Highest Rank: #1 in spokenword 5/10/18
#1 in spokenpoetry 5/14/18
#1 in dagli 7/7/18
#1 in piece 7/7/18
#1 in makata 7/8/18
#1 unsaid 9/17/18
open for comments/criticism/suggestions, icomment lang po sa mismong akdang nais lagyan ng komento
Una kitang nakitang nag-iisa ka Kinakausap ang mga luhang tumutulo sa 'yong mukha Walang maririnig na salita Ngunit naintidihan ko ang nararamdaman mo sa malalalim mong paghinga.
Nilapitan kita at pinilit pumasok sa sarili mong espasyo Nabasag ang katahimikan nang abutan kita ng libro Ngumiti ka pabalik sa akin na para bang ang ibig-sabihin non ay babasahin mo na agad ito mamayang gabi bago ang oras ng pagtulog mo Hanggang sa nagtuloy-tuloy na nga ang kuwento Hanggang sa tuluyan nang lumabas ang kinang sa mga mata mo.
Kinabukasan, Nakita kita sa may pasilyo Ngunit bakit noong makita mo ako ay bigla kang napaliko? Hinayaan at pinalipas ko lang iyon.
Ngunit, uwian Sumilip akong muli sa aklatan ngunit hindi kita roon natagpuan Kundi sa kung saan kita madalas matagpuan; sa hagdanan Naroon ka ngunit wala na ang babaeng umiiyak Kaya't lumapit ako para matiyak kung ayos ka na ba Ngunit wala na rin ang babaeng nakausap ko dahil hindi mo na sinasagot ang mga tanong ko dahil parang hangin na lang ako sa pagbabalewala mo Ngunit naroon pa rin ang lungkot na bumabalot sa iyo Hanggang sa noong tumabi ako Ay ang s'yang pag-alis mo.
Hindi ko kinakaya ang bawat uwiang nakikita kitang luhaan Binubulong sa hangin ang mga palahaw na hindi nila ginugustong mapakinggan Tumitingin sa kalangitan, nagtatanong sa kung gaano ba talaga S'ya ka-makapangyarihan? Tumitingin sa repleksyon sa naglawang luha't tinatanong ang sarili kung bakit halos lahat ng bigat ng mundo'y s'ya ang may tangan?
Ginusto kong tulungan ka ngunit pasensya ka na kung nahuli ako Pasensya na kung kasalanan ko...
Bakit kasi hindi ko agad nalaman na lagi kang pinagsasamantalahan ng lalakeng inakala mong una kang poprotektahan?
Bakit kasi hindi ko agad nalaman na minomolestiya ka ng tinuring mong haligi ng tahanan?
Bakit kasi hindi ko agad nalaman na inaabuso ka ng sarili mong kadugo't kalaman?
Bakit hindi ko agad nalaman Na pinatay ka ng sarili mong ama Ay dahil sa nagseselos na s'ya sa kung anong meron sa ating dalawa?
Bakit hindi ko agad nalaman Na ayaw na ng iyong ama na magkita tayong dalawa Kaya inilayo ka n'ya sa akin bago tayo muling magkita?
Bakit hindi ko agad nalaman Na kaya pala sa huling araw na nakita kita sa hagdan Ay ganoon na lamang kung ang mga ngiti mo'y magkinang?
Bakit hindi ko agad nalaman Na kaya pala ganoon ka kasaya Ay dahil hindi na tayo muling makapagkikita?
Bakit hindi ko agad nalaman Na kaya ka ganon tumawa sa mga biro ko Ay dahil hindi ko na muling maririnig ang mga halakhak mo?
Bakit hindi ko agad nalaman Na kaya pala ganoon ka makatitig sa aking mga mata Ay dahil hindi na kita muling makikita?
Bakit hindi ko agad nalaman Na kung paglalayuin tayo ng tadhana Ay buhay at kamatayan ang magiging agwat natin sa isa't isa?
Pasensya na, Hindi ko agad nalaman.
Pasensya na Kung wala akong nagawa.
Pasensya na Nahuli ako.
Ngunit tatandaan mo Hihintayin pa rin kita palagi sa ating tagpuan.
(Hango sa mga totoong kaganapan sa buhay ni Law Cobain.)
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
