ពេលវេលា ថ្មី ថ្ងៃថ្មីបានចាប់ផ្ដើមឡើង ដោយពន្លឺព្រះអាទិត្យដែលស្រស់ត្រកាលចែងចាំង ។
« មិនស្លៀកពាក់ទៅធ្វើការទេហ្ហេស៎?? » Jungkook ចោទសួរនាយតូច ស្របពេលដែលខ្លួនកំពុងតែបិទដៃ អាវ ។
« ក្រែងថាលោកចង់បញ្ឈប់ខ្ញុំហី?? ឲ្យខ្ញុំទៅធ្វើការស្អីទៀត?? ឡប់មែន »
« ទាល់តែប៉ាបញ្ឈប់ទើបឯងអាចឈប់បាន យើងទុកពេលឲ្យឯង 5 នាទី ក្នុងការស្លៀកពាក់ បើលើសពីនេះស្រាតទៅធ្វើការទៅ » Tae ស្ដាប់ឃ្លាដ៏សែនគ្រោតគ្រាធរបស់ Jungkook ទាំងចង់ចំហមាត់ហួសចិត្តលាយឡំនឹងការសម្លក់សឹងតែជ្រុះគ្រាប់ភ្នែក ស្របពេលដែលម្ចាស់វាចាដើរចេញពីបន្ទប់យ៉ាងងាយស្រួល ។
« ហើយឯណា៎ Tae នោះ Jung ?? » អ្នកស្រី Jeon សួរនាំកូនប្រសារពីកូនបង្កើតរបស់នាង ខណៈពេលដែលពួកគេនៅតុអាហារ ជាមួយលោក Jeon ។
« គេនៅស្លៀកពាក់ »
« ចឹង ចាំ Tae បន្តិចសិនទៅ »
« ខ្ញុំជាប់ស្លៀកពាក់ យឺតតិចហើយ » ប្រមាណជា 3 នាទីបន្ទាប់ នាយតូចក៏ចូមកដល់ដោយសម្លៀកបំពាក់អ្នកធ្វើការ ។
[ S K I P ]
ង៉ឺត ! រថយន្តស៊េរីទំនើបរបស់ Jungkook ក៏បានឈប់ចតដោយមានការកកិតបន្តិច ។
« ម៉េចក៏ខំឃ្មើតម្លេះ?? » Jungkook រអ៊ូរទាំទាំងហួសចិត្តនឹងដំណើរដ៏សែនឃ្មើតមិនខ្វល់ខ្វាយពីនរណា៎នាយតូច ពីចំងាយ រួចទើបឡើងទៅ Office ជាមួយគ្នា ។
« នេះកាហ្វេរបស់លោក » បន្ទាប់ពី Jungkook ចូលមក Office មិនទាន់បានប៉ុន្មាននាទីស្រួលបួលផង នាយតូចដែលជាលេខាក៏ចូលមកជាមួយកាហ្វេមួយពែង និយាយជាមួយយ៉ាងនឹងធឹង បែបកំពុងតែបំពេញតួនាទីជាលេខា ។
« មានការងារអីដែលមិនយល់ អាចទៅសួរប្រធានផ្នែកបុគ្គលិកបាន »
« ហ៊ឹម... ខ្ញុំដឹងហើយ » នាយតូចនិយាយរួច ក៏ដើរចេញទៅខាងក្រៅបាត់ ។
« សួស្ដីលេខា Jeon » នាយតូចអង្គុយនៅ Office បានបន្តិច ប្រធានផ្នែកក៏ចូលមកដល់ ។
« បាទ៎ »
« នេះជាសៀវភៅរចនាសម័្ពន្ធក្នុងក្រុមហ៊ុន ហើយនិងសៀវភៅហរិញ្ញវត្ថុខែនេះ ដែលអ្នកនាង Lim Lee-raa បានធ្វើរួចរាល់ហើយ »
