« សួស្ដី » មាត់ប្រកែកឱ្យគេលែង ខណៈពេលដែលពួកគេបានដើរមកដល់តុគូស្នេហ៍ទាំងគូរួចទៅហើយ ។
« អ្នកទាំង 2 ចាំយូរដែរទេ? »
« បាទមិនអីទេ ពួកខ្ញុំអាចរងចាំយូរជាងនេះក៏បានដែរ ខ្ញុំឃើញលោកនៅចំណតឡានពីចម្ងាយ - - »
« អរ គឺមានអ្នកខ្លះធ្វើចរិកកូន ពូកែង៉ក់ពូកែងរខុសរឿង ទើបធ្វើឱ្យយឺតបន្តិច »
« បាទ សូមអញ្ជើញអង្គុយទៅ »
« Tae ចូលអង្គុយទៅ » Jungkook ក៏ងាកទៅបង្គាប់ប្រពន្ធ ។
« អត់! ខ្ញុំមិនចង់អង្គុយ ខ្ញុំចង់ទៅផ្ទះវិញ »
« បើអូនធ្វើតាមបង បងនឹងនាំអូនទៅផ្ទះវិញ តែបើអូនមិនធ្វើតាម បងនឹងទុកអូនចោលឱ្យនៅទីនេះ »
« នេះលោកគម្រាមខ្ញុំមែនទេ? »
« មិនបានគម្រាមតែនឹងធ្វើមែនទែន ឆាប់អង្គុយចុះទៅ ទីនេះមនុស្សច្រើនណាស់ បងមិនអាចកំដរអូនឈ្លោះបានទេ បើអូនមិនចង់ខ្មាស់គេទេ ធ្វើតាមបងទៅ » ដោយខ្លាចខ្មាស់គេផង នាយតូចក៏ព្រមធ្វើតាមសម្ដី Jungkook ក្រញ៊ាំក្រញ៉ូវ ។
« អ្នកទាំង 2 សុខសប្បាយទេ? » Chaerim ក៏ផ្ដើមសំណួរ តាមពិតនាងរួសរាយណាស់ ហើយចិត្តល្អថែមទៀត ។
« ពួកខ្ញុំសុខសប្បាយទេ រួចចុះអ្នកទាំង 2 វិញ? »
« ពួកខ្ញុំសុខសប្បាយទេ នេះ Jeong Soo-Hyeon ជាគូដណ្ដឹងរបស់ខ្ញុំ ពួកយើងរៀបការខែក្រោយហើយ »
« ពិតជាលឿនដល់ហើយ ចូលរួមរីករាយផង »
« ចាស រួចចុះលោកនិង Taehyung អាចទៅចូលរួមបានទេ? »
« បាទ បាន »
« អរគុណហើយ បន្ទាប់ពីពួកខ្ញុំរៀបការរួច ពួកខ្ញុំនឹងទៅរៀននៅ Paris »
« បាទ »
ពួកគេគ្រាន់តែនិយាយរឿងរៀបការបន្តិចប៉ុណ្ណោះ ហើយគូស្នេហ៍ដែលជិតរៀបការនោះក៏ចប់ តែនាយតូចមិនបានចប់ត្រឹមនេះឡើយ គឺគេអង្គុយមិនមាត់មិនក ខុស Jungkook តាំងពីចេញពីហាងកាហ្វេមកដល់វិមាន ។
« គ្រប់គ្នាទៅញុំាអាហារនៅខាងក្រៅមិនទាន់មកវិញទេ » អ៊ំ Nam ប្រាប់ទៅ Jungkook ។
