ដោយមិនអស់ចិត្តនិងលេខាដែលលោកប៉ាបញ្ជូនមក Jungkook ក៏ដើរមកឈរចាំនៅខាងមុខច្រកទ្វារ ដើម្បីចង់មើលលេខាម្នាក់ហ្នឹងឲ្យច្បាស់ ។
« មកឈរត្រង់ហ្នឹងធ្វើអី?? នេះកាហ្វេរបស់លោក » Tae បើកទ្វារចូលមក ឃើញ Jungkook ឈរបែបនេះក៏រាងភ្ញាក់បន្តិចដែរ តែក៏ខំសម្រួលមកវិញដោយហ៊ុចកាហ្វេមួយពែងឲ្យនាយជំនួសវិញ ។
« ប៉ាបញ្ជូនឯងឲ្យមកធ្វើលេខាយើង?? ប៉ាគិតអី?? » Jungkook ពិតជាគាំងខ្លាំងណាស់ មិនគួរប៉ាគេលេងសើចផ្លូវចិត្តគេបែបហ្នឹងសោះ ។
« ខ្ញុំក៏មិនដឹងដែរ ព្រឹកមិញខ្ញុំមិនបានជួបលោកប៉ាទេ »
« ចាំយើង Call សួរប៉ាសិន »
( ហាឡូ Jungkook ប៉ាប្រុងថា Call ទៅកូនហើយតើ ម៉េចដែរលេខា?? ពេញចិត្តទេ?? )
« ប៉ាដូចកំពុងតែលេងសើចផ្លូវចិត្តខ្ញុំមែនទេ?? បញ្ជូនគេឲ្យមកធ្វើលេខាខ្ញុំ នេះការងារណា៎ប៉ា មិនមែនលេងបៃឡុកបៃឡទេ »
( ប៉ាមិនមែនហៅ Tae ទៅលេងបៃឡុកបៃឡជាមួយកូនគេ Jungkook ពួកកូនធំហើយ មិនសមលេងបៃឡុកបៃឡជាមួយគ្នាទេ )
« ប៉ាពិតជាលេងសើចជាមួយខ្ញុំណាស់ សមត្ថភាពលេខាមិនមែនត្រឹមតែចប់ថ្នាក់ទី 12 និងចេះមើលតែកូនទេ » Tae គ្រាន់តែឮ Jungkook មើលងាយខ្លួនបែបនេះ គេក៏ចាប់ផ្ដើមក្របួចចិញ្ចើមចង់ខឹងនាយតែម្ដង ស្អីគេមើលងាយម៉េស?? ចេះមើលកូនហ្នឹងម៉េច?? ចប់ថ្នាក់ទី 12 ហ្នឹងម៉េច?? ធ្វើលេខាអត់បានមែន?? ។
( ចុះមានច្បាប់ឯណា៎ហាមមិនឲ្យប្រពន្ធធ្វើជាលលេខាប្ដីឬអត់?? ប៉ារើសលេខាឲ្យកូនបានល្អិតល្អន់ណាស់ Jungkook ចឹងហើយនាំគ្នាធ្វើការទៅ ប៉ារវល់នាំម៉ាក់កូនទៅញុំាអាហារកូរ៉េហើយ ប៉ុណ្ណឹងចុះ ) និយាយរួច លោកប៉ាក៏បិទទូរស័ព្ទយករួចខ្លួនតែម្ដង ហើយទើបដើរមករកភរិយាដែលកំពុងតែអង្គុយរងចាំរួចជាស្រេច ។
« Jung ថាម៉េចបង?? »
« Jungkook ថាលេខារបស់គេល្អខ្លាំងណាស់ គេពេញចិត្ត » ហេតុតែនៅខាងកូនប្រសារ លោកប៉ាក៏ដាច់ចិត្តកុហុកភរិយាទាំងទឹកមុខរំភើបរីករាយ ។
« បានពួកគេចុះសម្រុងគ្នាចឹង អូនសប្បាយចិត្តណាស់ »
« បងក៏ដូចគ្នា »
