" أيا اطلع "
هزتلي براسها باهي وطلعت.. حطيت الفاليزات وطلعت بجنبها.. ريتها كيف بقات تغزر من الشباك شوي اول ما مشى التاكسي حسيت براسها على كتفي.. ريتها كيف غفات من غير ماتشعر.. استويتلها راسهاا وخليتها ترتاح.. عرفتها تعبت من السفر ماحبيتش نقلقها..شوي وقت والتاكسي وقفت.. طبطبت على كتفها نحكي
انا :" قمر.. أيا فيق ياروحي هانا وصلنا "
حلت عيناها شوي وغزرتلي تحكي
قمر :" ب..باهي "
حليت الباب ونزلت قبلها.. نزلت بعدي ونزلت الفاليزات.. ريتها كيف هزت راسهاا وغزرت للعمارة تحكي
قمر :" هنا تسكن ؟ "
هزيتلها براسي اي نحكي
انا :" اي هنا.. هيا خلينا نطلعو "
دخلنا للعمارة وطلعنا ف الاصونصير.. حطيت الطابق الثالث شوي وقت ووصلنا.. قدمت للباب حليتو ودخلنا.. شعلت الضو وحطيت الفاليزات على جنب.. ريتها كيف سبقتني ودخلت شوي.. سكرت الباب
انا :" ايا ادخل"
دخلت وبقات تبع فيا غزرتلها كيف حكات
قمر :" اهيا منظمة.. ياخي كان فما شكون هنا قبلك ؟"
وقفت وغزتلها نحكي
انا :" لا ياروحي انا كلمت صاحبي الي هنا قتلو يبعث شكون من شركة التنظيف و وصيتو زادة بش يقضيلنا شوي حاجات "
قمر :" فهمتك"
بقات واقفة وتدور بيعيناها على الدار حطيت لفاليز وقربت منها دورت بيديا على كرشها وطبست عليها نحكي
انا:"شبيك؟"
قمر:" جيست قاعدة نغزرلها..محلاها دارك ليث "
طبعت بوسة خفيفة على خدها نحكي
انا:"دارنا ياروحي...حتى هاذي دارك كل شي نملكو يخصك انت زادة "
كبست على يدي وتبسمت تحكي
قمر:"عيشك ياروحي"
سيبتها و وقربت هزيت الفاليز متاعهاا نحكي
انا :" اياا ايجا معايا خليني نوريك البيت "
هزتلي براسها باهي وبقات تتبع فياا حتى وصلنا.. حليت باب البيت ودخلنا.. حطيت الفاليز على جنب نحكي
انا :" انت بدل ثيابك وارقد نعرفك تاعبة..انا نتفقد الدار ونجي "
قمر :" باهي"
خليتها ف البيت وخرجت للكوجينة شفت شنوة أكرم قضى وبقيت انظم فيهم.. اول ماكملت هزيت فاليزتي انا زادة خذيت أوراق الخدمة وتعديت لبيروياا حطيتهم نظمت كل شي.. رجعت هزيت الفاليز ورجعت للبيت.. ريتها كيف غيرت ثيابهاا وبقات متكية عالفرش تستنى فياا.. قربتلهاا نحكي
انا :" قمرتي شبيك مازلت فايقة؟"
قمر :" اي مجانيش نوم.. دار غريبة علياا حسيت روحي خفت.. بقيت نستنى فيك "
ضحكت وفكيت زرار الشوميز
انا :" ههه باهي يا فر-خة..هاني جايك "
كملت بدلت دبشي و قربت للسرير طعلت بجنبها و دورت بيديا على جنبها جبدتها عندي ضحكت نحكي
انا :" معقول تخاف وانا معاك يا فرخة..تو راجلك معاك وتخاف اه قول "
غزرتلي تحكي
قمر :" هههه شعندي نعمل..لازم ترقد بجنبي هكاك منخافش"
قرصتها من جنبها وضحكت نحكي
انا:" زايد من نهار عرفتك وانت خوافة..ظهري تكسر من نومة الفوتاي فالصالة"
هزت روحها غزرتلي درا كيفاه تحكي
قمر:"مبلدك ليث..مش كنت تقلي مرتاح لباس عليا"
حطيت يدي ورا راسي وتكيت هزيت عينيا معاها ورجعت ضحكت نحكي
انا:"شعندي نقول..كان جيت ورقدت في حضني هكا وقتها مش خير..حتى سريري يوسعنا زوز"
ضربتني بيدها على صدري تحكي
قمر:"يزي ليث عااد.. علاش هاملة انا بش نرقد عندك "
شديتها من يدها وجبدتها عندي نحكي
انا:" ههه شفيها..مرتي راك من اول نهار غير انت عاقدتها "
قمر:"يا ليث يزي والله لاتحشم"
انا:"هههه باهي..لمهم ربي عوضني تو ايا ارقد يا فرخة "
قمر :"بونوي"
بستها من راسها وكبست عليها اكثر.. غزرتلها كيف رجعت غفات فيسع نعرف انها تاعبة..وقاعد تحااول تبين انها لباس..اما بش نحاول نخليها تتعدا هاذا لكل وتنسا لي صار.. غمضت عينيا انا زادة.. وحاولت نرتاح معاها..
VOUS LISEZ
#ليس_ذنبي ❤️🔥
Romance" #ليس_ذنبي" ❤️🔥 أنتمي لك، في كل مرة تحاول الحياة هزيمتي و اختبار صبري ألجأ إليك أحتمي بك و أعرف بأن لا شيء هنا قادر على احتواء كل هذا الخوف غيرك أثق بك كما لم أفعل في حياتي يومًا و كلي يقين بأنك الوحيد الذي لن يخذلني، أحبني معك لأنك أنا وما دون ذ...
