Kwaderno Ni Kuya_Ian ( Spoken Word Poetry, Dagli, atbp., )

Talo-Talo

Talo-talo

Ni:Kuya_Ian
Walang matatalo,
Lahat panalo,
Bakit? Paano?
Walang sayang! Lahat tinalo!
Kaibigan ko, kaibigan mo
Magkaibigan pero nag-iibigan.

Bakit mo tinalo?
Wala na ba sayong sasalo?
Bakit mo tinalo?
Wala na bang taong handang magmahal sayo?

Kung kaibigan, dapat manatiling kaibigan!
Bakit may magka-ibigan na inibig ng isa ang kaibigan ng ka-ibigan?
Hindi ba tawag don ay taluhan?
Para kang nangalakal ng basura,
Para kang sumalo ng tira-tira.

Sa panahon ngayon, uso ang talo-talo,
Ang sisipag kasi umibig ng mga tao,
Pagka tapos na ang pagmamahal sayo,
Baka bukas o makalawa sila na ng kaibigan mo,
O baka kaibigan pa nya ang maging karelasyon nya mabalitaan mo.

Mga kabataan e, nilamon na ng sistema,
Puro jowa, puro syota,
Pag-aaral nakakalimutan na nila,
Bihasa sa talo-talo sa mga kaibigan nila.
Bihasa sa katarantaduhan uso daw kasi laging nakikita.
Ano papakain ka na rin ba?