معذبني غرامك ( قصة جريئة)

53

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 53

تمات خارجة من الحمامة على صبيعات رجليها كي لحمامة .. كتتمختر و عينها عليه ناعس هاكداك شاد مساحة كبيييرة من الناموسية لي كان طولها ماشي عادي علا ود طولتو هو .. كان طافي الضرار مخلي غير دوك لأباجورات لي عند روسهم بجوج هوما لي مضويين ..

عضات على شفايفها حشماااانة و هي غاديا لعندو و كتفكر فهادشي لي غدير و قلبها حرفيا كيرجف بين ضلوعها ..

طلعات لفوق الناموسية .. و قربان لعندو .. الحرارة كطلع معاه من داك الكيان الرجولي لفحل لي قدامها .. بلعات ريقها و حطات يديتها مطبزين فوق دراعو و نطقات برقة : العربي .. او العربي ..

العربي ما حلش فيها عينيه نطق غير " مممم " بصوت رجولي قااصح..

و هي تزيد تقرب منو تا صدرها قاس دراعو لي حاطا عليه يديها و نطقات بنبرة فيها نوع من المياعة و الغنج و تحلوين : وااا العربي ... و حل عينيك شوف فياااا ..

العربي قطب حجبانو الكثيفين و حل عينبه فيها و نطق بخشوونة: هاهو مالنا ..

مغنية قبلات عينيه مخنزرين بعويناتها لمشفرين و الضحيكة مرسومة على شفايفها لونهم د..م بلعكر لي مدوزاه عليهم و نطقات محافضة على رقتها كتسبل فعويناتها حادراهم منو .. و بصبعها كترسم دوائر وهمية على دراعو بحركة بورشاتو : سمح ليا على قبيلا ...

و رجعات هزات فيه عويناتها بحركة فيها نوع من الإغراء و كملات : ما كنتش عارفاك اتقلق عليا .. و انا ربي شاهد لا زوقت .. كنزوق غير ليك نت ..راجلي و صافي ..

و رجعات تاني حدرات عويناتها و نطقات : نسيت راه عيب نكحل قدام عمي بن عيسى و خاصني نحتارمو...

و رجعات هزات فيها عويناتها بنفس الحركة : سمح ليا احبيب ديالي ..

كانت كدوي و متعمدة تغريه و تطيح بيه فشباكها .. كانت غشيمة فشي حوايج ولكن من ناحية التحليون كان عندها حقها فيه .. و كان اجتهاد شخصي منها ..

و اغرائها نجح انو يطيحو فشباكها و خلا عينيه علين تاكلها .. كيتسارا بيهم بين صدرها و خيرها لي بلعاني مكفحاه فوق دراعو .. و شفايفها لحمريين لي عطشوووه .. و عويناتها لي كانت قادر كرجل من خلالهم يشوف رغبتها فيه .. و فنفس الوقت جمالهم ثااارو و هوما مغرغرين هاكداك بلكحل البلدي.. بلع ريقو بعطش مراقب تصرفاتها و لمعلم تصلب بين فخاضو و ناض عليه شي لي لاحضاتو هي و عرفات راسها أثرات فيه ..

حنحن و ميل راسو فيها و نطق بخشونة و صرامة فنفس الوقت : ما وقع باس ولكن ما نبغيهاش تعاود .. بيتك بقاي عريانة فيه ما سرق حد .. ولكن تعتبي بابو تستري.. و وجهك ما تكون فيه تا حاجة

مغنية تبسمات واخدا الطرف الطرفاني من شفايفها بين سنانها و نطقات برقة و تحلوين و حطات يديها على صدرو : واخا احبيب ديالي ما يكون غير خاطرك ...

العربي ما قدرش مزال يزيد يقاومها و هي قدامو بديك لاشوميز هاكداك فلحمر مشعشعة و داك التحليون كولو .. مراتو حلالو بين يديه ...

ما شعراتش كيفاش دار ليها تا ناض منقض على شفايفها رادها تحتو و هو فوقها كيروي عطشو من عسل ثغرها...