အရံဇာတ်ကောင်လေးက ငါးဆားနူလေးဖြစ်ချင်ရုံပါ (Myanmar Translation)

(99.1)ကျွန်တော့်ကို လိုက်လေ & မင်းကသာ တစ်ယောက်တည်းသောသူပဲ

Unicode🍀

(99.1)ကျွန်တော့်ကို လိုက်လေ & မင်းကသာ တစ်ယောက်တည်းသောသူပဲ

ရှန်ချင်းရှု နောက်ဆုံးတော့ မူရင်းနိုဗယ်ရဲ့ ၈၀%သော အထင်လွဲမှားမှုတွေ အလှည့်အပြောင်းတွေက ဘယ်ကလာတာလဲဆိုတာ နားလည်သွားရတယ်။

ဟန်ချောင်ရဲ့ကာရိုက်တာအရ ပိုင်ကျန်းက လက်ဦးမှုယူပြီး မရှင်းပြခဲ့ရင်တောင် ၊ ကိုယ့်ကိုယ်ကိုယ်ယုံကြည်မှုနည်းပါးရင်တောင် ခုလောက်ထိ အထင်လွဲမှားတာတွေ အလှည့်အပြောင်းတွေ ရှိမလာနိုင်သင့်ဘူးလေ။

သူတို့တွေ ဆက်ဆံရေးကိုဖြတ်တောက်ခဲ့တဲ့ညက ဟန်ချောင်က ဒေါသတကြီးနဲ့ထွက်သွားခဲ့တယ်။ သူထွက်မသွားခင်မှာ ဝုန်းဒိုင်းကျဲပြီးသွားခဲ့တာလေ။ဒါပေမဲ့ နှစ်နာရီတောင်မကြာလိုက်ဘဲ သူက အခန်းတံခါးကိုပြန်လာခေါက်ကာ သူ့ကိုချော့မော့ခဲ့ပြန်တယ်။

သူက သူ့ဘဝတစ်လျှောက်လုံး ပင်ပန်းနွမ်းလျအောင်ပြုလုပ်တတ်တဲ့ ကာရိုက်တာမျိုးမဟုတ်ဘူး။ဒါကြောင့်် သူ့လိုအရွယ်မှာတောင် ရှားပါးလှတဲ့ ရိုးသားမှုနှင့် ရိုးရှင်းမှုတွေရှိနေသေးတာဖြစ်ပြီး နာကျည်းမှုတွေကိုလည်း ဆုတ်ကိုင်မထားတတ်တဲ့သူဖြစ်နေခဲ့တယ်။ အနိုင်အရှုံးတွေ တွက်ချက်တတ်ဖို့ဆိုတာကိုတော့ ထားလိုက်တော့။

တိတိကျကျဆိုရရင် သူက အဆင့်အတန်းမြင်းမားလှတဲ့သူဖြစ်ပေမဲ့ အလွှာအတန်းစားမရွေး ပေါင်းသင်းနိုင်သလို မင်းကိုလည်း ဖိအားပေးမှာမဟုတ်ဘူး။

ဒီလိုမျိုး ဟန်ချောင်နဲ့ ပိုင်ကျန်းရဲ့ကြားထဲမှာ အထင်လွဲမှုနဲ့ အလှည့်အပြောင်း ၈၀%လောက် ဘယ်လိုများရှိနေရတာလဲ?

အခုချိန်မှာတော့ ရှန်ချင်းရှု နားလည်သွားရပြီ။

ဘာလို့လဲဆိုတော့ ဟန်ချောင်ကိုယ်တိုင်က ထိုနားလည်မှုလွဲတာတွေထဲမှာ ပါဝင်နေခဲ့လို့ပဲ။

သူခန့်မှန်းတာ မှန်ကန်မယ်ဆိုရင် နိုဗယ်ထဲမှာ ဟန်ချောင်နဲ့ ပိုင်ကျန်းတို့ တစ်ယောက်နဲ့တစ်ယာက်သိသွားခဲ့ကြလိမ့်မယ်။ သူတို့တွေချစ်မိတဲ့အချိန်မှာ ဟန်ချောင်က စွမ်းကျွင့်ရဲ့အကြောင်းနဲ့ သူ့ရဲ့အသွင်အပြင်ကိုမသိခဲ့လောက်ဘူး။ သူတို့တွေ ချစ်မိပြီးသွားချိန်ကိုရောက်မှ သူ စွမ်းကျွင့်ကိုတွေ့ရှိခဲ့ကာ သူက တစ်ဖက်လူရဲ့အစားထိုးဖြစ်ကြောင်း နားလည်သွားလိမ့်မယ်။