معذبني غرامك ( قصة جريئة)

76

            مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

                                 Part : 76

دخل من عند العود ديالو لقاها باقي فالكوزينة .. دخل عند باه لبيت صبح عليه هو لأول .. باس ليه على راسو و يديه بجوج و جلس حداه

بن عيسى طبطب ليه على كثفو ونطق : كي صبحتي اولدي دابا مزيان...

العربي حرك راسو بالإجاب: الحمدالله ابا مزيان دابا ..

بن عيسى : اوا الحمد الله على سلامتك .. كنتي غا تخرجها خلعة من ديك ليتيمة مسيكينة .. درو دور و دمعتها على خدها ..  كنفيق فاليل كنجي نطل عليك كنتلقاها فايقة مسيكينة مقابلاك الله يرضي عليها ..

العربي حرك راسو و نطق بهداوة : الله يكثر خيرها ..

بن عيىسى : بنت لأصل كي مها تبارك لله ...

بقاو داويين تا دخلات عليهم باست لبن عيسى على يدو و نطقات : نوضو اعمي نفطرو راه كلشي واجد.

بن عيسى :واخا ابنتي .. نوض يالله اولدي..

خرجو فطرو مجموعين العربي و بن عيسى كيتهاودو من موضوع لموضوع و مغنية غير ساكتا و كتسمع ليهم ..

ناض العربي خرج يجيب دويرة فلبلاد لقا الخدامة خدامين على راسهم حيت كان داير معاه واحد كيقاب ليه الخدامة ..

عند مغنية .. كانت يالله خارجة من الطواليط.. و ملامح الحزن و الذبول ضاهرين على وجها .. كتشوف راسها بحالا غير كتكب الما فالرملة .. تا الحمل هو اللخر ما حملاتش.. كانت فرحااانة بزااف هاد الشهر حيت تعطلات عليها حق الشهر .. ولكن كتصدم فاش كانت واقفة فالكوزينة تا حسات بيها نزلات عليها ..

زفرات بالجهد حاطا يديها بجوج على راسها و عويناتها بالزربة دمعو .. كتقول مع راسها شحال قدو يصبر عليها بلا ولاد.. من هنا لشهر جاي شهرين .. عام كاع .. و الا تصابت عاكرة ما كتولدش اش دير .. واش تستحمل يجيب عليها الضرة لي تجيب ليه  لولاد ..

ولا غيلقاها ليها سية بما انو ما كيبغيهاش و يطلقها هو كاع و يتزوج ..

كانت عايشة فواحد الضغط رهييييب .. ضغط هي خالقاه لنفسها اولا نقولو وسوااسها القهري و هوسها بالعربي خالقو ليها ...

تنهدات تنهيدة طرييييلة حاسا بالصخر فوق صدرها و نطقات : يااا ربي لحبيب دير ليا شي تاويل د الخير .. يااا ربي لحبيب راني غنحماااق لا مشيت تا تفرقت على العربي راه هو عمري اسيدي ربي لحبيب .. بلا بيه نمووو ت...

كانت كتدعي من جذور عقلها و كل كلمة نطقاتها من فمها الا و عناتها...

تعاشات لعشية و الليل طاح ..

جمعات الطبلة دلعشى و دوزات يديها فالكوزينة ... و قصدات بيتها تحط راسها ترتاح شويا .. لقاتو تماك مجبد فوق الناموسية و حاط دراعو على عينيه من الشعا ديال الضو..

تنهدات و مشات بدلات عليها حويجات نقيين و دخلات غسلات و جها و فخاطرها هضرة خاص تقولها ليه...

طلعات فوق لناموسية حداه. ردات عليها لغطا و قربات منو ريحت النقا كتعطي منها .. حطات يديها على كثفو و دراعو كتفيق فيه و نطقات : العربي .. العربي نوض بغيت نقوليك شي حاجة ..

العربي بعد دراعو على عينيه حالهم فيها كيناضرها بنفس هداوتو المعتادة و نطق : خير ياك لاباس..

مغنية بلعات ريقها و نطقات متلعتمة فكلامها : دابا كي شتي حنى شي 5 شهور دابا باش مزوجين ياك ..و انا ما حملتش كااع .. كنقول هاد الشهر الشهر الجاي و والو العربي .. خفت لا تكون عندنا شي حاجة ..و انا ما خليت ما درت دوا لعرب لي نسمع بيه كنقولها لمي ولا ليك تجيبو ليا و والو العربي .. و انا بغيت شي ولدي ولا بنية لي يعمرو علينا الدار و نفرحو عمي بن عيسى تا هو ...

العربي قوس حواجبو و نطق : و المعمول .. ياك الواجب الوطني كنأديوه شخاص اخر ...

مغنية تزنكات و جاتها الضحكة : لا ما قصدتش داك الشي ..قصدت نمشيو نشوفو شي طبيب .. نديرو تحاليل نعرفو فين كاين المشكل ..