معذبني غرامك ( قصة جريئة)

10

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 10

العربي تزنك بلغدايد كيشوف فباه قالب عليه وجهو و تا تعاملو معاه هاد الشهر ما كانش تا لهيه.. زفر بالجهد و خرج و هو كيستغفر: استغفر الله استغفر الله .. صبر ايوم يا رب صبر ايووووب ..

دخل لبيتو و زدح وراه لباب دخل يتوضا يصلي شي ركعات يبرد شويا .. كيبقا باه و واجب عليه يحتارون و يبر بيه ...

دار القايد ....

كانت منانة و مغنية مجمعين لبيتها وحدة كتسبغ لثانية ضفرانها و كيتهاودو ...

منانة : غدا فاش يجي با غنفاتحو فالموضوع دزواجك نتي و خويا العربي ...

مغنية كتصوط على ضفيراتها فرحانة: ااااي و عنداك غي ما يوفقش اساطة ...

منانة نطقات بكل ثقة : شوفي مدام با باغيك ليه اذن راك غتمشي لديك الدار عروسة و هاد العام ...

مغنية تنهدات تنهيدة طويلة و نطقات : عرفتي لا تزوجت بالعربي غنكون اسعد انسانة فالدنيا ..

منانة ضحكات و ضرساتها من خدها لمورد و نطقات : اااي غتجي معاه اختي.. مع هو حيط ماشي بنادم و نتي تبارك الله مكدرة تجي معاه..

مغنية قبحات فيها سفتها و شداتها بنتفة من شعرها بنوع من المزح بيناتهم : شوفي اديك القح.. بة مو جنانات.. انجلس عليك ابزلك نوريك مكدرة بشحال طايحا..

منانة شادا فسعرها و كضحك : و غير طلقي نتي اساطة غير ضاحكة .. اتجي قدام العربي كي لبطيبيطة ..

مغنية طلقات منها ..و رجعات كتجمع فصبايغ و منانة كملات كلامها : عرفتي يا ساطة نهار لعربي يشرفك بشوميز دونوي و يشوف لفخيضات لمبطبطين غيدوز فيك تران يفلعص ليك لفخاض...

مغنية بلعات ريقها حسات بالصهضة طالعا معاها : ااااي بعدي مني ا منانة ...

منانة ضحكات كتشوف كيفاش التزنيكة طلعات ليها على وجها كااامل : اااي ولكن اساطة ما غنسخاش بيك

مغنية : غا سخاي بيا اختي خليني نمشي لدار حبيبي ...اجي زعما العربي ما تكونش عندو شي وحدة فحياتو

منانة حركات راسها بآه و نطقات : اه عندو نتي ...

مغنية خنزرات فيها ضرباتها بمخدا : كندوي من نيتي القوا.. دة ...

منانة شدات لمخدا كضحك : و معاك بصح راه كاع بنات الدوار عاجبهم و هو ما مسوقش.. مقابل خدمتو و صلاتو ...

مغنية تنهدات كتشوف لبعيد : و الا كانت عندو شي وحدة فالتيليفون ..

منانة هزات كثافها بلا مبالاة: و هاهي تا كاينا .. نهار غيدير نتي فيحيدها .. واخا ما تضنش انا لا قال ليا راه قاليه ختار ليا تا ابا ...

مغنية خرجات فيها عينيها و نطقات بحماس : و اشنو ختار ليه عني بن عيسى..

منانة ضحكات على حماسها الطفولي و خصبات ليها ارنبة نيفها بطرب اصبعها: اسيدي تا با فصفك..

مغنية تنفسات الصعداء حاطا يديها على قلبها لي كيدردك حرفيا و نطقات : فففف الحمد الله هادا هو المضنون فعمي بن عيسى ..

بقات مقصرة هي وياها تا تناصص الليل ناسيين راسهم تا بدا ابراهيم كيصوني لمنانة تجي لبيتها عاد ناضت كتزطم فجلايلها...

نهار جديد...