Unicode
ရှန်မားမား အိမ်ကိုပြန်ရောက်တော့ သူမထက်အရင်ပြန်ရောက်နေတဲ့ ခင်ပွန်းသည်ကိုမြင်လိုက်ရတယ်။ သူက သူမကိုမြင်တာနဲ့ ဟန်ချောင်ရဲ့အကြောင်းကိုမေးလာခဲ့တယ်။
မားမားရှန်ကတော့ ဒေါသတကြီးနဲ့မှားယွင်းခံရသလိုအော်လိုက်မိလေရဲ့။
"မမေးနဲ့တော့! သူတို့တွေလမ်းခွဲလိုက်ပြီတဲ့!!"
"ဘာလို့လဲ"
ရှန်ပါးပါးတစ်ယောက် မိုးကြိုးပစ်ခံလိုက်ရသလိုဖြစ်သွားပြီးတစ်ကိုယ်လုံးတောင့်တင်းသွားတယ်။
" ဟိုတစ်ရက်ကမှ သူတို့တွေအဆင်ပြေနေသေးတာမဟုတ်ဘူးလား.. ဘာလို့လမ်းခွဲလိုက်ရတာလဲ?!"
"ဟန်ချောင်က ရှောင်ရှုအတွက် စံအိမ်တစ်လုံးဝယ်ပေးခဲ့ပေမယ့် ရှောင်ရှုကလက်မခံခဲ့ဘူးတဲ့.. သူက သူ့(ဟန်ချောင်)ရဲ့မိသားစုပိုက်ဆံတွေကိုဖြုန်းတီးနေတယ်ဆိုပြီးသွားပြောလိုက်လို့ ဟန်ချောင်နဲ့စကားများပြီး လမ်းခွဲလိုက်တာ"
"စံအိမ်ကရော"
"ရှောင်ရှုက လက်မခံခဲ့ဘူးလေ!"
ရှန်မားမားပြန်ဖြေလိုက်တယ်။
ရှန်ပါးပါးရဲ့ခေါင်းပေါ်ကို နောက်ထပ်မိုးကြိုးတစ်စင်းပစ်ချလိုက်ပြန်တယ်။
"သူဘာလို့လက်မခံလိုက်ရတာလဲ"
သူ ရှန်မားမားကိုကြည့်ပြီး ခေါင်းကိုက်စွာနဲ့ ထပ်မေးလိုက်မိတယ်။
"ဘယ်လောက်တန်တာတဲ့လဲ"
"မီလီယံတစ်ရာတဲ့လေ"
ရှန်ပါးပါး:....
ရှန်ပါးပါးရဲ့နှလုံးသားက နာကျင်ရုံတင်မကတော့ဘူး။ အပိုင်းပိုင်းအစစဖြစ်အောင် ကွဲကြေသွားခဲ့ပြီ။ ဖန်ထည်ပစ္စည်းလေးလိုပဲ။
သူ တစ်ရာမီလီယံဆုံးရှုံးသွားပြီ!
တစ်ရာမီလီယံတောင်မှလေ!
"ဟန်မိသားစုက တကယ့်ကိုချမ်းသာတာပဲ! သူတို့က အရမ်းကိုသဘောထားကြီးတယ်!"
" အခု ကျွန်မတို့မိသားစု ဘာမှလုပ်လို့မရတော့ဘူး.. ဟန်ချောင်က အနာဂတ်မှာကျွန်မ သူ့ကိုသွားရှာခဲ့မယ်ဆိုရင် ကျွန်မတို့ရဲ့ကုမ္ပဏီကို ဝါးမြိုပစ်လိုက်မှာတဲ့.. သူက တကယ့်ကို လူမဟုတ်ဘူး.. ရှောင်ရှုက အနည်းဆုံးသူ့ရဲ့ရည်းစားဟောင်းဖြစ်နေတုန်းပဲကို.. ဒီလိုစကားမျိုးပြောနိုင်သေးတယ်!"
YOU ARE READING
အရံဇာတ်ကောင်လေးက ငါးဆားနူလေးဖြစ်ချင်ရုံပါ (Myanmar Translation)
FantasiAuthor(s) Lin Ang Si 林盎司 213 Chapters + 59 Extra (complete) This story isn't mine. Just a fan translation. Start _ 28.6.2022 English nameက copy rightမိမှာစိုးလို့ဖျက်ထားတယ်နော် သိချင်ရင် message မှာလာမေးလို့ရပါတယ်
