Kwaderno Ni Kuya_Ian ( Spoken Word Poetry, Dagli, atbp., )

Inspirasyon

INSPIRASYON
Ni: Kuya_Ian

Marahil madaming nagtataka kung ano nga ba ang tingin natin sa isa't isa,
pero tingin ko, pagtitinginan natin ay hindi naman magkaiba kung ikukumpara sa iba,

sabi nila parang mag-on daw tayong dalawa,
sabi din naman ng iba mukhang may tayo nga, pero ano nga ba ang tingin mo sa akin?
ako? ang tingin ko sayo'y inspirasyon sa mga gawain.

Oo! sayo ako humuhugot ng lakas
ikaw kasi e! pinalambot mo yung puso kong dating matigas,
pero oo! Ikaw ang inspirasyon ko,
kahit walang tayo...
Pero ayos lang yon! sapagkat ikaw ang naging ilaw ko noong mga panahong nasisilaw ako sa dilim ng gabi,
ikaw ang palaging nasa tabi,
ikaw ang naging inspirasyon ko lagi,
kahit walang namamagitan kay ikaw at ako,
tandaan mong narito pa rin ako,
maghihintay sayo
sapagkat dahil sayo nagkamotibasyon ako,
dahil sa inspirasyon ko.