« អ្នកម៉ាក់មានឃើញទូរស័ព្ទរបស់ខ្ញុំដែរទេ? ខ្ញុំចាំច្បាស់ណាស់ ថាខ្ញុំទុកវាលើតុនេះតើ » បន្ទាប់ពីសម្រួលខ្លួនលើកៅអីរួច នាយតូចក៏ឆ្លេឆ្លារកទូរស័ព្ទ ។
« នៅក្នុងកាបូបរបស់ម៉ាក់ »
« អរគុណហើយអ្នកម៉ាក់ដែលទុកឱ្យ តែខ្ញុំសុំវិញបានទេ? »
« Tae គ្មានហេតុផលអីត្រូវចុចទូរស័ព្ទទេ »
« តែខ្ញុំ... »
« Jungkook រវល់ធ្វើការហើយ គេមិនអាច ផ្ញើសារមករកកូនបានទេ Tae »
« តែខ្ញុំ... »
« មិនជឿម៉ាក់ឬ? មួយថ្ងៃនេះម៉ាក់មិនឱ្យពួកកូនទាក់ទងគ្នាទេ Tae ត្រូវនៅជាមួយម៉ាក់ ធ្វើអីសប្បាយៗ. ដូចជា Shopping ម៉ាស្សា ញុំាអី យល់ទេ Tae? »
« បាទអ្នកម៉ាក់ខ្ញុំយល់ហើយ »
« ឆាប់យល់បែបនេះល្អហើយ »
អង្គុយរងចាំបានបន្តិច អាហារក៏បានមកដល់ នាយតូចត្រូវបង្ខំចិត្តញុំាដូចញុំាដុំគ្រោះព្រោះតែរវល់នឹកប្ដី ស្របពេលដែល Jungkook ឯណេះ នៅមិនសុខដូចជាអ្វីដែលអ្នកម៉ាក់ចង់បានពិតមែន ។
( លោកអគ្គនាយកមើលទៅដូចជានៅមិនសុខទេលោកស្រី ដើរចុះដើរឡើងហើយទូរស័ព្ទទៅណាក៏មិនដឹង )
« នាងជួយសង្កេតមើលគេផង »
( ចាសលោកស្រី ) បញ្ចប់សម្ដីលេខារួច អ្នកម៉ាក់ក៏ដកទូរស័ព្ទចេញ មុននឹងដើរទៅអង្គុយវិញ ។
« ចូលចិត្តបរិយាកាសបែបនេះទេ Tae? » ធ្លាប់តែបបួលកូនប្រសារ Shopping ញុំាអី ទៅហាងម៉ាស្សា ពេលនេះប្ដូរមកជួលសាឡាងអណ្ដែតលើផ្ទៃទឹកនៅទន្លេ Han ពិតជាប្លែកណាស់ ។
« បាទអ្នកម៉ាក់ខ្ញុំចូលចិត្តណាស់ »
« តែមើលទៅមុខ Tae ដូចជាមិនស្រស់បស់ដូចពេលនៅជាមួយ Jungkook សោះ យ៉ាងម៉េចនៅជាមួយម៉ាក់ ម៉ាក់តឹងរឹងពេកហ៎? » ពេលខ្លះរាងអន់ចិត្តដែរ នៅជាមួយប្ដីផ្សេង នៅជាមួយម៉ាក់ផ្សេង តែមិនអីទេ រឿងធម្មតាសម្រាប់អ្នកស្រឡាញ់គ្នាហើយ ។
« អត់ទេអ្នកម៉ាក់ ខ្ញុំគ្រាន់តែយល់ថាថ្ងៃនេះពួកយើងដើរលេងហត់ប៉ុណ្ណោះ »
