Kwaderno Ni Kuya_Ian ( Spoken Word Poetry, Dagli, atbp., )

WALANG DIYOS

WALANG DIYOS
ni: Kuya Ian

Reverse Poetry

(Basahin pababa)

Walang Diyos

isang malaking kasinungalingan na

Lagi S'yang nariyan

Lagi mong tatandaan na

wala talagang Maykapal

isang kasinungalingan na

nariyan S'ya kahit hindi mo naman nakikita;

to see is to believe

at 'wag kang mabubuhay sa konsepto na

S'ya ang gumawa sa'yo

bigla ka lang lumitaw sa mundo

mas mahirap paniwalaan na

may isang makapangyarihan na sa'yo ay gumawa

lagi kang maniniwala na

hindi totoo ang Ama

Isang kalokohan na

Mahal ka N'ya

'wag mong kalilimutan na

Hindi S'ya totoo

Isang kasinungalingan na

umiiral S'ya

Totoong totoo na

hindi N'ya naririnig ang bawat dasal mo

hindi N'ya naririnig ang bawat hiling mo

hindi N'ya kayang solusyunan ang mga hinaing mo

Maling mali ang iniisip mo na

May D'yos

Talikuran S'ya

Wag mong hayaan ang sarili na

Magdasal

Manalig at

Magtiwala

Kailangan mong

Laging itatak sa isipan na

Hindi totoo ang makapangyarihang Ama

At kasinungalingan na

Totoong may D'yos.

(Basahin pataas)